Nehemii 9:34 - LAWA A BOO SONBORE

³⁴ Wɔa kiin ni, wɔa kii kiodɛnan nɛ, wɔa Lawa a wúlu-bɔlen ne, ka wɔ digolon ne, ǹ kɔ n dí-pɛ lɛ wa. N goã n gɔn wɛɛ ǹ nɛ ka boon mɛnɛn nɛ, ǹ goã n yiri koɛ bɛn li wa. N goã miɛ ǹ ganaa ka boon mɛnɛn nɛ, ǹ goã yiri boe bɛn dɔn li wa.

LAWA A BOO SONBORE 2011

³⁴ Wɔa kiin ni, wɔa kii kiodɛnan nɛ, wɔa Lawa a wúlu-bɔlen ne, ka wɔ digolon ne, ǹ kɔ n dí-pɛ lɛ wa. N goã n gɔn wɛɛ ǹ nɛ ka boon mɛnɛn nɛ, ǹ goã n yiri koɛ bɛn li wa. N goã miɛ ǹ ganaa ka boon mɛnɛn nɛ, ǹ goã yiri boe bɛn dɔn li wa.

Nehemii 9:34 ပူးပေါင်းရင်းမြစ်များ

Kiin2 17:13

Dɛnaa Lawa goã á n gɔn waa Izirayeli gána laanka Zudaa gána nɛ. A na á goã a ná a boo gii-dalin tumaa laanka sii-nyaalin tumaa kaa bɛa gɔn waa ǹ boo lɛ a diɛ ganaa kɛnɛn: «Ka wusoo kaa tɔ wɔ ǹ gɔn babaraan kɛn kio, ka masɛ a gɔn waa ǹ boon laanka maa landa boon kɛn tamaa a kɔnpɛ ka dí-pɛn sɛ́wɔ kɛa boo tumaa nɛ. Man má bɛa dí-pɛn boon lɛn kiɛ̃, má ǹ kɔ ka digolon la. Maa dí-nyalin kɛn maa boo gii diɛ, man má kɔ bɛn la, máa ǹ pɛ ka dɔn manɛ.»

Kiin2 17:15

Ǹ ná a landa boon lɛn toa walan ka lɛ kɔ kɔn la boon kɛn dɔ nɛ, á doa kɔn ka ǹ digolon ne. A ǹ yiri gisĩ ka siin mɛnɛn nɛ, ǹ zɛnaa boo n kaka a gɔn, ǹ nə́ bɛn dɔn toa walan. Maǹ nə́ baa si màn kokooron kio, á ke ǹ dɔn nə́ màn kooron baa. Gánan mɛnɛn nə ǹ lɛnpɛnɛ, maǹ nə́ bɛn sii zɛnaa ǹ gɔn saa, a da yaa, Dɛnaa Lawa goã á n gɔn waa ǹ nɛ mà ǹ baran bɛa gánan lɛn gòɛ̃ saa wa.

KZS2 29:6

Wɔ digolon nə́ goã bɔlɔgoondɛnan lɛa Dɛnaa Lawa wɔa Lawa yii li wa. Ǹ sii mɛn zɛnaa á baraa á la yii ni. Ǹ nə́ n la bɔ a ganaa. Dɛnaa Lawa bɛ́ giã-n bǎã mɛn nɛ, ǹ nə́ n yɔrɔ bɔyaa ǹ nə́ bɔ la, ǹ nə́ n dɔ̀ɔ̃ dia la.

Ɛsidrasi 9:10

Kanna, wɔa Lawa, wɔ n die pii wáa wàa kɛ kio kəni?

Nehemii 9:30

Ń nə́ ǹ sii si n ganaa lɛ̀ damata gɔ́ɔ̃ nɛ, ń nə́ n din yiri kɛ kɔ n boo gii-dalin la, bɛn nə́ goã miɛ ǹ ganaa. Sɛnɛ ǹ dɔ̃ mà boo-n wa. Ń tɔ́n nə ǹ wɔ gána kɔsɔn minin gɔn.

Nehemii 9:33

Sii mɛn tumaa wɔ yɛ, bɛ wɔ paǹ li, ń peperebaa ǹ sii zɛnaa, a giala, ń nə́ n din nyaa bɔlɔgoondɛnaa lɛa, sɛnɛ, wɔsɛn man wɔ́ baraabaa ǹ sii zɛnaa.

Nehemii 9:35

N goã bǐɛ̃ didi mɛn zɛnɛɛ ǹ nɛ, ǹ bɛ́ bɛ bii ǹ mɛn waáraa ǹ gána nɛ, gána gole mɛn lɛ bɛ́ ń goã ń kɔ ǹ la màn nə́ bǐɛ̃ koe a nɛ, ǹ dí nya n nɛ wa, ǹ nə n bɔ ǹ dí baraan nya wɔlɔ li wa.

Zeremii 29:19

Man bɛ zɛnɛɛ a giala, ǹ nə n too kɔ maa boon ganaa wa. Masɛ Dɛnaa Lawa a da ǹ boo ne. A da yaa, má maa dí-nyalin, maa boo gii-dalin dia ǹ la gunyin damata, sɛnɛ ǹ nə n too kɔ ǹ lon wa. Masɛ Dɛnaa Lawa a da ǹ boo ne.»

Zeremii 44:17

Wɔ sii mɛn tumaa koa wɔ yɔrɔ-a, wɔ ǹ bɛ zɛnɛɛ. Wɔ ǹ da yon gìĩ kɔɔ̃n laanka duvɛ̃ zumii lon a kii lɔ wɔ lɛa. Bɛ ǹ wɔa zɛnaa ǹ sii lɛa haalɛ bibi, wɔ dinin ni, wɔ din ni, wɔa kiin ni ka wɔa gána nyɛɛnaandɛnan nɛ Zudaa kiwin ni ka Zeruzalɛmu ziin la ǹ nɛ. Bɛa biikoo li, màn-bii goã wɔ lon, là nyantoro ne, wɔ a koe doɛ̃ wa.

Zeremii 44:4

A da yaa, biikoo tumaa li, má maa dí-nyalin, Lawa a boo gii-dalin dia ka la. Ǹ nə́ pɛ ka nɛ kɔn kio mà ka sabara baa, mà kaa sii bɔbɔnɛɛn kɛn tìĩ a boe-n ma nɛ, mà ka nyan bɛ zɛnaa wa.

Ezekieli 5:6

Zeruzalɛmu minin lɛn nə́ n piã ka maa sii yɔrɔ bɔ ǹ boon ne, ǹ nə́ baraa kɔ ǹ nə́ la tɔrɔ kɔsɔn manɛ. Ǹ nə́ n piã ka maa landa boon ne, ǹ nə́ la gánan kɛn manɛ ǹ lɛnpɛnɛ. A giala, ǹ nə́ maa sii yɔrɔ bɔ ǹ boon lɛn tii, ǹ kɔ maa landa boon lɛn lɛ wa.»

Timəə dí-pɛn 31:21

Bɛ̀ bɔ̀n gigiã laanka nɔmaa dadaran nə́ ǹ yɛ ǹ mɛn waáraa, bɛa loe lɛ á re siére pii ǹ ganaa masɛ wɔ paǹ li. A giala, ǹ nɛnyaanan yiri a re boe ka bɛa loe lɛ a lɔ-n duduu wa. Sonbore ne, masɛ nə n lɛ kɔ ka la ka gána mɛn lɛ a sii ni, a laanɛ masɛ tɔn wo ka kaa walan bɔrɔ wa, sii mɛn a taasiɛ bɛ́ ka gɔ́ɔ̃ nɛ, ma á doɛ̃ pelo dinin gɔrɔ.