Nehemii 2:18 - LAWA A BOO SONBORE

¹⁸ Maa Lawa lɛ bɛ́ á goã kun ma nɛ ka yɔrɔ mɛn nɛ, má tɔn bɛ laakalaa ǹ nɛ. Kii lɛ goã á boon mɛnɛn dɔn da ma nɛ, má bɛn dɔn laakalaa ǹ nɛ. Ǹ nə́ tɔ́n nə n toa: «Ka yoo wɔ kion lɛ dɔ!» Ǹ yoo n ka bɛ nɛ, ǹ nə́ n we bɔ bɛa dí sonbore kɛ lɛ li.

LAWA A BOO SONBORE 2011

¹⁸ Maa Lawa lɛ bɛ́ á goã kun ma nɛ ka yɔrɔ mɛn nɛ, má tɔn bɛ laakalaa ǹ nɛ. Kii lɛ goã á boon mɛnɛn dɔn da ma nɛ, má bɛn dɔn laakalaa ǹ nɛ. Ǹ nə́ tɔ́n nə n toa: «Ka yoo wɔ kion lɛ dɔ!» Ǹ yoo n ka bɛ nɛ, ǹ nə́ n we bɔ bɛa dí sonbore kɛ lɛ li.

Nehemii 2:18 ပူးပေါင်းရင်းမြစ်များ

Samayeli2 2:7

Kanna kəni, ka n gù we yii, ka n foo taã. Kaa dɛnaagiĩ Sayulu lɛ gã sɛn. Sɛnɛ, ka dɔ̃ mà Zudaa gána minin man nə́ masɛ bɔ, ǹ nə́ ma koa ǹ kii lɛa.»

KZS1 11:10

Davida a zia-baali babaraa nyɛɛnaadɛnan mɛnɛn nə n dɔ lɛ sɔɔ̃nɛ a pàã biikoo lɛ tumaa gɔ́ɔ̃ nɛ, kun ka Izirayeli minin tumaa nɛ, ǹ nə́ koa kii lɛa Izirayeli mìi la, ka Dɛnaa Lawa goã á pɛ lɔn, bɛn man ka kɛn nɛ.

KZS1 19:13

Toa n goã kaka, wɔ n dinin nyaa kaka, wɔa zaman kɛ a lɛa ka woa Lawa kiwin kɛn nɛ! Sii mɛn bɛ́ siĩn Dɛnaa Lawa yii li, Dɛnaa Lawa din bɛ zɛnaa!»

KZS2 32:5

Kiwi lɛ a kungɔnɔn paǹan mɛnɛn nə ziziɛ̃, Ezekiasi yoo ka foo tãbaa nɛ á wusii doe. Á gɔnda ǹ bǎãn dɔ, á kungɔn kɔsɔ dɔ kio, á bǎã kɛ zɛnaa a tɔ n Miloo "Davida a kiwi" lɛ nɛ. Á ziabaa ǹ màn gigiã zɛnaa kɔnlɛ ka goóron ne.

Ɛsidrasi 6:22

Ǹ nə́ *yɔ bùbaã buuru zɔ́n zɛnaa lɛawaa sɔbaa gɔ́ɔ̃ nɛ, ka nyɛnyɛɛ nɛ. Lawa na á ǹ kã ka nyɛnyɛɛ nɛ, a giala, á Asiirii gána a kii foo bɔyaa, màn mɛn bɛ́ toɛ, kii lɛ nə n yɔrɔ bǐɛ̃ da ǹ la, ka Lawa a kion lɛ a dí ni, Izirayeli a Lawa a kion dí lɛ.

Nehemii 2:8

N sɛ́wɔ lɛ a goon dɔ kɔ ma kɔ kii a daã-lɛduə̃li, Asaafu kɛ la, màn mɛn bɛ́ toɛ a gɔn kɔ ma la, kiwi tamaa ǹ kungɔn ke kunu Lawa a kion lɛ ganaa, ma bɛa kiɛnlɛn zɛnaa nɛ, ka kiwi lɛ a kungɔnɔn nɛ ka ma din bɛ́ re woe giɛ̃ kion mɛn dɔ nɛ.» Kii lɛ bɛa sɛ́wɔn lɛn kɔ ma la, a giala maa Lawa lɛ gɔn goã kun manɛ.

Efɛɛzi minin 6:10

Bɛ tumaa kio, ka ga pàã li kaa tá kun ka Dɛnaa-n kɛ gɔ́ɔ̃ nɛ, ka ga a din a pàã gole kɛ li.

Filipi minin 2:13

A giala, Lawa á tɔn dí nyɛɛ ka nɛ, ka boo la ka pàã yɛ, ka lɛ kɔ ka sii zɛnaa, a kɔnpɛ ka a din a dí yɔrɔ bɔ kɛ nɛ.

Samayeli1 23:16

Sayulu a nɛgiĩ, Zonaatan lɛ yoo, á bɔ á mɛ zii la, á woo Davida yaa daã lɛ nɛ. Á Davida foo taã ka Lawa a sii ni.