Nya ǹ dín 10:34 - LAWA A BOO SONBORE

³⁴ Piɛrɛ tɔ́n nə́ n lɛ bũ á pɛ: «Má dɔ̃ sonbore, máa Lawa a bɔkɔnlɛ we wa.

LAWA A BOO SONBORE 2011

³⁴ Piɛrɛ tɔ́n nə́ n lɛ bũ á pɛ: «Má dɔ̃ sonbore, máa Lawa a bɔkɔnlɛ we wa.

Nya ǹ dín 10:34 ပူးပေါင်းရင်းမြစ်များ

KZS2 19:7

Ka nyɛ́ɛ baa Dɛnaa Lawa-n parsiini, ka sii tumaa zɛnaa ka fubaa nɛ, a giala Dɛnaa Lawa a lɛ koe mɛnaa ma la ganaa wa. A ba li ka bɔnbii-a wɔ minin bii wa. A lɛ koe lɛ pii ǹ màn ganaa wa.»

Zɔbu 34:19

Lawa dinsɔɔ̃ na a bɔnbii-a we wa. A pàãma soɛ koe doobaa-n wa, a giala, a din gɔn na á ǹ tumaa zɛnaa.

Matiə 22:16

Ǹ nə́ ǹ kialandɛnan dia, kun ka min mɛnɛn bɛ́ kii Erɔdi a pàã li, mà ǹ wo pɛ Yezu ni: «Mìinaa, wɔsɛn tá doɛ̃, n tá sonbore pii, n tá minin darɛɛ Lawa a zii ganaa ka a peperebaa nɛ, n ba nyɛ́ɛ biɛ minbuiinin taasiɛ-n wa, a giala n ba minin bɔkɔnlɛ we wa.

Matiə 5:2

a ná a giala kɔ á ǹ daraa, á pɛ ǹ nɛ:

Luku 20:21

Ǹ nə́ nɔ̀n kɛ da la: «Mìinaa, wɔsɛn tá doɛ̃ wáa n bɛ́ màn mɛn pii, n bɛ minin darɛɛ ǹ mɛn-a, bɛ á pepere. N ba bɔkɔnlɛ we wa. Minin doamaa bɛ́ nɛ ǹ tɔ wɔ pepere lɔn Lawa a zii la, ma n minin darɛɛ bɛ ganaa sɔnbɔraanɛ.

Nya ǹ dín 10:33

A din bǎã-n gɔrɔ má minin dia giɛ n li. N dɔ́ minbaa zɛnaa, ń lɛ kɔ ń daa wɔsɛn li. Sisia, wɔsɛn tumaa bɛ́ n yɔrɔ-a, Dɛnaa màn mɛn kɔ n la mà n pɛ, wɔsɛn man die n too koe bɛ li.

Nya ǹ dín 15:9

Lawa bɛa tɔrɔ kɔsɔn kɛn lɛn bɔ kɔn lɛ ka wɔsɛn nɛ wa. Ǹ dɔn bɛ́ ǹ nə́ goleemali kɛ wɔ, Lawa nə́ ǹ foo pii.

Nya ǹ dín 8:35

Filipi tɔ́n nə́ n lɛ bũ, á saa sɛ́wɔ kɛ lɛ a boo ganaa, á Yezu boo kɔɔ̃n kɛ pɛ giĩ lɛ nɛ.

Rɔmu minin 2:11

Lawa a bɔkɔnlɛ we wa.

Rɔmu minin 3:29

Lawa lɛ din kánaa, Zuifun dininsɔɔ̃nɔn Lawa nɛ? Táa tɔrɔ kɔsɔn dɔn wɔ nɛ! Taãn-taãnɛ!

Galaasi minin 2:6

Sɛnɛ, ǹsɛn mɛnɛn nə goã nyɛɛnaandɛnan lɛa, ǹ yiri dii kɔ́n da masɛ yiri li wa. Ǹ bɛ́ ǹ nə́ goã màn mɛn lɛa, bɛ kaa masɛ a sii li wa. A giala, Lawa a bɔǹbii-a we wa.

Efɛɛzi minin 6:9

Kasɛn dɔn mìinaan lɛn, ka zɛnaa miɛ̃ kaa bɛ̀rɛn lɛn wɔ paǹ li. Ka kakaarɛbaa toa walan, ka dɔ̃ mà ka dinin ni, ka kaa bɛ̀rɛn nɛ, mà ka n lon a Goledɛnaa goon toto kɛ wɔn lɛa, asɛ mɛn bɛ́ a bɔkɔnlɛ we wa.

Timəə dí-pɛn 1:17

Sii yɔrɔ bɔ gɔ́ɔ̃ nɛ, ka nyan toa ka minin bɔkɔnlɛ wɔ wa. Ka n too kɔ doobaa lon, ka ka bɛ́ n too koe pàãma dɔ lon lɔn, ka baran nyɛ́ɛ baa min kɔn yii-n wa. A giala, sii yɔrɔ bɔ n Lawa a sii lɛa. Bɛ̀ sii mɛn a yɔrɔ bɔ la ka pàã nɛ, ka da a yɔrɔ pɛ ma nɛ, ma ga a ganaa.»

Timəə dí-pɛn 10:17

Taãn nɛ, kaa Lawa, Dɛnaa Lawa lɛ n lawan Lawa lɛa, dɛnaan Dɛnaa lɛa, Lawa gole ne, pàã ná a lon, a sii n nyɛ́ɛ diɛ. A bɔn bii-a we wa, a lɛ pii ǹ màn sii min la wa.

Timəə dí-pɛn 16:19

Ka nyan toa ka sii yɔrɔ bɔ ǹ gɔn ziziɛ̃ wa. Ka nyan bɔnbii-a wɔ wa, ka nyan toa min ka lɛ pii ka màn nɛ wa. A giala, lɛ pii ǹ màn nə sii-dɔ̃lin yii tiɛ̃, a min peperen kaa boo kɔkɔrɔ diɛ ganaa.

Kolɔɔsi minin 3:11

Bɛa yɔrɔ kɛ la, bɔkɔnlɛ banban doo Zuifu laanka tɔrɔ kɔsɔ bii ni wa, kurii wole banban ka kurii baãnaa-n wa; tii ni, sii-doɛ̃ baãnaa nɛ, bɛ̀rɛ nɛ, tá ma din gɔn wìi a lɛa wole ne, bɛ kɔ́n banban. Krita dinsɔɔ̃ na a tan, a din nə màn tumaa lɛa ka tumaa gɔ́ɔ̃ nɛ.

Kolɔɔsi minin 3:25

Lawa a bɔkɔnlɛ we wa, bɛ̀ min dí kɔkɔrɔ nya, bɛa dɛnaa n die a dí kɔkɔrɔ nya ǹ saraa yii.

Zaaki 2:1

Ma dɔɔ̃nɔn lɛn, goleemali mɛn bɛ́ ka lon wɔa Dɛnaa Yezu *Krita nɛ, gugurubaa bɛ́ asɛ mɛn nɛ, ka baran n toa bɛ gɔ́ɔ̃ nɛ, ka minin bɔkɔnlɛ wɔ wa.

Zaaki 2:4

bɛ gɔ́ɔ̃ nɛ, ka bie ka bɔkɔnlɛ wɔ ka dinin bii wa? Ka bie ka kiri kuru ka taasiɛ babaraa-n wa?

Zaaki 2:9

Sɛnɛ, bɛ̀ ka á bɔkɔnlɛ we, sii baraa nɛ ka á zɛnɛɛ. Lawa a dí-pɛ dɔ n ka zɛ̀rɛ biɛ, a giala, ka ǹ bɔlɔ tii wolen lɛa.

Piɛrɛ1 1:17

Ka n Lawa bíi Díi bɛ̀ ka tá a nyankoe, sɛnɛ, ka n yiri koa a nɛ, mà a n kiri kuri min gogoonmaa la, á kɔnpii ka a nya ǹ dí ni, a bɔkɔnlɛ we wa. Bɛ lɛ taman yii, biikoo gialakun mɛn bɛ́ tɔn ka gɔn, ka n zɛnɛɛ kanaa, ka tɔ wɔ ka nyɛ́ɛbaa a yii-n ni.