Nya ǹ dín 11:23 - LAWA A BOO SONBORE

²³ A bɛ́ á dɔ á Lawa a bǐɛ̃baa ǹ dí kɛ yɛ, á n nyɛnyɛɛ. Á ǹ tumaa foo taã mà ǹ nə ǹ goleemali kɛ kũ kaka, ǹ goã bɔlɔgoondɛnan lɛa Dɛnaa a paǹ li.

LAWA A BOO SONBORE 2011

²³ A bɛ́ á dɔ á Lawa a bǐɛ̃baa ǹ dí kɛ yɛ, á n nyɛnyɛɛ. Á ǹ tumaa foo taã mà ǹ nə ǹ goleemali kɛ kũ kaka, ǹ goã bɔlɔgoondɛnan lɛa Dɛnaa a paǹ li.

Nya ǹ dín 11:23 ပူးပေါင်းရင်းမြစ်များ

Kiin2 18:6

A na á goã naa-n Dɛnaa Lawa ganaa, a goã n niɛ̃ a ganaa wa. Dɛnaa Lawa goã á n gɔn waa Muizu ni ka boon mɛnɛn nɛ, Ezekiasi lɛ bɛn tamaa.

Loen 17:3

N din bɛ́ ń ma gɔ́ɔ̃ gɔsɛ, tèlò-n, ń ga maa sii ganaa, ń nə́ n da ma gɔ́ɔ̃ li, n bɛ́ n màn kɔn yɛ ma-a wa. Ma màn mɛn taasɛ, maa da ǹ boo kiɛ̃ bɛ la wa.

Suusun 23:15

Maa nɛ, bɛ̀ n sii-dɔ̃li baa, bɛ n masɛ foo kɔɔ̃n koe.

Suusun 23:28

A n gɔn diɛ ka waa zii ganaa wole bɛ́ lɔn, a n giĩn kiɛ bɔlɔgoonbaãdɛnaabaa ganaa.

Matiə 16:24

Bɛ kio, Yezu pɛ a kialandɛnan manɛ: «Bɛ̀ min mɛn tá li a kɔ masɛ kio lɛ, yǎa bɛa dɛnaa nə n yiri boe a din ganaa, a nɔmaa sii a ganaa, a kɔ masɛ lɛ.

Marki 2:5

Yezu bɛ́ á bɛa minin kɛn lɛn goleemali yɛ, á tɔ́n pɛ giĩ paǹ tumaa gere-a lɛ nɛ: «Maa nɛ, n sii baraan nə́ n toa n nɛ.»

Zaã a sɛ́wɔ 15:4

Ka goã doa-n kɔn ka masɛ nɛ, ka masɛ bɛ́ doa-n kɔn-a ka-n lɔn. Bɛ̀ da gùrù a doa nɛ ǹ dan ganaa wa, a boe la a nɛ kɔ a dinsɔɔ̃ wa. Ka dɔn man miɛ̃, bɛ̀ ka a doa-n kɔn ka masɛ-n wa, ka a boe la ka sii kɔ́n zɛnaa wa.

Nya ǹ dín 13:43

Lɛsɔkɔn lɛ kio, Zuifun ni ka tɔrɔ kɔsɔn mɛnɛn nə wɔ Zuifubaa nɛ, bɛn gigiã kɔ Pooli laanka Barnabaasi lɛ. Ǹ bɛ́ sùn biɛ kunun ǹ ni, Pooli laanka Barnabaasi nə́ ǹ foo taã, mà ǹ goã golee Lawa li kɛ gɔ́ɔ̃ nɛ, Lawa din nə ǹ mɛn kɔ ka a bǐɛ̃baa barka nɛ.

Nya ǹ dín 14:22

Ǹ nə́ Lawa-nyankɔlen foo taã bɛa kiwin lɛn nɛ, ǹ nə́ ǹ nyankɔ mà ǹ nə n doa ǹ wo nyɛɛnɛ golee Lawa li gɔ́ɔ̃ nɛ. Ǹ nə́ pɛ ǹ nɛ, mà ǹsɛn doamaa nɛ ǹ nɔmaa gigiã bii wɔsɔ ǹ kiɛ̃, ǹ tɔn wɔ Lawa kiibaa ǹ bǎã lɛ nɛ.

Nya ǹ dín 14:26

Ǹ nə́ yoo walan ǹ nə́ tà kuru ǹ goo saa ǹ nə́ n yɔrɔ dia Antiɔsi la. Bɛa kiwi kɛ lɛ din ni, ǹ nə́ ǹ kɔ Lawa a bǐɛ̃baa la, ǹ nya ǹ dí kɛ lɛ a lɛa.

Nya ǹ dín 15:40

Sɛnɛ, Pooli sɛ Silaasi kũ á da kun a din ni. Dɔɔ̃nɔn ná a sii toa Dɛnaa gɔn, yǎa ǹ zii kɔ la á woo.

Nya ǹ dín 20:24

Ma a giɛ ma din a yiikoonaabaa kɛ ganaa màn kɔ́n lɛa wa, ma bɛ́ giɛ màn mɛn li, bɛ n ka kɛ nɛ: Ma maa dí nya a wo dɔ a lɛ dan ganaa, Dɛnaa Yezu din dí mɛn kɔ ma la, mà ma Lawa a bǐɛ̃baa ǹ Boo Tii Kɔɔ̃n kɛ pɛ, ma bɛ lɛ pã.

Nya ǹ dín 20:32

Sisia kəni, masɛ n ka toɛ Lawa laanka a din a bǐɛ̃baa ǹ boo kɔɔ̃n kɛ gɔn. Pàã tá Lawa lon a ka gù we yii, pàã tá a lon dɔn, a din bɛ́ màn sonboren mɛnɛn koɛ a wɔn manɛ, a bɛn kɔ ka la.

Nya ǹ dín 4:36

Bɛ lɛ nɛ, giĩ goon dɔ́ zɛnaa miɛ̃. Bɛa giĩ lɛ tɔ na á goã Zozɛfu, Siipri gána min ni, Levii tɔrɔ lɛa, dia dí-a wolen man nə́ goã bíi Barnabaasi, bɛ giala, mà "Minin foo-taãli".

Rɔmu minin 12:8

Bɛ̀ minin foo taã n min mɛn wɔ lɛa, bɛ dɔ minin foo taã. Bɛ̀ Lawa wɔ gii bɔ n min mɛn wɔ lɛa, bɛ dɔ bɛ zɛnaa ka foo sonbore ne. Bɛ̀ min mɛn dɔ n minin nyɛɛnaan boe, bɛa dɛnaa dɔ bɛ zɛnaa sɔnbɔraanɛ. Bɛ̀ min mɛn dɔ n doobaan goe màn nɛ, a zɛnaa ka foo kɔɔ̃n nɛ.

Korɛnti1 15:58

A bɛ́ miɛ̃, ma dɔɔ̃nɔn lɛn, ka n doa sɔnbɔraanɛ, màn kɔ́n ná a boe la, a bìn da ka ganaa wa. Ka toa ka wo nyɛɛnɛ biikoo tumaa li, Dɛnaa a dí-nyɛɛ gɔ́ɔ̃ nɛ, a giala, ka á doɛ̃, mà ka bɛ́ dí mɛn nyɛɛ kun ka Dɛnaa nɛ, mà bɛa kooro lɛa wa.

Korɛnti2 1:17

Bɛ a pɛ miɛ̃ kɛ a boe la a toa ka pɛ, mà ma a boo goon dali lɛa wa? Ma bɛ́ maa siin yɔrɔn boe lɔn, minbuiinbaa a bǐɛ̃ kɔ dinsɔɔ̃-n ma á giɛ li, a n boe la a toa ma pɛ mà «hiĩ, hiĩ», a da yaa «haayii, haayii» ni ma gɔ́ɔ̃ nɛ?

Korɛnti2 6:1

Ma bɛ́ dí nyɛɛ kun ka Lawa din ni, a bǐɛ̃ mɛn baa wɔ la, man ka nyankoe máa ka nyan toa, bɛ goã kooro wa.

Timəə dí-pɛn 10:20

Ka nyɛ́ɛ baa kaa Lawa, Dɛnaa Lawa yii ni, ka dí nya nɛ, ka n naa a din lɛ ganaa, ka n liɛ ka a din lɛ tɔ nɛ.

Timəə dí-pɛn 30:20

Bɛ n ka kɛ nɛ: ka kaa Lawa, Dɛnaa Lawa lɛ narɛ, ka n too kɔ a lon, ka n naa a din lɛ ganaa. Bɛ lɛ n die toɛ ka yii goã koo. Dɛnaa Lawa nə n liɛ mà asɛ á re bǎã mɛn koe ka digolo Abrahamu la, Izaaki laanka Zakɔba nɛ, ka boo la ka giã walan ka belebɔ.

Kolɔɔsi minin 1:6

Ka dininsɔɔ̃nɔn bie bɛa Boo Tii Kɔɔ̃n kɛ lɛ doɛ̃ wa, sɛnɛ, kanaa paǹ din tumaa n doɛ̃. Bǎã din tumaa nɛ, bɛa boo lɛ n woe nyɛɛnɛ, á barka we minin ni. Boo lɛ na á bɛ zɛnaa ka dɔn manɛ, a kũ kaa wɔ a miɛ bibinaa pinaa lɛ ganaa, ǹ Lawa a bǐɛ̃baa lɛ boo da ka nɛ ǹ mɛn pinaa, ká ma, ká a sonbore kɛ dɔ̃.

Timote2 3:10

Sɛnɛ, ma bɛ́ minin darɛɛ siin mɛnɛn ganaa, nsɛ Timote á bɛn doɛ̃. Maa tɔ wɔ ǹ gɔn nɛ, ka ma sii mɛn koa ma yɔrɔ-a, n tá bɛ dɔ doɛ̃. N maa goleemali boo ma, maa foo-kuĩ ni, ka maa kɔn-narɛɛ laanka maa sii simaa nɛ.

Zozoe 22:5

Sɛnɛ, Dɛnaa Lawa lɛ, kaa Lawa lɛa, bɛa dí-nyali Muizu lɛ dí mɛn tumaa pɛ ka nɛ landa gɔ́ɔ̃ nɛ, ka n yiri koa bɛ li taãn-taãnɛ, ka kɔ lɛ. Dɛnaa Lawa lɛ, ka Lawa lɛa, ka bɛ lɛ narɛ, ka a foo sii zɛnaa, ka kɔ a dí-pɛn lɛ, ka n naa a din lɛ ganaa. Ka n dinin kɔ, ka dí nya a din lɛ nɛ, ka ka foo tumaa nɛ.»

Zozoe 23:8

Sɛnɛ, Dɛnaa Lawa lɛ, kaa Lawa lɛa, ka n doa kɔn ka bɛ lɛ nɛ, ka ka bɛ́ ka zɛnaa lɔn, yǎa á daa kaa pelo lɛ.

Piɛrɛ1 5:12

Boo nɛ paa ke má n die diɛ ka la, Silaasi na á n dɔ ma lɛ, á ǹ kiɛ̃, Silaasi mɛn bɛ́, man kuĩ ma dɔɔ̃n Lawa-nyankɔle bɔlɔgoondɛnaa lɛa. Man sɛ́wɔ kɛ diɛ ma á ka foo taɛ̃. Man maa siérebaa ǹ boo kɛ pii ka nɛ, máa Lawa a bǐɛ̃baa kɛ n sonbore lɛa, máa ka goã bɛ lɛ gɔ́ɔ̃ nɛ.

Zaã1 2:28

A bɛ́ miɛ̃ kəni, maa nɛnyaanan lɛn, ka toa ka goã kun ka Krita nɛ, ń giɛ, wɔ á goɛ̃ piɛ̃-n ka foo-doa nɛ, a din-nyaa biikoo li, sìi baran wɔ kũ a daa pinaa, wɔ wɔlɔ lui a ganaa wa.

Zaã3 1:4

Bɛ̀ ma á miɛ, mà maa nɛnyaanan tá sonbore gɔ́ɔ̃ nɛ, màn kɔ́n ba kɔɔ̃n ma ganaa á dɔ bɛ li wa.

Zude 1:4

Sonbore, min baraan kɔnɔn nə́ wɔ ka bii ka durii ni, ǹ nə́ wɔa Lawa a bǐɛ̃baa ǹ boo kɛ kɔkɔrɛ, ǹ nə́ sonbore koe ǹ dinin la, ǹ naarɛbaa siin kɛn zɛnaa gɔ́ɔ̃ nɛ. Maǹ nə́ n piɛ̃ ka wɔ Mìinaa laanka wɔa Dɛnaa Yezu Krita dɔ nɛ. Bɛa minin kɛn lɛn, ǹ dɔlɔ bɔ ma ganaa boo nə́ n da haalɛ bibi.