Misee 7:7 - LAWA A BOO SONBORE

⁷ Sɛnɛ, masɛ, ma nə n yii diɛ Dɛnaa Lawa la. Man Lawa din duĩ, maa kirisibaali, maa Lawa á die maa lɛ-dia miɛ.

LAWA A BOO SONBORE 2011

⁷ Sɛnɛ, masɛ, ma nə n yii diɛ Dɛnaa Lawa la. Man Lawa din duĩ, maa kirisibaali, maa Lawa á die maa lɛ-dia miɛ.

Misee 7:7 ပူးပေါင်းရင်းမြစ်များ

Siin Giala 49:18

E Dɛnaa, ma nə n yii diɛ, máa n din ma kirisibaa!

Loen 109:4

Masɛ nə́ ǹ kuĩ maa dàãn lɛa, sɛnɛ, ǹsɛn man zɛ̀rɛ koɛ ma ganaa. Ka bɛ yii ni, man Lawa nyankoe ǹ lɛa.

Loen 130:5

Ma foo n doa-n Dɛnaa Lawa ganaa, ma foo tumaa á doa nɛ a ganaa, ma foo á doa nɛ a boo ganaa.

Loen 25:5

N din die n ma da n sonbore zii la, n din ma daraa, a giala, n din nə Lawa lɛa ma kirisibiɛ, ma nə n foo doɛ n din ganaa babaraa.

Loen 37:7

Giã kiĩni Dɛnaa Lawa li, n nə n foo doa a ganaa. Min mɛn a sii bɛ́ bǐɛ̃ koe, n foo baran busu li wa. Min mɛn bɛ́ yiri baraa boe a sii zɛnaa gɔ́ɔ̃ nɛ, n foo baran busu bɛ li wa.

Loen 38:15

Masɛ n ka too tere-a bɛ́ lɔn, ma a boo miɛ wa. Boo ba ma lɛ-n ma á min lɛ sii-n wa.

Loen 50:15

Bɛ̀ fuu dɔ n ganaa ǹ mɛn pinaa, ma bíi wɔ, ma á re n kirisibiɛ, n tá re ma guguru koe.

Loen 65:2

Lawa, n din nə *Siɔn kiwi kɛ nɛ, n doamaa nɛ min gogoonmaa nə n tɔ bɔ, min gogoonmaa nə n lɛ kɔ ka sii mɛn nɛ ǹ bɛ zɛnaa n wɔ paǹ li,

Loen 85:5

Wusoo n nə n yɔrɔ da wɔ la, n wɔ kũ doɛ̃, wɔ kirisibaali Lawa, n foo baran busu wɔ li doo wa.

Izayii 12:2

Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Izayii 17:7

Bɛa pinaa kɛ nɛ, minbuiinin tá re giɛ ǹ zɛnaali kɛ ganaa, ǹ tá re Izirayeli a Lawa sonbore kɛ yii.

Izayii 25:9

Bɛa pinaa, wɔ á re pii: «Á ke, a din ni wɔa Lawa lɛa, wɔ foo n doa nɛ a din ganaa. A n wɔ kirisibiɛ. Taãn nɛ, wɔ foo n doa nɛ Dɛnaa Lawa ganaa. Wɔ ǹ bɛ̀ biɛ ka foo kɔɔ̃n nɛ, wɔ nə n nyɛnyɛɛ, a giala, á wɔ kirisibaa!

Izayii 45:22

Ka n bɔyaa ka da masɛ li, kasɛn mɛnɛn bɛ́ tán lɛ dan ganaa, ka á re kirisibiɛ. A giala, ma din ni Dɛnaa Lawa lɛa, kɔsɔ banban.

Izayii 8:17

Ma nə n yii diɛ Dɛnaa Lawa la. Á n yɔrɔ bɔyaa bɔrɔ á bɔ Zakɔba tɔrɔn la. Sɛnɛ, masɛ yii n doa-n a din la.

Busii pɛ 3:24

Bɛ lɛ nɛ ma á pii: «Dɛnaa Lawa n maa naforo lɛa» bɛ lɛn toɛ ma foo á doa nɛ a ganaa.

Ozee 12:6

«Dɛnaa Lawa, Dɛnaa Lawa Pàãyiidɛnaa,» a tɔ n Dɛnaa Lawa.

Zowɛli 1:19

Dɛnaa Lawa, ma nə n lɛ dii n din li. Tɛ á ke á tɔɔn buu sɔ̃ ǹ bǎã lɛ kũ don, tɛ lɛ da tumaa kũ don.

Abakuku 2:1

Masɛ Abakuku, man die giɛ̃ wɔlɔ lɛduə̃ ǹ bǎã kɛ nɛ, ma gole lon kungɔn la, man yii da ma ga, Dɛnaa Lawa bɛ́ re boo mɛn pii ma nɛ, maa lɛ dia lɛ a binyəə lɛa.

Abakuku 2:3

Siin kɛn ma á ǹ nyɛɛ, ǹ tá re yɔrɔ yii. Sɛnɛ, yǎa ǹ biikoo doe. Kànaa ka boɛɛnɛ, ǹ tá re yɔrɔ yii. Soɛ bie wa. Haalɛ ta a biikoo n sɔsɔɔ, n yii da n foo n doa nɛ. Ma boo mɛn pɛ, á re yɔrɔ yii a biikoo li, sàabaa ba la wa.

Minin nimi 5:28

Sɛnɛ, bɛ̀ lɔ lɛ nə n din gɔgɔrɛ kɔ wa, á n *yoreene, sii na á n bɔ lɛ, á boe la a nɛ yɛ.