Nehemii 9:19 - LAWA A BOO SONBORE

¹⁹ Sɛnɛ, n makara gole lɛ taman yii, n nə ǹ toa walan don lɛ-n wa. Penleen ne, tɛmaa bara lɛ goã n niɛ̃ n boe ǹ ganaa wa, á goã ǹ nyɛɛnaan boe zii lɛ la. Tèlò-n tɛ bara lɛ dɔ goã n niɛ n boe ǹ ganaa wa, ǹ doamaa bɛ́ nɛ ǹ kɔ zii mɛn lɛ, á goã bɛ fúli ǹ ni.

LAWA A BOO SONBORE 2011

¹⁹ Sɛnɛ, n makara gole lɛ taman yii, n nə ǹ toa walan don lɛ-n wa. Penleen ne, tɛmaa bara lɛ goã n niɛ̃ n boe ǹ ganaa wa, á goã ǹ nyɛɛnaan boe zii lɛ la. Tèlò-n tɛ bara lɛ dɔ goã n niɛ n boe ǹ ganaa wa, ǹ doamaa bɛ́ nɛ ǹ kɔ zii mɛn lɛ, á goã bɛ fúli ǹ ni.

Nehemii 9:19 ပူးပေါင်းရင်းမြစ်များ

Nehemii 9:12

Ń goã ǹ nyɛɛnaan boe ka tɛmaa bara goon ne penleen ne, ń goã ǹ nyɛɛnaan boe ka tɛ bara goon ne tèlò-n, ǹ doamaa bɛ́ nɛ ǹ kɔ zii mɛn lɛ, á n bɛ fúli ǹ ni.

Nehemii 9:27

Ń tɔ́n nə ǹ wɔ ǹ zɔ́ɔn gɔn, bɛn nə́ bɔ ǹ yii ni. Ǹ nɔmaa biikoo li, ǹ nə́ goã n lɛ dii n ganaa, ń goã n toɛ lon ǹ lɛ miɛ. N makara-doɛ̃ gole lɛ gɔ́ɔ̃ nɛ, ń nyɛɛnaan-bɔlen kɔ ǹ la, bɛn nə́ ǹ si ǹ zɔ́ɔn lɛn la ǹ nə́ ǹ kaa.

Nehemii 9:31

N makara gole lɛ gɔ́ɔ̃ nɛ, n nə n gɔn bɔ ǹ ganaa, ǹ nə́ bɔ̀n baa wa, n nə ǹ toa walan wa, a giala n nə Lawa lɛa, bǐɛ̃ zɛnɛɛ, min makara doɛ̃.

Loen 106:45

Á n yiri koa a din a lɛ kɔ kɔn la kɛ lɛ nɛ, á doa kɔn-a ǹ nɛ. A kɔn-narɛɛ gole gole kɛ taman yii, á wusoo a busii lɛ kio.

Loen 136:16

Á ná a din a minin kũ á don wɔsɔ ǹ nɛ, a kɔn-narɛɛ a nyɛɛ duduu wa.

Bɔ bɛ̀rɛbaa nɛ 40:36

Bɛ̀ tɛmaa lɛ yoo kion lɛ lalan ǹ mɛn waáraa, Izirayeli nɛnyaanan dɔn man yui ǹ nə́ ǹ zii tɔ wɔ.

Bɔ bɛ̀rɛbaa nɛ 40:38

Dɛnaa a tɛmaa lɛ na á goã kion lɛ la lɛawaa li, sɛnɛ tèlò-n, tɛ n boe a nɛ. Izirayeli nɛnyaanan lɛn tumaa yii goã bɛ yii, ǹ zii tɔ wɔ lɛ gɔ́ɔ̃ nɛ.

Izayii 44:21

«Nsɛ Zakɔba n yiri kɔ ka kɛ nɛ, nsɛ Izirayeli, a giala ma n maa dí-nyali lɛa. Man má n zɛnaa máa n maa dí nya. Izirayeli, ma yiri a boe n ne wa.

Busii pɛ 3:22

Dɛnaa Lawa a bǐɛ̃ a nyɛɛ wa. A minin narɛɛ dɔ ba n lɛ doɛ wa.

Ezekieli 20:14

Sɛnɛ, man má sii lɛ zɛnaa ma din taman yii, màn mɛn bɛ́ toɛ, ma ǹ waa tɔrɔn mɛnɛn yii ni má ǹ bɔ Ezipti gána nɛ, bɛn baran ma tɔ ziziɛ̃ wa.

Ezekieli 20:17

Sɛnɛ, má makara bɔ ǹ ganaa, má ǹ dɛ lenlen má ǹ nya diə gole lɛ-n wa.»

Ezekieli 20:22

Sɛnɛ, má wusoo ka ma gɔn nɛ, ma din tɔ taman yii ma sii lɛ zɛnaa wa, màn mɛn bɛ́ toɛ, ma ǹ waa tɔrɔn mɛnɛn yii ni má ǹ bɔ Ezipti gána nɛ, ma tɔ nyan toa a ziziɛ̃ bɛn bii wa.

Malakii 3:6

Masɛ Dɛnaa Lawa, ma ba n bɔyɛɛ wa. Kasɛn dɔn, ka a n boe minin-sãli Zakɔba tɔrɔ taãnbaa kɛ-n doɛ̃ wa.

Minin nimi 14:14

Ǹ ná a boo laakalaa gána lɛ a minin manɛ. Bɛn dɔn nə́ bɔ a siére-a kəni, mà n din Dɛnaa Lawa tá kun ka zaman kɛ lɛ nɛ, n tá n din nyɛɛ nɛ buə̃buə̃. Ǹ nə́ bɔ a siére-a dɔn, mà n din nə zaman lɛ tamaɛ, a giala, man tɔ we ǹ nyɛɛnɛ lɛawaa li, tɛmaa bara bii, tèlò-n, tɛ bara bii.

Timəə dí-pɛn 8:2

Kaa Lawa, Dɛnaa Lawa zii sɔsɔɔ mɛn tɔ wɔ ka nɛ, lɛ̀ pusi don bii, ka n yiri koa bɛ li. A na á fuu nyaa ka nɛ, á n da ka gɔ́ɔ̃ li, màn mɛn bɛ́ toɛ, a ka gɔ́ɔ̃gɔ́ɔ̃ ǹ taasiɛ dɔ̃, bɛ̀ ka á re asɛ a gɔn waa ǹ boon kɛn tamaɛ, hinlaa bɛ̀ ka a re ǹ tamaɛ wa.

Samayeli1 12:22

Dɛnaa Lawa tɔ golebaa lɛ taman yii, a ba re a zaman lɛ toɛ walan wa. A giala, Lawa na á bɔ a din ni, á ka baa a zaman lɛa.