Nya ǹ dín 11:16 - LAWA A BOO SONBORE

¹⁶ Masɛ yiri tɔ́n daa ka Dɛnaa a boo kɛ nɛ, a màn mɛn pɛ: «ZAÃ na á *batɛmu da minin ganaa ka mu ni, sɛnɛ, kasɛn man die we Lawa a zii ni ka Yiri Fu pàã nɛ.»

LAWA A BOO SONBORE 2011

¹⁶ Masɛ yiri tɔ́n daa ka Dɛnaa a boo kɛ nɛ, a màn mɛn pɛ: «Zaã na á *batɛmu da minin ganaa ka mu ni, sɛnɛ, kasɛn man die we Lawa a zii ni ka Yiri Fu pàã nɛ.»

Nya ǹ dín 11:16 ပူးပေါင်းရင်းမြစ်များ

Suusun 1:23

Ka n too kɔ maa doroon li. Man die ma yiri gisĩ ka la kəni, ma toa ka maa da ǹ boon dɔ̃.

Ezekieli 36:25

Ma á re mu sonbore kiɛ ka ganaa, bɛ ka *yoreen kɔ. Ma á re kaa gɔ̀ siin tumaa pii ma ǹ bɔ ka ganaa, ka kaa dì siin kɛn tumaa nɛ.

Matiə 3:11

Masɛ n má batɛmu da ka ganaa mu li, man nyɛɛ máa ka n taasɛ ka wusoo kaa sii baraan kio. Sɛnɛ min mɛn bɛ́ die masɛ kio, bɛ á die ka kiɛ Lawa a zii ni ka Yiri Fu pàã nɛ, a dɔlɔ bɔ ka tɛ nɛ. A pàã á gole á la masɛ wɔ nɛ. Haalɛ masɛ nə n zuməə ma a kɔsɔ biɛn fore, ma mìi á kiɛɛrɛ bɛ ganaa.

Matiə 3:6

Ǹ nə́ goã golee ǹ sii baraan li min tumaa yɔrɔ-a, bɛ̀ ZAÃ tá batɛmu diɛ ǹ ganaa Zurdɛ̃ tà mu li.

Marki 1:8

Masɛ n má batɛmu da ka ganaa mu li, sɛnɛ, bɛ n die ka kiɛ Lawa a zii ni ka Yiri Fu pàã nɛ.»

Luku 24:8

Lɔn lɛn yiri tɔ́n daa bɛa boon kɛn lɛn nɛ.

Luku 3:16

ZAÃ na á goã ǹ tumaa lɛ sii kɛnɛn: «Masɛ n má batɛmu da ka ganaa mu li, sɛnɛ, min tá die, bɛa dɛnaa pàã á gole á la masɛ wɔ nɛ, haalɛ masɛ nə n zuməə, ma a kɔsɔ biɛn fore, masɛ mìi á kiɛɛrɛ bɛ ganaa. Bɛa dɛnaa kɛ lɛ n die ka kiɛ Lawa a zii ni, ka Yiri Fu pàã nɛ, a dɔlɔ bɔ ka tɛ nɛ.

Zaã a sɛ́wɔ 1:26

ZAÃ tɔ́n pɛ ǹ nɛ: «Man batɛmu dinsɔɔ̃ diɛ ǹ ganaa mu li. Sɛnɛ, min tá ka dininmaan lɛn bii, ka n ka ba doɛ̃ wa,

Zaã a sɛ́wɔ 1:33

Ma goã doɛ̃ wa, sɛnɛ, Lawa mɛn nə ma dia, mà ma da batɛmu da minin ganaa mu li, bɛ lɛ na á pɛ ma nɛ mà ma bɛ́ re Yiri Fu yii gisĩ a da mɛ min mɛn la, mà a din lɛ n die minin kiɛ Lawa a zii ni ka Yiri Fu pàã nɛ.

Zaã a sɛ́wɔ 14:26

Yiri Fu, Dɔmalɛ Wole lɛ, maa Díi n die diɛ ka masɛ tɔ nɛ, bɛ lɛ á die ka darɛɛ bɛa siin lɛn tumaa ganaa. Ma boo mɛn tumaa pɛ ka nɛ, á die ka yiri diɛ bɛ yii tumaa nɛ.

Zaã a sɛ́wɔ 16:4

Sɛnɛ, masɛ n má kɛ pɛ ka nɛ, màn mɛn bɛ́ toɛ, bɛ̀ ǹ biikoo dɔ, ka yiri goã a nɛ mà masɛ goã má pɛ ka nɛ. Ma bɛ pɛ ka nɛ a giala kɔ waáraa wa, a giala, má goã kun ka nɛ.

Nya ǹ dín 1:5

ZAÃ na á *batɛmu da minin ganaa mu li, sɛnɛ, kànaa ka boɛɛn nɛ, kasɛn tá re we Lawa a zii ni ka Yiri Fu pàã nɛ.»

Nya ǹ dín 20:35

Sii din tumaa gɔ́ɔ̃ nɛ, má nyaa ka nɛ máa min nə siĩni a nɔmaa miɛ̃, a tɔn nə n dɔ doobaan lɛ, bɛ̀ a yiri n Yezu din a boo kɛ nɛ: «Nyɛnyɛɛ tá màn kɔ min la nɛ á la min a màn kɔmala nɛ.»

Korɛnti1 12:13

A giala, *batɛmu na á n da wɔ tumaa ganaa ka Yiri Fu goon ne. Bɛ na á toa wɔ́ tɔ́n gɔ̀nɔn goon baa, ta Zuifu ni, ta Grɛki ni, ta bɛ̀rɛ nɛ, ta tá ma din gɔn wìi a lɛa wole ne. Wɔ tumaa-n wɔ́ wɔa wɔ gii yɛ a din Yiri Fu goon kɛ lɛ nɛ.

Piɛrɛ2 3:1

Maa giaáran lɛn, maa sɛ́wɔ lɛ a paabaa ǹ wɔ n ka kɛ nɛ, ma á kiɛ̃ diɛ ka la. Bɛa sɛ́wɔ màn paa lɛ din tumaa gɔ́ɔ̃ nɛ, man má ga li, máa man dɔ ka lɛ, ma ka yiri gisĩ daraan kɛn nɛ ká yɛ, màn mɛn bɛ́ toɛ, ka taasiɛ peperen wɔ.