Nya ǹ dín 11:1 - LAWA A BOO SONBORE

¹ Dia dí-a wolen lɛn nɛ, ka dɔɔ̃n Lawa-nyankɔlen mɛnɛn bɛ́ giã-n Zudee gána nɛ, bɛn nə́ ma mà tɔrɔ kɔsɔn lɛn dɔn nə́ Lawa a boo lɛ si.

LAWA A BOO SONBORE 2011

¹ Dia dí-a wolen lɛn nɛ, ka dɔɔ̃n Lawa-nyankɔlen mɛnɛn bɛ́ giã-n Zudee gána nɛ, bɛn nə́ ma mà tɔrɔ kɔsɔn lɛn dɔn nə́ Lawa a boo lɛ si.

Nya ǹ dín 11:1 ပူးပေါင်းရင်းမြစ်များ

Siin Giala 49:10

Kiibaa n die goɛ̃ Zudaa a kion biikoo tumaa li. Kiibaa ǹ bàbàla n die goɛ̃ a tɔrɔn gɔn biikoo tumaa li, yǎa kiibaa ǹ bàbàla lɛ a dɛnaa die, tɔrɔ tumaa doamaa bɛ́ ǹ min mɛn bɔlɔ si.

Loen 22:27

Doobaan tá re màn bii ǹ kã, min mɛnɛn bɛ́ giɛ Dɛnaa Lawa li, bɛn tá re a guguru koe. A die a ka foo nyɛɛ a yii-nyɛɛ kɔ ka la!

Izayii 11:10

Bɛa pinaa lɛ nɛ, Zesee tɔrɔ lɛ n die goɛ̃ ka zanzan bɛ́ lɔn kanaa a tɔrɔn tumaa yɔrɔ-a. Tɔrɔ tumaa á re die giɛ yiri li a li. A bɛ́ re gɛnɛɛ bǎã mɛn nɛ, gugurubaa n die tɛ pii walan.

Izayii 32:15

Sɛnɛ ǹ kɔn pinaa, Dɛnaa Lawa á re a yiri gisĩ wɔ la. Bɛa biikoo li kəni, diə gole á re n bɔyɛɛ a da nɛ-kɔle wuru baa, da nɛ-kɔle wuru á re n bɔyɛɛ a daã baa.

Izayii 42:1

«Maa dí-nyali á ke: Man kuĩ a gɔn ganaa. Má bɔ ka foo kɔɔ̃nbaa nɛ. Má n yiri da la, má a peperebaa nyaa tɔrɔn manɛ.

Izayii 42:6

«Masɛ Dɛnaa Lawa-n má n bíi wɔ peperebaa a lɛa, ma n kũ n gɔn ganaa; Ma á die n tamɛɛ, ma n koa máa n maa lɛ kɔ kɔn la kɛ yɔrɔ bɔ ka tɔrɔn nɛ, n kanaa tumaa a wɔlɔ fúlu baa.

Izayii 49:6

Á pɛ ma nɛ: N bie re maa dí-nyali dinsɔɔ̃ biɛ, n Zakɔba tɔrɔn goa n nə ǹ kaa lon, Izirayeli min mɛnɛn yii goa koo, n da ka bɛn nɛ wa. Man die n biɛ tɔrɔn tɛ fúlu lɛa, màn mɛn bɛ́ toɛ maa kirisibaa dɔ kanaa lɛ dan ganaa.

Izayii 52:10

Dɛnaa Lawa na a pàã sonbore kɛ tumaa nyɛɛ tɔrɔn tumaa yɔrɔ-a. Dɛnaa Lawa bɛ́ wɔ kirisibiɛ lɔn, min tumaa á re bɛ yii yǎa kanaa lɛ dan ganaa.

Izayii 60:3

Tɔrɔn tá re die n wɔlɔ fúlu kɛ ganaa. N baayɛlɛ a tɛ fúlu kɛ á re kiin baɛ̃.

Izayii 62:2

Bɛa biikoo li, tɔrɔn tumaa á re n peperebaa yii. KIIN tumaa á re n gugurubaa yii. Dɛnaa Lawa tɔ dii mɛn bɔ, ǹ tá re bɛ koe n ganaa kəni.

Zeremii 16:19

Dɛnaa Lawa, n din nə ma pàã lɛa. N nə n ma tamɛɛ ka n pàã gole kɛ nɛ. Koe biikoo li, n din nə maa duru ǹ bǎã lɛa. Tɔrɔn tá re boe kanaa lɛ dan ganaa, ǹ da n li, ǹ pɛ: «Wɔ digolon man nə́ soɛ dinsɔɔ̃ ma, sii kooron mɛnɛn bɛ́ là ba ǹ ganaa wa.

Ozee 2:23

Dɛnaa Lawa a da ǹ boo ne: Bɛa pinaa kɛ lɛ nɛ, ma á re n nyii, ma á re n nyii lon la, lon tá re n nyii tán la.

Misee 5:7

Zakɔba tɔrɔn mɛnɛn yii goã koo, ǹ tá re giɛ̃ gána kɔsɔn minin bii, ǹ tá re giɛ̃ tɔrɔ gigiã kɔsɔn bii, kaka ka yàra bɛ́ lɔn don mànan bii, ka yàra ten bɛ́ lɔn sèren bii. Bɛ̀ á bɔ bǎã mɛn nɛ, a n màn kuĩ a wɔwoɛ̃ kɔn, min dɔ a boe la á sii la wa.

Sofonii 2:11

Dɛnaa Lawa n die kakaarɛ koe ǹ ganaa parsiini. A n die bɔ̀n diɛ ǹ dì kooron kɛn tumaa ganaa tán la. Gána mɛn tumaa wɔlɔ bɛ́ lui ni, bɛn tumaa n die n toɛ ǹ gána nɛ, ǹ nə n kuruməə tán-a a yɔrɔ-a.

Sofonii 3:9

Ma á re tɔrɔn tumaa *yoreen koe, màn mɛn bɛ́ toɛ, ǹ boo la ǹ masɛ Dɛnaa Lawa nyankɔ, ǹ dí nya ma nɛ ka foo goon ne.

Zakarii 2:11

Ka soo, Zeruzalɛmu minin lɛn, kasɛn mɛnɛn bɛ́ giã-n *Baabilonii, ka soo ka wo fufuu!»

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Matiə 2:1

Yezu na á yɛ Bɛtlehɛmu kiwi, Zudee gána nɛ, Erɔdi a kiibaa biikoo li. A yɛ kio, leere-dɔ̃lin nə́ n toa lɛ̀giala-n ǹ nə́ daa Zeruzalɛmu.

Matiə 8:11

Man pii ka nɛ: Min gigiã tá re boe lɛ̀giala-n ka lɛ̀nyɛɛn nɛ, ǹ giã tán ǹ zɔ́n màn bii lon a kiibaa ǹ bǎã nɛ kun ka Zuifun digolo Abrahamu ni, ka Izaaki ni, ka Zakɔba nɛ.

Marki 16:5

Ǹ bɛ́ ǹ nə́ wɔ yala lɛ nɛ, ǹ nə́ tɔntɔraa goon yɛ giã-n tán ǹ gusin, dɔnkɛ fu sasa ná a ganaa. Nyɛ́ɛ nə́ ǹ kũ parsiini.

Luku 2:32

A n die wɔlɔ fúlu boe tɔrɔn tumaa nɛ, a n gugurubaa koe n din a tɔrɔ boe kɛ la, bɛ mɛn bɛ́ ka Izirayeli ni.»

Nya ǹ dín 1:15

Kialandɛnan mɛnɛn lɛ bɛ́ soe-n kɔn, ǹ nə́ woo dɔ min paabiɛ ka fuə (120) kɛ miã. Ǹ kɔ́n pinaa Piɛrɛ yoo á golee dɔɔ̃nɔn lɛn bii, á pɛ:

Nya ǹ dín 11:29

Lawa-nyankɔlen lɛn Antiɔsi kiwi, ǹ nə́ da kɔn nɛ mà ǹsɛn dɔɔ̃nɔn mɛnɛn bɛ́ Zudee gána nɛ, mà ǹsɛn man die màn boboe a kɔnpɛ ka didie pàã nɛ, ǹsɛn nə dia bɛa dɔɔ̃nɔn lɛn la.

Nya ǹ dín 14:27

Ǹ bɛ́ ǹ nə́ dɔ Antiɔsi, ǹ nə́ Lawa a sɔmɔ minin lɛ sɔkɔn. Lawa sii mɛn din tumaa zɛnaa ǹ gɔn, ka bɛ dɔ nɛ, a n dɔ ǹ lɛ lɔn tɔrɔ kɔsɔn nə́ lɛ kɔ ǹ nə́ wɔ golee Lawa li ǹ zii kɛ nɛ, ǹ nə́ bɛ laakalaa.

Nya ǹ dín 15:3

Lawa a sɔmɔ minin nə́ ǹ zii tɔ-we sii yɔrɔ bɔ. Ǹ bɛ́ kiɛ̃ Fenisii gána nɛ ka Samarii gána nɛ, ǹ nə́ tɔrɔ kɔsɔn golee Lawa li kɛ boo da, á foo kɔɔ̃nbaa da dɔɔ̃nɔn tumaa ganaa parsiini.

Nya ǹ dín 28:15

Wɔ dɔɔ̃nɔn mɛnɛn bɛ́ Rɔmu, bɛn bɛ́ ǹ nə́ wɔa daa boo ma, ǹ nə́ yoo ǹ nə́ daa yǎa Apiyusu kiwi a pii ni, ka Tiin yu ǹ bǎã sɔɔ kɛ nɛ, ǹ nə́ n da wɔ lɛ. Pooli bɛ́ á ǹ yɛ, á barka da Lawa nɛ, a foo taã.