Nya ǹ dín 11:14 - LAWA A BOO SONBORE

¹⁴ Bɛa Piɛrɛ lɛ á die siin laakalɛɛ n nɛ, siin mɛnɛn bɛ́ re die n din laanka n kion minin kirisibaa nɛ.»

LAWA A BOO SONBORE 2011

¹⁴ Bɛa Piɛrɛ lɛ á die siin laakalɛɛ n nɛ, siin mɛnɛn bɛ́ re die n din laanka n kion minin kirisibaa nɛ.»

Nya ǹ dín 11:14 ပူးပေါင်းရင်းမြစ်များ

Siin Giala 17:7

Ma lɛ kɔ kɔn la mɛn wɔ ka n nɛ, masɛ a re n lɛ boe duduu wa. Man má lɛ kɔ n din la, n tɔrɔn mɛnɛn dɔn bɛ́ re yii n kio, a saa kanna ganaa a wo miɛ̃, ma nə n lɛ koe bɛn dɔn la, yǎa duduu. Bɛa lɛ-kɔ kɛ lɛ n die masɛ biɛ n Lawa lɛa, a ma baa n tɔrɔn dɔn Lawa lɛa, ǹ mɛnɛn bɛ́ re yii n kio.

Siin Giala 18:19

Man má Abrahamu bɔ, máa a maa dí pɛ a nɛnyaanan laanka a kion minin ni a kio, a pɛ a laa ǹ ganaa, mà ǹ kɔ Dɛnaa a zii lɛ ka peperebaa nɛ, ka sonborebaa nɛ. Bɛ̀ á n baa miɛ̃, Dɛnaa nə n lɛ kɔ Abrahamu la ka sii mɛn nɛ, á re bɛ zɛnɛɛ nɛ.»

Loen 103:17

Min mɛnɛn bɛ́ nyɛ́ɛ biɛ Dɛnaa Lawa nɛ, a kɔn-narɛɛ a nyɛɛ bɛn wɔ paǹ li wa. A n bɛn narɛ miɛ̃ biikoo tumaa li. Min mɛnɛn bɛ́ a lɛ kɔ kɔn la kɛ tamaɛ, ǹ ná a dí-pɛn tamaɛ, á die a bǐɛ̃baa kɛ nyɛɛ bɛn nɛnyaanan nɛnyaanan wɔ paǹ li.

Loen 112:2

Pàã n die goɛ̃ a nɛnyaanan lon tán kɛ la, barka n die yii min pepere tɔrɔn lon.

Suusun 20:7

Min mɛnɛn bɛ́ sii bǐɛ̃ zɛnɛɛ, ǹ yiikoonaabaa n pepere. Nɛnyaanan mɛnɛn bɛ́ ǹ kio, bɛn foo á re kɔɔ̃n koe.

Zeremii 32:39

Ma á re ǹ taasiɛ biɛ goon, ka sii zɛnaa ǹ gɔn goon ne, màn mɛn bɛ́ toɛ, ǹ nyɛ́ɛ baa ma yii ni yǎa duduu. Ka bɛ-n kəni, ǹ tá re yii-nyɛɛ yii, ǹ dinin ni ka ǹ nɛnyaanan dɔn nɛ ǹ kio.

Marki 16:16

Bɛ̀ min mɛn golee li, ka *batɛmu da a ganaa, Lawa á re bɛa dɛnaa kirisibiɛ. Bɛ̀ min mɛn golee li wa, Lawa á re dɔlɔ boe bɛa dɛnaa ganaa.

Luku 19:10

Sonbore, min mɛn bɛ́ papaã nɛ, Min a Nɛgiĩ na á daa ga bɛ lɛ li a tá a kirisibiɛ.»

Zaã a sɛ́wɔ 12:50

Ma á doɛ̃, máa a bɛ́ màn mɛn pii, bɛ lɛ n nyin nyabaã koe minbuiinin la. Bɛ lɛ nɛ, ma bɛ́ boo mɛn pii, maa Díi pɛ ma-n lɔn, ma dɔ n pii miɛ̃.»

Zaã a sɛ́wɔ 20:31

Sɛnɛ, ǹ mɛnɛn boo bɛ́ a nɛ, bɛn man nə́ n kiɛ̃ màn mɛn bɛ́ toɛ, ka waa la mà Yezu n Minin Nyin-sili lɛa, Lawa a Nɛgiĩ ni, ka bɛ dɔ nɛ, bɛ̀ ká waa la, ka yiikonaabaa taãn yɛ ka a din tɔ nɛ.

Zaã a sɛ́wɔ 4:53

N di lɛ yiri gisĩ a nɛ, mà Yezu na á pɛ nɛ a din biikoo kɛ lɛ li mà a nɛ lɛ nə́ n si gɛ̀ la. Á kũ bɛ lɛ ganaa, a din laanka a kion minin tumaa golee Yezu li.

Zaã a sɛ́wɔ 6:63

Lawa a Yiri Fu n yiikoonaabaa koe; minbuiin nɛ a boe la a sii kɔ́n bǐɛ̃ kɔ bɛ gɔ́ɔ̃-n wa. Ma boon mɛnɛn pɛ ka nɛ, maǹ boe Lawa a Yiri Fu ni, bɛa boon lɛn man yiikoonaabaa koe.

Zaã a sɛ́wɔ 6:68

Simɔn Piɛrɛ tɔ́n a lɛ si: «Dɛnaa, wɔsɛn man die woe die li? Nyin nyabaã kɔ ǹ boon lɛn man nə n din gɔn.

Nya ǹ dín 10:2

Á goã Lawa a sii kuĩ ka a foo ne, a laanka a kion minin tumaa goã woe Lawa guguru koe lɛsɔkɔn bǎã nɛ. A din goã Zuifu lɛa wa, sɛnɛ, á goã bǐɛ̃ gigiã zɛnɛɛ Zuifun doobaan manɛ, á goã Lawa nyankoe dɔn biikoo tumaa li.

Nya ǹ dín 10:22

Minin lɛn ná a lɛ si: «Wɔsɛn lɛn man wɔ́ daa Kɔrnɛyi a dí ganaa, Kɔrnɛyi mɛn bɛ́ sɔraasin goledɛnaa lɛa, a n pepere, a n Lawa guguru koe kun ka Zuifun ni, a tɔ sonbore dɔ n boe ne ǹ tumaa bii. Lawa a lon a dia dí-a wole goon na á nyaa Kɔrnɛyi ni, mà a doamaa nɛ a lɛ dia Piɛrɛ la a kion, siin mɛnɛn nə n zɛnaa, á die n too koe bɛn li Piɛrɛ lɛ lon.»

Nya ǹ dín 10:43

Lawa a boo gii-dalin lɛn tumaa na á goã boo kɛ pii a din lɛ wɔ gɔn la, mà min woo min golee li, mà Lawa n die bɛa dɛnaa a sii baraan toɛ nɛ ka a din lɛ tɔ pàã nɛ.»

Nya ǹ dín 10:6

Bɛa Simɔn kɛ lɛ n tii lɛa ki dí-nyali goon a piɛ, a dɔ tɔ n Simɔn. A kion nə mu lɛ-a.»

Nya ǹ dín 11:13

Lon a dia dí-a wole lɛ bɛ́ á daa wɔ a kion lɔn, á boo mɛn pɛ nɛ, giĩ lɛ bɛ laakalaa wɔsɛn manɛ. A na á pɛ nɛ: «Min dia Zoopee kiwi, Simɔn mɛn bɛ́ ǹ nə́ bíi Piɛrɛ, a pɛ nɛ mà a daa.

Nya ǹ dín 16:15

A din laanka a kiondɛnan bɛ́ ǹ nə́ *batɛmu yɛ, á pɛ wɔ nɛ: «Ka dinin bɛ́ giɛ a ganaa, masɛ golee Dɛnaa li, ka da giã masɛ a piɛ.» Á n laa wɔ ganaa yǎa wɔ́ lɛ kɔ.

Nya ǹ dín 18:8

Ǹ bɛ́ ǹ nə́ n too kɔ Pooli lon, Kripuusu mɛn bɛ́ lɛsɔkɔn kion lɛ a goledɛnaa lɛa, bɛ laanka a kion minin tumaa golee Dɛnaa li. Korɛnti kiwi min gigiã dɔ Lawa-nyankɔlen baa, ǹ nə́ lɛ kɔ ǹ nə́ *batɛmu si.

Nya ǹ dín 2:39

A giala, Lawa din bɛ́ á n lɛ kɔ ka màn mɛn nɛ, bɛ ǹ ka dinin wɔ lɛa ka kaa nɛnyaanan nɛ, ka minin mɛnɛn tumaa wɔlɔ bɛ́ tɔn sɔsɔɔ, Lawa n die ǹ bíi.»

Korɛnti1 1:16

Áh, sonbore ne, má batɛmu da Tefanaasi a kion minin dɔn ganaa. Bɛ̀ á n bɔ bɛ nɛ, ma yiri ba a nɛ, máa má batɛmu da kaa min kɔsɔ ganaa doo wa.