Nya ǹ dín 13:39 - LAWA A BOO SONBORE

³⁹ Sɛnɛ, bɛ̀ ka golee Yezu li, Lawa á die kaa sii baraan tumaa toɛ ka nɛ.

LAWA A BOO SONBORE 2011

³⁹ Sɛnɛ, bɛ̀ ka golee Yezu li, Lawa á die kaa sii baraan tumaa toɛ ka nɛ.

Nya ǹ dín 13:39 ပူးပေါင်းရင်းမြစ်များ

Zɔbu 25:4

Minbuiin nɛ n siɛ lɔn a tɔn sonbore yɛ Lawa ganaa? Lɔ a yii kɛ lɛ n siɛ lɔn a tɔn goã *yoreen ne?

Zɔbu 9:20

Ta man pepere, ma din lɛ n die ma diɛ sii ni. Ta zɛ̀rɛ ba ma-a wa, ma din lɛ n die ma zɛ̀rɛ biɛ.

Loen 143:2

N baran kiri wɔ n bɛ̀rɛgiĩ lɛ-a wa, a giala, min kɔn ba pepere nsɛ yɔrɔ-a wa.

Izayii 53:11

Fuun kɛn lɛa á ǹ si a ganaa, á re wɔlɔ fúlu yii. Á re piɛ̃ ka là nyantoro ne. A sii-doɛ̃ taman yii, maa dí-nyali, min pepere taãn-taãn kɛ á re min gigiã darɛɛ peperebaa ganaa, a giala, á n toɛ̃ ka ǹ sii baraan nɛ.

Zeremii 31:32

Ma lɛ kɔ kɔn la mɛn wɔ ǹ digolon ne bɛ̀ ma bɛ́ má ǹ kũ ǹ gɔn ganaa Ezipti gána nɛ má soo ǹ ne, á re goɛ̃ totoro ka bɛ nɛ. Ǹ nə́ bɛa lɛ kɔ kɔn la lɛ ziziɛ̃. A da yǎa ma din nə ǹ Dɛnaa lɛa. Ma din Dɛnaa Lawa a da ǹ boo ne.»

Abakuku 2:4

Á ke: Min mɛn bɛ́ a pepere wa, bɛa dɛnaa á re mɛnɛɛ. Sɛnɛ, min mɛn bɛ́ pepere, a bɔlɔgoondɛnaabaa n die toɛ a yii goã koo.

Luku 10:25

Á ke, landa sii-daraali goon na á yoo, á boo da á n da Yezu gɔ́ɔ̃ li á pɛ: «Mìinaa, masɛ doamaa nɛ ma wàa zɛnaa, masɛ tɔn nyin nyabaã yɛ saraa lɛa?»

Luku 10:28

Yezu pɛ nɛ: «Ń ma lɛ si doɛ̃. N dɔ bɛ lɛ zɛnaa, n tá re nyin nyabaã yii.»

Luku 18:14

Yezu pɛ: «Man pii ka nɛ, bɛa wusuru-sili lɛ wusoo á woo piɛ ka peperebaa nɛ Lawa yɔrɔ-a, sɛnɛ, goon kɛ lɛ bɛ yɛ wa. A giala bɛ̀ min mɛn nə́ n din saa lon, ǹ tá re bɛa dɛnaa gisĩ, bɛ̀ min mɛn nə́ n din boɛɛn kɔ ǹ tá re bɛ siɛ lon.»

Zaã a sɛ́wɔ 1:17

Lawa na á dí-pɛ kɔ Muizu la, mà a ǹ pɛ wɔ nɛ, sɛnɛ, Yezu *Krita na á daa a bǐɛ̃baa kɛ laanka a sonborebaa nɛ.

Zaã a sɛ́wɔ 5:24

«Man taãn pii ka nɛ, bɛ̀ min mɛn nə́ n too kɔ masɛ a boo ganaa, á golee maa dia wole li, nyin nyabaã n bɛa dɛnaa wɔ lɛa. Kiri ba bɛa dɛnaa-a wa, sɛnɛ, bɛa dɛnaa na á soo gɛ̀ nɛ á wɔ yiikoonaabaa nɛ.

Nya ǹ dín 10:43

Lawa a boo gii-dalin lɛn tumaa na á goã boo kɛ pii a din lɛ wɔ gɔn la, mà min woo min golee li, mà Lawa n die bɛa dɛnaa a sii baraan toɛ nɛ ka a din lɛ tɔ pàã nɛ.»

Rɔmu minin 10:10

Sonbore, bɛ̀ ń golee Lawa li ka n foo ne, Lawa n lɛ koe n ganaa min pepere lɛa, bɛ̀ ń pɛ ka n lɛ nɛ, bɛ n woe n diɛ kirisibaa nɛ.

Rɔmu minin 10:4

Sonbore, dí-pɛn lɛ piɛ̃ n ka *Krita nɛ. Bɛ̀ min mɛn golee Krita li, Lawa n bɛa Dɛnaa kuĩ min pepere lɛa.

Rɔmu minin 3:19

Wɔ á doɛ̃ dɔn, wáa Lawa a dí-pɛn bɛ́ màn mɛn pii, bɛ nə n pii, tá dí-pɛn pàã giulun wolen manɛ. Min kɔ́n ba boe la a n din bɔ zɛ̀rɛ-n doɛ̃ wa. Kanaa min din tumaa n zɛ̀rɛdɛnaa lɛa Lawa yɔrɔ-a.

Rɔmu minin 3:20

Lawa a dí-pɛn bɛ́ mà màn mɛn nə n zɛnaa, min kɔ́n bɛ zɛnaa a ná a lɛ pã wa. Bɛ lɛ taman yii, min kɔ́n ba boe la, a min pepere baa ǹ lɛa Lawa yɔrɔ-a wa. Lawa a dí-pɛn dí n ka kɛ dinsɔɔ̃ nɛ, ǹ sii baraa nyaa, min nə yɛ.

Rɔmu minin 4:15

Lawa a dí-pɛn lɛn man dɔlɔ diɛ min mìi ni, a giala, dí-pɛn bɛ́ ǹ ba bǎã mɛn nɛ wa, dí-pɛn bɔlɔ-tii dɔ banban.

Rɔmu minin 4:24

A nə n pii wɔ dɔn wɔ gɔn la, bɛ̀ wɔ dɔn tá golee a din li, Lawa á re lɛ koe wɔ dɔn ganaa min peperen lɛa. A din Lawa lɛ na á wɔa Dɛnaa Yezu yii kaa, á bɔ geren bii.

Rɔmu minin 5:1

Kanna kəni, wɔ n pepere Lawa yɔrɔ-a wɔa goleemali barka nɛ. Bǐɛ̃ tá wɔ laanka Lawa bii ni wɔa Dɛnaa Yezu *Krita lɛ barka nɛ.

Rɔmu minin 5:20

Dí-pɛn man nə́ daa, màn mɛn bɛ́ toɛ, sii baraa mɔnaa. Sɛnɛ, sii baraa bɛ́ á mɔnaa bǎã mɛn nɛ, Lawa a bǐɛ̃baa mɔnaa walan á la yii ni.

Rɔmu minin 5:9

Krita bɛ́ á lɛ kɔ á gã wɔ a lɛa, Lawa lɛ kɔ wɔ ganaa min peperen lɛa, wɔ́ waa la dɔn, wáa á re wɔ kirisibiɛ biɛ̃ ǹ dɔlɔ kɛ ganaa.

Rɔmu minin 8:1

Sisia kəni, min mɛnɛn bɛ́ kaa-n kun ka Yezu *Krita nɛ, dɔlɔ ba bɛn mìi-n doo wa.

Rɔmu minin 8:3

Wɔa Lawa a dí-pɛn doɛ̃ kɛ bie toɛ wɔ n si sii baraa la wa, a giala, wɔ boo la wɔ bɛa dí-pɛn kɛn lɛn bɔlɔ si wa. Sɛnɛ, Lawa na á dí kɔsɔ nya wɔa kirisibaa ǹ wɔ lɛa. Sii baraa mɛn bɛ́ dùũ sii babaraan nɛ, á bɛ pàã nya. A na á ná a Nɛgiĩ dia bɛ lɛ zɛnɛɛ. Yezu lɛ dɔ na á daa ka minbuiin nɛ dùũ siin ni a lon. Asɛ a gɛ̀ barka nɛ, Lawa na á kiri kuru sii baraa la dùũ siin kɛn lɛn nɛ.

Rɔmu minin 9:31

Sɛnɛ, Izirayeli minin bɛ́ ǹ nə́ goã giɛ peperebaa li dí-pɛn gɔ́ɔ̃ nɛ, bɛn nə dɔ dí-pɛn lɛn zɛnaa ǹ mìi ganaa wa.

Korɛnti1 6:11

Ka tɛnɛn man ka goã miɛ̃. Sɛnɛ, Lawa sii baraa pii á bɔ ka ganaa, á ka bɔ ka gɔrɔn a din wɔn lɛa, á lɛ kɔ ka ganaa min peperen lɛa a din yɔrɔ-a, ka Dɛnaa Yezu *Krita tɔ nɛ, wɔa Lawa a Yiri Fu kɛ dɔ pàã ganaa.

Galaasi minin 2:16

Sɛnɛ, wɔ á doɛ̃ wáa Lawa n lɛ koe min ganaa min pepere lɛa, a golee Yezu Krita li barka nɛ. A bie lɛ koe min ganaa Muizu a dí-pɛn zɛnaan lɛa wa. Wɔsɛn dɔn man wɔ golee Yezu Krita li, màn mɛn bɛ́ toɛ, Lawa lɛ kɔ wɔ ganaa min peperen lɛa, wɔa golee Krita li taman yii. Sɛnɛ, wɔa dí-pɛn sii zɛnaan taman yii bie wa. A giala, Lawa a lɛ koe min kɔ́n ganaa min pepere lɛa, dí-pɛn sii zɛnaan lɛa wa.

Galaasi minin 2:19

A da yaa dí-pɛn lɛn wɔ paǹ li, a n goon ka man má gã. Dí-pɛn lɛn dininmaa man nə́ ma dɛ, màn mɛn bɛ́ toɛ, ma yii goã koo Lawa wɔ lɛa. Man má gã gɔn ganaa kun ka Krita nɛ.

Galaasi minin 3:8

Lawa a sɛ́wɔ wɔ yiri da a-n lɛlɛ, mà Lawa á re lɛ koe tɔrɔ kɔsɔn ganaa min peperen lɛa ǹ goleemali taman yii. Bɛ lɛ nɛ, á saa lɛlɛ á boo kɔɔ̃n kɛ pɛ Abrahamu ni: «Lawa á re barka diɛ kanaa minin tumaa ganaa n lɛa.»

Galaasi minin 5:3

Man wusii ma á pii ka-n doo, máa bɛ̀ min woo min toa ǹ nə́ kuru, ǹ dɛnaa doamaa nɛ a dí-pɛn sii din tumaa dɔ zɛnaa.

Ebrəə 10:11

Wúlu-bɔle gogoonmaa na á goã a dí nyɛɛ baraabaraa, a ná a din wúlu tɔrɔ goon lɛ boe gunyin damata. Bɛn nə goã boe la ǹ tá sii baraan nyɛɛ yǎa duduu wa.

Ebrəə 10:4

A giala, dii gɔ̀lɔ̀n laanka butumu mà a boe la, a sii baraan nya duduu wa.

Ebrəə 7:19

Sonbore, Muizu a Dí-pɛn lɛn nə pàã kɔ minin la, ǹ nə́ sii kɔ́n zɛnaa, ǹ ná a lɛ pã wa. Sɛnɛ, wɔa foo-doa yɔrɔ bɛ́ dia-n màn mɛn la kanna, bɛ á soɛ wɔa lɛlɛ a foo-doa ǹ wɔ kɛ nɛ. Wɔ ǹ boe la, wɔ n mɔrɔ Lawa ganaa ka bɛ barka nɛ.