Nehemii 10:36 - LAWA A BOO SONBORE

³⁶ Wɔ́ lɛ kɔ, wáa lɛ̀ tunaa nɛ, wáa wɔ á re die ka wɔa tán màn lɛ bibinaa laanka da din tumaa a lɛ da ǹ nɛ nɛ, Dɛnaa Lawa a kion.

LAWA A BOO SONBORE 2011

³⁶ Wɔ́ lɛ kɔ, wáa lɛ̀ tunaa nɛ, wáa wɔ á re die ka wɔa tán màn lɛ bibinaa laanka da din tumaa a lɛ da ǹ nɛ nɛ, Dɛnaa Lawa a kion.

Nehemii 10:36 ပူးပေါင်းရင်းမြစ်များ

KZS2 31:5

Ǹ bɛ́ ǹ nə́ bɛa da ǹ boo kɛ ma lɔn gɔrɔ, Izirayeli minin lɛn nə́ daa ka tán kɔsiɛ̃ mànan lɛ binaa ne mɔnaa nɛ: *Belee ne, duvɛ̃ nɛ, nyɔɔ nɛ, zoo nyɔɔ nɛ ka ǹ wuru màn tɔrɔ kɔsɔn nɛ. Ǹ nə́ daa dɔn ka ǹ kaa-piɛ màn tumaa a fùbaa ǹ wɔ nɛ.

Nehemii 12:44

Bɛa pinaa kɛ lɛ nɛ, mànan kaa ǹ kionən kɛn, ǹ nə́ mànan boe kiɛ ǹ nɛ, màn lɛ bibinaan nɛ, ka gɔn màn a fùbaa ǹ wɔ nɛ, ǹ nə́ giĩn kaa bɛn gama walan ganaa. Dí-pɛ bɛ́ mà ǹ mànan mɛnɛn bɔ, Lawa a wúlu-bɔlen laanka Levii tɔrɔn wɔ gii lɛa, man nə́ giĩn lɛn koa, màn mɛn bɛ́ toɛ bɛa mànan kɛn lɛn boe kiwi dadaran lɛkoro lɛ-a donən ne, ǹ nə ǹ si ǹ nə ǹ kaa mànan kaa ǹ kionən lɛn nɛ. Sonbore, Lawa a wúlu-bɔlen lɛn laanka Levii tɔrɔn lɛn dí kaa Zudaa minin lɛn foo la.

Nehemii 13:5

Á goã á kion gɔ́ɔ̃ goon yɔrɔ bɔ Tobiya wɔ lɛa. Bɛa kion gɔ́ɔ̃ kɛ lɛ, man nə́ goã mànan kɛn kiɛ a-n lɛlɛ: Lawa gɔ ǹ mànan nɛ, da yon gìĩ kɔɔ̃n nɛ, Lawa a dí nya ǹ mànan nɛ, *belee a fùbaa ǹ wɔ nɛ, duvɛ̃ dii wɔ laanka nyɔɔ wɔ nɛ, màn mɛn doamaa bɛ́ nɛ a n bɔ *Levii tɔrɔn wɔ lɛa, ka loe-lɔlin laanka kiɛnlɛ-lɛduə̃lin ni, bɛ nɛ, ka ǹ bɛ́ màn mɛn boe ǹ nə́ koe Lawa a wúlu-bɔlen la.

Bɔ bɛ̀rɛbaa nɛ 13:2

– Izirayeli nɛnyaanan nɛgiĩ bibinaan bɔ, n nə ǹ koa masɛ wɔn lɛa. A giala, Izirayeli nɛnyaanan bii, lɔ gɔn binaa nɛ mɛn bɛ́ giĩ lɛa, bɛ n masɛ wɔ lɛa. Tɔɔn dɔn wɔ baa miɛ̃.

Bɔ bɛ̀rɛbaa nɛ 23:19

«Ka da ka wuru màn-kurii bibinaan nɛ, kaa Dɛnaa Lawa a Kion. «Ka baran bòe nɛ siĩ kɔrɛ ǹ dan nyɔ mu li wa.

Bɔ bɛ̀rɛbaa nɛ 34:19

«Màn tumaa a nɛ bibinaa n masɛ wɔ lɛa. Bɛ lɛ tɔ ganaa, kaa tɔɔn tumaa wɔn man masɛ din wɔn lɛa, sèren laanka bòen ne ka diin ni.

Malakii 3:10

Ka da ká kaa tán dí nya ǹ mànan lɛn tumaa a talɛɛ a fùbaa ǹ wɔ nɛ taãnɛ, maa màn koa ǹ kion kɛ nɛ, màn-bii boo la a yɛ, koa nɛ maa kion biikoo tumaa li. Ka á boe la ka n da ma gɔ́ɔ̃ li ka ga-a bɛa sii lɛ paǹ li. Masɛ Dɛnaa Lawa Pàãyiidɛnaa, ka á re yii man die lon a dɔǹɔn lɛ buĩ, bǐɛ̃ tɔrɔ tumaa n die kiɛ ka la mɔnaa nɛ.

Minin nimi 3:13

A giala gɔn binaa nɛ tumaa n masɛ wɔ lɛa. Ma nɛ bibinaan tumaa dɛ Ezipti gána nɛ ǹ mɛn pinaa, man má Izirayeli minin nɛgiĩ bibinaan tumaa baa ma din wɔn lɛa, ka ǹ tɔɔn nɛ bibinaan nɛ. Maǹ masɛ wɔn lɛa. Ma din ni Dɛnaa Lawa lɛa.»

Galaasi minin 6:6

Ǹ bɛ́ min mɛn darɛɛ Boo Tii Kɔɔ̃n kɛ ganaa, màn mɛn tumaa bɛ́ a gɔn, a doamaa nɛ, a gii kɔn ka a daraali kɛ nɛ.

Timəə dí-pɛn 12:6

Ka á re die ka kaa *wúlu màn tiɛ̃n nɛ walan, kaa barka da ǹ wúlu mànan nɛ, kaa mànan fùfùbaa ǹ wɔn nɛ, kaa Lawa gɔ ǹ mànan nɛ, kaa lɛ kɔ Lawa la ǹ wɔn nɛ, foo kɔɔ̃nbaa ǹ wɔn nɛ, kaa tɔɔ dadaran laanka a bisinin nɛ bibinaan nɛ.