Nehemii 6:19 - LAWA A BOO SONBORE

¹⁹ Ǹ nə́ goã Tobiya lɛ tɔ bǐɛ̃ pii ma yii-n dinin, bɛ̀ ǹ maa boon gũ ǹ wo ǹ pɛ nɛ. Tobiya dɔ na á goã sɛ́wɔn diɛ ma la, ń giɛ nyɛ́ɛ tá ma kuĩ.

LAWA A BOO SONBORE 2011

¹⁹ Ǹ nə́ goã Tobiya lɛ tɔ bǐɛ̃ pii ma yii-n dinin, bɛ̀ ǹ maa boon gũ ǹ wo ǹ pɛ nɛ. Tobiya dɔ na á goã sɛ́wɔn diɛ ma la, ń giɛ nyɛ́ɛ tá ma kuĩ.

Nehemii 6:19 ပူးပေါင်းရင်းမြစ်များ

Nehemii 6:13

Ǹ bɛ́ ǹ ná a lɛ pii miɛ̃, ǹ yiri na á goã a ganaa, mà nyɛ́ɛ á re ma kuĩ, ma kɔ a boo lɛ lɛ, ma sii baraa zɛnaa, ǹ tɔn ma tɔ ziziɛ̃ bɛ kio, ǹ sìi da ma ganaa.

Nehemii 6:18

A giala min gigiã goã Zudaa gána lɛ nɛ, lɛ-kɔ nə́ n doa kɔn ka Tobiya lɛ nɛ. Bɛ mìi n ke, Tobiya lɛ na á goã Araa a nɛgiĩ Sekania daãgiĩ lɛa, ka bɛ dɔ nɛ, a nɛgiĩ Zoanan goã á Berekia a nɛgiĩ Mesulaamu a nɛlɔ saa.

Nehemii 6:9

Bɛa minin kɛn lɛn tumaa na á goã giɛ li maǹ ǹ nyɛ́ɛ da wɔ ganaa. Maǹ nə́ goã taasɛ mà wɔ tá re n gɔn boe dí lɛ-a, a ná a die n nyɛɛ doo duduu wa. «Sɛnɛ Lawa, pàã kɔ ma la sisia.»

Nehemii 7:1

Kungɔn lɛ bɛ́ á n dɔ, má kiɛnlɛ-a ǹ goon wɔ, ǹ nə́ kiɛnlɛ-lɛduə̃lin laanka loe-lɔlin kaa ǹ dí lɛ la, ka *Levii tɔrɔn nɛ.

Suusun 28:4

Min mɛnɛn bɛ́ ǹ ba koe dí-pɛn lɛ wa, maǹ min baraan laakalɛ. Sɛnɛ, min mɛnɛn bɛ́ koe dí-pɛn lɛ, bɛn manə n gòãn dii ǹ ganaa.

Zaã a sɛ́wɔ 15:19

Bɛ̀ ka n kanaa kɛ wɔn lɛa kɛnɛn, bɛ̀ kanaa tá ka narɛ a din wɔn lɛa. Sɛnɛ, ka bie kanaa kɛ wɔn lɛa wa, masɛ din ni má ka na má ka bɔ kanaa ganaa; bɛ lɛ na á toa, kanaa minin tá ka biɛ zɔ́ɔ.

Zaã a sɛ́wɔ 7:7

Kanaa minin ba boe la ǹ kasɛn baa zɔ́ɔ wa, sɛnɛ, masɛ, maǹ ma biɛ zɔ́ɔ, a giala, masɛ nə ǹ sɔ̀n pii, ǹ zɛnaa ǹ siin ba siĩn wa.

Zaã1 4:5

Ǹsɛn man boo diɛ kanaa wɔ gɔn la, kanaa nə n too koe ǹ lon, a giala, maǹ kanaa din wɔn lɛa.