Nya ǹ dín 13:32 - LAWA A BOO SONBORE

³² Wɔsɛn dɔn man bɛa boo kɔɔ̃n kɛ lɛ pii ka dinin manɛ. Lawa nə́ n lɛ kɔ wɔsɛn digolon la ka boo mɛn nɛ,

LAWA A BOO SONBORE 2011

³² Wɔsɛn dɔn man bɛa boo kɔɔ̃n kɛ lɛ pii ka dinin manɛ. Lawa nə́ n lɛ kɔ wɔsɛn digolon la ka boo mɛn nɛ,

Nya ǹ dín 13:32 ပူးပေါင်းရင်းမြစ်များ

Siin Giala 12:3

Bɛ̀ min mɛnɛn nə́ lɛn bǐɛ̃ bíi n li, ma á re lɛn bǐɛ̃ bíi bɛa dɛnan li. Bɛ̀ min mɛnɛn nə́ lɛn pipiã bíi n li, ma á re lɛn pipiã bíi bɛa dɛnan li. Kanaa a tɔrɔn tumaa wɔ á re bǐɛ̃ koe n wɔ gɔ́ɔ̃ nɛ.»

Siin Giala 22:18

Kanaa a tɔrɔn dinin tumaa á die lɛn bǐɛ̃ bíi kɔn li ǹ pɛ: «Lawa barka wɔ n nɛ ka Abrahamu tɔrɔn wɔ bɛ́ lɔn.» A giala, ń masɛ bɔlɔ si.

Siin Giala 26:4

Ma á die a tɔrɔn mɔnɛɛ, ka lon a leeren bɛ́ lɔn, ma bǎãn kɛn lɛn tumaa kɔ ǹ la. Kanaa a tɔrɔn tumaa á die lɛn bǐɛ̃ bíi kɔn li, ǹ pɛ: «Lawa die a barka wɔ n nɛ, ka Abrahamu tɔrɔn wɔ bɛ́ lɔn.»

Siin Giala 3:15

Ma á re baraabaa diɛ n laanka lɔ bii ni, ma da n tɔrɔ laanka lɔ tɔrɔ bii ni. Lɔ tɔrɔ á re n mìi yɔyɔrɛ, n dɔ á re lɔ tɔrɔ yawɛɛ a gòãtoro ganaa.»

Siin Giala 49:10

Kiibaa n die goɛ̃ Zudaa a kion biikoo tumaa li. Kiibaa ǹ bàbàla n die goɛ̃ a tɔrɔn gɔn biikoo tumaa li, yǎa kiibaa ǹ bàbàla lɛ a dɛnaa die, tɔrɔ tumaa doamaa bɛ́ ǹ min mɛn bɔlɔ si.

Izayii 11:1

Nɛgiĩ á re yii Zesee tɔrɔ basa nɛ, ka da giala piri zizi bɛ́ lɔn gɔn ten boe. A gòonən tá re gɔn dii boe.

Izayii 40:9

*Siɔn boo tii kɔɔ̃n pɛle, dii kele sasa la, Zeruzalɛmu, boo tii kɔɔ̃n pɛle, n lɛn saa ka pàã nɛ, n lɛn saa lon, nyɛ́ɛ nyan nə n kũ wa. A pɛ Zudaa kiwin manɛ: «Kaa Lawa á ke!

Izayii 41:27

Ma din Dɛnaa Lawa n má a boo da *Siɔn bibinaa nɛ, má maa dia dí-a wole dia Zeruzalɛmu máa a wo boo tii kɔɔ̃n pɛ.

Izayii 52:7

Kɛ n foo kɔɔ̃n lɛa, dia dí-a wole mɛn bɛ́ boe kelen mìi ni, a n là nyantoro boo diɛ, a n boo tii kɔɔ̃n pii, a n kirisibaa boo diɛ. A n pii Siɔn nɛ: «N Lawa lɛ n kii lɛa.»

Izayii 61:1

Dɛnaa Lawa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ. Min mɛnɛn bɛ́ nɔmaa nɛ, mà ma wo bɛn foo basã. Ǹ min mɛnɛn goa ǹ nə́ woo ǹ ne, mà ma wo pɛ bɛn manɛ, mà ǹ tá re ǹ kiɛ. Min mɛnɛn bɛ́ kòso ne, ǹ tá re bɛn sii ǹ nə ǹ kaa.

Izayii 7:14

Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ".

Zeremii 23:5

Á ke, lɛawaan tá re doe, Dɛnaa Lawa a da ǹ boo ne, Davida tɔrɔ taãn tá re yii, a kiibaa zɛnaa, ka yiridɛnaabaa nɛ. Á re peperebaa laanka sonborebaa zɛnɛɛ gána lɛ nɛ.

Ezekieli 34:23

Man die tɔɔn-lɛduə̃li goon toto boe ma da maa tɔɔn lɛn mìi la, bɛ ga ǹ walan: Bɛ n ka maa dí-nyali Davida nɛ. Bɛ lɛ á re giɛ ǹ walan, bɛ lɛ á re ǹ lɛduə̃li biɛ.

Misee 5:2

Bɛ lɛ na á toa, Lawa á re n gɔn boe a zaman ganaa, yǎa nɔnaa kɛ nɛ yii. Bɛa biikoo li, ǹ dɔɔ̃nɔn lɛn mɛnɛn bɛ́ re n sɔlɛɛ a nɛ, bɛn tá re die kiɛ kun ka Izirayeli minin gialakunun kɛn nɛ.

Azee 2:7

Ma á re bìn diɛ kanaa tɔrɔn ganaa, kanaa gɔn màn tumaa á re die kanna. Lawa a kion kɛ á re piɛ̃ ka gugurubaa nɛ. Dɛnaa Lawa Pàãyiidɛnaa a da ǹ boo n ka kɛ nɛ.

Zakarii 13:1

Bɛa waáraa, mu pìã n die baa sii, a Davida a sumu minin laanka Zeruzalɛmu minin yoreen kɔ, a ǹ sii baraa laanka *gɔ̀ bɔ a bɔ ǹ ganaa.»

Zakarii 13:7

Dɛnaa Lawa Pàãyiidɛnaa a da ǹ boo á ke: «Gɔya sa, n yii bũ maa tɔɔn-lɛduə̃li kɛ li, ma giaára ke. Tɔɔn-lɛduə̃li lɛ məə, màn mɛn bɛ́ toɛ, sèren lɛn nə n pɛsɛ̃ bǎã yii ni, ma tɔn da ǹ nɛ binbisinin dɛ.»

Zakarii 6:12

N pɛ-n kɛnɛn mà Dɛnaa Lawa Pàãyiidɛnaa n kɛ pii: Giĩ goon tan kanaa a tɔ n "Da ten". Á re gole koe. A din nə die wusii a maa kion lɛ dɔ.

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Malakii 3:1

Dɛnaa Lawa Pàãyiidɛnaa a lɛ si ǹ boo n ka kɛ nɛ: Á ke, má maa dia dí-a wole dia máa a da zii zɛnaa ma nyɛɛnɛ. Ka bɛ́ giɛ dɛnaa mɛn li, á re we Lawa a kion a din bǎã-n gɔrɔ, maa boo gii-dali mɛn bɛ́ ka n duĩ, á re maa lɛ kɔ kɔn la ǹ boo lɛ pii ka nɛ. Á ke yii die, Dɛnaa Lawa Pàãyiidɛnaa na á pɛ.

Luku 1:19

Lon a dia dí-a wole lɛ tɔ́n pɛ nɛ: «Masɛ tɔ n Gabarayeli, man lon a dia dí-a wolen goledɛnaa goon lɛa, ma bɛ́ dí nyɛɛ Lawa mɛn nɛ, bɛ lɛ na á masɛ dia, mà ma da boo tii kɔɔ̃n kɛ pɛ n nɛ.

Luku 2:10

Lon a dia dí-a wole lɛ mà ǹ ganaa: «Ka baran nyɛ́ɛ baa wa! Á ke, masɛ n má daa boo kɔɔ̃n pɛ ka nɛ, màn mɛn nə́ die gána kɛ a minin tumaa foo kɔɔ̃n koe parsiini.

Nya ǹ dín 10:36

Lawa boo mɛn dia Izirayeli minin la, ǹ tá bɛa Boo Tii Kɔɔ̃n kɛ doɛ̃. Lawa na á bǐɛ̃ wɔ a din laanka minbuiinin bii ni, ka Yezu barka nɛ, Yezu mɛn bɛ́ minbuiin tumaa a Dɛnaa lɛa.

Nya ǹ dín 13:23

A kɔnpɛ a din a lɛ-kɔ nɛ, Lawa na á Izirayeli Minin Nyin-sili lɛ bɔ bɛa Davida kɛ lɛ tɔrɔ nɛ, bɛ n ka Yezu ni.

Nya ǹ dín 13:38

Dɔɔ̃nɔn lɛn ganaa, ka dɔ̃ mà sii baraa toa kɛ na á dɔ ka li, a din Yezu kɛ lɛ barka nɛ. Muizu a dí-pɛn kɛn giulun, ka goã boe la ka tá n mìi siɛ lon Lawa yɔrɔ-a wa.

Nya ǹ dín 14:15

«Wàa na á baa ka tá siin kɛn zɛnɛɛ? Wɔsɛn dɔn man minbuiinin lɛa ka ka bɛ́ lɔn. Wɔsɛn bɛ́ boo kɔɔ̃n mɛn pii ka nɛ, bɛ n ka kɛ nɛ, wɔsɛn wáa ka n bɔ kɛa dì kooron kɛn kio, ka wusoo ka da Lawa yiikoonaa kɛ ganaa, Lawa mɛn bɛ́ á lon laanka tán zɛnaa, ka yìsi mu ni ka a gɔ́ɔ̃gɔ́ɔ̃ ǹ màn tumaa nɛ.

Nya ǹ dín 26:6

Lawa lɛ kɔ wɔ digolon la ka sii mɛn nɛ, masɛ foo bɛ́ doa-n bɛ lɛ ganaa, bɛ lɛ a lɛa nɛ ǹ tá kiri we ma ganaa pelo.

Nya ǹ dín 3:19

Ka wusoo kaa sii baraan kio ka da Lawa ganaa, màn mɛn bɛ́ toɛ, Lawa kaa sii baraan tuturu.

Nya ǹ dín 5:42

Baraabaraa, Lawa a kion gɔ́ɔ̃ nɛ hinlaa ǹ dinin piɛn nɛ, ǹ goã minin daraa laanka Yezu Minin Nyin-sili boo kɔɔ̃n kɛ a pɛ lɛ diɛ wa.

Rɔmu minin 1:2

Lawa din na á wɔ a boo gii-dalin lɛ-n, ǹ nə́ pɛ a din a boo sonbore kɛ nɛ, mà asɛ nə́ n lɛ kɔ ka Boo Tii Kɔɔ̃n nɛ.

Rɔmu minin 10:15

A boo nə n diɛ lɔn, bɛ̀ á daa yaa min kɔ́n nə n dia bɛa dí lɛ tɔ ganaa wa? Ka a bɛ́ kiɛ̃-n lɔn: «Kɛ n foo kɔɔ̃n lɛa, dia dí-a wole mɛn bɛ́ die ka Boo Tii Kɔɔ̃n nɛ.»

Rɔmu minin 4:13

Sonbore, Lawa na á n lɛ kɔ Abrahamu la, mà asɛ n die kanaa din tumaa koe a nɛnyaanan la ǹ wɔ lɛa. Lawa na á n lɛ kɔ Abrahamu la kɛnɛn, Abrahamu a kɔ Lawa a dí-pɛn lɛ a lɛa bie wa. Sɛnɛ, Lawa din bɛ́ á ga a ganaa min pepere lɛa, a golee Lawa li mɛn a lɛa ke, bɛ taman yii ni.

Rɔmu minin 9:4

Ǹ dinin lɛn man Izirayeli minin lɛa, maǹ Lawa din a tɔrɔ lɛa, á ǹ bɔ a nɛnyaanan lɛa, a ná a din a gugurubaa kɛ nyaa ǹ nɛ. A na á lɛ kɔ kɔn la wɔ ka ǹ dinin ni, a ná a dí-pɛn kɔ ǹ la, a ná a din guguru kɔ ǹ gɔn nyaa ǹ nɛ, á n lɛ kɔ ǹ la gunyin damata ka kirisibaa ǹ boo ne.

Timəə dí-pɛn 18:15

A din tá re a boo gii-dali diɛ ka la, ka masɛ Muizu bɛ́ lɔn. A n die boe ka dinin bii, ka dinin tɔrɔn lɛn min goon ne. Ka die ka n too kɔ bɛ lɛ lon.