Nahumu 2:5 - LAWA A BOO SONBORE

⁵ Ziabaa ǹ wotoron lɛn nə́ yiɛ zii dadaran gialaa, ǹ nə́ n mìi fɔ̃ bǎã dadaran ganaa. Maǹ tɛ pii, ǹ yii n fuu ka la a tɛ-pɛ bɛ́ lɔn.

LAWA A BOO SONBORE 2011

⁵ Ziabaa ǹ wotoron lɛn nə́ yiɛ zii dadaran gialaa, ǹ nə́ n mìi fɔ̃ bǎã dadaran ganaa. Maǹ tɛ pii, ǹ yii n fuu ka la a tɛ-pɛ bɛ́ lɔn.

Nahumu 2:5 ပူးပေါင်းရင်းမြစ်များ

Izayii 21:5

Màn-bii nə́ n zɛnaa, nyaǹ mɔnaan nə́ n naa tán, minin man màn bii, ǹ nə́ màn mii. Bǎã goon ne, min nə́ n lɛ dɛ: «Sɔraasi nyɛɛnaandɛnan lɛn, ka yoo. Ka kaa ziabaa ǹ mànan yɔrɔ bɔ!»

Izayii 5:27

Bɛa tɔrɔ lɛ bii, min kɔn nɔmaa wa, min kɔn ba tatalɛɛ wa. Nyuù ba min kɔn yii-a wa. Min tumaa gù kiɛmaa nɛ. Min kɔn na a maabɛlɛ fore wa, ǹ tumaa a kɔsɔ biɛn yiimaa nɛ.

Zeremii 46:12

Tɔrɔn nə́ kaa sìi boo ma. Bǎã tumaa nɛ, maǹ kaa ginii lɛ miɛ. A giala zia-baali na á n tɔ ǹ miã nɛ, ǹ tumaa bɔ ǹ nə́ kaa.

Zeremii 50:29

Ka sa-zũlin tumaa sɔkɔn, ka ǹ kaa Baabilonii kiwi ganaa. Ka a lɛnpɛnɛ a paǹ tumaa li! Ka nyan toa min kɔn la wa! Ka a saraa kɔ la a kɔnpɛ ka a zɛnaa ǹ siin ni. A siin mɛnɛn zɛnaa ǹ miãn manɛ, ka zɛnaa a dɔ-n miɛ̃. A giala, á n din koa Dɛnaa Lawa, Izirayeli a Lawa sonbore kɛ ganaa.

Nahumu 2:6

Ǹ kii lɛ dia a sɔraasin nyɛɛnaandɛnan la, maǹ die bɛ̀ ǹ tá tatalɛɛ. Maǹ baa si woe ziabaa ǹ kungɔnɔn li. Ǹ nə́ màn da kiɛnlɛn lɛn pàã li.

Nahumu 3:18

Asiiriin kii, n gánadɛnan lɛn nə nyuù wɔ tɛmɔɔ. N min kakan lɛn sɛ̀mɔɔdɛnan lɛa, bɛn kɔn ba bìn diɛ doo wa. N zaman lɛ sasawa a woo paǹ yii li, kelen mii ni, min kɔn banban a die ǹ soekɔn wa.

Nahumu 3:3

Sùi dabaa-a wolen manə n daɛ kɔn la! Gɔya san man tɛ pii lon! Sɛmiɛ̃n man tɛ boe! Gere la yii ni! Geren man diɛ-n kɔn la! Lɛ ba ǹ la wa! Maǹ nə́ n gòã niɛ̃ gere ganaa bǎã yii ni!

Abakuku 1:8

Ǹ sùin baa la goen wɔ nɛ. Don ginin mɛnɛn bɛ́ woe dɔ doe wasamiɛ̃nɛ, ǹ kakaarɛbaa la bɛn wɔ nɛ. Ǹ sùidɛnan man boe sɔsɔɔ die, ǹ nə́ paparɛ. Maǹ yui ka giogiatã-a bɛ́ lɔn woe a siĩ siɛ.