Nya ǹ dín 11:24 - LAWA A BOO SONBORE

²⁴ Sonbore, Barnabaasi lɛ na á goã min pepere lɛa, Lawa a Yiri Fu n la, golee Lawa li dɔ ná a lon. Bɛa yɔrɔ kɛ lɛ la, zaman gole kaa kun ka Lawa-nyankɔlen lɛn nɛ, ǹ nə́ golee Dɛnaa li.

LAWA A BOO SONBORE 2011

²⁴ Sonbore, Barnabaasi lɛ na á goã min pepere lɛa, Lawa a Yiri Fu n la, golee Lawa li dɔ ná a lon. Bɛa yɔrɔ kɛ lɛ la, zaman gole kaa kun ka Lawa-nyankɔlen lɛn nɛ, ǹ nə́ golee Dɛnaa li.

Nya ǹ dín 11:24 ပူးပေါင်းရင်းမြစ်များ

Samayeli2 18:27

Wɔlɔ-lɛduə̃li lɛ pɛ doo: – Ma á giĩ lɛ a bibinaa kɛ doɛ̃ a baa si ǹ gɔn li: «Sadɔki a nɛgiĩ Ayimaasi ni.» Kii tɔ́n pɛ doo: «Min sonbore ne, a n die ka boo kɔɔ̃n nɛ.»

Loen 112:5

Min mɛn bɛ́ nɔmaa-wɔle makara doɛ̃, á n giɔ̀mɔ diɛ a ganaa, a ná a sii yɔrɔ boe ka peperebaa nɛ, bɛa dɛnaa wɔ á re bǐɛ̃ koe.

Loen 37:23

Bɛ̀ min mɛn a zɛnaa ǹ sii tá kɔɔ̃n Dɛnaa Lawa ganaa, a n foo-doa koe bɛ la a zii tɔ-we gɔ́ɔ̃ nɛ.

Suusun 12:2

Sii sonbore-zɛnaali n kɔɔ̃n dɛnaa Lawa ganaa. Sɛnɛ min mɛn bɛ́ ǹ miãn siɛ̃, Lawa n zɛ̀rɛ diɛ bɛn la.

Suusun 13:22

Min mɛn bɛ́ sii bǐɛ̃ zɛnɛɛ, a n kíɛ̃ koɛ a nɔ̀ɔnɔn manɛ. Sɛnɛ, sii baraa-zɛnaali a naforo n sii sonbore-zɛnaalin wɔ lɛa.

Suusun 14:14

Min mɛn bɛ́ a yiikoonaabaa zɛnɛɛ a din mìi gialaa, a bɛ́ kɔnboe ka màn mɛn nɛ, á re bɛ yii. Min mɛn a giã ǹ gɔn bɛ́ siĩni, bɛa sii á re bǐɛ̃ koe.

Matiə 12:35

Boo sonbore n boe min sonbore lɛ-n, boo baraa n boe min baraa lɛ-n.

Matiə 19:17

Yezu tɔ́n pɛ nɛ: «Wàa na á baa n tá nɔ̀n diɛ ma la sii sonbore wɔ gɔn la? Min goon dinsɔɔ̃ n siĩni, bɛ n ka Lawa nɛ. Bɛ̀ n tá li n nyin nyabaã yɛ, Lawa a dí-pɛn tamaa.»

Luku 23:50

Zuifun kiri-wɔlen lɛn bii, giĩ goon na á goã boe Arimatee kiwi, a tɔ n Zozɛfu. A na á goã min sonbore lɛa, a n pepere dɔn. A na á goã n yii diɛ *Lawa a kiibaa ǹ dí kɛ a daa la. Ǹ miãn nə sii mɛn zɛnaa, a lɛ kɔ bɛ ganaa wa.

Zaã a sɛ́wɔ 7:12

Zaman lɛ bii, minin man nə́ goã kɔn liere koe parsiini a wɔ gɔn la. Ǹ tɛn na á goã pii mà min sonbore ne, ǹ tɛn dɔ mà Aba, mà a n minin yiri siɛ̃.

Nya ǹ dín 11:21

Dɛnaa din na á goã n doe ǹ lɛ, bɛ lɛ taman yii, min gigiã nə́ n yɔrɔ bɔyaa ǹ nə́ da Yezu la, ǹ nə́ golee li.

Nya ǹ dín 2:4

Lawa a Yiri Fu daa ǹ tumaa kũ, yǎa ǹ mɛ la ǹ nə́ bɔlɔ kɔsɔn pii, a n kɔnpii ka Yiri Fu lɛ din a boo wɔ ǹ lɛ-n nɛ.

Nya ǹ dín 2:47

Maǹ nə́ goã Lawa tɔ boe, min tumaa dɔ goã boo sonbore diɛ ǹ wɔ gɔn la. Lawa bɛ́ min mɛnɛn kirisibiɛ, a na á goã bɛn kiɛ a din a zaman lɛ li baraabaraa.

Nya ǹ dín 24:16

Bɛ lɛ nɛ ma tá n doɛ ma á dí nyɛɛ, màn mɛn bɛ́ toɛ, ma foo baran ma zɛ̀rɛ baa Lawa laanka minbuiinin yɔrɔ-a wa.

Nya ǹ dín 5:14

Màn na á goã miɛ zaman gole kɛ li die golee Dɛnaa Yezu li, giĩ gigiã nɛ ka lɔ gigiã nɛ, bɛn man nə́ goã kiɛ Lawa a zaman lɛ li.

Nya ǹ dín 6:3

Ka ga ka dinin bii, ka min sɔbaa bɔ, minin mɛnɛn tɔ bǐɛ̃ bɛ́ boe, Yiri Fu nə́ ǹ la, ǹ nə́ sii dɔ doɛ̃. Ka bɛa minin lɛn bɔ wɔsɛn nə ǹ da màn-bii dí lɛ mìi la.

Nya ǹ dín 6:5

Zaman lɛ tumaa lɛ kɔ boo kɛ ganaa. Ǹ nə́ Itian bɔ, golee Lawa li tá a lon parsiini, Yiri Fu dɔ tá la. Maǹ ná asɛ bɔ ka Filipi ni, Prokɔɔrɔ nɛ, Nikanɔɔrɔ nɛ, Tiimɔn nɛ, Parmanaasi ni, ka Nikolaa nɛ, bɛ n Antiɔsi kiwi min lɛa á wɔ Zuifubaa nɛ.

Nya ǹ dín 6:8

Lawa pàã kɔ Itian la parsiini, á goã sii-nyaa ǹ sii dadaran zɛnɛɛ zaman lɛ bii.

Nya ǹ dín 9:31

Bɛa biikoo kɛ li, Lawa a sɔmɔ minin mɛnɛn bɛ́ bǎã tumaa nɛ, Zudee gána nɛ, Galilee gána nɛ ka Samarii gána nɛ, bɛn nə́ goã yii-nyɛɛ la. Ǹ nə́ goã kɔn foo taɛ̃, ǹ nə́ n doe kɔn lɛ, ǹ nə́ goã tɔ we ka nyɛ́ɛbaa Dɛnaa yii-n ni. Lawa a Yiri Fu barka nɛ, màn na á goã miɛ ǹ li á woe nyɛɛnɛ.

Rɔmu minin 15:15

Má sɛ́wɔ kɛ a paǹ tɛn kiɛ̃ ka boo kaka nɛ, a mìi n ka kɛ dinsɔɔ̃ nɛ: Ka bɛ́ màn mɛn doɛ̃ gɔrɔ ke lɛn, man ka yiri gisĩ bɛ nɛ. Lawa din bɛ́ á dí mɛn kɔ ma la, ká a din a bǐɛ̃ barka nɛ, bɛ n zii koe ma la ma á zɛnɛɛ miɛ̃.

Rɔmu minin 5:7

Die foo n die taɛ̃, a lɛ kɔ a gã min kɔsɔ a lɛa, haalɛ ta bɛa min lɛ din nə zɛ̀rɛ baãnaa lɛa? Kɔntan bǐɛ̃-zɛnaali sonbore kɔ́n a lɛa, minin tá yii ǹ lɛ kɔ gɛ̀ ganaa.