Misee 7:18 - LAWA A BOO SONBORE

¹⁸ N kɔnboe n ka wàa nɛ Lawa? N din nə minbuiinin sii baraa siɛ boe ǹ mìi ni. N din nə ǹ bɔlɔ-tii siin kɛn toɛ ǹ nɛ. N minin lɛn mɛnɛn yii goã koo, n din wɔn lɛn, n foo a die goɛ̃ yoo-n bɛn li miɛ̃ yǎa duduu wa. A giala, min makara doɛ̃ lɛ n kɔɔ̃nɛ n ganaa.

LAWA A BOO SONBORE 2011

¹⁸ N kɔnboe n ka wàa nɛ Lawa? N din nə minbuiinin sii baraa siɛ boe ǹ mìi ni. N din nə ǹ bɔlɔ-tii siin kɛn toɛ ǹ nɛ. N minin lɛn mɛnɛn yii goã koo, n din wɔn lɛn, n foo a die goɛ̃ yoo-n bɛn li miɛ̃ yǎa duduu wa. A giala, min makara doɛ̃ lɛ n kɔɔ̃nɛ n ganaa.

Misee 7:18 ပူးပေါင်းရင်းမြစ်များ

Siin Giala 4:7

Bɛ̀ ń zɛnaa doɛ̃, n tá re n mìi siɛ lon. Sɛnɛ, bɛ̀ n zɛnaa doɛ̃ wa, sii baraa tá n kiɛnlɛ-a, kɔɔ̃naa we n ganaa, á n giɛ li mà a n kũ a giã n mìi la. Sɛnɛ, n doa n nə n si sii baraa lɛ la.»

Kiin1 8:23

– Izirayeli a Lawa, Dɛnaa Lawa, lon laanka tán la, lawa kɔn banban ka Nsɛ bɛ lɔn wa! Lɛ kɔ kɔnla laanka kɔn narɛ mɛn bɛ́ n laanka n zaman lɛ bii, ń bɛ tamaa. N dí-nyalin mɛnɛn bɛ́ tɔ we n yɔrɔ-a ka ǹ foo din tumaa nɛ, ma n bǐɛ̃ koe bɛn ganaa.

KZS2 30:9

Bɛ̀ ka wusoo ka daa Dɛnaa Lawa li, min mɛnɛn nə ka dɔɔ̃nɔn laanka kaa nɛgiĩn goa ǹ nə́ woo ǹ ne bɛ̀rɛbaa ǹ bǎã nɛ, ǹ makara á re boe ǹ ganaa, ǹ nə n gɔn bɔ ǹ ganaa, ǹ wusoo ǹ da gána kɛ nɛ. Dɛnaa Lawa n makaradɛnaa lɛa, a n foo basiɛ̃wole lɛa. Bɛ̀ ka wusoo ka daa a li, a ba re n yɔrɔ bɔyɛɛ a bɔ ka la wa.»

KZS2 6:21

N too kɔ, bɛ̀ n dí-nyali laanka n din a zaman Izirayeli minin lɛn nə́ n yɔrɔ dia kion lɛ la, wɔ́ n nyankɔ, n toa n giã ǹ bǎã-n lon n nə n too kɔ wɔsɛn lon, n wɔ zɛ̀rɛn toa wɔ nɛ.

Nehemii 9:17

Ǹ nə́ n piã ǹ nə n too kɔ wa, n goã ń kaãbaa ǹ sii mɛnɛn zɛnaa ǹ nɛ, ǹ nə n yiri kɔ ka bɛn nɛ wa, ǹ nə́ n too laa. Ǹ gòãn dii lɛ gɔ́ɔ̃ nɛ, á wɔ ǹ mìi ni, mà ǹsɛn manə n lɛ goɛ ǹ wo bɛ̀rɛbaa ǹ bǎã lɛ-n doo. Sɛnɛ n nə ǹ toa walan wa, a giala n nə Lawa lɛa, Lawa mɛn nə́ ke minin sii baraan toɛ ǹ nɛ, bǐɛ̃ zɛnɛɛ, min makara doɛ̃, a foo ná a ba yui fufuu wa, a bǐɛ̃baa á gole taãn-taãnɛ.

Loen 103:13

Min bɛ́ a nɛnyaanan makara doɛ̃ lɔn, Dɛnaa Lawa dɔ na a nyɛ́ɛbaaman wolen makara doɛ̃ miɛ̃.

Loen 130:4

Sɛnɛ, makara nə n din lon, n tá sã toɛ, bɛ lɛ n ke wɔ á re nyɛ́ɛ biɛ n nɛ.

Loen 35:10

Ka ma foo tumaa nɛ, ma á re pii: máa Dɛnaa Lawa, die n ka n bɛ́ lɔn? N din nə pàãwɛɛnaa sii pàãdɛnaa la, n din nə pàãwɛɛnaa laanka doobaa sii ǹ piɛ̃-bɔle la.

Loen 65:3

a giala, mà n tá minin nyankɔ lɛ sii. Minbuiinin tumaa n die n din li

Loen 65:4

ka ǹ sãn nɛ ǹ ganaa. Wɔa sãn lɛn man guĩ gugurun lɛa wɔ ganaa, sɛnɛ, nsɛ á boe la n nə ǹ papaã.

Loen 71:19

Lawa! N peperebaa lɛ á gole, á la yii ni, ń dí dadaran dɔn nya. Lawa! N miã banban.

Loen 86:15

Sɛnɛ, Dɛnaa, nsɛ n Lawa lɛa, makara doɛ̃, n nə́ bǐɛ̃ zɛnɛɛ. N foo a yui fufuu wa, ma n piɛ̃-n ka kɔn-narɛɛ gole laanka bǐɛ̃ duduu ni.

Loen 86:5

Dɛnaa, n din mɛn bɛ́ bǐɛ̃ zɛnɛɛ, n nə́ sã toɛ, min mɛnɛn tumaa bɛ́ lɛ diɛ n la, n kɔn-narɛɛ á gole bɛn wɔ paǹ li.

Loen 89:6

Dɛnaa Lawa, toa lon a dia dí-a wolen nə n tɔ bɔ, n kaãbaa ǹ siin zɛnaa a lɛa. Toa min sonbore zaman nə n peperebaa kɛ pɛ.

Loen 89:8

Lon a dia dí-a wolen lɛ-sɔkɔn bǎã nɛ, Lawa, n pàã gole kɛ á nyɛ́ɛ diɛ parsiini, n pàã á gole, á nyɛ́ɛ diɛ á la n lɛnpɛnɛɛ wolen kɛn tumaa nɛ.

Bɔ bɛ̀rɛbaa nɛ 15:11

Dɛnaa, die n ka n bɛ́ lɔn lawan bii? Die n ka n bɛ́ lɔn, a siĩnbaa n yii kɛnɛn? Die n ka n bɛ́ lɔn, màn gole lɛa, màn yii guguru-a dɔ lɛa, a n boe kaãbaa ǹ siin zɛnaa la? Min kɔ́n!

Bɔ bɛ̀rɛbaa nɛ 34:9

á pɛ: «Dɛnaa, bɛ̀ masɛ á kɔɔ̃nɛ n ganaa sonbore, ma nə n nyankoe, n tɔ wɔ kun wɔsɛn nɛ. Ma á doɛ̃, máa minin kɛn lɛn man tɔrɔ too kaka-a lɛa. Sɛnɛ, lɛ kɔ n wɔsɛn sãn laanka wɔa sii baraan toa wɔ nɛ, n ga wɔ ganaa n din wɔn lɛa.»

Izayii 1:18

Dɛnaa Lawa n pii kɛnɛn: «Ka daa wɔ kɔn ma. Ta kaa sii baraan man nə́ tì kɔ lɔn, ǹ tá re fu koe ka bɔ̀nyaa bɛ́ lɔn. Ta maǹ nə́ tì kɔ lɔn ǹ tá re fu koe ka koara bɛ́ lɔn.

Izayii 33:24

Zeruzalɛmu kiwi, min kɔn ba re pii mà asɛ a lon wa. Zaman mɛn bɛ́ giã-n walan, ǹ tá re a sii baraan toɛ nɛ.

Izayii 38:17

Á ke, maa foo-ziziɛ̃ gole nə́ n bɔyaa á là nyantoro baa. Hiĩ, n maa yiikoonaabaa narɛɛ á la yii ni yǎa n ma kanbaa gɛ̀ ganaa, n maa sii baraan tumaa zũ n kio sɔsɔɔ.

Izayii 40:18

Wɔ n boe la wɔ Dɛnaa Lawa zɔɔ̃ kɔn ka die ne? Wɔ n boe la wɔ wàa mɛn baa a kɔnboe lɛa?

Izayii 40:25

Lawa sonbore n nɔ̀n diɛ: Ka n boe la ka ma zɔɔ̃ kɔn ka die ne? Die n boe la a goã goon ka masɛ nɛ?

Izayii 43:25

Ma bɛ́ màn mɛn lɛa, bɛ lɛ taman yii, ma dinsɔɔ̃ nə n sii baraan toɛ n nɛ, ma a re n yiri koɛ ǹ nɛ doo wa.

Izayii 44:22

Má n sãn kɛn tuturu ka labara bɛ́ lɔn. Má n sii baraan kɛn loo ka furuməə bɛ́ lɔn. Wusoo n da ma li, ma nə n si sii la wole lɛa.»

Izayii 55:7

Min baraan nə ǹ sii baraan kaa. Min mɛn bɛ́ baraa zɛnɛɛ, bɛa dɛnaa na a taasiɛ baraan kaa. Ǹ tumaa doamaa nɛ ǹ wusoo ǹ da Dɛnaa Lawa li. A giala, á re makara boe ǹ ganaa. Ǹ tumaa doamaa nɛ ǹ da wɔa Lawa li, a giala, a n sii baraan toɛ kooro.

Izayii 57:10

Ma nə́ n tɔ wɔ á la yii ni, bɛ lɛ na á n nɔmaa. Sɛnɛ, n pɛ dɔn mà «kɛ là banban wa.» N pàã dii yɛ, n nə́ n nɔmaa lɛ sawaa nɛ.

Izayii 57:16

A giala, ma ba zoɛ̃ li máa ma minin zɛ̀rɛbaa biikoo yii li wa, hinlaa ma foo goã yoo-n duduu wa. Bɛ bie wa, ma min mɛnɛn zɛnaa, bɛn yiikoonaabaa á re n sii ǹ la.

Izayii 62:5

Ká tɔntɔraa bɛ́ kɔn we ka a nɛniɛ-n lɔn, min mɛn bɛ́ n doe, bɛ lɛ n die n zuũ biɛ. Ka lɔ tii bɛ́ n zuũ foo kɔɔ̃n koe lɔn, n dɔ n die Dɛnaa Lawa foo kɔɔ̃n koe miɛ̃.

Izayii 64:9

Minin ba n kiwi sonboren kɛn nɛ wa. *Siɔn nə diə gole baa, Zeruzalɛmu kɛbɔlɔ baa.

Izayii 65:19

Ma foo á re kɔɔ̃n koe Zeruzalɛmu taman yii, Man die n nyɛnyɛɛ maa zaman a lɛa. Wuu laanka gú diɛ lɛ a re boe doo wa.

Zeremii 3:12

Wo n lɛ dɛ ka boon kɛn nɛ gɔsɛ a lɛ̀gɔn la: «Wusoo n daa Izirayeli bɔyaa wole! Dɛnaa Lawa a da ǹ boo ne. Ma a re n yɔrɔ baraa diɛ n la doo wa. A giala, maa makara-doɛ̃ á gole. Ma foo á re goɛ̃ yoo ne n li duduu wa. Ma din Dɛnaa Lawa a da ǹ boo ne.

Zeremii 3:5

Man nɔ̀n diɛ n din la: «A foo n tɔn yoo-n ma li duduu? A ba re a foo-yoo kɛ kurii masɛ ganaa wa?» N da ǹ boo n ka bɛ nɛ, sɛnɛ, n nə n tɔn woe nyɛɛnɛ sii baraa zɛnɛɛ.

Zeremii 31:20

Efrayimu n maa nɛgiĩ lɛa, ma n narɛ taãn-taãnɛ. Ma á narɛ á la yii ni. Bɛ lɛ nɛ, biikoo tumaa li, bɛ̀ máa boo diɛ a ganaa, maa taasiɛ n doa nɛ a ganaa. A sii n ma foo-n parsiini. Sonbore a makara n ma ganaa taãn-taãnɛ. Dɛnaa Lawa a da ǹ boo ne.

Zeremii 31:34

Min kɔn ba re ǹ miã hinlaa ǹ dɔɔ̃n darɛɛ a pɛ-n kɛnɛn wa: «Ka n daraa Dɛnaa Lawa doɛ̃ ganaa!» A giala, min tumaa á re ma doɛ̃. A kũ nɛnyaanan ganaa, a wo min zizin yaa. Ma á re ǹ sãn toɛ ǹ nɛ, ma yiri bɔ ka ǹ sii baraan nɛ. Dɛnaa Lawa a da ǹ boo ne.

Zeremii 32:41

Á die kɔɔ̃n koe ma ganaa ma bǐɛ̃ zɛnaa ǹ nɛ. Man die ǹ gòã we tán taãn-taãnɛ gána kɛ lɛ nɛ ka ma foo tumaa nɛ, ka ma pàã tumaa nɛ.»

Zeremii 33:8

Ǹ sii baraa mɛn tumaa zɛnaa masɛ nɛ, ma á re ǹ *yoreen koe, ma ǹ sii baraan toa ǹ nɛ ka ǹ gòãn dii ǹ siin kɛn nɛ masɛ ganaa.

Zeremii 38:8

Ebɛdi-Melɛki woo kii lɛ li á pɛ nɛ:

Zeremii 50:20

Bɛa biikoo li, bɛa pinaa kəni, ǹ tá re giɛ Izirayeli a sãn li, sɛnɛ ǹ ba re màn kɔn yii wa. Ǹ tá re giɛ Zudaa a sãn li, sɛnɛ ǹ ba re màn kɔn yii wa. A giala, min mɛnɛn yii bɛ́ re goɛ̃ koo, ma á re bɛn sãn toɛ ǹ nɛ. Dɛnaa Lawa a da ǹ boo ne.

Zeremii 9:24

Lɛawaa á re doe, Dɛnaa Lawa a da ǹ boo ne, min mɛnɛn tumaa bɛ́ ǹ nə́ n kuru, ma á re yui bɛn gialaa.

Ezekieli 18:23

Ka n taasɛ mà min baraa a gɛ̀ n kɔɔ̃nɛ masɛ ganaa? Haayii dɛ! Ma bɛ́ giɛ màn mɛn li, bɛ n ka kɛ nɛ: Min baraa wusoo a zɛnaa ǹ siin kio, a yii goã koo. Dɛnaa Lawa a da ǹ boo ne.

Ezekieli 33:11

A pɛ ǹ nɛ mà masɛ Dɛnaa Lawa n kɛ pii: «A ma toa maa yii n koo, min baraa a gɛ̀ bie kɔɔ̃nɛ ma ganaa wa. Sɛnɛ, man li, min baraa wusoo a zɛnaa ǹ sii kio a yii boo la a goã koo. Bɛ lɛ nɛ, ma á ka nyankoe, ka wusoo kaa sii baraan lɛn kio. Izirayeli tɔrɔn lɛn, wàa na á baa ka n die toɛ gɛ̀ ka dɛ kooro?»

Ezekieli 33:16

A sii baraa mɛn tumaa zɛnaa, ǹ kɔn a dɔlɔ a re n diɛ a mìi-n wa. A yii á re goɛ̃ koo, a giala, á sii zɛnaa a zii li pepere.»

Ozee 14:2

Izirayeli, wusoo n da Dɛnaa Lawa, n Lawa li, a giala, n sii baraa lɛ na á toa n mɛnaa.

Ozee 14:5

Ma á re Izirayeli a piã ka Lawa-n kɛ boe ma bɔ a ganaa, ma a re narɛ ka ma foo tumaa nɛ. Maa foo yoo lɛ á re n kanɛɛ a n bɔ li.

Amɔɔsi 1:11

Dɛnaa Lawa na á pɛ kɛnɛn: Edɔmu minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ ǹ dɔɔ̃n Izirayeli minin lɛn loo ka gɔya sa nɛ, ǹ makara din nə ǹ kũ boɛɛn dinin wa. Ǹ foo na á goã yoo ne ǹ li miɛ̃, sii lɛ na á goã ǹ gɔ́ɔ̃-n miɛ̃. Bɛ lɛ nɛ, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Amɔɔsi 7:8

Dɛnaa Lawa tɔ́n nɔ̀n da ma la: «Amɔɔsi, n yii n wàa mɛn ganaa?» Má tɔ́n pɛ nɛ: «Màn zɔɔ̃ ǹ biɛ nɛ.» Dɛnaa Lawa tɔ́n pɛ ma nɛ: «Á ke, man die biɛ diɛ maa zaman Izirayeli minin lɛn li ma ga ǹ ganaa. Ǹ kɔkɔrɔbaa lɛ taman yii, ma a re ǹ toɛ walan doo wa.

Amɔɔsi 8:2

Á tɔ́n nɔ́n da ma la: «Amɔɔsi, n yii n wàa mɛn ganaa?» Má tɔ́n pɛ nɛ: «Ma yii n da nɛ mərə ganaa, kaka piɛ̃.» Dɛnaa Lawa tɔ́n pɛ ma-n kɛnɛn: – Maa zaman, Izirayeli minin lɛn goa biikoo dɔ, ka da nɛ mərə kɛ wɔ bɛ́ lɔn ma a re ǹ toɛ walan doo wa.

Zonaasi 4:2

a foo yoo á kiɛ̃ a bǎã la. Á tɔn pɛ Lawa nɛ: «A din lɛ n ke le Dɛnaa Lawa, ma bɛ́ maa gána nɛ, man má goã má kɛ lɛ pɛ. Bɛ lɛ na á toa má saa lɛlɛ má baa si máa man woe Tarsisi. A giala, má goã doɛ̃ máa ma n Lawa lɛa, bǐɛ̃ biɛ, min makara doɛ̃. N foo a yui fufuu wa, n kɔn-narɛɛ dɔ n gole. Ta n pɛ mà ma n die dɔlɔ boe min ganaa, ma n wusii ka n kio ne.

Misee 2:12

Zakɔba tɔrɔn lɛn, ma á die ka tumaa soekɔn. Ma á die Izirayeli minin gialakunun lɛn soekɔn. Ma á die ǹ soekɔn ka sèren bɛ́ sèren kion lɔn, ka tɔɔn bɛ́ ǹ buu sɔ̃ ǹ bǎã-n lɔn. Ǹ lɛn tá re boe zaman lɛa.

Misee 4:7

Wɔ̀lɔ̀ goã ǹ mɛnɛn lɛn ganaa, ma á re bɛn toɛ maa zaman lɛ tɔrɔ lɛa. Ǹ nə ǹ mɛnɛn lɛn loo, ǹ nə́ woo ǹ ne sɔsɔɔ, ma á re ǹ soekɔn, ma ǹ baa gána pàãdɛnaa lɛa. Dɛnaa Lawa din tá re goɛ̃ ǹ kii lɛa, Siɔn kele kɛ la, a kũ bɛa pinaa lɛ ganaa, yǎa duduu.

Misee 5:3

A din lɛ n die n doɛ, a na a minin lɛn nyɛɛnaan bɔ, ka Dɛnaa Lawa pàã nɛ, ka a Dɛnaa Lawa kɛa kiibaa nɛ. A minin lɛn tá re goɛ̃ là nyantoro la. A giala, a kũ sisia ganaa, a tɔ á re gole koe, yǎa kanaa paǹ tumaa nɛ.

Misee 7:14

Dɛnaa Lawa, mɛ n zaman nyɛɛnɛ, n nə ǹ lɛduə̃ ka n din a bàlà kɛ nɛ. Bɛa zaman kɛ lɛ, n din wɔn manɛ. Ǹ bɛ́ ke ǹ gɔrɔn daã nɛ, ǹ nə́ giã-n da yii ni, wusoo n mɛ ǹ nyɛɛn doo ka lɛlɛ ǹ bɛ́ lɔn, n wo ǹ ne Basan a nyankɔrɔ basa kɛ nɛ, n wo ǹ ne Galaati gána nɛ.

Sofonii 3:17

Dɛnaa Lawa, n Lawa ta kunun n ni. A din nə gɔ̀lɔ̀ lɛa, a n gɔ̀lɔ̀ biɛ miɛ̃, a foo n kɔɔ̃nɛ n wɔ paǹ li. A kɔn-narɛɛ n nyin dii koe n la. A n foo kɔɔ̃n lɛ dii n din taman yii,

Minin nimi 23:21

Dɛnaa Lawa sii baraa yɛ Zakɔba tɔrɔn lɛn ganaa wa. A kɔkɔrɔbaa yɛ Izirayeli minin lɛn ganaa wa. A nə ǹ Lawa Dɛnaa Lawa lɛa, giã nɛ ǹ bii. Ǹ tá n lɛ dii ka a kiibaa nɛ.

Luku 15:32

Sɛnɛ, n diɛ̃ ke, táa a n goon ka a na á gã a yii kaa, a na á papaã á wusoo á yɛ. Wɔsɛn doamaa nɛ wɔ zɔ́n zɛnaa bɛa lɛa.»

Luku 24:47

Maǹ die a giala koe Zeruzalɛmu ganaa, ǹ Lawa a boo pɛ ka a din tɔ nɛ tɔrɔn tumaa nɛ, mà ǹ wusoo ǹ sii baraan kio, ǹ golee Lawa li, màn mɛn bɛ́ toɛ, Lawa nə ǹ sii baraan toa ǹ nɛ.

Rɔmu minin 11:4

Sɛnɛ, Lawa na á pɛ nɛ mà wàa? Mà asɛ min duu sɔbaa (7 000) bɔ, á ǹ koa a wɔn lɛa, ǹ kɔ́n ná a tɔn nə n musin kuruməə tán *Baali dì kɛ yɔrɔ-a wa.

Timəə dí-pɛn 33:26

Bɛ kio Muizu wusoo á kɛ pɛ: «Izirayeli minin lɛn, màn kɔn ba n zoɛ̃ kaa Lawa kɛ-a wa. A din nə dii labaran la, a n toa lon a gisĩ tán ka gugurubaa nɛ, a din nə die n doe ka lɛ.

Zaaki 2:13

Min mɛnɛn bɛ́ ǹ nə ǹ miãn makara dɔ̃ wa, bɛ̀ Lawa á die kiri kuri bɛn la ǹ mɛn pinaa, a die ǹ dɔn makara doɛ̃ wa. Makara-doɛ̃ á kiri siɛ a bɔ min la.

Sii yɔrɔ-bɔlen 10:16

Tɔrɔ kɔsɔn lawan kɛn, ǹ nə́ bɛn goa ǹ nə́ ǹ bɔ ǹ dinin li, ǹ nə́ dí nya Dɛnaa Lawa nɛ. Izirayeli minin nə goã nɔmaa mɛn we, Dɛnaa Lawa boo la á bɛ si a ganaa doo á belebɔ-n wa.