Nehemii 8:16 - LAWA A BOO SONBORE

¹⁶ Zaman lɛ tɔ́n soo ǹ nə́ woo, ǹ nə́ daa ka siãn lɛn dɔ ǹ mànan nɛ. Didie siã lɛ dɔ a kalan, ǹ nə́ ǹ dɔ ǹ dinin sumun ni. Ǹ nə́ ǹ dɔ Lawa a kion kɛ a sumun ni, ka Mu kiɛnlɛ bǎã kɛ nɛ, ka Efrayimu kiɛnlɛ bǎã kɛ dɔ nɛ.

LAWA A BOO SONBORE 2011

¹⁶ Zaman lɛ tɔ́n soo ǹ nə́ woo, ǹ nə́ daa ka siãn lɛn dɔ ǹ mànan nɛ. Didie siã lɛ dɔ a kalan, ǹ nə́ ǹ dɔ ǹ dinin sumun ni. Ǹ nə́ ǹ dɔ Lawa a kion kɛ a sumun ni, ka Mu kiɛnlɛ bǎã kɛ nɛ, ka Efrayimu kiɛnlɛ bǎã kɛ dɔ nɛ.

Nehemii 8:16 ပူးပေါင်းရင်းမြစ်များ

Samayeli2 11:2

Ǹ kɔn pinaa wasamiɛ̃nɛ, Davida yoo á n bɔ tán a waa ǹ piì la, á woo n gòã bɔ kɔn a kiibaa ǹ kion kɛa kala-n. Á n toa kala lɛ la walan, á lɔ goon yɛ n zoe. Lɔ lɛ goã siĩni yɔrɔ-a á la yii ni.

Kiin2 14:13

Zudaa gána a kii Amasiya lɛ Ahaazia a nɔ́ɔn lɛa, Zoasi a nɛ lɛa, Izirayeli gána a kii Zoasi lɛ bɛ da kòso-n Bɛti-Semɛsi. Bɛ kio, Zoasi daa Zeruzalɛmu, á kiwi lɛ a kungɔn paǹ goon wuru. A sasabaa á doe mɛtərə biɛ paa (200) kɛ miã. A n kuĩ Efrayimu a kiɛnlɛ kɛ ganaa yǎa kɛ gùrù a kiɛnlɛ kɛ li.

KZS2 20:5

Zozafati golee lon Zeruzalɛmu minin lɛn bii ka Zudaa minin kɔsɔn nɛ, a yɔrɔ n dia-n Lawa a kion a sumu dii kɛ la.

KZS2 33:5

Á wúlu bɔ ǹ bǎãn kɔsɔn dɔ lon màn zɛnaan lɛn wɔn lɛa Lawa guguru kɔ ǹ kion a sumu màn paa kɛ nɛ.

Nehemii 12:37

Ǹ bɛ́ ǹ nə́ dɔ Mu pìã a kiɛnlɛ kɛ li, dii ǹ bǎã mɛn bɛ́ woe "Davida a kiwi" kɛ ganaa, ǹ nə́ dii bɛ la ǹ yɔrɔ-a ka kungɔn lɛ a dii ǹ bǎã kɛ nɛ, Davida a kion kɛ lalan, ǹ nə́ woo yǎa Mu kiɛnlɛ kɛ li, lɛ̀giala gɔn la.

Nehemii 12:39

Bɛ kio, wɔ́ bɔ Efrayimu kiɛnlɛ kɛ lalan, ka kiɛnlɛ zizi kɛ nɛ, zɔ̀nɔn kiɛnlɛ kɛ nɛ, Hananeyeli a sanabolo kɛ nɛ, Meya a sanabolo kɛ nɛ, wɔ́ woo yǎa sèren kiɛnlɛ kɛ li. Wɔ́ tɔ́n golee wɔlɔ lɛduə̃ ǹ kiɛnlɛ kɛ lɛ-a.

Nehemii 3:26

Min mɛnɛn bɛ́ giã-n Ofɛli ǹ nə́ dí nyɛɛ Lawa a kion, bɛn dɔn nə́ goã ǹ nə́ dí nya yǎa ǹ nə́ dɔ Mu kiɛnlɛ kɛ yɔrɔ-a, lɛ̀giala li, ka sanabolo solo kɛ dɔ nɛ.

Nehemii 8:1

Lɛ̀ a mui sɔbaabaa ǹ wɔ a lɛawaa sɔbaabaa ǹ wɔ, zaman lɛ tumaa kɔn ma, ǹ nə́ woo n lɛ sɔkɔn Zeruzalɛmu, bǎã kɛ nɛ mu kiɛnlɛ kɛ yɔrɔ-a. Ǹ nə́ tɔ́n pɛ landa sii-daraali Ɛsidrasi ni, mà a da ka dí-pɛn sɛ́wɔ kɛ nɛ, Dɛnaa Lawa goã á kɔ Muizu la Izirayeli tɔrɔn wɔ lɛa. Ɛsidrasi daa ka bɛa sɛ́wɔ lɛ nɛ zaman lɛ yɔrɔ-a. Giĩn laanka lɔn maǹ nə́ goã bǎã lɛ nɛ, ka min mɛn tumaa goã boe la, ǹ nə́ boo giala miɛ.

Nehemii 8:3

Ɛsidrasi bɛa sɛ́wɔ kɛ lɛ pɛ bii-a Mu kiɛnlɛ lɛ nyɛɛnɛ, giĩn laanka lɔn yɔrɔ-a, ka min mɛn tumaa goã boe la ǹ nə́ boo giala miɛ, ǹ ná a woo ǹ bǎã dɔ doɛ̃. A kũ baayɛlɛ yiisoo ganaa a wo penleen yaa, zaman lɛ tumaa na á goã n too koe doɛ̃ dí-pɛn sɛ́wɔ lɛ a boon ganaa.

Zeremii 19:13

Ǹ tá re *gɔ̀ diɛ Zeruzalɛmu a kionən ganaa ka Zudaa a kii kionən ne ka Tofɛti bɛ́ lɔn. Sonbore, bɛa kionən lɛn kalan la, maǹ nə́ da yon gìĩ kɔɔ̃n tã lon a leere kurun wɔ lɛa, ǹ nə́ duvɛ̃ zumii wúlu màn lɛa lawa tiin la.»

Zeremii 32:29

Baabilonii minin nə́ yoo a gialaa, ǹ tá re kuĩ, ǹ tɛ da a ganaa. Minin nə da yon gìĩ kɔɔ̃n tã kionən hinlaa kalan mɛnɛn la *Baali wɔ lɛa, ǹ nə́ mi ǹ màn zuməə dì soreen wɔ lɛa ǹ la, ǹ nə́ ma foo da yoo ganaa nɛ, ǹ tá re tɛ diɛ bɛn ganaa.

Timəə dí-pɛn 22:8

Bɛ̀ ká kion dii dɔ, ka a lɛ kìri dɔ á woo lon, màn mɛn bɛ́ toɛ, min baran bɔ a kala la a mɛnaa, a sii saa a kɔ ka la wa.