Nya ǹ dín 13:1 - LAWA A BOO SONBORE

¹ Lawa a boo gii-dalin laanka minin-daraalin kɔnɔn nə́ goã Lawa a sɔmɔ lɛ nɛ Antiɔsi kiwi. Bɛa minin lɛn man ka Barnabaasi ni, Simiɔn nɛ, ǹ bɛ́ min mɛn bíi Min Tì, ka Lusiisu mɛn bɛ́ boe Sirɛni kiwi, ka kii Erɔdi a nɛnyaanmaa a koa-kun wole Manayɛni ni, ka Sooli ni.

LAWA A BOO SONBORE 2011

¹ Lawa a boo gii-dalin laanka minin-daraalin kɔnɔn nə́ goã Lawa a sɔmɔ lɛ nɛ Antiɔsi kiwi. Bɛa minin lɛn man ka Barnabaasi ni, Simiɔn nɛ, ǹ bɛ́ min mɛn bíi Min Tì, ka Lusiisu mɛn bɛ́ boe Sirɛni kiwi, ka kii Erɔdi a nɛnyaanmaa a koa-kun wole Manayɛni ni, ka Sooli ni.

Nya ǹ dín 13:1 ပူးပေါင်းရင်းမြစ်များ

Matiə 27:32

Ǹ bɛ́ soe kiwi gɔ́ɔ̃ nɛ, ǹ nə́ kaa Sirɛnin giĩ goon lɛ, a tɔ n Simɔn. Sɔraasin lɛn nə́ kũ ka pàã nɛ, mà a Yezu a dere ǹ gɔn gũ.

Luku 3:1

ZAÃ bɛ́ á dí giala kɔ lɛ̀ mɛn-a, bɛ na á kɔnpɛ ka Kii gole gole Tibɛrɛ a pàã saa a lɛ̀ fulusoorobaa ǹ wɔ nɛ. Bɛ̀ Pɔnsi Pilati n Zudee gána mìi la, Erɔdi n Galilee gána mìi la, ǹ dɔɔ̃ngiĩ Filipi n Ituree gána laanka Trakoniti gána mìi la, Lizaniasi n Abilɛni gána mìi la,

Nya ǹ dín 11:30

Ǹ nə́ bɛ lɛ zɛnaa, ǹ nə́ kɔ Barnabaasi laanka Sooli la, mà ǹ wo wɔ Lawa a sɔmɔ minin lɛn nyɛɛnaandɛnan gɔn Zeruzalɛmu kiwi.

Nya ǹ dín 12:25

Barnabaasi laanka Sooli wo Zeruzalɛmu dí mɛn-a, bɛa yɔrɔ bɔ kio, ǹ nə́ wusoo ǹ nə́ woo piɛ. Ǹ nə́ woo ka ZAÃ nɛ, ǹ bɛ́ ZAÃ mɛn bíi Marki.

Nya ǹ dín 13:9

Sooli lɛ, a tɔ n Pooli dɔn, Lawa a Yiri Fu daa la, á n yii doa giĩ lɛ la ka gongon,

Nya ǹ dín 15:32

Zudaasi laanka Silaasi bɛ́ Lawa a boo gii-dalin lɛa, ǹ nə́ biikoo gigiã saa ǹ nə́ boo da ǹ nɛ, ǹ nə́ n dɔ ǹ lɛ, ǹ nə́ ǹ foo taã.

Nya ǹ dín 15:35

Pooli laanka Barnabaasi sɛ goã Antiɔsi. Ǹ nə́ goã minin darɛɛ, ǹ nə́ Dɛnaa a boo tii kɔɔ̃n kɛ pii kun ka min gigiã kɔsɔn nɛ.

Nya ǹ dín 19:6

Pooli nə́ n gɔn da ǹ la, á Lawa nyankɔ, Yiri Fu gisĩ ǹ la. Ǹ nə́ bɔlɔ soreen pɛ, ǹ nə́ Lawa a boo gii da.

Nya ǹ dín 21:9

A nɛnyaanan man nə́ goã nɛlɔ min sii, ǹ kɔ́n goã giĩ doɛ̃ wa. Maǹ nə́ goã Lawa a boo gii diɛ.

Nya ǹ dín 4:36

Bɛ lɛ nɛ, giĩ goon dɔ́ zɛnaa miɛ̃. Bɛa giĩ lɛ tɔ na á goã Zozɛfu, Siipri gána min ni, Levii tɔrɔ lɛa, dia dí-a wolen man nə́ goã bíi Barnabaasi, bɛ giala, mà "Minin foo-taãli".

Nya ǹ dín 9:1

Bɛa biikoo kɛ lɛ din tumaa li, Sooli sɛ na á goã taasiɛ goon we: A fuu nyaa Dɛnaa a kialandɛnan lɛn manɛ, a ǹ dɛ ǹ gã. Á woo wúlu-bɔlen kiã li,

Rɔmu minin 16:21

Maa dí nya kun wole Timote á fòo diɛ ka nɛ, ka ma tɔrɔ minin dɔn nɛ: Lusiisu ni, Zaazɔn nɛ ka Sɔsipatrɔsi ni.

Korɛnti1 11:4

Bɛ ganaa, giĩ mɛn tumaa bɛ́ Lawa nyankoe, hinlaa Lawa a boo gii diɛ ka màn nə́ kuməə ne a mìi ganaa, bɛ ǹ Krita puusə koe.

Korɛnti1 13:2

Ta má Lawa a boo gii-dali baa, ta má màn-doɛ̃ tumaa yɛ, man sii-duriin tumaa doɛ̃, goleemali mɛn bɛ́ boe la a kelen goa a ǹ bɔ ǹ bǎã nɛ, ta má bɛ yɛ, bɛ̀ kɔn-narɛɛ ba ma lon wa, ma a màn kɔ́n lɛa wa.

Korɛnti1 13:8

Kɔn-narɛɛ a papaɛ̃ duduu wa. Lawa a boo gii-dalibaa á re nyɛɛ, bɔlɔ soree pɛ á re nyɛɛ, màn-doɛ̃ á re nyɛɛ.

Korɛnti1 14:29

Lawa a boo gii-dalin boon wɔ paǹ li, min paa hinlaa min sɔɔ á boe la a boo da, ǹ miãn gialakunun kɛn nə́ kiri we ǹ boo diɛn lɛn ganaa.

Korɛnti1 14:32

Min mɛnɛn bɛ́ ǹ nə́ Lawa a boo gii-dalibaa yɛ, ǹ dinin man a diɛ biikoo doɛ̃.

Korɛnti1 9:6

Hinlaa, masɛ laanka Barnabaasi dinsɔɔ̃ doamaa nɛ wɔ dí nya, wɔ tɔn màn-bii yɛ wɔ bii?

Galaasi minin 2:13

Wɔ dɔɔ̃n Zuifun kɛn dɔn nə́ yoo, ǹ nə́ bɛa fɔ̃madinbaalɛ ǹ sii kɛ zɛnɛɛ ka Piɛrɛ wɔ bɛ́ lɔn. Haalɛ Barnabaasi dinmaa dɔ́ toa ǹ nə́ baã, ǹ nə́ da bɛa fɔ̃madinbaalɛ ǹ sii kɛ lɛ nɛ.

Galaasi minin 2:9

Zaaki ni, Piɛrɛ nɛ, ka ZAÃ nɛ, bɛn lɛn man nə́ goã nyɛɛnaan-bɔlen lɛa. Ǹ nə́ dɔ̃ mà Lawa na á bɛa bǐɛ̃baa ǹ dí kɛ lɛ kɔ masɛ la. Ǹ nə́ n gɔn wɔ masɛ gɔn ka Barnabaasi ni. Bɛ nə́ n baa wɔa kaa kun mìi lɛa, màn mɛn bɛ́ toɛ, wɔsɛn nə wo tɔrɔ kɔsɔn li, ǹsɛn nə wo Zuifun li.

Efɛɛzi minin 4:11

A din lɛ dɔ na á bǐɛ̃ totoron zɛnaa minbuiinin ni: Á minin kɔnɔn baa dia dí-a wolen lɛa, á kɛn baa Lawa a boo gii-dalin lɛa. Á ǹ tɛnɛn baa Boo Tii Kɔɔ̃n laakalaalin lɛa, á gialakunun baa ga Lawa a sɔmɔ walan wolen lɛa, ǹ nə́ minin darɛɛ.

Filipi minin 4:22

Lawa a zaman mɛn tumaa bɛ́ kànaa ma li, sanparɛ ka gánadɛnaa gole a kion minin kɛn nɛ, ǹ tumaa á fòo diɛ ka nɛ.

Tesaloniki1 5:20

Bɛ̀ ǹ nə́ Lawa a boo gii da ka nɛ, ka nyan baa sii kiɛɛrɛ lɛa ka n piã-n wa.