Nya ǹ dín 13:43 - LAWA A BOO SONBORE

⁴³ Lɛsɔkɔn lɛ kio, Zuifun ni ka tɔrɔ kɔsɔn mɛnɛn nə wɔ Zuifubaa nɛ, bɛn gigiã kɔ Pooli laanka Barnabaasi lɛ. Ǹ bɛ́ sùn biɛ kunun ǹ ni, Pooli laanka Barnabaasi nə́ ǹ foo taã, mà ǹ goã golee Lawa li kɛ gɔ́ɔ̃ nɛ, Lawa din nə ǹ mɛn kɔ ka a bǐɛ̃baa barka nɛ.

LAWA A BOO SONBORE 2011

⁴³ Lɛsɔkɔn lɛ kio, Zuifun ni ka tɔrɔ kɔsɔn mɛnɛn nə wɔ Zuifubaa nɛ, bɛn gigiã kɔ Pooli laanka Barnabaasi lɛ. Ǹ bɛ́ sùn biɛ kunun ǹ ni, Pooli laanka Barnabaasi nə́ ǹ foo taã, mà ǹ goã golee Lawa li kɛ gɔ́ɔ̃ nɛ, Lawa din nə ǹ mɛn kɔ ka a bǐɛ̃baa barka nɛ.

Nya ǹ dín 13:43 ပူးပေါင်းရင်းမြစ်များ

Matiə 23:15

«Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Ka nə n gɔ̀nɔn diɛ ka dinin ganaa, bɛ̀ ka n bibiə̃ gánan gɔ́ɔ̃ nɛ, mà kasɛn nə min goon dinsɔɔ̃ yɛ ka da Zuifun Lawa a zii ni. Bɛ̀ ka gɔn dɔ a ganaa, ka n wusii ka bɛa dɛnaa baa *Sɛtaan a piɛ min lɛa á la ka dinin manɛ gunyin paa.»

Nya ǹ dín 11:23

A bɛ́ á dɔ á Lawa a bǐɛ̃baa ǹ dí kɛ yɛ, á n nyɛnyɛɛ. Á ǹ tumaa foo taã mà ǹ nə ǹ goleemali kɛ kũ kaka, ǹ goã bɔlɔgoondɛnan lɛa Dɛnaa a paǹ li.

Nya ǹ dín 13:50

Sɛnɛ, lɔ yii guguru-an mɛnɛn bɛ́ nyɛ́ɛ biɛ Lawa nɛ, Zuifun nə́ bɛn sɔsɔmɔ, ka kiwi a min yii guguru-an nɛ, ǹ nə́ ǹ kaa a ganaa mà ǹ yoo Pooli laanka Barnabaasi gialaa. Ǹ nə́ ǹ loo ǹ nə́ ǹ bɔ ǹ gána nɛ.

Nya ǹ dín 14:22

Ǹ nə́ Lawa-nyankɔlen foo taã bɛa kiwin lɛn nɛ, ǹ nə́ ǹ nyankɔ mà ǹ nə n doa ǹ wo nyɛɛnɛ golee Lawa li gɔ́ɔ̃ nɛ. Ǹ nə́ pɛ ǹ nɛ, mà ǹsɛn doamaa nɛ ǹ nɔmaa gigiã bii wɔsɔ ǹ kiɛ̃, ǹ tɔn wɔ Lawa kiibaa ǹ bǎã lɛ nɛ.

Nya ǹ dín 14:3

Ka bɛ din yii ni, Pooli laanka Barnabaasi goã Ikoniɔmu kiwi ǹ nə́ biikoo kɔ́n zɛnaa. Ǹ foo bɛ́ doa-n Dɛnaa ganaa, ǹ nə́ Dɛnaa a boo kɛ pɛ ka foo tãbaa nɛ. Dɛnaa din toa ǹ nə́ kaãbaa ǹ sii sonbore zɛnaa, á nyaa ka bɛn nɛ, mà ǹ boo lɛ n sonbore lɛa.

Nya ǹ dín 16:14

Ǹ goon ne, a tɔ n Lidi, a n mɔnaa tɔnaa tɔrɔ kɔn siɛ̃, Tiatiiri kiwi min ni, á nyɛ́ɛ biɛ Lawa nɛ. Asɛ na á goã n too koe parsiini, a giala, Dɛnaa na á ná a foo lɛ bũ, a ná a taasiɛ din tumaa doa Pooli a boon kɛn ganaa.

Nya ǹ dín 17:17

A na á goã boo diɛ kun ka Zuifun ni lɛsɔkɔn kion, kun ka tɔrɔ kɔsɔn mɛnɛn bɛ́ Lawa guguru koe. Baraabaraa dɔ-n, zaman paã ǹ bǎã nɛ, a na á goã boo diɛ daa wolen manɛ.

Nya ǹ dín 17:34

Sɛnɛ, gialakunun nə́ n naa Pooli ganaa, ǹ nə́ Lawa-nyankɔlen baa. Kiri-kurulin lɛn goon goã kunun ǹ ni, a tɔ n Deni, ka lɔ goon ne a tɔ n Damaarisi, ka minin kɔsɔn nɛ.

Nya ǹ dín 17:4

Zuifun tɛnɛn nə́ lɛ kɔ boo lɛ ganaa. Grɛki nyɛ́ɛbaa Lawa-n wole gigiã nɛ, ka lɔ tɔdɛnaa gigiã nɛ, bɛn nə́ ǹ naa Pooli laanka Silaasi ganaa.

Nya ǹ dín 18:7

Pooli lɛsɔkɔn kion lɛ toa walan, á woo giĩ kɔ́n a piɛ, a tɔ n Titusu Zustusu, Lawa gugurukɔle ne, a kion nə kunu lɛsɔkɔn kion lɛ ganaa.

Nya ǹ dín 2:10

Frizii ni ka Panfilii gána nɛ, Ezipti ni ka Liibii a Sirɛni gána nɛ, Rɔmu minin ni

Nya ǹ dín 28:23

Ǹ lɛawaa mɛn bɔ, bɛ bɛ́ á dɔ, ǹ nə́ wusoo ǹ nə́ daa Pooli yaa a giã ǹ bǎã nɛ. Pooli boo da ǹ nɛ, á *Lawa a kiibaa ǹ dí kɛ a nyɛɛ boo pɛ ǹ nɛ. A na á goã n doɛ á Yezu boo diɛ ǹ nɛ, a n boe Muizu a landa sɛ́wɔ nɛ ka Lawa a boo gii-dalin sɛ́wɔn nɛ. A n giɛ li mà ǹ dɔ̃, mà màn mɛn nə n da a wɔ gɔn la, mà sonbore ne. Maǹ nə́ sùn lɛ baa baayɛlɛ yǎa wasa mɛ.

Nya ǹ dín 6:5

Zaman lɛ tumaa lɛ kɔ boo kɛ ganaa. Ǹ nə́ Itian bɔ, golee Lawa li tá a lon parsiini, Yiri Fu dɔ tá la. Maǹ ná asɛ bɔ ka Filipi ni, Prokɔɔrɔ nɛ, Nikanɔɔrɔ nɛ, Tiimɔn nɛ, Parmanaasi ni, ka Nikolaa nɛ, bɛ n Antiɔsi kiwi min lɛa á wɔ Zuifubaa nɛ.

Rɔmu minin 11:6

Lawa na á ǹ bɔ a din a bǐɛ̃baa a lɛa, ǹ nya ǹ dí a lɛa bie wa. Bɛ̀ ǹ nya ǹ dí a lɛa nɛ, bɛ̀ Lawa a bǐɛ̃ lɛ ba n bíi doo mà bǐɛ̃ wa.

Rɔmu minin 3:24

Sɛnɛ, Lawa makara bɔ ǹ ganaa, á wusoo á lɛ kɔ ǹ ganaa. Bɛ n bǐɛ̃baa ǹ màn gole lɛa á kɔ kooro. Á wɔ bɔ sii baraa pàã giulun, ka Yezu Krita barka nɛ.

Rɔmu minin 5:2

A giala, a na á zii bũ wɔ nɛ, wɔ́ boo la wɔ́ n mɔrɔ Lawa a bǐɛ̃baa lɛ ganaa. Wɔ n wɔ́ lɛ kɔ bɛa bǐɛ̃ lɛ ganaa, golee Yezu li barka nɛ, wɔ na a din bǐɛ̃ kɛ lɛ gɔ́ɔ̃ nɛ, haalɛ ka pelo yii ni. Sisia kəni, wɔ foo á kɔɔ̃nɛ, a giala, wɔ á waa-n la, wáa Lawa á re toɛ wɔ wɔa wɔ gii yɛ a din a gugurubaa kɛ nɛ.

Rɔmu minin 5:21

Sii baraa na a din pàã a golebaa nyɛɛ ka gɛ̀ nɛ. Sɛnɛ, Lawa a bǐɛ̃baa lɛ sɛ pàã á gole taãn-taãnɛ. Bɛ nə n nyɛɛ wɔ nɛ, ka Lawa a lɛ kɔ wɔ ganaa min peperen lɛa kɛ nɛ, ka nyin nyabaã kɛ dɔ nɛ, á kɔ wɔ la, ka wɔa Dɛnaa Yezu Krita barka nɛ.

Korɛnti2 5:11

Ma bɛ́ nyɛ́ɛ baa Dɛnaa-n giala doɛ̃, bɛ lɛ-n ma á n doɛ máa minbuiin tumaa dɔ̃. Lawa á ma doɛ̃ ka peren-peren. Ma á taasɛ máa ka dɔn dinin gɔ́ɔ̃ nɛ, ka á masɛ doɛ̃ miɛ̃ peren-peren.

Korɛnti2 6:1

Ma bɛ́ dí nyɛɛ kun ka Lawa din ni, a bǐɛ̃ mɛn baa wɔ la, man ka nyankoe máa ka nyan toa, bɛ goã kooro wa.

Galaasi minin 5:1

*Krita na á wɔ si bɛ̀rɛbaa la, mà wɔ goã wɔ gɔn wìi a lɛa taãn-taãnɛ. Ka toa ka goã doa-n sɔnbɔraanɛ bɛa tá ma din gɔn wìi a lɛa kɛ lɛ gɔ́ɔ̃ nɛ. Ka nyan toa, ka wusoo ka ka dinin kɔ bɛ̀rɛbaa la doo wa.

Galaasi minin 5:4

Táa ka n giɛ li, mà Lawa lɛ kɔ ka ganaa min peperen lɛa dí-pɛn taman yii! Haya, ka n ká n dinin na ka n bɔ Krita ganaa. Kaa wɔ gii ba Lawa a bǐɛ̃ kɛ-n doo wa.

Efɛɛzi minin 2:8

Lawa a bǐɛ̃ lɛ a lɛa nɛ, ká kirisibaa goleemali pàã ganaa. Bɛa kirisibaa kɛ bie boe ka dinin li wa, Lawa a bǐɛ̃baa ǹ màn nɛ.

Filipi minin 3:16

Ta á n baa lɔn, ka daa wɔ n ta nyɛɛnɛ, a kɔnpɛ ka wɔ bɛ́ wɔ́ kɔ zii mɛn lɛ, á dɔ pelo ǹ ganaa.

Filipi minin 4:1

A bɛ́ miɛ̃, ma dɔɔ̃n sonboren lɛn, ka n gòãn doa kaka, kaa tá kun ka Dɛnaa-n kɛ gɔ́ɔ̃ nɛ. Kasɛn mɛnɛn bɛ́ ma dɔɔ̃n narɛɛ wolen lɛa, ma tá li parsiini ma wusoo ma ka yɛ. Ka dinin lɛn man maa foo kɔɔ̃nbaa laanka maa din laakalaa ǹ màn lɛa.

Kolɔɔsi minin 1:23

Sii goon dinsɔɔ̃ n ke, ka doamaa-n ka goã doa-n golee Lawa li gɔ́ɔ̃ nɛ, ka baran toa min ka na, a ka bɔ kaa foo-doa kɛ ganaa wa, ka foo-doa mɛn lɛ yɛ Boo Tii Kɔɔ̃n kɛ a miɛ gɔ́ɔ̃ nɛ. Bɛa Boo Tii Kɔɔ̃n kɛ lɛ, á n pɛ kanaa min din tumaa nɛ, Lawa na á masɛ Pooli dia bɛ lɛ nyɛɛ.

Kolɔɔsi minin 1:28

Bɛ lɛ nɛ, wɔ á Krita lɛ boo diɛ min din tumaa nɛ. Min bɛ́ boe la a sii mɛn tumaa dɔ̃, wɔ nə n gɔn wɛɛ min gogoonmaa nɛ, wɔ n darɛɛ bɛ ganaa, màn mɛn bɛ́ toɛ, min gogoonmaa boo la, a n din nyaa Lawa yɔrɔ-a min lɛ piɛ̃ lɛa, a kaa-kun ka Krita-n kɛ a lɛa.

Tiitii 2:11

A giala, Lawa ná a bǐɛ̃ nyaa mà minbuiin din tumaa a kirisibaa bɔ a nɛ.

Ebrəə 12:15

Ka n yiri kɔ ka dinin li, min kɔ́n baran da ka bɔ Lawa a bǐɛ̃baa kɛ li wa, min kɔ́n baran n baa da kɔɔsɛ lɛa, a bɔ tán a yoo, a minin tumaa lɔlɔkɔn, a ǹ ziziɛ̃ wa.

Ebrəə 13:9

Ka baran toa ǹ ka yiri sã ka daraa tɔrɔ diin ni wa. A giala, a n siĩni min foo tã kɔ Lawa a bǐɛ̃baa barka nɛ. A baran tã kɔ màn-biin bɔkɔnlɛ gɔn wa. A giala, min mɛnɛn nə n saa bɛn li, ǹ là kɔ́n yɛ a-n wa.

Piɛrɛ1 5:12

Boo nɛ paa ke má n die diɛ ka la, Silaasi na á n dɔ ma lɛ, á ǹ kiɛ̃, Silaasi mɛn bɛ́, man kuĩ ma dɔɔ̃n Lawa-nyankɔle bɔlɔgoondɛnaa lɛa. Man sɛ́wɔ kɛ diɛ ma á ka foo taɛ̃. Man maa siérebaa ǹ boo kɛ pii ka nɛ, máa Lawa a bǐɛ̃baa kɛ n sonbore lɛa, máa ka goã bɛ lɛ gɔ́ɔ̃ nɛ.

Piɛrɛ2 3:14

Bɛ lɛ nɛ, maa giaáran lɛn, ka bɛ́ n yii diɛ ke, ka n doa, màn mɛn bɛ́ toɛ, Dɛnaa lɛ da ka yaa ka bii n kɔɔ̃n kɔ ka a din ni, ka n *yoreen ne, zɛ̀rɛ ná a ba ka ganaa wa.

Zaã1 2:28

A bɛ́ miɛ̃ kəni, maa nɛnyaanan lɛn, ka toa ka goã kun ka Krita nɛ, ń giɛ, wɔ á goɛ̃ piɛ̃-n ka foo-doa nɛ, a din-nyaa biikoo li, sìi baran wɔ kũ a daa pinaa, wɔ wɔlɔ lui a ganaa wa.

Zaã2 1:9

Daraa mɛn bɛ́ n we Krita wɔ gɔn la, bɛ̀ min woo min soo á n bɔ bɛ nɛ, á woo para li, Lawa a kun ni wa. Min mɛn bɛ́ goɛ̃ bɛa daraa kɛ gɔ́ɔ̃ nɛ, Díi Lawa laanka a Nɛgiĩ tá kun ka bɛa dɛnaa nɛ.