Nehemii 5:15 - LAWA A BOO SONBORE

¹⁵ Sɛnɛ pàãdɛnan mɛnɛn nə goã masɛ nyɛɛnɛ, bɛn man nə́ goã zaman lɛ nɔmiɛ̃, ǹ nə́ màn-bii laanka duvɛ̃ sii ǹ la, ka wɔrɔ pupusi dɔ nɛ. Haalɛ ǹ dí-nyalin dinin man nə́ goã pàã nyɛɛ zaman lɛ nɛ. Sɛnɛ masɛ, nyɛ́ɛ baa Lawa yii-n lɛ taman yii, ma bɛ miã zɛnaa wa.

LAWA A BOO SONBORE 2011

¹⁵ Sɛnɛ pàãdɛnan mɛnɛn nə goã masɛ nyɛɛnɛ, bɛn man nə́ goã zaman lɛ nɔmiɛ̃, ǹ nə́ màn-bii laanka duvɛ̃ sii ǹ la, ka wɔrɔ pupusi dɔ nɛ. Haalɛ ǹ dí-nyalin dinin man nə́ goã pàã nyɛɛ zaman lɛ nɛ. Sɛnɛ masɛ, nyɛ́ɛ baa Lawa yii-n lɛ taman yii, ma bɛ miã zɛnaa wa.

Nehemii 5:15 ပူးပေါင်းရင်းမြစ်များ

Siin Giala 20:11

Abrahamu ná a lɛ si á pɛ: – Masɛ n taasɛ, máa nyɛ́ɛ baa Lawa-n ba bǎã kɛ lɛ-n wa. Bɛ lɛ a lɛa, máa ǹ tá re ma dii, ǹ maa lɔ lɛ si ma la, a siĩnbaa taman yii.

Siin Giala 42:18

A lɛawaa sɔɔbaa ǹ wɔ pinaa, Zozɛfu tɔ́n pɛ ǹ nɛ: «Ka bɛ́ re sii mɛn zɛnɛɛ ka tɔn la, bɛ ǹ ka kɛ nɛ. Ma á nyɛ́ɛ biɛ Lawa nɛ.

Nehemii 5:16

Man má goã kɔn ka kungɔn lɛ a dí dɔ nɛ, wɔ wuru pii wa, maa dí-nyalin lɛn tumaa na á goã soe-n kɔn kànaa, dí nyɛɛ.

Nehemii 5:9

Má tɔ́n pɛ: «Ka bɛ́ sii mɛn zɛnɛɛ, a siĩn wa. Ka doamaa nɛ ka tɔ wɔ, bɛ̀ ka tá nyɛ́ɛ biɛ wɔa Lawa lɛ yii ni, màn mɛn bɛ́ toɛ, tɔrɔn mɛnɛn bɛ́ wɔa zɔ́ɔn lɛa, sìi baran wɔ kũ bɛn bii wa.

Zɔbu 31:23

A giala Lawa a dɔlɔ ke, bɛ lɛ na á goã nyɛ́ɛ diɛ ma ganaa. Ma a boe la ma sii kɔn zɛnaa Lawa gole kɛ yɔrɔ-a wa.

Loen 112:1

Aleluya, ka Dɛnaa Lawa tɔ bɔ! Min mɛn bɛ́ nyɛ́ɛ biɛ Dɛnaa Lawa nɛ, a ná a dí-pɛn kɛn dɔn narɛ, bɛa dɛnaa wɔ na á bǐɛ̃ kɔ.

Loen 147:11

Sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, min mɛnɛn bɛ́ n foo doɛ a kɔn-narɛɛ gole kɛ ganaa, bɛn lɛn sii n kɔɔ̃n a ganaa.

Suusun 16:6

Min mɛn bɛ́ bɔlɔgoondɛnaa lɛa, a sãn tá re n toɛ nɛ. Min mɛn bɛ́ nyɛ́ɛ biɛ Dɛnaa Lawa yii ni, a nə n wɔlɔ lui sii baraa ganaa.

Suusun 29:12

Bɛ̀ kii lɛ kɔ á n too kɔ soɛn li, a dí-nyali tumaa n min bɔnɛɛ biɛ.

Izayii 50:10

Die n nyɛ́ɛ biɛ Dɛnaa Lawa yii-n ka bii? Bɛa Dɛnaa doamaa nɛ a n too kɔ a dí-nyali lon. Die n tɔ we tèlò-n, tɛ fúlu goon ná a banban? Bɛa Dɛnaa doamaa nɛ a golee Dɛnaa Lawa li, a n foo doa a Lawa ganaa.

Zeremii 32:9

Má ma dɔɔ̃ngiĩ Hanaaneyeli a wuru lɛ pii Anaatɔti, má a wɔrɔ saraa, wɔrɔ we fulusɔbaa.

Busii pɛ 5:8

Bɛ̀rɛn man wɔa maadigiĩn lɛa. Min banban á wɔ sii ǹ la wa.

Matiə 5:47

Bɛ̀ maǹ fòo diɛ ǹ dɔɔ̃nɔn dininsɔɔ̃nɔn manɛ, kaãbaa ǹ sii n ka bɛ nɛ ǹ tá zɛnɛɛ ya? Haayii, a giala, min kooron dɔn dinin man zɛnɛɛ miɛ̃!

Korɛnti2 11:9

Ma bɛ́ má goã kaa piɛ, bɛ̀ ma laadoo tá wɔrɔ ganaa, ma mɛnaa kaa min kɔ́n la wa. A giala, wɔ dɔɔ̃nɔn mɛnɛn nə bɔ Masedoanɛ, ǹ nə́ daa ma laadoo màn tumaa kɔ ma la. Man din kũ sii din tumaa gɔ́ɔ̃ nɛ, máa ma nyan goã guĩ lɛa ka mìi-n wa. Man tɔn die n din kuĩ miɛ̃.

Korɛnti2 12:13

Lawa a sɔmɔ gialakunun kɛn man nə́ wàa yɛ, bɛ n nyaabaa-n kasɛn ganaa? Ma bɛ́ ma goã ka bebere ka gɔn màn sii ka la wa, yǎa bɛ dinsɔɔ̃. Bɛ̀ bɛ á kɔkɔrɔbaa ǹ sii lɛa má zɛnaa ka nɛ, ka bǐɛ̃ kɔ ma ganaa, ka toa ma nɛ.

Samayeli1 8:15

Ka bɛ́ re màn mɛn yii kaa wurun ni, kaa rezɛ̃ sɔlɛɛn nɛ, a tá re bɛn fùfùbaa ǹ wɔ sii, a kɔ a sumu dí-nyalin laanka a dí-nyali kɔsɔn la.