Nya ǹ dín 13:25 - LAWA A BOO SONBORE

²⁵ ZAÃ bɛ́ re a dí gɔn nyɔmiɛ̃, á pɛ: «Minin man taasɛ mà die n ka masɛ nɛ? Ǹ bɛ́ n yii diɛ min mɛn la, bɛ bie ka masɛ-n wa. Sɛnɛ, min kɔ́n tá die masɛ kio, ma mìi á kiɛɛrɛ, man zuməə ma bɛa dɛnaa kɛ lɛ a kɔsɔ biɛn fore.»

LAWA A BOO SONBORE 2011

²⁵ Zaã bɛ́ re a dí gɔn nyɔmiɛ̃, á pɛ: «Minin man taasɛ mà die n ka masɛ nɛ? Ǹ bɛ́ n yii diɛ min mɛn la, bɛ bie ka masɛ-n wa. Sɛnɛ, min kɔ́n tá die masɛ kio, ma mìi á kiɛɛrɛ, man zuməə ma bɛa dɛnaa kɛ lɛ a kɔsɔ biɛn fore.»

Nya ǹ dín 13:25 ပူးပေါင်းရင်းမြစ်များ

Matiə 3:11

Masɛ n má batɛmu da ka ganaa mu li, man nyɛɛ máa ka n taasɛ ka wusoo kaa sii baraan kio. Sɛnɛ min mɛn bɛ́ die masɛ kio, bɛ á die ka kiɛ Lawa a zii ni ka Yiri Fu pàã nɛ, a dɔlɔ bɔ ka tɛ nɛ. A pàã á gole á la masɛ wɔ nɛ. Haalɛ masɛ nə n zuməə ma a kɔsɔ biɛn fore, ma mìi á kiɛɛrɛ bɛ ganaa.

Marki 1:7

A na á goã pii zaman nɛ: «Min mɛn bɛ́ re die ma kio, bɛ pàã á gole á la masɛ wɔ nɛ, haalɛ ma n zuməə ma a kɔsɔ biɛn fore, ma mìi á kiɛɛrɛ bɛ ganaa.

Zaã a sɛ́wɔ 1:29

Bɛ lɛ a lɛawaa, ZAÃ Yezu yɛ die a li, á tɔ́n pɛ: – Ka ga, Lawa sère nɛ mɛn kɔ á ke. A din lɛ n kanaa minin sii baraa sawɛɛ á boe ǹ ganaa.

Zaã a sɛ́wɔ 1:34

Ma din yii na á Yiri Fu lɛ yɛ gisĩ la, bɛ lɛ n toɛ ma tá a siére pii máa giĩ kɛ lɛ, Lawa a Nɛgiĩ ni.»

Zaã a sɛ́wɔ 1:36

A bɛ́ á ga Yezu ganaa tɔ we kiɛ̃, á pɛ: «*Lawa a sère nɛ lɛ á ke.»

Zaã a sɛ́wɔ 4:34

Yezu tɔ́n pɛ ǹ nɛ: – Min mɛn masɛ dia, bɛ̀ má bɛ lɛ foo sii zɛnaa, a ma dia dí mɛn ganaa, bɛ̀ má bɛ nya má a lɛ pã, a n goon ka man má màn bii.

Zaã a sɛ́wɔ 7:18

Bɛ̀ min mɛn tá boo diɛ a din gɔn wìi a lɛa, bɛa dɛnaa n giɛ tɔ li. Sɛnɛ, min mɛn bɛ́ giɛ li mà a dia wole tɔ bɔ, bɛa dɛnaa n sonbore pii, gɔ́ɔ̃ tìbaa ba a lon wa.

Nya ǹ dín 13:36

Dí goã Davida gɔn a din a biikoo kɛ li, a bɛ́ á bɛ nya Lawa nɛ á nya, á gã, ǹ ná a gere bĩ kunun ǹ digolon ne, a gere bɔɔ̃.

Nya ǹ dín 19:4

Pooli wusoo á pɛ ǹ nɛ: «ZAÃ na á goã wusoo sii baraa kio ǹ batɛmu diɛ minin ganaa, bɛ̀ á pii ǹ ni, mà min mɛn bɛ́ die asɛ kio, mà ǹ golee bɛa dɛnaa li, mà bɛ n ka Yezu ni.»

Nya ǹ dín 20:24

Ma a giɛ ma din a yiikoonaabaa kɛ ganaa màn kɔ́n lɛa wa, ma bɛ́ giɛ màn mɛn li, bɛ n ka kɛ nɛ: Ma maa dí nya a wo dɔ a lɛ dan ganaa, Dɛnaa Yezu din dí mɛn kɔ ma la, mà ma Lawa a bǐɛ̃baa ǹ Boo Tii Kɔɔ̃n kɛ pɛ, ma bɛ lɛ pã.

Korɛnti2 4:5

Sonbore, bɛ̀ ma á boo laakalɛɛ, ma bie ma din boo diɛ wa: Yezu Krita mɛn bɛ́ Dɛnaa lɛa, man bɛ boo diɛ ka nɛ. Masɛ n kaa dí-nyali dinsɔɔ̃ lɛa Yezu taman yii.

Timote2 4:7

Má n doa má yɔ bɔ sɔnbɔraanɛ. Má dɔ maa baa lɛ dan ganaa. Má bɔlɔgoondɛnaa baa.

Sii-nyaan 11:7

Sɛnɛ, bɛ̀ ǹ nə́ ǹ siérebaa ǹ dí pɛ ǹ nə́ nya, Tɔɔ mɛn soo nɔmaa ǹ nyankɔrɔ zuzulu ni, bɛ á re zia biɛ ǹ ganaa, á re boe ǹ la a ǹ dɛ ǹ gã.