Misee 7:14 - LAWA A BOO SONBORE

¹⁴ Dɛnaa Lawa, mɛ n zaman nyɛɛnɛ, n nə ǹ lɛduə̃ ka n din a bàlà kɛ nɛ. Bɛa zaman kɛ lɛ, n din wɔn manɛ. Ǹ bɛ́ ke ǹ gɔrɔn daã nɛ, ǹ nə́ giã-n da yii ni, wusoo n mɛ ǹ nyɛɛn doo ka lɛlɛ ǹ bɛ́ lɔn, n wo ǹ ne Basan a nyankɔrɔ basa kɛ nɛ, n wo ǹ ne Galaati gána nɛ.

LAWA A BOO SONBORE 2011

¹⁴ Dɛnaa Lawa, mɛ n zaman nyɛɛnɛ, n nə ǹ lɛduə̃ ka n din a bàlà kɛ nɛ. Bɛa zaman kɛ lɛ, n din wɔn manɛ. Ǹ bɛ́ ke ǹ gɔrɔn daã nɛ, ǹ nə́ giã-n da yii ni, wusoo n mɛ ǹ nyɛɛn doo ka lɛlɛ ǹ bɛ́ lɔn, n wo ǹ ne Basan a nyankɔrɔ basa kɛ nɛ, n wo ǹ ne Galaati gána nɛ.

Misee 7:14 ပူးပေါင်းရင်းမြစ်များ

Loen 100:3

Ka dɔ̃ mà Dɛnaa Lawa n Lawa lɛa. A din na á wɔ zɛnaa, wɔ na a din wɔn lɛa. A din a minin man wɔ nɛ, a n wɔ lɛduĩ ka n bɛ́ tɔɔn lɛduĩ lɔn.

Loen 143:5

Ma nə n yiri koe ka lɛlɛ ǹ siin kɛn nɛ, n sii mɛn tumaa zɛnaa, ma nə n taasɛ bɛ nɛ. N dí mɛn nya, ma nə n taasɛ bɛn nɛ.

Loen 28:9

N minin lɛn kirisibaa, n din wɔn lɛn gɛrɛsiɛ bɔ. N baa ǹ lɛduə̃li lɛa, n nə ǹ tamaa yǎa duduu.

Loen 95:7

Taãn pɛ á soɛ, a din lɛ n wɔa Lawa lɛa. Wɔ na a din a zaman lɛa, a n wɔ tamaɛ ká a tɔɔn bɛ́ lɔn, a n wɔ lɛduĩ. Màn mɛn bɛ́ siĩn pelo, bɛ á ke: ka n too kɔ a lon, ka a lɛ si.

Bɔ bɛ̀rɛbaa nɛ 33:16

Man die doɛ̃ wàa dɔ li dɔn, mà wɔ tá kɔɔ̃nɛ n ganaa, ma din laanka maa zaman kɛ nɛ? Bɛ̀ n din tá tɔ we wɔ nyɛɛnɛ, wɔ bie re doɛ̃ bɛ lɛ li wa? Hiĩ! N nə n die nyɛɛ wɔ-n dɔn, mà wɔ ba goon ka tɔrɔ gialakun kɛ kɔ́n nɛ kanaa kɛ gɔ́ɔ̃-n wa, ma din laanka maa zaman kɛ nɛ.»

Loe kɔɔ̃n kɔɔ̃n 4:1

N tá siĩn dɛ, maa paa ǹ wɔ, n tá siĩn dɛ! N mɔnaa ke n yɔrɔ lɛ, n yii nànan gamaa á kɔɔ̃n bɛ nɛ, maǹ siĩni ka zɛrɛkantoanan bɛ́ lɔn. N mìi ka n tì kɔnɔnɔ, ka bòe tìtì kuru n gisĩ Galaati tenten la.

Izayii 27:13

Bɛa pinaa, sère gɔ̀lɔ̀ bɛn gole n die n pii. Bɛa biikoo li kəni, min mɛnɛn nə papaã Asiirii gána nɛ, ǹ nə n mɛnɛn loo Ezipti gána nɛ, bɛn tumaa á re die lenlen. Ǹ tá re die n musin koɛ tán Dɛnaa Lawa yɔrɔ-a, Zeruzalɛmu a kele sonbore kɛ la.

Izayii 35:2

Buũ kɔ! N nyɛnyɛɛ, n bɛ̀ baa n nə n lɛ dɛ ka foo kɔɔ̃n nɛ! Dɛnaa Lawa á re n siĩn koe ka Liban a kelen kɛn bɛ́ lɔn. Á re Karmɛli kele laanka Saron a bɔmɔn siĩnbaa kɛ koe n la. Bɛa biikoo li, min tumaa á re Dɛnaa Lawa a gugurubaa yii, a wɔa Lawa a siĩnbaa yɛ.

Izayii 37:24

Ma nə ń sɔ kɔ masɛ Dɛnaa ganaa, n dí-nyalin barka nɛ. Ma nə ń pɛ: Masɛ Senankeribu, maa ziabaa ǹ wotoron kɛn pàã nɛ, má dii kele sasan mìi ni, yǎa Liban kele baã bii, má a *sɛdrə da sonboren kuru, ka a siprɛsi da sonboren ne. A kele lɛ a mɛn mìi la bɛ́ lon, á la ǹ miãn tumaa nɛ, ma gɔn dɔ bɛ ganaa, kɔnlɛ ka a daã sonbore kɛ nɛ.

Izayii 40:11

Ká tɔɔn-lɛduə̃li bɛ́ lɔn, a na a tɔɔn lɛduĩ. Bɛ̀ á n gɔn saa ǹ li, maǹ nə n lɛ soekɔn. A n sère nɛn guĩ a kolɔn. Sere daanan mɛnɛn bɛ́ nɛn nə́ ǹ kio, a n woe bɛn nɛ sɛlɛlɛ.»

Izayii 49:10

Bòo á re ǹ kuĩ doo wa, mu boro á re ǹ kuĩ doo wa. Wasa laanka diə a piɛ̃ fuu kɛ a re ǹ nɔmɛɛ doo wa. Taãn nɛ, ma á ǹ narɛ, ma á re ǹ nyɛɛnaan boe, ma wo ǹ ne mu yala nyantoto lɛ-a.

Izayii 65:10

Maa zaman lɛ a min mɛnɛn bɛ́ re wusii ǹ da ma li, Saarɔn a nyankɔrɔ basa kɛ á re wuru biɛ bɛn wɔ lɛa, sèren nə buu sɔ̃ a nɛ, Akɔɔrɔ a nyankɔrɔ basa kɛ diin zìã baa.

Zeremii 49:31

Ka yoo, ka wo tɔrɔ kɛn gialaa ǹ nə́ ǹ ba n taasɛ ka sii kɔn nɛ wa. Maǹ taasɛ mà ǹsɛn man yii-nyɛɛ gɔ́ɔ̃ nɛ. Dɛnaa Lawa a da ǹ boo ne. Goo ba ǹ kiɛnlɛn lɛ wa goo nɛ ba ǹ ganaa wa. Maǹ giã-n tiãlɛa.

Busii pɛ 1:7

Kanna, sìi bɛ́ Zeruzalɛmu ganaa, woo ǹ bǎã ná a ba la wa, a yiri gisĩ a lɛlɛ ǹ màn giɔ̀mɔ kakan kɛn tumaa nɛ. A zɔ́ɔn gɔn bɛ́ á dɔ a zaman ganaa ǹ mɛn waáraa, min kɔn yɛ á daa a gu ganaa wa. A zɔ́ɔn man giɛ a ganaa ǹ nə́ yaa we, a giala, mà á ziziɛ̃.

Busii pɛ 5:21

Toa, wɔ wusoo wɔ da n li Dɛnaa Lawa! Sonbore, wɔ á n bɔyɛɛ wɔ daa. Yiikoonaabaa dii kɔ wɔ la, a n baa ka lɛlɛ ǹ wɔ bɛ́ lɔn!

Ezekieli 36:11

Ma á re minbuiinin laanka tɔɔn mɔnɛɛ. Ǹ tá re mɔnɛɛ, ǹ nɛnyaanan yɛ. Ma á re toɛ zaman mɔnaa gána lɛ nɛ a la lɛlɛ wɔ nɛ. Ma á re bǐɛ̃ zɛnɛɛ ka nɛ a la lɛlɛ wɔ kɛ nɛ. Ka á re doɛ̃ ka bɛ-n kəni, mà ma din nə Dɛnaa Lawa lɛa.

Lawa a wúlu-bɔlen 27:32

Màn tumaa a fùbaa ǹ wɔ, tɔɔ dadaran bii hinlaa a bisinin bii, bɛ̀ tɔɔn-lɛduə̃li gɔn bǎã da ǹ mɛn ganaa ka a bàlà nɛ ǹ nimii biikoo li, bɛ n Dɛnaa Lawa wɔ gii lɛa.

Amɔɔsi 9:11

Dɛnaa Lawa n kɛ pii: "Davida a kiwi" kɛ n ka mɔnaa zìã bɛ́ lɔn, á ziziɛ̃. Sɛnɛ bɛa pinaa kɛ lɛ nɛ, yala bɛ́ a kungɔn kɛa paǹan mɛnɛn ganaa, ma á re bɛn titiɛ̃. A bǎãn mɛnɛn nə kaa, ma á re wusii ma bɛn dɔ. Ma á re goɛ ma koa lon, a goã ka a bɛ́ lɔn lɛlɛ.

Abdiasi 1:19

Ezawu tɔrɔn kele yii kɛ á re doe gusin a lɛ̀gɔn la dɛnan kɛn ganaa. Ǹ mɛnɛn bɛ́ diə bǎã kɛ nɛ, Filisiti minin bǎã kɛ á re doe bɛn ganaa. Efrayimu tɔrɔn laanka Samarii minin bǎã kɛ á re doe Izirayeli minin ganaa. Galaati gána kɛ á re doe Bɛnzamɛn tɔrɔn ganaa.

Misee 5:4

A din lɛ n die die ka là nyantoro ne. Bɛ̀ Asiirii minin nə́ daa kɔ wɔa gána kɛ lɛ ǹ mɛn pinaa, bɛ̀ ǹ gòã mɛ wɔa pàãman kɛn kion ǹ mɛn pinaa, wɔ á die zia-baali damata kiɛ ǹ ganaa.

Sofonii 3:13

Izirayeli minin mɛnɛn yii bɛ́ re goɛ̃ koo, bɛn ba re sii baraa zɛnɛɛ doo wa, ǹ ba re soɛ boe doo wa, ǹ ba re ǹ miãn yiri siɛ̃ ka ǹ da ǹ boo n doo wa, ǹ tá re màn bii, ǹ nyuù wɔ, min kɔn ba re nyɛ́ɛ diɛ ǹ ganaa wa.

Zakarii 10:10

Ma á re boe ǹ ne Ezipti gána nɛ, ma bɔ ǹ nɛ Asiirii gána nɛ, ma da ǹ nɛ Galaati gána nɛ, ka Liban gána nɛ. A laan bɛ yii ni, bǎã ba re yii a ǹ bɔ wa.

Zakarii 11:7

Ǹ bɛ́ woe ka sèren mɛnɛn nɛ ǹ dɛ ǹ bǎã nɛ, sanparɛ a makaradɛnan kɛn, ma dinmaa-n bɛn lɛduə̃li lɛa. Má tɔɔn lɛduə̃ ǹ bàlà màn paa saa. Má a bibinaa bíi "giaárabaa", má a paabaa ǹ wɔ bíi "goonbaa", má maa sèren lɛduə̃ giala kɔ.

Malakii 3:4

Zudaa laanka Zeruzalɛmu minin wúlu mànan tá re kɔɔ̃n koe Dɛnaa Lawa ganaa, a ǹ si ka lɛlɛ bɛ́ lɔn ka lɛ̀ kɔsɔn kɛn bɛ́ lɔn ǹ nə́ kiɛ̃.

Minin nimi 23:9

Bɛ̀ má n toa gɛ̀fun mìi ni, má ga zaman kɛ ganaa, bɛ̀ má n toa kelen mìi ni, má n yii doa la, a n zaman lɛa, zaman mɛn nə́ ke giã nɛ a mìi ni, á n doɛ̃ mà asɛ a goon ka tɔrɔ kɔsɔn kɛn nɛ wa.

Minin nimi 32:1

Urubɛn tɔrɔn laanka Gaadi tɔrɔn tɔɔn man nə́ goã mɔnaa-n taãn-taãnɛ. Ǹ nə́ tɔ́n yɛ, mà Yazɛɛrɛ bǎã laanka Galaati gána tá tɔɔn sii.

Minin nimi 32:4

bɛa bǎãn kɛn lɛn Izirayeli minin nə́ boo ǹ la ǹ nə́ ǹ si ka Dɛnaa Lawa a dɔmalɛ nɛ, ǹ tá tɔɔn sii. Á ke, tɔɔn man wɔsɛn lon.»

Matiə 2:6

«Kasɛn Bɛtlehɛmu minin lɛn, ka baran taasɛ mà ka dɔn dinin kiwi kɛ lɛ n kiɛɛrɛ Zudee gána a kiwin bii wa, a giala, goledɛnaa á re boe a nɛ, a giã Izirayeli mìi la, ma din a minin lɛn, a ǹ tamaa.»

Zaã a sɛ́wɔ 17:16

Ǹ bie kanaa kɛ wɔn lɛa wa, ka masɛ dɔ bɛ́ ma ba kanaa wɔ lɛa lɔn wa.

Timəə dí-pɛn 33:28

Izirayeli minin lɛn man là nyantoro la, n susui, Zakɔba tɔrɔn lɛn manə ǹ gɔrɔ. Ǹ bɛ́ re woe gána mɛn nɛ, *belee laanka rezɛ̃ gána nɛ, a giala, pele a gisĩ ǹ bǎã lɛ-n parsiini.