Nehemii 3:15 - LAWA A BOO SONBORE

¹⁵ Mu pìã bǎã a kiɛnlɛ ke, Kɔl-Hoze a nɛgiĩ Salumu mɛn bɛ́ Mispaa gána mìi la, bɛ na á bɛ zɛnaa. A din na á dɔ, á zũ, á ná a goon wɔ lɛ, ka a tã a sɔɔ ǹ mànan nɛ. Silowee pɛrɛ bǎã a kungɔn ke kii a dù gɔrɔ genli, á bɛ dɔ zɛnaa, yǎa á woo dɔ tɔ wɔ ǹ banbaranan kɛn ganaa, n toɛ "Davida a kiwi" li die.

LAWA A BOO SONBORE 2011

¹⁵ Mu pìã bǎã a kiɛnlɛ ke, Kɔl-Hoze a nɛgiĩ Salumu mɛn bɛ́ Mispaa gána mìi la, bɛ na á bɛ zɛnaa. A din na á dɔ, á zũ, á ná a goon wɔ lɛ, ka a tã a sɔɔ ǹ mànan nɛ. Silowee pɛrɛ bǎã a kungɔn ke kii a dù gɔrɔ genli, á bɛ dɔ zɛnaa, yǎa á woo dɔ tɔ wɔ ǹ banbaranan kɛn ganaa, n toɛ "Davida a kiwi" li die.

Nehemii 3:15 ပူးပေါင်းရင်းမြစ်များ

Samayeli2 5:9

Davida giã bɛa duru ǹ bǎã kaka kɛ lɛ nɛ, á bii "Davida a kiwi". Bɛ kio, Davida kionən dɔdɔ á ná a lɛnpɛnɛ nɛ, a saa Miiloo bǎã kɛ ganaa, a wo kiwi lɛ a gɔ́ɔ̃ yaa.

Kiin2 25:4

ǹ nə́ yala bɔ kiwi lɛ a kungɔn ganaa. Zia-baalin lɛn tumaa baa si tèlò basa li, kiɛnlɛ ke kungɔn màn paa lɛ biin ni, kunu kii a dù gɔrɔ kɛ li, ǹ nə́ bɔ bɛ nɛ. A laanɛ, Kalde minin nə́ goã ǹ nə́ kiwi lɛ da bii, nyankɔrɔ lɛ ke ǹ nə́ bíi Arabaa, ǹ nə́ bɛa zii kɛ saa ǹ nə́ woo.

KZS2 32:30

Ezekiasi din dɔ na á Giɔn mu pìã kɛ lɛ tã a na a mu dia tán giulun lɛ̀ nyɛɛn gɔn la "Davida a kiwi". Ezekiasi sii mɛn tumaa lɛ bɔ, a yii bǐɛ̃ kɔ.

Nehemii 12:37

Ǹ bɛ́ ǹ nə́ dɔ Mu pìã a kiɛnlɛ kɛ li, dii ǹ bǎã mɛn bɛ́ woe "Davida a kiwi" kɛ ganaa, ǹ nə́ dii bɛ la ǹ yɔrɔ-a ka kungɔn lɛ a dii ǹ bǎã kɛ nɛ, Davida a kion kɛ lalan, ǹ nə́ woo yǎa Mu kiɛnlɛ kɛ li, lɛ̀giala gɔn la.

Nehemii 2:14

Bɛ kio, má tɔ́n kiɛ̃ má woo bɔ mu pìã bǎã a kiɛnlɛ kɛ laanka kii a pɛrɛ kɛ genli, ma goã tɔɔ mɛn la, bǎã goã a tan bɛ ń boe la á kiɛ̃ wa.

Nehemii 2:17

Má tɔn pɛ ǹ nɛ: «Koe mɛn bɛ́ wɔ mìi ni, ka yii ba bɛ ganaa wa? A giala ǹ nə́ Zeruzalɛmu yu. Tɛ ná a kiɛnlɛn kũ. Ka daa wɔ n tan, wɔ wusoo wɔ Zeruzalɛmu a kungɔn lɛ dɔ, wɔ n bɔ sìi bii!»

Nehemii 3:12

Haloweki a nɛgiĩ Salumu ke Zeruzalɛmu gána talɛɛ mìi la, bɛ dí nya ǹ genli, kun ka a nɛlɔn nɛ.

Nehemii 3:14

Yisi kaa ǹ bǎã a kiɛnlɛ ke, Rekabu a nɛgiĩ Malkiya mɛn nə́ ke Bɛti-Kerɛmu gána mìi la, bɛ na á bɛ zɛnaa. A din na á dɔ, á ná a kiɛnlɛn wɔ lɛ ka a tã a sɔɔ ǹ mànan nɛ.

Nehemii 3:19

A dɔ genli, Zozoe a nɛgiĩ Ezɛɛrɛ ke Mispaa kiwi a kii lɛa bɛ dɔ goã kungɔn lɛ a paǹ kɔsɔ zɛnɛɛ. Bɛ̀ n tá woe ziabaa ǹ mànan koa ǹ kion kɛ nɛ, bɛa bǎã lɛ tá n yɔrɔ-a kungɔn lɛ a gùrù pusu ǹ bǎã nɛ.

Nehemii 3:7

Melatia ke boe Gabawɔ̃ kiwi, bɛ nɛ, ka Zadɔn kɛ nɛ boe Meronɔti kiwi, ka Gabawɔ̃ kiwi minin laanka Mispaa kiwi minin ni, bɛn man nə́ goã dí nyɛɛ Zozadaa lɛ laanka Mesulaamu lɛn genli, Efrati tà a lɛ̀nyɛɛn gɔn la a pàãdɛnaa a giã ǹ bǎã kɛ genli.

Nehemii 3:9

Uuru a nɛgiĩ Refaya ke Zeruzalɛmu gána talɛɛ mìi la, bɛ́ goã dí nyɛɛ ǹ genli.

Boo-laakalaali 2:6

Má dɛnɛn fɔ̃ ma din wɔn lɛa, ń giɛ bɛn mu tá n kiɛ da ten daã kɛ ganaa.

Izayii 8:6

Silowee mu ke baa sii sɛlɛlɛ, Zudaa zaman nə́ n piã ka bɛ nɛ, a giala, ǹ foo n kɔɔ̃nɛ kii màn paa kɛ taman yii: Resini laanka Pekaa.

Zeremii 40:6

Zeremii woo Mispaa, Ayikaamu a nɛgiĩ Gedalia li. Á giã walan kun ni, kɔnlɛ ka zaman mɛn goã gána lɛ nɛ.

Luku 13:4

Silowee sanabolo bɛ́ á mɛnaa min fulukiwisi mɛn la á ǹ dɛ, ka n taasɛ, mà bɛn man nə́ goã zɛ̀rɛdɛnan lɛa ǹ nə́ la Zeruzalɛmu kiwi minin gialakunun kɛn manɛ?

Zaã a sɛ́wɔ 9:7

á pɛ nɛ: «Mu nyankɔrɔ mɛn bɛ́ ǹ tá bíi Silowee (bɛ giala mà dia dí-a wole), wo n yii pii bɛ nɛ.» Yii tere-a lɛ woo walan, á n yii pii, a bɛ́ n bɔyɛɛ die bɛ̀ a yii n wɔlɔ yii.

Sii yɔrɔ-bɔlen 20:1

Izirayeli minin lɛn tumaa soo, a saa Dan kiwi ganaa gɔsɛ a lɛ̀gɔn la, yǎa Bɛɛr-Sebaa kiwi gusin a lɛ̀gɔn la, a wo Galaati gána kɛ yaa. Zaman lɛ tumaa nə́ ǹ wɔ kaa kun, ǹ nə́ n lɛ sɔkɔn Dɛnaa Lawa yɔrɔ-a Mispaa.

Sii yɔrɔ-bɔlen 20:3

Bɛnzamɛn tɔrɔn nə́ ma, mà Izirayeli min gialakun kɛ́ woo Mispaa kiwi. Izirayeli minin lɛn nə́ pɛ mà sii baraa kɛ da lɔn, mà ǹ na a yɔrɔ pɛ ǹsɛn manɛ.