Nahumu 2:4 - LAWA A BOO SONBORE

⁴ Zɔ́ɔ sɔraasin lɛn maǹ ka goóro tãtãn nɛ, mɔnaa tãtãn nɛ ǹ ganaa, n yɔrɔ boe woe zia la. Ǹ ziabaa ǹ wotoron kɛn man telee-n kɔn li, tɛ pii ka tɛ buə̃ bɛ́ lɔn. Sɛmiɛ̃n nə́ bìn diɛ giala kɔ.

LAWA A BOO SONBORE 2011

⁴ Zɔ́ɔ sɔraasin lɛn maǹ ka goóro tãtãn nɛ, mɔnaa tãtãn nɛ ǹ ganaa, n yɔrɔ boe woe zia la. Ǹ ziabaa ǹ wotoron kɛn man telee-n kɔn li, tɛ pii ka tɛ buə̃ bɛ́ lɔn. Sɛmiɛ̃n nə́ bìn diɛ giala kɔ.

Nahumu 2:4 ပူးပေါင်းရင်းမြစ်များ

Suusun 31:21

A nyɛ́ɛ biɛ nyan nɛ a sumu minin lɛa wa. A giala mɔnaa sonboren tá ǹ tumaa lon.

Izayii 37:24

Ma nə ń sɔ kɔ masɛ Dɛnaa ganaa, n dí-nyalin barka nɛ. Ma nə ń pɛ: Masɛ Senankeribu, maa ziabaa ǹ wotoron kɛn pàã nɛ, má dii kele sasan mìi ni, yǎa Liban kele baã bii, má a *sɛdrə da sonboren kuru, ka a siprɛsi da sonboren ne. A kele lɛ a mɛn mìi la bɛ́ lon, á la ǹ miãn tumaa nɛ, ma gɔn dɔ bɛ ganaa, kɔnlɛ ka a daã sonbore kɛ nɛ.

Izayii 66:15

Dɛnaa Lawa á ke yii die. A n die tɛ gɔ́ɔ̃ nɛ. A ziabaa ǹ wotoron kɛn man ka piɛ̃ gole bɛ́ lɔn. A n die a foo-yoo baraa kɛ nyɛɛ, a nyɛ́ɛ da minin ganaa ka tɛ buə̃ ne.

Zeremii 4:13

Zɔ́ɔn lɛn nə́ ke: maǹ die ka la a tì bɛ́ lɔn, Ǹ ziabaa ǹ wotoron yii n fuu ka piɛ̃ gole bɛ́ lɔn, ǹ sùin yii n fuu á la giogialatã-a nɛ. Wàa koe n ka kɛ nɛ! Wɔ́ sàabaa!

Zeremii 46:9

Sùin, ka n ta ǹ gialaa! Ziabaa ǹ wotoron, ka n mìi fɔ̃! Zia baali zanbian lɛn, ka nyɛɛnaan bɔ: Etiopii minin laanka Liibii minin, goórodɛnan lɛa, Ludu minin ni sadɛnan lɛa!

Ezekieli 23:24

Ǹ tá re boe gɔsɛ a lɛ̀gɔn la ǹ da n gialaa ka ziabaa ǹ wotoron ne, da baa-a ǹ mànan tɔrɔ tumaa nɛ, ka zia-baali damata nɛ. Ǹ tá re die n lɛnpɛnɛ ka bɛn lɛn nɛ, ǹ goóron nə́ ǹ gɔn, ǹ ziabaa ǹ bafolon nə́ ǹ mìi-a. Ma á re n Oholibaa a sii lɛ yɔrɔ pii ǹ yii ni, ǹ tá re kiri we n ganaa, a kɔnpɛ ka ǹ dinin landan nɛ.

Ezekieli 26:10

A sùin lɛn gigiãbaa taman yii, á re gusuũ goɛ a kɔ n lɛ. Zia-baalin kɛn laanka ziabaa ǹ wotoron ne, bɛn gòã wuu á re bìn diɛ n kungɔnɔn kɛn ganaa, a giala, maǹ die we n kiwi lɛ nɛ, Ka zia-baalin bɛ́ kiɛ̃ ǹ bǎã boe kungɔn ganaa lɔn, bɛ̀ ǹ tɔn wɔ kiwi.

Ezekieli 26:7

Masɛ Dɛnaa Lawa n kɛ pii: «Kii gole Nebukadenezɔɔrɔ ke Baabiloniin kii lɛa, ma á re boe ka bɛ nɛ gɔsɛ a lɛ̀gɔn la, ma da nɛ Tiiri kiwi kɛ gialaa. Ma á re die ka sùin ni, ziabaa ǹ wotoron ne, sùi da-baalin ni, ka zia-baali damata nɛ.