Nya ǹ dín 12:17 - LAWA A BOO SONBORE

¹⁷ Piɛrɛ nə́ n gɔn yiɛ ǹ nɛ, mà ǹ nə n lɛ tã. Dɛnaa bɛ́ á bɔ kòso-n lɔn, á bɛ laakalaa ǹ nɛ. A ná a boo gɔn nyɔmɔɔ ka kɛ nɛ: «Ka wo bɛ pɛ Zaaki laanka dɔɔ̃nɔn manɛ.» Bɛ kio, á zii kũ á woo kɛ kɔsɔ ganaa.

LAWA A BOO SONBORE 2011

¹⁷ Piɛrɛ nə́ n gɔn yiɛ ǹ nɛ, mà ǹ nə n lɛ tã. Dɛnaa bɛ́ á bɔ kòso-n lɔn, á bɛ laakalaa ǹ nɛ. A ná a boo gɔn nyɔmɔɔ ka kɛ nɛ: «Ka wo bɛ pɛ Zaaki laanka dɔɔ̃nɔn manɛ.» Bɛ kio, á zii kũ á woo kɛ kɔsɔ ganaa.

Nya ǹ dín 12:17 ပူးပေါင်းရင်းမြစ်များ

Loen 146:7

Ǹ bɛ́ boe min mɛn yii ni, a din nə sonbore koe bɛ la. A din nə màn-bii koe bòonaan la. A din nə kòso nɛn sii á ǹ kiɛ.

Loen 66:16

Kasɛn mɛnɛn tumaa bɛ́ Lawa bɔlɔ-silin lɛa, ka da n too kɔ. A màn mɛn zɛnaa masɛ nɛ, ma á re bɛ laakalɛɛ ka nɛ.

Matiə 10:23

Bɛ̀ minin nə́ fuu nyaa ka nɛ kiwi mɛn nɛ, ka baa si ka wo kiwi kɔsɔ nɛ. Man pii ka nɛ, sonbore: Ka laan bɛ̀ ka Izirayeli kiwin kɛn tumaa kaa kɔn la ka nya, bɛ̀ masɛ Min a Nɛgiĩ wusoo má daa.

Marki 6:3

A din da-sɛlɛli kɛ lɛ bie wa ya? Mariya a nɛ kɛ lɛ bie wa? Ǹ dɔɔ̃ngiĩ bie ka Zaaki ni, ka Zoze ne ka Zude laanka Simɔn nɛ wa? Ǹ miãnɛnɛn bie ke kun ka wɔsɛn nɛ kànaa wa ya?» Bɛ lɛ na á toa, ǹ nə́ n piã nɛ.

Luku 1:22

Zakarii bɛ́ á soo ǹ mɛn waáraa, a boo la á boo da min ni wa, zaman lɛ dɔ̃, mà a yii na á màn yɛ Lawa a kion nyɛɛnaan sonbore lɛ nɛ. A goã boo diɛ min kɔ́n nɛ wa, a na á goã n gɔnɔn dininsɔɔ̃nɔn biĩ.

Zaã a sɛ́wɔ 10:40

Yezu wusoo á woo Zurdɛ̃ tà kio, ZAÃ goã *batɛmu diɛ minin ganaa bǎã mɛn nɛ lɛlɛ, á giã walan.

Zaã a sɛ́wɔ 11:54

A kũ bɛ lɛ ganaa, Yezu ná a lɛ da a ba n din nyɛɛ Zuifun yɔrɔ-a miɛ̃ doo wa. Á soo á n bɔ walan, á woo don, lɛkoro-a ǹ kiwi kɔ́n nɛ, a tɔ mà Efrayimu, a laanka a kialandɛnan nə́ giã walan bɔrɔ.

Zaã a sɛ́wɔ 13:24

Simɔn Piɛrɛ tɔ́n gòon yiɛ bɛ ganaa, mà a nɔ̀n da Yezu la, mà a n die ganaa.

Zaã a sɛ́wɔ 7:1

Bɛ kio, Yezu goã n bibiĩ Galilee gána nɛ. Bibiə̃ Zudee gána-n goã kɔɔ̃n a ganaa wa, a giala, Zuifun pàãdɛnan man nə́ goã giɛ li mà ǹ dɛ.

Zaã a sɛ́wɔ 8:59

Bɛa boo lɛ taman yii, ǹ nə́ kɔlɔn goa mà maǹ Yezu dii ni. Sɛnɛ, á n duru á soo á n bɔ Lawa a kion.

Nya ǹ dín 1:15

Kialandɛnan mɛnɛn lɛ bɛ́ soe-n kɔn, ǹ nə́ woo dɔ min paabiɛ ka fuə (120) kɛ miã. Ǹ kɔ́n pinaa Piɛrɛ yoo á golee dɔɔ̃nɔn lɛn bii, á pɛ:

Nya ǹ dín 12:16

Bɛa biikoo kɛ lɛ din tumaa li, Piɛrɛ na á goã kiɛnlɛ lɛ dii. Nyɔɔbaa nɛ ǹ nə́ tɔ́n kiɛnlɛ bũ. Ǹ bɛ́ ǹ nə́ woo yaa Piɛrɛ din lɛa, á ǹ tɔwaa parsiini.

Nya ǹ dín 12:18

Lɛ̀ bɛ́ á waa, sɛ-pɛ gigiã bɔ sɔraasin li. Maǹ nə́ goã nɔ̀n diɛ Piɛrɛ kɛ a dɔ ǹ bǎã li.

Nya ǹ dín 13:16

Pooli tɔ́n yoo, á n gɔn saa lon mà zaman lɛ nə n lɛ tã, á pɛ: – Izirayeli minin lɛn nɛ, ka tɔrɔ kɔsɔn mɛnɛn dɔn bɛ́ nyɛ́ɛ biɛ Lawa nɛ, ka n too kɔ ma lon.

Nya ǹ dín 15:13

Ǹ bɛ́ ǹ nə́ boo da ǹ nə́ nya, Zaaki dɔ tɔ́n nə́ n lɛ bũ á pɛ: – Ma dɔɔ̃nɔn lɛn, ka n too kɔ masɛ lon.

Nya ǹ dín 16:40

Pooli laanka Silaasi bɛ́ ǹ nə́ soo kòso-n gɔrɔ, ǹ nə́ woo Lidi yaa, ǹ nə́ dɔɔ̃n Lawa-nyankɔlen lɛn yɛ, ǹ nə́ ǹ foo taã, bɛ kio, ǹ nə́ woo.

Nya ǹ dín 19:33

Zuifun nə́ Alɛksandrə nyanaa ǹ nə́ da nyɛɛnɛ, yǎa minin kɔnɔn nə sii lɛ yɔrɔ pɛ nɛ. Alɛksandrə nə́ n gòon saa lon, mà a n die boo diɛ zaman lɛ nɛ, á nyɛɛ mà Zuifun nə sii kɛ lɛ la wa.

Nya ǹ dín 21:18

A lɛawaa, Pooli woo kun wɔ nɛ Zaaki a piɛ, wɔ́ woo nyɛɛnaandɛnan tumaa yaa walan gɔrɔ.

Nya ǹ dín 21:40

Sɔraasin goledɛnaa lɛ bɛ́ á lɛ kɔ, Pooli yoo á golee lon banbaran lɛ la, á n gɔn yiɛ zaman lɛ nɛ. Wɔlɔ golee ka kiĩni, yǎa a tɔn boo da zaman lɛ nɛ ka *Ebrəə bɔlɔ nɛ:

Nya ǹ dín 28:15

Wɔ dɔɔ̃nɔn mɛnɛn bɛ́ Rɔmu, bɛn bɛ́ ǹ nə́ wɔa daa boo ma, ǹ nə́ yoo ǹ nə́ daa yǎa Apiyusu kiwi a pii ni, ka Tiin yu ǹ bǎã sɔɔ kɛ nɛ, ǹ nə́ n da wɔ lɛ. Pooli bɛ́ á ǹ yɛ, á barka da Lawa nɛ, a foo taã.

Korɛnti1 15:7

Bɛ dɔ kio doo, á n din nyaa Zaaki ni, á tɔ́n nə n din nyaa a dia dí-a wolen tumaa nɛ.

Galaasi minin 1:19

Sɛnɛ, bɛa lɛawaan kɛn lɛn tumaa gɔ́ɔ̃ nɛ, ma kɔn yɛ ka Yezu a dia dí-a wole kɔsɔ-n wa, yǎa Dɛnaa din dɔɔ̃ngiĩ Zaaki kɛ dinsɔɔ̃.

Galaasi minin 2:12

Zaaki a dia dí-a wolen bɛ́ ǹ tɔn daa wa, a na á goã màn bii kun ka tɔrɔ kɔsɔn kɛn nɛ, Krita a minin lɛa. Sɛnɛ, ǹ bɛ́ ǹ nə́ daa biikoo mɛn li, á n na á n bɔ ǹ ganaa. A màn bii kunun ǹ ni doo wa, a giala, a na á nyɛ́ɛ baa Zaaki a minin lɛn manɛ, ǹ paraa kurii boo ganaa kɛ taman yii.

Galaasi minin 2:9

Zaaki ni, Piɛrɛ nɛ, ka ZAÃ nɛ, bɛn lɛn man nə́ goã nyɛɛnaan-bɔlen lɛa. Ǹ nə́ dɔ̃ mà Lawa na á bɛa bǐɛ̃baa ǹ dí kɛ lɛ kɔ masɛ la. Ǹ nə́ n gɔn wɔ masɛ gɔn ka Barnabaasi ni. Bɛ nə́ n baa wɔa kaa kun mìi lɛa, màn mɛn bɛ́ toɛ, wɔsɛn nə wo tɔrɔ kɔsɔn li, ǹsɛn nə wo Zuifun li.

Zaaki 1:1

Masɛ Zaaki, Lawa laanka Dɛnaa Yezu *Krita a bɛ̀rɛ n sɛ́wɔ kɛ diɛ. Lawa a minin mɛnɛn bɛ́ pɛsiɛ̃-n kanaa paǹ tumaa nɛ, ka Izirayeli tɔrɔ fulupaa kɛ bɛ́ lɔn, ma á fòo diɛ ka tumaa nɛ.