Nehemii 6:16 - LAWA A BOO SONBORE

¹⁶ Wɔa zɔ́ɔn tumaa bɛ́ ǹ ná a boo ma, tɔrɔn mɛnɛn tumaa goã wɔ lɛnpɛnɛ, nyɛ́ɛ nə́ ǹ kũ. Ǹ dinin yii li, ǹ lɛ na á kuməə duduu. Ǹ nə́ dɔ̃ mà dí lɛ na á goã á n nya á kɔnpɛ ka wɔa Lawa foo sii ni.

LAWA A BOO SONBORE 2011

¹⁶ Wɔa zɔ́ɔn tumaa bɛ́ ǹ ná a boo ma, tɔrɔn mɛnɛn tumaa goã wɔ lɛnpɛnɛ, nyɛ́ɛ nə́ ǹ kũ. Ǹ dinin yii li, ǹ lɛ na á kuməə duduu. Ǹ nə́ dɔ̃ mà dí lɛ na á goã á n nya á kɔnpɛ ka wɔa Lawa foo sii ni.

Nehemii 6:16 ပူးပေါင်းရင်းမြစ်များ

Nehemii 2:10

Giĩ goon goã a tɔ n Sanbalaa boe Horonayimu kiwi. Bɛ laanka dí-nyali Tobiya kɛ nɛ, Amɔn tɔrɔ lɛa, bɛn bɛ́ ǹ ná a boo ma, ǹ foo ziziɛ̃, a giala, mà min na á daa ga Izirayeli minin bǐɛ̃-kɔ li.

Nehemii 4:1

Sɛnɛ Sanbalaa nɛ, Tobiya nɛ, Larabu gána minin ni, Amɔn tɔrɔn nɛ, ka Asidɔdi minin ni, bɛn bɛ́ ǹ nə́ ma mà Zeruzalɛmu a kungɔn lɛ a dí á tɔ we, a fɔfoɛ̃ bǎãn lɛn nə́ tã giala koe, ǹ foo yoo taãn-taãnɛ.

Nehemii 4:7

Bɛ lɛ nɛ, má tɔ́n zaman lɛ doa kungɔn lɛ kio fulu-a tanlɛ yii li. Má ǹ doa bii-a ka ǹ gɔyan nɛ, ǹ sɛmiɛ̃n nɛ, ka ǹ san nɛ.

Nehemii 6:17

Bɛa biikoo lɛ dɔ nɛ, Zudaa gána a min yii guguru-an nə́ goã sɛ́wɔ didiɛ Tobiya la, bɛ̀ Tobiya dɔ wɔn nə́ woe ǹ dɔn li.

Loen 109:27

Dɛnaa Lawa, toa ǹ nə n din pàã kɛ dɔ̃, toa ǹ dɔ̃, mà n din nə́ ń dí kɛ nya.

Loen 126:2

Bɛa biikoo li, wɔ lɛ pã ka yaa nɛ, wɔ lɛwɔn nə foo kɔɔ̃nbaa boo diɛ. Maǹ pii gánan nɛ bɛa biikoo li: Dɛnaa Lawa sii gole zɛnaa ǹ nɛ dɛ!

Loen 129:5

Min mɛn tumaa bɛ́ Zeruzalɛmu biɛ zɔ́ɔ, sìi da bɛn ganaa, ǹ wusoo ka ǹ kio ne.

Loen 147:2

Dɛnaa Lawa n wusii Zeruzalɛmu doe. A n Izirayeli nɛnyaanan boe bɛ̀rɛbaa nɛ, ǹ soekɔn.

Bɔ bɛ̀rɛbaa nɛ 14:25

Á ǹ wotoro gòãn guguru kɔ, ǹ da-baa-a kaka kɔ. Ezipti minin lɛn nə́ pɛ kɔn nɛ: «Ka daa wɔ wusoo, wɔ n bɔ Izirayeli nɛnyaanan lɛn kio. A giala, Dɛnaa Lawa din nə ǹ zia gii diɛ Ezipti ganaa!»

Zeremii 33:9

Ka bɛ-n kəni, man die Zeruzalɛmu tɔ pii ka foo kɔɔ̃n nɛ. Á re ma tɔ boe, a ma foo kɔɔ̃n kɔ tán a tɔrɔn tumaa yɔrɔ-a. Ma bɛ́ re bǐɛ̃ mɛn zɛnɛɛ maa zaman lɛ nɛ, ǹ tá re bɛ miɛ. Nyɛ́ɛ á re ǹ kuĩ, ǹ gɔ̀nɔn bìn da yii-nyɛɛ laanka gɔn mànan kɛn taman yii ma á re koe maa zaman la.»

Minin nimi 23:23

Wɔ-kũli ba kun ka Zakɔba tɔrɔn lɛn nɛ wa. Boo baa ǹ dí ba Izirayeli minin lɛn li wa. Lawa bɛ́ sii mɛn zɛnɛɛ, bɛ nə n pii Zakɔba tɔrɔn lɛn nɛ, a nə n pii Izirayeli tɔrɔn lɛn nɛ, a kɔnpɛ a biikoo ne.

Nya ǹ dín 5:38

Bɛ lɛ nɛ, ma á pii ka nɛ, máa ka baran ga minin kɛn lɛn walan doo wa, ka toa ǹ woo. Minin kɛn lɛn, bɛ̀ ǹ gù we yii ǹ sii kɛ lɛ, hinlaa bɛ̀ ǹ dí kɛ lɛ n boe min li, á re papaɛ̃ a din ganaa.

Zozoe 2:11

Wɔsɛn bɛ́ wɔ́ bɛ lɛ ma, wɔ gɔ́ɔ̃ mu baa. Foo tãbaa din ba min kɔn lon doo, á n boe la á n golee ka nyɛɛn wa. A giala, Dɛnaa Lawa lɛ, kaa Lawa lɛa, a din lɛ n Lawa lɛa lon kɛ nɛ, a din lɛ n Lawa lɛa tán kànaa.

Zozoe 2:9

á pɛ ǹ nɛ kɛnɛn: «Ma á doɛ̃ máa Dɛnaa Lawa gána kɛ lɛ kɔ ka la. Kaa sii din nyɛ́ɛ dɛ á kaa wɔ ganaa. Gána lɛ a minin tumaa gɔ̀nɔn na á bìn da ka nyɛɛnɛ.

Zozoe 5:1

Bɛa biikoo li, Amɔɔrɔ tɔrɔn mɛnɛn tumaa goã Zurdɛ̃ tà kio lɛ̀nyɛɛn gɔn la, bɛn kii ni, ka Kanaan gána a kiin mɛnɛn tumaa goã kɔ̀ gole kɛ lɛ-a, bɛn nə́ ma mà Dɛnaa Lawa Zurdɛ̃ tà a mu piɛ̃ á bɔ Izirayeli minin lɛn nyɛɛnɛ, yǎa ǹ nə́ kiɛ̃ ǹ nə́ nya. Ǹ bɛ ma lɔn, ǹ gɔ́ɔ̃ yii mu baa, ǹ foo biɛ na Izirayeli minin lɛn nyɛɛnɛ.