Nya ǹ dín 11:20 - LAWA A BOO SONBORE

²⁰ Sɛnɛ, ǹ gialakunun mɛnɛn bɛ́ Siipri gána laanka Sirɛni kiwi minin lɛa, bɛn nə́ woo Antiɔsi, ǹ nə́ Dɛnaa Yezu a boo kɔɔ̃n kɛ pɛ tɔrɔ kɔsɔn dɔn manɛ.

LAWA A BOO SONBORE 2011

²⁰ Sɛnɛ, ǹ gialakunun mɛnɛn bɛ́ Siipri gána laanka Sirɛni kiwi minin lɛa, bɛn nə́ woo Antiɔsi, ǹ nə́ Dɛnaa Yezu a boo kɔɔ̃n kɛ pɛ tɔrɔ kɔsɔn dɔn manɛ.

Nya ǹ dín 11:20 ပူးပေါင်းရင်းမြစ်များ

Matiə 27:32

Ǹ bɛ́ soe kiwi gɔ́ɔ̃ nɛ, ǹ nə́ kaa Sirɛnin giĩ goon lɛ, a tɔ n Simɔn. Sɔraasin lɛn nə́ kũ ka pàã nɛ, mà a Yezu a dere ǹ gɔn gũ.

Zaã a sɛ́wɔ 7:35

A kũ bɛ lɛ ganaa, Zuifun man nə́ goã pii kɔn nɛ, mà a n die woe maa kəni, ǹsɛn nə ǹ ba yii doo wa? Mà Zuifun mɛnɛn bɛ́ pɛsiɛ̃-n bǎã kɔsɔn nɛ, mà a n die woe n doe kun bɛn nɛ, a Lawa doɛ̃baã wolen kɛn daraa kəni?

Nya ǹ dín 11:19

Fuu gole mɛn da Itian a gɛ̀ waáraa, á Lawa-nyankɔlen sasawaa. Bɛa minin kɛn lɛn tɛn nə́ woo yǎa Fenisii gána nɛ, ǹ nə́ wɔ Siipri gána laanka Antiɔsi kiwi. Ǹ Lawa a boo pɛ min kɔsɔ kɔ́n nɛ duduu wa, yǎa Zuifun.

Nya ǹ dín 11:22

Bɛa sii kɛ lɛ a boo daa kaa Lawa a sɔmɔ minin too ne Zeruzalɛmu kiwi. Ǹ nə́ Barnabaasi bɔ ǹ nə́ dia Antiɔsi kiwi.

Nya ǹ dín 11:26

Á woo yaa á kũ, á daa-n Antiɔsi kiwi. Ǹ nə́ lɛ̀ goon tumu zɛnaa, bɛ̀ ǹ nə́ dí nyɛɛ kun bɛa Lawa a sɔmɔ minin lɛn nɛ Antiɔsi, ǹ nə́ zaman gole darɛɛ. Ǹ Lawa-nyankɔlen bíi Krita wɔn, bɛ na á n giala kɔ Antiɔsi kiwi bibinaa nɛ.

Nya ǹ dín 11:27

Bɛa biikoo kɛ lɛ li, Lawa a boo gii-dalin nə́ bɔ Zeruzalɛmu ǹ nə́ woo Antiɔsi.

Nya ǹ dín 13:1

Lawa a boo gii-dalin laanka minin-daraalin kɔnɔn nə́ goã Lawa a sɔmɔ lɛ nɛ Antiɔsi kiwi. Bɛa minin lɛn man ka Barnabaasi ni, Simiɔn nɛ, ǹ bɛ́ min mɛn bíi Min Tì, ka Lusiisu mɛn bɛ́ boe Sirɛni kiwi, ka kii Erɔdi a nɛnyaanmaa a koa-kun wole Manayɛni ni, ka Sooli ni.

Nya ǹ dín 14:26

Ǹ nə́ yoo walan ǹ nə́ tà kuru ǹ goo saa ǹ nə́ n yɔrɔ dia Antiɔsi la. Bɛa kiwi kɛ lɛ din ni, ǹ nə́ ǹ kɔ Lawa a bǐɛ̃baa la, ǹ nya ǹ dí kɛ lɛ a lɛa.

Nya ǹ dín 15:22

Dia dí-a wolen lɛn laanka nyɛɛnaandɛnan lɛn nə́ kɔnwɔ ma ka Lawa a sɔmɔ minin lɛn nɛ, ǹ nə́ golee li, ǹ nə́ minin bɔ ǹ dinin bii, ǹ nə́ ǹ dia Antiɔsi kiwi, kun ka Pooli ni ka Barnabaasi ni. Bɛa minin lɛn, Zudaasi ni, ǹ nə́ bíi Barsabaasi, ka Silaasi ni, min yii guguru-an manɛ ǹ dɔɔ̃nɔn bii.

Nya ǹ dín 15:23

Ǹ nə́ tɔ́n sɛ́wɔ kɛ kɔ ǹ la a n kiɛ̃-n kɛnɛn: «Dɔɔ̃nɔn lɛn, kasɛn mɛnɛn bɛ́ tɔrɔ kɔsɔn lɛa, ka golee Lawa li, ka n Antiɔsi kiwi ka Siirii laanka Siliisii gána nɛ, wɔsɛn dia dí-a wolen ne, nyɛɛnaandɛnan nɛ, ka Lawa-nyankɔlen tá fòo diɛ ka nɛ.

Nya ǹ dín 15:30

Ǹ nə́ zii kɔ zii tɔ-wɔlen lɛn la ǹ nə́ woo Antiɔsi kiwi. Ǹ bɛ́ ǹ nə́ dɔ, ǹ nə́ Lawa-nyankɔlen lɛn tumaa lɛ sɔkɔn, ǹ nə́ sɛ́wɔ lɛ kɔ ǹ la.

Nya ǹ dín 17:18

Yiridɛnan kɔnɔn dɔn dinin tan, ǹ nə́ ǹ bíi mà Sitoyisiɛ̃n ka Epikuriɛ̃n, bɛn nə́ goã sùn biɛ kun ni. Ǹ tɛnɛn man nə́ goã pii: «Kɛa boo gigiã dali kɛ n pii mà wàa sɛn?» Kɔsɔn dɔn man pii: «A n die goɛ̃ dì tiin boo-laakalaali lɛa.» Sonbore, Pooli na á goã Yezu laanka geren yii-kaa boo diɛ.

Nya ǹ dín 18:22

á woo gisĩ Sezaaree kiwi, á tɔ́n tɔ wɔ, á woo fòo da Lawa a sɔmɔ minin manɛ Zeruzalɛmu. Bɛ kio, á woo Antiɔsi kiwi.

Nya ǹ dín 2:10

Frizii ni ka Panfilii gána nɛ, Ezipti ni ka Liibii a Sirɛni gána nɛ, Rɔmu minin ni

Nya ǹ dín 4:36

Bɛ lɛ nɛ, giĩ goon dɔ́ zɛnaa miɛ̃. Bɛa giĩ lɛ tɔ na á goã Zozɛfu, Siipri gána min ni, Levii tɔrɔ lɛa, dia dí-a wolen man nə́ goã bíi Barnabaasi, bɛ giala, mà "Minin foo-taãli".

Nya ǹ dín 5:42

Baraabaraa, Lawa a kion gɔ́ɔ̃ nɛ hinlaa ǹ dinin piɛn nɛ, ǹ goã minin daraa laanka Yezu Minin Nyin-sili boo kɔɔ̃n kɛ a pɛ lɛ diɛ wa.

Nya ǹ dín 6:1

Bɛa biikoo kɛ lɛ li, màn mɛ Yezu a kialandɛnan lɛn li, ǹ nə́ mɔnaa. Zuifun mɛnɛn nə́ bɔ bǎã kɔsɔn nɛ, ǹ nə́ Grɛki bɔlɔ pii, bɛn nə́ goã gungunun sii gána gɔ́ɔ̃ wɔn kɛn ganaa, a giala, mà maǹ màn-bii gii baraabaraa, ǹ ba ǹ lɔ giɔɔrɔn goe taãn wa.

Nya ǹ dín 6:5

Zaman lɛ tumaa lɛ kɔ boo kɛ ganaa. Ǹ nə́ Itian bɔ, golee Lawa li tá a lon parsiini, Yiri Fu dɔ tá la. Maǹ ná asɛ bɔ ka Filipi ni, Prokɔɔrɔ nɛ, Nikanɔɔrɔ nɛ, Tiimɔn nɛ, Parmanaasi ni, ka Nikolaa nɛ, bɛ n Antiɔsi kiwi min lɛa á wɔ Zuifubaa nɛ.

Nya ǹ dín 6:9

Sɛnɛ, bɛa siin kɛn lɛn zɛnaa gɔ́ɔ̃ nɛ, liere wɔ Itian laanka minin kɔnɔn bii ni. Ǹ tɛnɛn man boe lɛsɔkɔn kion kɔ́n nɛ, ǹ nə́ bíi mà Bɔ Bɛ̀rɛbaa-n Wolen lɛsɔkɔn kion, gialakunun man Sirɛni gána minin lɛa, ka Alɛksandrii kiwi minin ni, kɔsɔn dɔn man Siliisii laanka Azii gána minin lɛa.

Nya ǹ dín 8:35

Filipi tɔ́n nə́ n lɛ bũ, á saa sɛ́wɔ kɛ lɛ a boo ganaa, á Yezu boo kɔɔ̃n kɛ pɛ giĩ lɛ nɛ.

Nya ǹ dín 8:5

Bɛa gɔn kɛ lɛ la, Filipi woo Samarii kiwi. Á pɛ bɛa kiwi lɛ a minin manɛ, mà Lawa bɛ́ mà á re Minin Nyin-sili mɛn diɛ, mà Yezu lɛ n bɛ lɛa.

Nya ǹ dín 9:20

A ná a giala kɔ gɔrɔ á woe lɛsɔkɔn kionən ne, á pii mà Yezu n Lawa a Nɛgiĩ lɛa.

Nya ǹ dín 9:29

Zuifun mɛnɛn nə goã Grɛki bɔlɔ pii, liere wɔ Sooli laanka bɛn bii ni. Sɛnɛ, maǹ nə́ goã giɛ li mà ǹ dɛ a gã.

Korɛnti1 2:2

A giala, ma biikoo mɛn zɛnaa ka li, ma ga li máa ma màn kɔsɔ nyaa ka nɛ, á kiɛ̃ Yezu *Krita boo la wa, sanparɛ a dere gɔn ganaa boo kɛ din.

Galaasi minin 2:11

Sɛnɛ, Piɛrɛ bɛ́ á daa Antiɔsi kiwi, wɔ́ mɛ kɔn panparaanɛ. A giala, mà a din na á sã ǹ sii zɛnaa.

Efɛɛzi minin 3:8

Masɛ n Lawa a zaman kɛ a min bɔnboɛɛnɛn tumaa a boɛɛndɛnaa lɛa. Bɛ tumaa kio, Lawa nə́ n tã la, á lɛ kɔ ma la, ka bɛa bǐɛ̃ kɛ nɛ. Mà ma Krita a màndɛnaa gole gole baa ǹ Boo Tii Kɔɔ̃n kɛ pɛ tɔrɔ kɔsɔn manɛ.