Nya ǹ dín 13:29 - LAWA A BOO SONBORE

²⁹ Màn mɛn tumaa bɛ́ kiɛ̃ nɛ a wɔ gɔn la, biikoo mɛn waáraa ǹ nə́ bɛ yii zɛnaa ǹ ná a lɛ pã, ǹ nə́ gisĩ ǹ nə́ bɔ gɔn-a, ǹ ná a gere da yala-n.

LAWA A BOO SONBORE 2011

²⁹ Màn mɛn tumaa bɛ́ kiɛ̃ nɛ a wɔ gɔn la, biikoo mɛn waáraa ǹ nə́ bɛ yii zɛnaa ǹ ná a lɛ pã, ǹ nə́ gisĩ ǹ nə́ bɔ gɔn-a, ǹ ná a gere da yala-n.

Nya ǹ dín 13:29 ပူးပေါင်းရင်းမြစ်များ

Marki 15:42

Wasa bɛ́ á mɛ, *susu ǹ pii dɔ na a lɛawaa,

Luku 23:50

Zuifun kiri-wɔlen lɛn bii, giĩ goon na á goã boe Arimatee kiwi, a tɔ n Zozɛfu. A na á goã min sonbore lɛa, a n pepere dɔn. A na á goã n yii diɛ *Lawa a kiibaa ǹ dí kɛ a daa la. Ǹ miãn nə sii mɛn zɛnaa, a lɛ kɔ bɛ ganaa wa.

Luku 23:53

A ná a gere lɛ gisĩ á bɔ dere ǹ gɔn lɛ-a, á mɔnaa fu pɛnɛ a ganaa á woo naa yala-n. Bɛa yala lɛ n boe-n kele kolo ganaa. Ǹ tɔn min naa-n bɔrɔ wa.

Luku 24:44

Bɛ kio á pɛ ǹ nɛ: «Á ke man má goã má boon kɛn pɛ ka nɛ, bɛ̀ ma bɛ́ kun ka nɛ. Màn mɛn tumaa nə n kiɛ̃ masɛ wɔ gɔn la Muizu a dí-pɛn sɛ́wɔ nɛ, Lawa a boo gii-dalin wɔn nɛ, ka Loen sɛ́wɔ nɛ, yǎa bɛ lɛ tumaa lɛ piɛ̃.»

Zaã a sɛ́wɔ 19:28

Bɛ kio, Yezu bɛ́ doɛ̃ mà sii din tumaa nə́ n zɛnaa á nya sisia, á n toa mà mu boro na asɛ ganaa. A na á bɛ pɛ, màn mɛn bɛ́ toɛ, Lawa a boo din tumaa lɛ pã.

Zaã a sɛ́wɔ 19:30

Yezu bɛa duvɛ̃ pipiã lɛ mi lɔn, á pɛ: «A tumaa lɛ pã kəni!» Bɛ kio á n mìi kuməə, a piɛ̃ nya.

Nya ǹ dín 13:27

Lawa a boo gii-dalin sɛ́wɔn mɛnɛn bɛ́ n pii *susu ǹ pii tumaa li, Zeruzalɛmu kiwi minin laanka ǹ goledɛnan nə bɛn boo giala ma, ǹ nə́ Yezu lɛ dɔ̃ wa. Ǹ dɔlɔ da a mìi-n ke, ǹ nə́ dɛ, bɛ na á n baa Lawa a boo gii-dalin lɛn boon sii lɛ piɛ̃ lɛa.

Nya ǹ dín 2:23

sɛnɛ, ká n tã, ká toa Lawa doɛ̃ baãnaan nə́ dere gɔn ganaa ǹ nə́ dɛ. Sɛnɛ, Lawa din na á saa lɛlɛ á bɛ yɔrɔ bɔ á koa.

Nya ǹ dín 26:22

Sɛnɛ, Lawa a dɔmalɛ barka nɛ, ma yii goã koo á daa dɔ pelo ganaa, man siére biɛ pàãdɛnaa dadaran laanka a bɔnboɛɛnɛn yɔrɔ-a. Lawa a boo gii-dalin nə goã ǹ nə́ màn mɛn pɛ lɛlɛ-lɛlɛ, mà á re n zɛnɛɛ, ma bie kɔsɔ pii á kiɛ̃ bɛ lɛ la wa.

Nya ǹ dín 4:28

Lawa din saa lɛlɛ, á siin mɛnɛn taasɛ, á ǹ yɔrɔ bɔ á ǹ koa, minin lɛn man nə́ bɛn lɛ pã ǹ siin dininsɔɔ̃nɔn zɛnaa.

Nya ǹ dín 5:30

Ka Yezu mɛn dere gɔn-a, ka dɛ lɛn, wɔ digolon Lawa lɛ na á bɛ lɛ yii kaa á bɔ geren bii.

Korɛnti1 15:4

Ǹ nə́ bĩ, a lɛawaa sɔɔbaa ǹ wɔ pinaa, a yii kaa, ka Lawa a sɛ́wɔ bɛ́ á pɛ lɔn.