Nehemii 9:37 - LAWA A BOO SONBORE

³⁷ N wɔ kaa kiin mɛnɛn pàã giulun, wɔa siin baraan taman yii, bɛn wɔ n ka gána lɛ a màn damata kɛ nɛ. Maǹ giɛ̃ wɔ dinin laanka wɔa tɔɔn mìi la, ǹ dinin foo yii li. Wɔ n foo ziziɛ̃ gole gɔ́ɔ̃ nɛ.

LAWA A BOO SONBORE 2011

³⁷ N wɔ kaa kiin mɛnɛn pàã giulun, wɔa siin baraan taman yii, bɛn wɔ n ka gána lɛ a màn damata kɛ nɛ. Maǹ giɛ̃ wɔ dinin laanka wɔa tɔɔn mìi la, ǹ dinin foo yii li. Wɔ n foo ziziɛ̃ gole gɔ́ɔ̃ nɛ.

Nehemii 9:37 ပူးပေါင်းရင်းမြစ်များ

Ɛsidrasi 4:13

Kii, wɔ n pii n ni, bɛ̀ kiwi lɛ nə́ n dɔ, a kungɔnun nə́ n zɛnaa ǹ nə́ nya, a minin ba re nyin giɔ̀mɔ sarɛɛ doo wa, ǹ ba re wusuru sarɛɛ doo wa, ǹ ba re wusuru sarɛɛ zii tɔ wɔ ǹ wɔ lɛa doo wa, bɛ n nɔmiɛ̃ a màn pɔrɔ kii gɔn màn ganaa.

Ɛsidrasi 6:8

Ka bɛ́ re sii mɛn zɛnɛɛ bɛa Zuifun min golen lɛn manɛ, Lawa a kion lɛ a dɔ gɔ́ɔ̃ nɛ, bɛ wɔ paǹ li, maa boo á ke: min mɛnɛn bɛ́ Efrati tà a lɛ̀nyɛɛn gɔn la, bɛn bɛ́ nyin giɔ̀mɔ mɛn sarɛɛ, á n doe kii ganaa, bɛa kii gɔn màn kɛ lɛ nɛ, ǹ tá re boe ǹ bɛa minin kɛn lɛn guĩ saa nɛ doɛ̃ sɔnbɔraanɛ, ǹ nə́ ǹ ba a bɔ lɛ diɛ wa.

Ɛsidrasi 7:24

Ka bɛ dɔ nɛ, wɔ n diɛ ka yiri-a, wáa Lawa a wúlu-bɔlen ne, Levii tɔrɔn nɛ, loe-lɔlin ni, kiɛnlɛ-lɛduə̃lin ni, dí-nyalin ni, Lawa a kion kɛ a dí-nyalin ni, bɛn kɔn doamaa bie a nyin giɔ̀mɔ saraa wa, ǹ kɔn doamaa bie a wusuru hinlaa zii tɔ wɔ ǹ wusuru saraa wa.

Nehemii 5:8

Má pɛ ǹ nɛ: «Ǹ wɔ dɔɔ̃n Zuifun mɛnɛn sã tɔrɔ kɔsɔn la, táa wɔ dininmaan lɛn man wɔ́ bɛn nyin si á kɔnpɛ ka wɔ pàã nɛ. Sɛnɛ, kasɛn man ka dɔɔ̃nɔn siɛ̃, ka n li ka ǹ sã wɔ dininmaan dɔn la!» Ǹ nə́ golee ka kiĩkə́ə̃n, ǹ yii din ba boo ganaa ǹ tá diɛ wa.

Busii pɛ 5:5

Min mɛnɛn bɛ́ fuu nyɛɛ wɔ nɛ, maǹ tɔn wɔ kio lui. Wɔ́ nɔmaa, susui ba wɔ la wa.

Lawa a wúlu-bɔlen 26:17

Masɛ á die n bɔyɛɛ ka li, ma toa kaa zɔ́ɔn nə boo ka la. Min mɛnɛn bɛ́ ka biɛ zɔ́ɔ, bɛn lɛn tá re pàã nyɛɛ ka nɛ. Ka á re baa sii, min dɔ din ná a bie ka lui wa.

Zaã a sɛ́wɔ 8:33

Ǹ nə́ tɔ́n pɛ Yezu ni: «Wɔsɛn man Abrahamu tɔrɔn lɛa, min kɔ́n bin wɔsɛn baa bɛ̀rɛ lɛa wa. A n siɛ lɔn n tá pii mà wɔ á re goɛ̃ wɔ dinin gɔn wìi a lɛa?»

Timəə dí-pɛn 28:33

Ka bɛ́ re màn mɛn yii kaa tán-kɔsiɛ gɔ́ɔ̃ nɛ, ka bɛ́ re nɔmiɛ̃ ka tɔn màn mɛn tumaa yɛ, tɔrɔn mɛnɛn bɛ́ ka a ǹ doɛ̃ wa, bɛn tá re bɛ bii. Maǹ die goɛ̃ mɛnɛɛ ka la miɛ̃, bɛ̀ ǹ bɔ ka yii ni.

Timəə dí-pɛn 28:39

Ka á re rezɛ̃ da zumi ka ga a walan, sɛnɛ, ka n ka a re a duvɛ̃ mii wa. Ka a re a nɛ din niɛ ka da-n piɛ wa, a giala, nyuunun man die a tumaa soɛ̃.

Timəə dí-pɛn 28:48

Dɛnaa Lawa bɛ́ re zɔ́ɔn mɛnɛn diɛ ka la, ka á re dí nyɛɛ bɛn nɛ ka bòo ne, ka mu boro ne, ka ka tontoro ne, mán kɔn ná a ka gɔn wa. A n die nɔmaa gole diɛ ka mìi ni yǎa a ka dii.

Timəə dí-pɛn 28:51

Ǹ tá re kaa tɔɔn kuĩ ǹ nə ǹ si ka la, ka kaa tán-kɔsiɛ mànan nɛ, yǎa bòo ka dii. Kaa *belee ne, kaa duvɛ̃ nɛ, kaa nyɔɔ nɛ, haalɛ kaa diin nɛn, sère nɛn nɛ ka bòe nɛn nɛ, ǹ ba re bɛ kɔn toɛ wa. Maǹ die nɔmiɛ̃ ǹ ka papaã.