Nehemii 9:14 - LAWA A BOO SONBORE

¹⁴ Ń toa ǹ nə́ n *susu ǹ pii sonbore kɛ dɔ̃. Gɔn waa ǹ boon ne, landa boon ne, ka dí-pɛn nɛ, ń bɛn kɔ n dí-nyali Muizu la á ǹ kɔ ǹ la.

LAWA A BOO SONBORE 2011

¹⁴ Ń toa ǹ nə́ n *susu ǹ pii sonbore kɛ dɔ̃. Gɔn waa ǹ boon ne, landa boon ne, ka dí-pɛn nɛ, ń bɛn kɔ n dí-nyali Muizu la á ǹ kɔ ǹ la.

Nehemii 9:14 ပူးပေါင်းရင်းမြစ်များ

Siin Giala 2:3

Lawa barka wɔ bɛa lɛawaa sɔbaabaa ǹ wɔ pinaa lɛ nɛ, á bɔ á koa a gɔrɔn a din wɔ lɛa. A giala, a bɛ́ á màn tumaa zɛnaa á nya, a na á n susu bɛ lɛ a pinaa.

Nehemii 1:8

Sɛnɛ bǐɛ̃ kɔ n nə n yiri kɔ ka boo kɛ nɛ, ń goã ń nə́ n dí-nyali Muizu da a pɛ ganaa kɛnɛn: «Bɛ̀ ka a bɔlɔgoondɛnan lɛa wa, masɛ dɔ n die ka pɛsɛ̃ tɔrɔ kɔsɔn bii.

Nehemii 10:32

*Susu ǹ pii pinaa, bɛ̀ gána lɛ a minin nə́ daa pii mànan sã, ta a din nə wàa mɛn màn lɛa, wɔ ba re màn kɔn pii ǹ lon bɛa susu ǹ pii kɛ lɛ li wa. Zɔ́nɔn dɔn li, wɔ ba re màn kɔn pii ǹ lon wa. Ka bɛ dɔ nɛ, lɛ̀ sɔbaa woo lɛ̀ sɔbaa, wɔ á re susui koe wɔa wurun la, wɔ minin giɔ̀mɔ tumaa toa ǹ nɛ.

Bɔ bɛ̀rɛbaa nɛ 16:23

Muizu tɔ́n pɛ ǹ nɛ: «Dɛnaa na á bɛ lɛ pɛ, biɛ̃ n *susu ǹ pii lɛa, Dɛnaa din a lɛawaa nɛ. Màn mɛn bɛ́ kɔrɛ ǹ wɔ lɛa, ka bɛ kɔrɛ pelo, ka a pipi ǹ wɔ pipi. A giala mɛn bɛ́ goɛ̃, ka bɛ tamaa yǎa baayɛlɛ.»

Bɔ bɛ̀rɛbaa nɛ 16:29

Ka ga a ganaa, Dɛnaa susu ǹ pii kɔ ka la, bɛ lɛ nɛ, lɛawaa sɔrɔbaa ǹ wɔ pinaa ke, a n lɛawaa paa màn-bii koe ka la. Didie giã a bǎã nɛ. Min kɔ́n baran soo a n bɔ a piɛ lɛawaa sɔbaabaa ǹ wɔ pinaa kɛ-n wa.»

Bɔ bɛ̀rɛbaa nɛ 24:12

Dɛnaa pɛ Muizu ni: «Dii n da masɛ li kele lɛ la, n golee kànaa. Man die kɔlɔ sɛlɛɛn kɛn lɛn koe n la, ma dí-pɛn lɛn kiɛ̃ ǹ mɛnɛn ganaa ke lɛn. N die n Izirayeli nɛnyaanan lɛn daraa ǹ ganaa.»

Ezekieli 20:11

Má maa landa boon kɛn kɔ ǹ la, má ǹ daraa maa sii yɔrɔ bɔ ǹ boon kɛn ganaa. Bɛ̀ minbuiin nɛ mɛn tá koe bɛn lɛ, ǹ dɛnaa yii á re goɛ̃ koo.

Ezekieli 20:12

Man má *susu ǹ pii dɔ koa sii a kɔnboe lɛa ǹ bii, màn mɛn bɛ́ toɛ ǹ dɔ̃, mà ma din Dɛnaa Lawa n má ǹ bɔ ma din wɔn lɛa.

Ezekieli 20:20

Ka maa susu ǹ piin lɛn koa maa wɔ lɛa. Bɛ n sii a kɔnboe lɛa, á n toɛ minin nə dɔ̃ mà masɛ Dɛnaa Lawa n kaa Lawa lɛa.

Lawa a wúlu-bɔlen 19:3

Kaa min gogoonmaa doamaa nɛ, a na a náa laanka a díi guguru kɔ, a masɛ a susu ǹ piin kɛn tamaa. Masɛ din Dɛnaa Lawa n kaa Lawa lɛa.

Lawa a wúlu-bɔlen 27:34

Dɛnaa Lawa nə n gɔn waa Muizu ni ka boon mɛnɛn nɛ, Sinayii kele la, mà ǹ nə ǹ pɛ Izirayeli minin lɛn manɛ, ǹ dinin man ka bɛn nɛ.

Zaã a sɛ́wɔ 1:17

Lawa na á dí-pɛ kɔ Muizu la, mà a ǹ pɛ wɔ nɛ, sɛnɛ, Yezu *Krita na á daa a bǐɛ̃baa kɛ laanka a sonborebaa nɛ.

Timəə dí-pɛn 4:45

Sii zɛnaa ǹ gɔnɔn manɛ, landa boon laanka sii yɔrɔ bɔ ǹ boon ne, Muizu pɛ á nyaa Izirayeli minin lɛn manɛ, bɛ̀ ǹ bɛ́ ǹ nə́ soo Ezipti gána nɛ.

Timəə dí-pɛn 4:5

Ma á ke má ka daraa landa boon laanka sii yɔrɔ bɔ ǹ boon lɛn ganaa, ka maa Lawa, Dɛnaa Lawa bɛ́ á n gɔn waa ma-n lɔn. Ma pɛ ka-n lɔn, ka bɛ́ re kiɛ gána mɛn lɛ nɛ, ka si ka baa kaa wɔ lɛa, ka zɛnaa walan miɛ̃.

Timəə dí-pɛn 5:31

Sɛnɛ, nsɛ golee kànaa, ma li. Ma á re gɔn waa ǹ boon kɛn tumaa pii n ni, landa boon kɛn nɛ, ka sii yɔrɔ bɔ ǹ boon kɛn nɛ. Ń die n nə ǹ daraa bɛn lɛn ganaa, ǹ kɔ ǹ lɛ gána kɛ lɛ nɛ, má n koe ǹ la, ǹ wɔ lɛa.»