Nya ǹ dín 11:19 - LAWA A BOO SONBORE

¹⁹ Fuu gole mɛn da Itian a gɛ̀ waáraa, á Lawa-nyankɔlen sasawaa. Bɛa minin kɛn lɛn tɛn nə́ woo yǎa Fenisii gána nɛ, ǹ nə́ wɔ Siipri gána laanka Antiɔsi kiwi. Ǹ Lawa a boo pɛ min kɔsɔ kɔ́n nɛ duduu wa, yǎa Zuifun.

LAWA A BOO SONBORE 2011

¹⁹ Fuu gole mɛn da Itian a gɛ̀ waáraa, á Lawa-nyankɔlen sasawaa. Bɛa minin kɛn lɛn tɛn nə́ woo yǎa Fenisii gána nɛ, ǹ nə́ wɔ Siipri gána laanka Antiɔsi kiwi. Ǹ Lawa a boo pɛ min kɔsɔ kɔ́n nɛ duduu wa, yǎa Zuifun.

Nya ǹ dín 11:19 ပူးပေါင်းရင်းမြစ်များ

Matiə 10:6

Izirayeli minin mɛnɛn bɛ́ ǹ nə papaã ka sèren bɛ́ lɔn, ka wo bɛn li, bɛ á sóɛ.

Zaã a sɛ́wɔ 7:35

A kũ bɛ lɛ ganaa, Zuifun man nə́ goã pii kɔn nɛ, mà a n die woe maa kəni, ǹsɛn nə ǹ ba yii doo wa? Mà Zuifun mɛnɛn bɛ́ pɛsiɛ̃-n bǎã kɔsɔn nɛ, mà a n die woe n doe kun bɛn nɛ, a Lawa doɛ̃baã wolen kɛn daraa kəni?

Nya ǹ dín 11:20

Sɛnɛ, ǹ gialakunun mɛnɛn bɛ́ Siipri gána laanka Sirɛni kiwi minin lɛa, bɛn nə́ woo Antiɔsi, ǹ nə́ Dɛnaa Yezu a boo kɔɔ̃n kɛ pɛ tɔrɔ kɔsɔn dɔn manɛ.

Nya ǹ dín 11:22

Bɛa sii kɛ lɛ a boo daa kaa Lawa a sɔmɔ minin too ne Zeruzalɛmu kiwi. Ǹ nə́ Barnabaasi bɔ ǹ nə́ dia Antiɔsi kiwi.

Nya ǹ dín 13:1

Lawa a boo gii-dalin laanka minin-daraalin kɔnɔn nə́ goã Lawa a sɔmɔ lɛ nɛ Antiɔsi kiwi. Bɛa minin lɛn man ka Barnabaasi ni, Simiɔn nɛ, ǹ bɛ́ min mɛn bíi Min Tì, ka Lusiisu mɛn bɛ́ boe Sirɛni kiwi, ka kii Erɔdi a nɛnyaanmaa a koa-kun wole Manayɛni ni, ka Sooli ni.

Nya ǹ dín 13:4

Barnabaasi laanka Sooli bɛ́ Yiri Fu a dia dí-a wolen lɛa, ǹ nə́ woo Selusii kiwi, ǹ nə́ tà kuru ǹ goo saa walan ǹ nə́ n yɔrɔ dia Siipri gána la.

Nya ǹ dín 13:46

Pooli laanka Barnabaasi pɛ ǹ nɛ ka foo tãbaa nɛ: – Lawa a boo kɛ lɛ doamaa nɛ a n pɛ ka dinin lɛn man bɔrɔ, sɛnɛ, ka bɛ́ ka n piã nɛ, ka ga ka dinin ganaa mà kasɛn doamaa bie ka nyin nyabaã kɛ-n wa, bɛ lɛ nɛ, wɔsɛn manə bɔyɛɛ wɔ n yɔrɔ da tɔrɔ kɔsɔn la.

Nya ǹ dín 14:26

Ǹ nə́ yoo walan ǹ nə́ tà kuru ǹ goo saa ǹ nə́ n yɔrɔ dia Antiɔsi la. Bɛa kiwi kɛ lɛ din ni, ǹ nə́ ǹ kɔ Lawa a bǐɛ̃baa la, ǹ nya ǹ dí kɛ lɛ a lɛa.

Nya ǹ dín 15:22

Dia dí-a wolen lɛn laanka nyɛɛnaandɛnan lɛn nə́ kɔnwɔ ma ka Lawa a sɔmɔ minin lɛn nɛ, ǹ nə́ golee li, ǹ nə́ minin bɔ ǹ dinin bii, ǹ nə́ ǹ dia Antiɔsi kiwi, kun ka Pooli ni ka Barnabaasi ni. Bɛa minin lɛn, Zudaasi ni, ǹ nə́ bíi Barsabaasi, ka Silaasi ni, min yii guguru-an manɛ ǹ dɔɔ̃nɔn bii.

Nya ǹ dín 15:3

Lawa a sɔmɔ minin nə́ ǹ zii tɔ-we sii yɔrɔ bɔ. Ǹ bɛ́ kiɛ̃ Fenisii gána nɛ ka Samarii gána nɛ, ǹ nə́ tɔrɔ kɔsɔn golee Lawa li kɛ boo da, á foo kɔɔ̃nbaa da dɔɔ̃nɔn tumaa ganaa parsiini.

Nya ǹ dín 15:30

Ǹ nə́ zii kɔ zii tɔ-wɔlen lɛn la ǹ nə́ woo Antiɔsi kiwi. Ǹ bɛ́ ǹ nə́ dɔ, ǹ nə́ Lawa-nyankɔlen lɛn tumaa lɛ sɔkɔn, ǹ nə́ sɛ́wɔ lɛ kɔ ǹ la.

Nya ǹ dín 15:35

Pooli laanka Barnabaasi sɛ goã Antiɔsi. Ǹ nə́ goã minin darɛɛ, ǹ nə́ Dɛnaa a boo tii kɔɔ̃n kɛ pii kun ka min gigiã kɔsɔn nɛ.

Nya ǹ dín 15:39

Á liere baa ǹ bii ni taãn-taãn nɛ, didie nɔmaa á woo a wɔa paǹ li. Barnabaasi Marki kũ ǹ nə́ tà kuru ǹ goo saa ǹ nə́ woo Siipri.

Nya ǹ dín 18:22

á woo gisĩ Sezaaree kiwi, á tɔ́n tɔ wɔ, á woo fòo da Lawa a sɔmɔ minin manɛ Zeruzalɛmu. Bɛ kio, á woo Antiɔsi kiwi.

Nya ǹ dín 21:16

Sezaaree kiwi a Lawa-nyankɔlen kɔnɔn dɔn man zii tɔ we kun wɔ nɛ, bɛn nə́ woo wɔ nɛ Siiprin giĩ goon a piɛ, a tɔ n Naasɔn, *Krita a kialandɛnaa bibinaan lɛn goon ne.

Nya ǹ dín 21:2

Wɔ́ woo tà kuru ǹ goo goon yaa walan á n woe Fenisii gána nɛ, wɔ́ wɔ bɛ nɛ wɔ́ woo.

Nya ǹ dín 3:26

Lawa na á ná a dí-nyali dia bɔrɔ ka dinin lɛa. A na á dia mà a da barka wɔ ka gogoonmaa nɛ, a giala, a n die ka diɛ wusoo kaa sii baraan kio ganaa.»

Nya ǹ dín 4:36

Bɛ lɛ nɛ, giĩ goon dɔ́ zɛnaa miɛ̃. Bɛa giĩ lɛ tɔ na á goã Zozɛfu, Siipri gána min ni, Levii tɔrɔ lɛa, dia dí-a wolen man nə́ goã bíi Barnabaasi, bɛ giala, mà "Minin foo-taãli".

Nya ǹ dín 6:5

Zaman lɛ tumaa lɛ kɔ boo kɛ ganaa. Ǹ nə́ Itian bɔ, golee Lawa li tá a lon parsiini, Yiri Fu dɔ tá la. Maǹ ná asɛ bɔ ka Filipi ni, Prokɔɔrɔ nɛ, Nikanɔɔrɔ nɛ, Tiimɔn nɛ, Parmanaasi ni, ka Nikolaa nɛ, bɛ n Antiɔsi kiwi min lɛa á wɔ Zuifubaa nɛ.

Galaasi minin 2:11

Sɛnɛ, Piɛrɛ bɛ́ á daa Antiɔsi kiwi, wɔ́ mɛ kɔn panparaanɛ. A giala, mà a din na á sã ǹ sii zɛnaa.