Nya ǹ dín 13:27 - LAWA A BOO SONBORE

²⁷ Lawa a boo gii-dalin sɛ́wɔn mɛnɛn bɛ́ n pii *susu ǹ pii tumaa li, Zeruzalɛmu kiwi minin laanka ǹ goledɛnan nə bɛn boo giala ma, ǹ nə́ Yezu lɛ dɔ̃ wa. Ǹ dɔlɔ da a mìi-n ke, ǹ nə́ dɛ, bɛ na á n baa Lawa a boo gii-dalin lɛn boon sii lɛ piɛ̃ lɛa.

LAWA A BOO SONBORE 2011

²⁷ Lawa a boo gii-dalin sɛ́wɔn mɛnɛn bɛ́ n pii *susu ǹ pii tumaa li, Zeruzalɛmu kiwi minin laanka ǹ goledɛnan nə bɛn boo giala ma, ǹ nə́ Yezu lɛ dɔ̃ wa. Ǹ dɔlɔ da a mìi-n ke, ǹ nə́ dɛ, bɛ na á n baa Lawa a boo gii-dalin lɛn boon sii lɛ piɛ̃ lɛa.

Nya ǹ dín 13:27 ပူးပေါင်းရင်းမြစ်များ

Siin Giala 50:20

A na á goã ka gɔ́ɔ̃ nɛ, mà ka sii baraa zɛnaa ma nɛ, sɛnɛ, Lawa bɔyaa á baa sii bǐɛ̃ lɛa, á min gigiã nyin si, ka ka yii bɛ́ a ganaa lɔn pelo.

Matiə 22:29

Yezu tɔ́n pɛ ǹ nɛ: – Ka sã á la yii ni. A giala ka a Lawa a boo giala miɛ wa, ka a doɛ̃ dɔn mà pàã tá Lawa lon wa.

Luku 22:34

Yezu pɛ: «Piɛrɛ, masɛ n pii n ni, koo laan bɛ̀ a n wuu pii pelo kɛ lɛ din ni, bɛ̀ n nə́ piã ka masɛ nɛ gunyin sɔɔ.»

Luku 23:13

Pilati tɔ́n lɛ dia wúlu-bɔlen goledɛnan la ka pàã goledɛnan nɛ ka zaman nɛ.

Luku 24:20

Wɔa wúlu-bɔlen goledɛnan laanka wɔa goledɛnan kɔsɔn man nə́ kɔ a zɔ́ɔn la, bɛn nə́ gɛ̀ dɔlɔ da a mìi ni, ǹ nə́ dere gɔn ganaa.

Zaã a sɛ́wɔ 15:21

Maǹ die bɛ din tumaa zɛnɛɛ ka nɛ masɛ tɔ taman yii, a giala, min mɛn masɛ dia, ǹ ba bɛa dɛnaa doɛ̃ wa.

Zaã a sɛ́wɔ 16:3

Maǹ die zɛnɛɛ miɛ̃, a giala, ǹ masɛ a Díi dɔ̃ wa, ǹ masɛ din dɔ dɔ̃ wa.

Zaã a sɛ́wɔ 5:39

Ka ǹ Lawa a boo gɔsiɛ, a giala, ka ǹ taasɛ mà bɛ lɛ n toɛ kasɛn nə nyin nyabaã yɛ. A din Lawa a boo kɛ lɛ n siére lɛa masɛ wɔ gɔn la,

Zaã a sɛ́wɔ 8:28

Yezu tɔ́n pɛ ǹ nɛ: «Bɛ̀ ká Min a Nɛgiĩ dere gɔn ganaa lon ǹ mɛn waáraa, ma bɛ́ min mɛn lɛa, ka á re doɛ̃ mà man bɛ lɛa. Ka á re doɛ̃ dɔn mà ma ba sii kɔ́n zɛnɛɛ ma din gɔn wìi a lɛa wa. Maa Díi ma daraa màn mɛn ganaa, man bɛ lɛ pii.

Nya ǹ dín 15:21

Sonbore, a kũ biikoo sɔsɔɔ ganaa, Muizu a dí-pɛn lɛn laakalaalin tá kiwi din tumaa nɛ, a giala, ǹ tá a sɛ́wɔ lɛ pii *susu ǹ pii tumaa li lɛsɔkɔn kionən ne.»

Nya ǹ dín 28:23

Ǹ lɛawaa mɛn bɔ, bɛ bɛ́ á dɔ, ǹ nə́ wusoo ǹ nə́ daa Pooli yaa a giã ǹ bǎã nɛ. Pooli boo da ǹ nɛ, á *Lawa a kiibaa ǹ dí kɛ a nyɛɛ boo pɛ ǹ nɛ. A na á goã n doɛ á Yezu boo diɛ ǹ nɛ, a n boe Muizu a landa sɛ́wɔ nɛ ka Lawa a boo gii-dalin sɛ́wɔn nɛ. A n giɛ li mà ǹ dɔ̃, mà màn mɛn nə n da a wɔ gɔn la, mà sonbore ne. Maǹ nə́ sùn lɛ baa baayɛlɛ yǎa wasa mɛ.

Nya ǹ dín 3:17

Ma dɔɔ̃nɔn lɛn ganaa, sonbore, ma á doɛ̃ máa sii doɛ̃baã na á toa, ka laanka kaa goledɛnan nə́ bɛa nɔmaa kɛ lɛ da Yezu mìi ni.

Rɔmu minin 11:25

Ma dɔɔ̃nɔn lɛn, man giɛ li ma sii-durii goon nyaa ka nɛ, màn mɛn bɛ́ toɛ, ka baran ka dinin baa sii-dɔ̃lin lɛa wa. Sonbore ne, Zuifun gigiã yiri tã, ǹ ba boe la ǹ tá màn kɔ́n giala miɛ wa. Sɛnɛ, bɛa re beleboe wa. A n die goɛ̃ miɛ̃, yǎa Lawa din a bíi wolen kɛn tumaa tɔrɔn kɔsɔn bii, bɛn nə die a ganaa ǹ nyɛɛ.

Korɛnti1 2:8

Kanaa kɛ a pàãdɛnaa kɔ́n bɛa yiri kɛ dɔ̃ wa. Bɛ̀ maǹ nə́ bɛ dɔ̃, wɔa Dɛnaa mɛn bɛ́ tɔ golebaa na a wɔ lɛa, bɛ̀ ǹ ba re bɛ dere gɔn ganaa wa.

Korɛnti2 3:14

Sɛnɛ, ǹ màn-doɛ̃ boo la a ná a giala ma wa. Haalɛ pelo, bɛ̀ ǹ tá lɛlɛ a lɛ kɔ kɔn la ǹ sɛ́wɔn kɛn pii, a n ka bɛa tapara kɛ lɛ n tɔn koe ne ǹ siã, ǹ ba ǹ giala miɛ wa. Tapara lɛ tɔn nə n bɔ ǹ siã wa, a giala, a nə n boe golee Krita li wole dinsɔɔ̃ siã.

Korɛnti2 4:4

A n tì a goleemali baãnaan kɛn dɔn ganaa. A giala, *Sɛtaan mɛn bɛ́ kanaa kɛ mìi la, bɛ na á ǹ yiri tã, màn mɛn bɛ́ toɛ, ǹ nyan Boo Tii Kɔɔ̃n a wɔlɔ fúlu kɛ yɛ wa. Bɛa wɔlɔ fúlu lɛ n *Krita a tɔ golebaa nyɛɛ, asɛ mɛn bɛ́ Lawa din a kɔnboe lɛa.

Timote1 1:13

Haalɛ ta má a tɔ ziziɛ̃ lɛlɛ, má fuu nyaa a minin manɛ, má kakaarɛ kɔ ǹ ganaa. Sɛnɛ, á makara bɔ ma ganaa, a giala, goleemali bɛ́ a goã ma lon wa, man má zɛnaa bɛ̀ ma yii á tɔn tì.