Nya ǹ dín 13:19 - LAWA A BOO SONBORE

¹⁹ Bɛ kio, a bɛ́ á tɔrɔ sɔbaa dɛ á bɔ ǹ nyɛɛnɛ Kanaan gána nɛ, á tán lɛ tatala kɔn-a ǹ bii, á ǹ wɔ baa.

LAWA A BOO SONBORE 2011

¹⁹ Bɛ kio, a bɛ́ á tɔrɔ sɔbaa dɛ á bɔ ǹ nyɛɛnɛ Kanaan gána nɛ, á tán lɛ tatala kɔn-a ǹ bii, á ǹ wɔ baa.

Nya ǹ dín 13:19 ပူးပေါင်းရင်းမြစ်များ

Siin Giala 12:5

A ná a lɔ Sarayii kũ, ka ǹ dɔɔ̃ngiĩ a nɛ Lɔti ni, ǹ gɔn màn mɛn tumaa yɛ Kaaran, ǹ bɛ̀rɛn mɛnɛn pii, ǹ nə́ yoo ka bɛ tumaa nɛ. Ǹ nə́ soo ǹ nə́ Kanaan gána zii saa.

Siin Giala 17:8

N bɛ́ gùli lɛa Kanaan gána mɛn nɛ, ma á re bɛa gána lɛ tumaa koe n laanka n tɔrɔn la, a ǹ wɔ baa yǎa duduu. Masɛ á re goɛ̃ ǹ Lawa lɛa.»

Kiin1 6:1

Kii Salomɔn lɛ Dɛnaa Lawa a kion lɛ a dɔ giala kɔ, bɛ̀ Izirayeli minin soo Ezipti gána nɛ a lɛ̀ biɛsii ka pɔkiwisi (480) ni. Di lɛ na á n giala kɔ *Zibu mui ni, mui mɛn bɛ́ lɛ̀ a mui a paabaa ǹ wɔ lɛa. Bɛa biikoo lɛ li, bɛ̀ Salomɔn dɔ a tá Izirayeli gána mìi la a lɛ̀ siibaa ǹ wɔ nɛ.

Nehemii 9:24

Ǹ nɛnyaanan lɛn nə́ wɔ gána lɛ nɛ, ǹ nə́ si ǹ baa ǹ wɔ lɛa. Kaanaa minin kɛn, gána lɛ a minin lɛa, ń bɛn puusə kɔ ǹ nyɛɛnɛ, ń nə́ ǹ wɔ ǹ gɔn, kɔnlɛ ka ǹ kiin ni, ka tɔrɔn mɛnɛn bɛ́ gána lɛ nɛ, màn mɛn bɛ́ toɛ, bɛ̀ sii mɛn dɔ nɛnyaanan lɛn yii li, ǹ bɛ zɛnaa ǹ nɛ.

Loen 135:11

Amɔɔrɔn kii Sihɔn nɛ, Basan kii Ɔgu ni, ka Kanaan kiin tumaa nɛ.

Loen 78:55

Á tɔrɔ kɔsɔn loo á ǹ bɔ ǹ nyɛɛnɛ. Á bɛn bǎãn gii ǹ ni ǹ kíɛ̃ lɛa, á Izirayeli tɔrɔn kaa bɛn mɔnaa kionən ne.

Izayii 34:17

A na á n pã ǹ gogoonmaa gii ganaa. Á biɛ saa, á didie a tán gii zɔ́ɔ̃. Bɛ lɛ n die ǹ wɔ biɛ yǎa duduu. A n die ǹ giã ǹ bǎã biɛ.

Nya ǹ dín 7:45

Mɔnaa kion lɛ bɛ́ á n kɔ bɛa digolon kɛn kiodɛnan la, bɛn nə́ wɔ nɛ Kanaan gána nɛ, Zozoe nə ǹ nyɛɛnaan bɔ, ǹ nə́ wɔ gána mɛn nɛ, bɛ̀ Lawa bɛ́ tɔrɔ kɔsɔn lui boe ǹ nyɛɛnɛ. Wɔ digolon kɔsɔn mɛnɛn nə́ da bɛn kio, maǹ nə́ toa bɛn dɔn gɔn. A na á n zɛnaa miɛ̃ yǎa á daa dɔ wɔ digolon kɛn ganaa kii Davida a biikoo li.

Timəə dí-pɛn 7:1

Ka bɛ́ re woe gána mɛn lɛ sii ka baa kaa wɔ lɛa, kaa Lawa, Dɛnaa Lawa á re toɛ ka wɔ bɛa gána lɛ nɛ. A din nə die tɔrɔ gigiã lui a ǹ bɔ ka nyɛɛnɛ, ǹ mɛnɛn bɛ́ mɔnaa nɛ ǹ nə́ la ka nɛ, ǹ pàã dɔ din nə́ la kaa wɔ nɛ: Ɛti tɔrɔn manɛ, Girgazi tɔrɔn nɛ, Amɔɔrɔ tɔrɔn nɛ, Kanaan minin ni, Ferɛzi minin ni, tɔrɔ kɛn ǹ nə́ ǹ bíi Ivitin, ka Zebuzu tɔrɔn nɛ. Ǹ kaa kun tɔrɔ sɔbaa.

Zozoe 14:1

Izirayeli minin lɛn nə bǎãn mɛnɛn yɛ ǹ kíɛ̃ lɛa Kanaan gána nɛ, bɛn man ka kɛn nɛ. Lawa a wúlu-bɔle Eleyazaara nɛ, Nunu a nɛgiĩ Zozoe laanka Izirayeli tɔrɔn lɛn kɛdɛnan man nə́ bɛa bǎãn lɛn gii Izirayeli minin lɛn bii, ǹ kíɛ̃ lɛa.

Zozoe 18:10

Zozoe nə́ n pã bɛa bǎãn lɛn ganaa, Dɛnaa Lawa yɔrɔ-a Siiloo, á tɔ́n gána lɛ gii Izirayeli minin lɛn bii, á tɔrɔ gogoonmaa wɔ gii kɔ la.

Zozoe 19:51

Lawa a wúlu-bɔle Eleyazaara nɛ, Nunu a nɛgiĩ Zozoe ne ka Izirayeli tɔrɔn lɛn kɛdɛnan nɛ, bɛn man nə́ n pã, ǹ nə́ tɔ́n bɛa bǎãn lɛn kɔ Izirayeli tɔrɔn lɛn la ǹ kíɛ̃ lɛa. Bɛ na á n zɛnaa Dɛnaa Lawa yɔrɔ-a Siiloo, kɔn yɛ ka Lawa nɛ ǹ mɔnaa kion kɛa kiɛnlɛ-a. Ǹ nə́ gána lɛ gii miɛ̃ ka bɛa yɔrɔ lɛ nɛ yǎa á nya.

Zozoe 23:4

Ka ga: tɔrɔn mɛnɛn bɛ́ tɔn nə ǹ bǎã nɛ, ma ǹ mɛnɛn dɔn dɛ má ǹ nya, a saa Zurdɛ̃ tà kɛ ganaa lɛ̀giala-n a wo kaa kɔ̀ gole kɛ lɛ lɛ̀nyɛɛnɛ, pã na á n wɔ bɛa tɔrɔn kɛn lɛn bǎãn ganaa, má ǹ gii Izirayeli tɔrɔn lɛn lɛ yii li, má kɔ ǹ la.

Zozoe 24:11

«Ka Zurdɛ̃ tà kuru, ka daa ka dɔ Zerikoo. Zerikoo kiwi minin nə́ zia baa ka ganaa, Amɔɔrɔ tɔrɔn nɛ, Perɛzi tɔrɔn nɛ, Kanaan minin ni, Ɛti tɔrɔn nɛ, Girgazi tɔrɔn nɛ, Evii tɔrɔn nɛ ka Zebuzu tɔrɔn nɛ. Sɛnɛ, má ǹ wɔ Izirayeli minin lɛn gɔn.

Sii yɔrɔ-bɔlen 11:26

A lɛ̀ biɛsɔɔ (300) n ke, Izirayeli minin lɛn nə́ giã-n Ɛsibɔn ka a lɛ-a ǹ kiwin ni, kɛn nə́ giã-n Aroɛɛrɛ ka a lɛ-a ǹ kiwin ni, kɛn nə́ giã-n kiwi dadaran kɛn tumaa nɛ, Arnɔn tà lɛkoro-a. Wàa na á baa, ǹ kiwin lɛn si ǹ la bɛa waáraa kɛ lɛ-n wa?