Nehemii 12:27 - LAWA A BOO SONBORE

²⁷ Zeruzalɛmu a kungɔn lɛ a kɔ Lawa la sii taman yii, ǹ nə́ woo ga Levii tɔrɔn li, ǹ giã ǹ bǎãn tumaa nɛ, ǹ nə́ daa ǹ nɛ Zeruzalɛmu màn mɛn bɛ́ toɛ, ǹ nə n nyɛnyɛɛ ǹ kungɔn lɛ kɔ Lawa la, ǹ Lawa guguru kɔ ǹ loen lɔ, ǹ gɔn pere dɛ ǹ mànan kaa li, ka tùtun laanka kɔnkoɛɛ̃nɛn nɛ.

LAWA A BOO SONBORE 2011

²⁷ Zeruzalɛmu a kungɔn lɛ a kɔ Lawa la sii taman yii, ǹ nə́ woo ga Levii tɔrɔn li, ǹ giã ǹ bǎãn tumaa nɛ, ǹ nə́ daa ǹ nɛ Zeruzalɛmu màn mɛn bɛ́ toɛ, ǹ nə n nyɛnyɛɛ ǹ kungɔn lɛ kɔ Lawa la, ǹ Lawa guguru kɔ ǹ loen lɔ, ǹ gɔn pere dɛ ǹ mànan kaa li, ka tùtun laanka kɔnkoɛɛ̃nɛn nɛ.

Nehemii 12:27 ပူးပေါင်းရင်းမြစ်များ

Samayeli2 6:12

Ǹ nə́ daa pɛ kii Davida nɛ mà Lawa barka da Obɛdi-Edɔmu laanka a gɔn màn tumaa ganaa, Lawa a lɛ kɔ kɔn la ǹ goo lɛ taman yii. Bɛ lɛ nɛ, Davida tɔ́n woo, á Lawa a lɛ kɔ kɔn la ǹ goo lɛ saa Obɛdi-Edɔmu a kion, á woo ne a din a kiwi kɛ nɛ, ka nyɛnyɛɛ nɛ.

Kiin1 8:63

A na á zɔ́ɔ da Lawa nɛ ǹ wúlu bɔ ka tɔɔ dadara duu fuəwenpaa nɛ (22 000) ka tɔɔ bisin duu paabiɛ ka fuə (120 000) ne. Ka bɛa yɔrɔ kɛ lɛ nɛ, kii lɛ laanka Izirayeli minin tumaa Dɛnaa Lawa a kion lɛ kɔ Lawa la.

KZS1 13:8

Davida laanka Izirayeli kuturu na á goã bɛ̀ biɛ ka ǹ we tumaa nɛ Lawa yɔrɔ-a, ka loen ne, tùtu tɔrɔ tumaa laanka kɔnkoɛ̃ɛnɛn nɛ, maàn nɛ, gɔn pere dɛ ǹ mànan nɛ, ka bɛnɛn nɛ.

KZS1 15:12

Á pɛ ǹ nɛ: Ka n Levii Tɔrɔn lɛn sɔmɔ minin kiãn lɛa, ka ka dinin yoreen kɔ, ka ka dɔɔ̃nɔn nɛ. Ma bǎã mɛn bɔ má koa Dɛnaa Lawa, Izirayeli a Lawa a goo kɛ wɔ lɛa, ka saa ka wo-n walan.

KZS1 15:16

Davida pɛ Levii tɔrɔn kiãn manɛ maǹ nə́ ǹ dɔɔ̃n loe-lɔlin kɛn kaa ǹ dí lɛ la, ka tùtun ni, kɔnkoɛ̃ɛn nɛ ka gɔn pere dɛ ǹ mànan nɛ, ǹ nə́ n pàã bɔ li a wuu bɔ taãn-taãnɛ, a n nyɛnyɛɛ giala pii.

KZS1 15:28

Izirayeli din tumaa n woe ka Dɛnaa Lawa a lɛ kɔ kɔn la ǹ goo lɛ nɛ, gɔn dɛ wuu li, bɛnɛn wuu ni, gɔn pere dɛ ǹ mànan nɛ tùtun ni, kɔnkoɛ̃ɛnɛn nɛ.

KZS1 15:4

Á Aarɔn a nɛgiĩn sɔkɔn ka Levii tɔrɔn nɛ.

KZS1 16:42

Eman laankaa Yedutunu n bɛnɛn pii ǹ nə́ gɔn pere dɛ ǹ mànan dii, ka sàn kɔ ǹ màn tɔrɔ kɔsɔn nɛ, ǹ nə́ diɛ Lawa a loen kɛn li. Yedutunu a nɛnyaanan man nə goã kiɛnlɛ lɛduĩ.

KZS1 16:5

Kiã Asaafu ni ka a koamala wole Zakarii ni, ka Yeyieli, Semiramɔti, Yeyieli, Matitia, Eliabu, Benayahu ka Obɛdi-Edɔmu. Yeyieli n tùtùun laanka kɔnkoɛ̃ɛnɛn dii, Asaafu n gɔn pere dɛ ǹ mànan dii.

KZS1 23:5

duu sii (4 000) kiɛnlɛ-lɛduə̃lin lɛa, á duu sii bɔ mà bɛn nə Dɛnaa Lawa tɔ bɔ ǹ loe lɔ ka sàn kɔ ǹ mànan nɛ, a ǹ mɛnɛn zɛnaa bɛ lɛ taman yii.

KZS2 29:25

Kii lɛ tɔn Levii tɔrɔn kũ á ǹ koa Lawa a kion lɛ a sumu-n kɔnlɛ ka ǹ sàn kɔ n mànan nɛ: Dindin ni, tùtun ni ka kɔnkoɛɛ̃nɛn nɛ. Davida laanka Lawa a boo gii-dali Natan ka kii a sii-yɛle Gadi kɔ zii mɛn lɛ, a dɔ bɛ saa. A n Dɛnaa Lawa a dí-pɛ lɛa á kɔ a boo gii-dalin la.

KZS2 29:30

Kii Ezekiasi lɛ laanka kiãn nə́ tɔ́n pɛ Levii tɔrɔn lɛn manɛ, mà ǹ loe lɔ doo ǹ Dɛnaa Lawa tɔ bɔ nɛ, Davida laanka sii-yɛle Asaafu goã ǹ nə́ loen mɛnɛn lɔ. Levii tɔrɔn lɛn man loe lɛ loe ka foo kɔɔ̃n nɛ, ǹ nə́ n kuməə ǹ nə́ kaa ǹ musin la.

KZS2 5:13

Bɛn-pɛlen laanka loe-lɔlen lɛn nə́ kaa kunun ǹ ni, loe goon loe Dɛnaa Lawa tɔ boe ne, ǹ ná a guguru koe. LOE-lɔlin lɛn nə́ loe lɔ, ǹ nə́ bɛ̀ dɛ ǹ mànan dɛ, ǹ nə́ Dɛnaa Lawa tɔ bɔ ka ǹ loen ne: «Dɛnaa Lawa á siĩni, a minin narɛɛ a nyɛɛ duduu wa.» Bɛa biikoo li tɛmaa bara daa Dɛnaa Lawa a kion lɛ pã.

KZS2 7:6

Lawa a wúlu-bɔlen manə ǹ bǎã nɛ, *Levii tɔrɔn dɔn nɛ ka sàn kɔ ǹ mànan kɛn nɛ Lawa wɔn lɛa, Davida nə́ ǹ zɛnaa Lawa tɔ bɔ á lɛa ǹ nə́ loe siɛ nɛ: «Hiĩ, a minin narɛɛ n duduu wɔ lɛa.» Ǹ yɔrɔ-a, Lawa a wúlu-bɔlen man bɛn pii zaman lɛ tumaa n golee-n lon.

Ɛsidrasi 6:16

Izirayeli minin lɛn nɛ, Lawa a wúlu-bɔlen ne, *Levii tɔrɔn nɛ, ka min gialakunun mɛnɛn nə bɔ bɛ̀rɛbaa ǹ bǎã nɛ ǹ nə́ daa, ǹ nə́ kion lɛ kɔ Lawa la ka nyɛnyɛɛ nɛ.

Nehemii 11:20

Izirayeli minin gialakunun kɛn kun ka Lawa a wúlu-bɔlen laanka Levii tɔrɔn nɛ, bɛn nə́ goã Zudaa gána a kiwin tumaa nɛ, didie ná a tán la.

Nehemii 12:43

Bɛa pinaa kɛ lɛ nɛ, minin nə́ wúlu didi bɔ, ǹ nə́ goã foo kɔɔ̃nbaa gɔ́ɔ̃ nɛ, a giala Lawa na á foo kɔɔ̃nbaa gole kɔ ǹ la. Lɔn laanka nɛnyaanan dɔn nə́ goã n nyɛnyɛɛ, minin nə́ n toa sɔsɔɔ ǹ nə́ Zeruzalɛmu a foo kɔɔ̃nbaa lɛ a boo ma.

Nehemii 8:17

Zaman lɛ din tumaa, ǹ mɛnɛn lɛn nə bɔ bɛ̀rɛbaa ǹ bǎã lɛ nɛ ǹ nə́ daa, ǹ nə́ siãn dɔ ǹ nə́ giã ǹ nɛ. A da yaa, a kũ Nunu a nɛgiĩ Zozoe a biikoo ganaa, a da dɔ bɛa pinaa kɛ lɛ ganaa, Izirayeli minin lɛn nə tɔn bɛ miã tɔrɔ zɛnaa wa. Á nyɛnyɛɛ gole baa.

Loen 149:3

Ka bɛ̀ baa ka a guguru kɔ nɛ, ka maà laanka tùtu dɛ, ka a gugurukɔ nɛ.

Loen 30:1

Lawa a kion a zɔ́n loe. Davida a loe.

Timəə dí-pɛn 16:11

Kaa Lawa, Dɛnaa Lawa bɛ́ re bǎã mɛn lɛ boe a n tɔ da la, ka die ka n nyɛnyɛɛ walan a din yɔrɔ-a: ka dinin ni, kaa nɛnyaanan nɛ, ka bɛ̀rɛgiĩn laanka kaa bɛ̀rɛlɔn nɛ ka *Levii tɔrɔn kɛn nɛ kaa kiwin ni, kɔnlɛ ka gùlin ni, nɛ-toenən ne ka lɔ giɔɔrɔn nɛ, ǹ mɛnɛn bɛ́ giã-n ka bii.

Timəə dí-pɛn 20:5

Zaman-lɛduə̃lin nə nɔ̀n da zia-baalin lɛn la, ǹ pɛ ǹ nɛ: «Giĩ tá ka bii á kion dii dɔ sisia, a ná a tɔn wɔ a-n bɔrɔ wa? Ǹ dɛnaa wusoo a wo piɛ, màn mɛn bɛ́ toɛ, a baran gã zia la, n giĩ kɔsɔ yǎa kiɛ̃ giɛ̃ a kion lɛ-n wa.

Filipi minin 4:4

Ka n nyɛnyaa kaa tá kun ka Dɛnaa-n kɛ gɔ́ɔ̃-n baraabaraa! Man wusii pii, máa ka n nyɛnyaa!

Sii-nyaan 5:8

A bɛ́ á sɛ́wɔ lɛ si biikoo mɛn li, màn yiikoonaa pàãdɛnaa sii kɛ laanka *min gole fuəwensii kɛ kaa tán Sère Nɛ lɛ giulun, tùtu n didie gɔn. Sana donkolon dɔ n didie tumaa gɔn, a piɛ̃maa-n ka màn gìĩ kɔɔ̃n-a nɛ. Bɛa màn gìĩ kɔɔ̃n-a lɛ n Lawa a min sonboren Lawa-nyankɔ giala pii.