Misee 6:8 - LAWA A BOO SONBORE

⁸ E minbuiinin! Sii mɛn bɛ́ siĩni, a bɛ́ á bɛ pɛ ka nɛ. Dɛnaa Lawa bɛ́ giɛ li mà ka sii mɛn zɛnaa, a bɛ́ á bɛ pɛ ka nɛ: a n mà ka lɛ kɔ sii pepere zɛnaa ganaa, ka toa sii bǐɛ̃ zɛnaa kɔɔ̃n kɔ ka ganaa, ka Lawa a zii tɔ wɔ ka din-gisiĩ ni.

LAWA A BOO SONBORE 2011

⁸ E minbuiinin! Sii mɛn bɛ́ siĩni, a bɛ́ á bɛ pɛ ka nɛ. Dɛnaa Lawa bɛ́ giɛ li mà ka sii mɛn zɛnaa, a bɛ́ á bɛ pɛ ka nɛ: a n mà ka lɛ kɔ sii pepere zɛnaa ganaa, ka toa sii bǐɛ̃ zɛnaa kɔɔ̃n kɔ ka ganaa, ka Lawa a zii tɔ wɔ ka din-gisiĩ ni.

Misee 6:8 ပူးပေါင်းရင်းမြစ်များ

Siin Giala 18:19

Man má Abrahamu bɔ, máa a maa dí pɛ a nɛnyaanan laanka a kion minin ni a kio, a pɛ a laa ǹ ganaa, mà ǹ kɔ Dɛnaa a zii lɛ ka peperebaa nɛ, ka sonborebaa nɛ. Bɛ̀ á n baa miɛ̃, Dɛnaa nə n lɛ kɔ Abrahamu la ka sii mɛn nɛ, á re bɛ zɛnɛɛ nɛ.»

Siin Giala 5:22

Matuuselaa a yɛ kio, Enɔɔki kɔ Lawa a zii lɛ, lɛ̀ biɛsɔɔ (300) gɔ́ɔ̃ nɛ. Á nɛgiĩ kɔsɔn laanka nɛlɔn yɛ.

KZS2 30:11

A da yaa minin tɛnɛn nə́ ǹ siɛ̃ dɔ̃ Asɛɛrɛ tɔrɔn bii, Manaasee laanka Zabulɔn wɔn nɛ, ǹ nə́ daa Zeruzalɛmu.

KZS2 32:26

A laanka a din gole kɔ lɛ tumaa nɛ, Ezekiasi laanka Zeruzalɛmu minin nə́ n dinin boɛɛn kɔ Dɛnaa Lawa yɔrɔ-a. Bɛ lɛ nɛ, Dɛnaa Lawa toa a foo-yoo lɛ nə yɔrɔ dia ǹ la Ezekiasi a yiikoonaabaa gɔ́ɔ̃-n wa.

KZS2 33:19

Lawa a boo gii-dali "Ozayii a sɛ́wɔ" kɛ na a Lawa nyankɔ kɛ nyɛɛ, ka Lawa na a lɛ si ka yɔrɔ mɛn nɛ. A tá a sii baraan dɔn boo diɛ ka a bɔlɔgoonbaãdɛnaabaa nɛ Lawa wɔ paǹ li. Manaasee a bǎãn doan nɛ, a dìn doa bǎãn mɛnɛn nɛ, ka dì nyín-sɛlɛn nɛ, Manaasee na á bɛn zɛnaa á tɔn nə n din boɛɛn kɔ Lawa yɔrɔ-a.

KZS2 33:23

Sɛnɛ, a n din boɛɛn kɔ Dɛnaa Lawa yɔrɔ-a ka ǹ di bɛ́ á zɛnaa lɔn wa. Asɛ din wusoo doo á sii baraa zɛnaa á la ǹ di Manaasee ne.

KZS2 34:27

N bɛ́ n boon kɛn ma má ǹ da Zeruzalɛmu ganaa ka a minin ni, á dí nya n foo ne, n nə́ n din gisĩ ma yɔrɔ-a. N nə́ n mɔnaan tɔtoɛ̃, n wuu pɛ ma yɔrɔ-a. Haya, masɛ dɔ nə́ n lɛ ma. Ma din Dɛnaa Lawa a da ǹ boo ne.

Nehemii 9:13

Ń gisĩ Sinayii kele kɛ la, ń nə́ n toa lon ń boo da ǹ nɛ. Ń sii yɔrɔ bɔ ǹ boo peperen kɔ ǹ la, ka dí-pɛn boo taãnan nɛ, ka landa boon laanka gɔn waa ǹ boo sonboren ne.

Loen 101:1

Davida a loe goon nə ke. Dɛnaa Lawa, man die bǐɛbaa laanka peperebaa loe loe lɛa, man die loe kɛ loe, ma màn wuu da li n wɔ lɛa.

Loen 112:4

Wɔlɔ tì li, a n tɛ fúlu boe min pepere kɔsɔn manɛ. A n min pepere lɛa, min bǐɛ̃ lɛa, makara doɛ̃ wole lɛa.

Loen 112:9

A nə n gɔn lɛ buĩ á doobaan goe ka màn nɛ. A sii pepere zɛnaa n goɛ̃ yǎa duduu. A n die tɔ golebaa yii, ka gugurubaa nɛ.

Loen 37:26

Min makara n min sonbore kuĩ lɛawaa tumaa li, a n giɔ̀mɔ diɛ baraabaraa. A nɛnyaanan dɔn man barkadɛnan lɛa.

Loen 73:28

Lawa, masɛ goã kun ka n din ni, maa là n ka bɛ nɛ. Man má kaa n din yele, Dɛnaa Lawa. Man zoɛ̃ li máa ma n nya ǹ dín laakalaa.

Suusun 21:3

Giã ǹ gɔn sonbore, a n pepere, á kiɛ Dɛnaa Lawa foo la á la *wúlu màn nɛ.

Boo-laakalaali 12:13

Màn mɛn tumaa nə n pɛ, wɔ n too kɔ bɛ gɔn nyɔmiɛ̃ ganaa: nyɛ́ɛ baa Lawa nɛ, n na a gɔn waa ǹ boon tamaa. A giala minbuiin nɛ doamaa-n ka bɛ nɛ.

Izayii 56:1

Dɛnaa Lawa n kɛ pii: «Ka kɔ sonborebaa lɛ, ka peperebaa zɛnaa. Ma bɛ́ die ka kirisibaa mɛn nɛ, á dɔ á nya. Kànaa ka boɛɛnɛ ka á re maa peperebaa yii.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Izayii 66:2

Bɛa mànan kɛn tumaa, ma din gɔn nɛ á ǹ zɛnaa. Ǹ tumaa n ma din wɔn lɛa. Masɛ Dɛnaa Lawa a da ǹ boo ne. Sɛnɛ, ma yii bɛ́ doa-n min mɛn la ka makara-doɛ̃ nɛ, nɔmaa-wɔle kɛ nɛ, a foo n ziziɛ̃ nɛ, ka min mɛn bɛ́ n too koe maa boo ganaa, a n nyɛ́ɛ biɛ ma yii ni.

Zeremii 22:16

A na á goã doobaan laanka nɔmaa wolen zia gii diɛ. A sii tumaa goã yɔrɔ yii. Bɛ lɛ bie masɛ Lawa doɛ̃ lɛa wa? Dɛnaa Lawa a da ǹ boo ne.

Zeremii 22:3

Dɛnaa Lawa bɛ́ boo mɛn diɛ, á ke: «Ka kiri pepere wɔ, ka goã sonbore la. Ǹ bɛ́ mɛnɛɛ min mɛnɛn la, ka bɛn si ka ǹ kaa. Ka nyan mɛnaa tiin la wa, nɛ toenən ne ka lɔ giɔɔrɔn nɛ. Ka nyan kakaarɛbaa zɛnaa ǹ ganaa wa. Ka nyan yii tì-a mà kaa kànaa wa.

Zeremii 9:23

Min mɛn bɛ́ zoɛ̃ li a n din kalaa, a n din kalaa kɛa lɛa: A yiri tan, a n masɛ doɛ̃. A giala, masɛ Dɛnaa Lawa a dí n ka makara-doɛ̃ nɛ, sonborebaa nɛ, ka peperebaa nɛ tán la. Bɛ lɛ n kɔɔ̃n ma ganaa. Dɛnaa Lawa a da ǹ boo ne.

Busii pɛ 3:26

N yii da Dɛnaa Lawa a bɔ sii-n la, kiĩn ni, sii sonbore ne.

Ezekieli 16:63

Bɛa biikoo li kəni, n yiri á die gisĩ ka lɛlɛ ǹ kɛ nɛ. Sìi á re n kuĩ, n yii din ba re we, n nə n lɛ bũ n boo da wa. Sɛnɛ, n sii baraa mɛn tumaa zɛnaa, ma á re ǹ toɛ n nɛ. Ma din Dɛnaa Lawa a da ǹ boo ne.

Ezekieli 33:14

Sɛnɛ bɛ̀ má kɛ pɛ min baraa nɛ: «Sàabaa ba la wa, ń tá re giɛ̃, bɛ̀ á wusoo a sii baraa kio, á sii zɛnaa a zii li pepere, a yii á re goɛ̃ koo.

Ozee 12:6

«Dɛnaa Lawa, Dɛnaa Lawa Pàãyiidɛnaa,» a tɔ n Dɛnaa Lawa.

Ozee 6:6

Sii zɛnaa ka kɔn-narɛɛ nɛ, bɛ á kɔɔ̃n ma ganaa á la wúlu mànan kɛn manɛ. Ma dɔ̃ Lawa lɛa, bɛ á kɔɔ̃n ma ganaa á la *wúlu màn tiɛ̃n kɛn manɛ.

Lawa a wúlu-bɔlen 26:41

Bɛ lɛ na á toa masɛ dɔ yɔ bɔ ǹ ganaa, má ǹ kũ má ǹ dia ǹ zɔ́ɔn gána nɛ. Maǹ nə́ sii la, bɛ lɛ nɛ masɛ dɔlɔ bɔ ǹ ganaa. Bɛ̀ ǹ dinin nə́ daa ǹ nə́ dɔ̃ ǹ mɛn waáraa, mà masɛ bie mɛnɛɛ ǹ la wa,

Amɔɔsi 5:24

Sɛnɛ ka toa kiri kiɛ̃ a zii li ka mu bɛ́ lɔn. Ka toa kaa sii pepere zɛnaa goã ka tà mu bɛ́ lɔn, a ná a nyɛɛ wa.

Misee 6:9

Dɛnaa Lawa lɛ á boe kiwi lɛ gialaa. Min mɛnɛn bɛ́ nyɛ́ɛ biɛ nɛ, á die bɛn kirisibiɛ. Dɔlɔ mɛn nə n da ka mìi ni, ka n yii da bɛ la. Min mɛn dɔ da ka mìi ni, ka n too kɔ bɛ lon.

Sofonii 2:3

Kasɛn mɛnɛn bɛ́ din gisĩ wolen lɛa tán la, ka n pepere, ka ga Dɛnaa Lawa li. A din nə peperebaa mɛn koa, ka n yiri kɔ bɛ li. Ka ga din gisĩ li. Kɔntan, Dɛnaa Lawa a foo-yoo baraa lɛawaa lɛa pinaa ka á re kanbiɛ.

Zakarii 7:9

«Dɛnaa Lawa Pàãyiidɛnaa n ke pii: Ka kiri pepere wɔ, ka goã min sonboren lɛa, kɔn-narɛɛ n ka bii.

Matiə 5:3

– Min mɛnɛn bɛ́ ndinin doɛ̃ doobaan lɛa Lawa wɔ paǹ li, Lawa á re barka diɛ bɛn ganaa, a giala lon a kiibaa lɛ nə ǹ dinin wɔ lɛa!

Matiə 5:7

Min mɛnɛn bɛ́ ǹ miãn makara doɛ̃, Lawa á re barka diɛ bɛn ganaa, a giala Lawa á die makara boe ǹ dɔn ganaa!

Luku 10:42

Sii goon toto n ke laadoo sii lɛa. Mariya na á màn sonbore yii gɔgɔɔ̃. Bɛ dɔ a re n sii la doo duduu wa.

Luku 11:42

«Fariziɛ̃n lɛn, kaa wɔ n ka bɔ̀n nɛ. Ka n Lawa wɔ gii boe màn din tumaa nɛ, haalɛ dù tɔrɔ din tumaa. Sɛnɛ, ka n peperebaa laanka Lawa narɛɛ sii diɛ para li. Bɛ̀ ka doamaa nɛ ka bɛn lɛn zɛnaa, a ná a ba gialakun kɛ lɛ dɔ sàabiɛ wa.

Luku 12:14

Yezu pɛ nɛ: «Die na á masɛ koa kaa kiri-kuruli lɛa, hinlaa kaa mànan-giili lɛa?»

Luku 6:36

Ka makara bɔ kɔn-a, ka kaa Díi Lawa bɛ́ makara doɛ̃ lɔn.

Rɔmu minin 7:16

Bɛ̀ á daa yaa, wɔ bɛ́ wɔ a giɛ li wɔ màn mɛn zɛnaa wa, wɔ n bɛ zɛnɛɛ, bɛ n nyɛɛ, mà wɔ golee dí-pɛ li, mà wɔ dɔ̃ mà á siĩni.

Rɔmu minin 9:20

Nsɛ n die lɛa kəni minbuiin nɛ! N nə́ giɛ li mà n Lawa liere kɔ? Dɔn tá pii dɔnɔn-bɔle ne: «Wàa na á baa ń ma zɛnaa kɛnɛn?» Haayii!

Korɛnti1 7:16

Nsɛ Lawa-nyankɔle lɔ dɛnaa lɛ, ma n siɛ lɔn n tɔn dɔ̃, mà n tá re n zuũ kirisibiɛ? Nsɛ Lawa-nyankɔle giĩ dɛnaa lɛ, ma n siɛ lɔn n tɔn dɔ̃, mà n tá re n lɔ kirisibiɛ?

Efɛɛzi minin 4:32

Ka min bǐɛ̃ baa kɔn ganaa ka foo sonbore ne. Ka sii toa kɔn nɛ, ka Lawa bɛ́ á toa wɔ-n lɔn Krita wɔbaa gɔ́ɔ̃ nɛ.

Timəə dí-pɛn 27:10

Bɛ lɛ taman yii, ka kaa Lawa, Dɛnaa Lawa lɛ bɔlɔ si. Ma bɛ́ gɔn waa ǹ boon laanka landa boon mɛnɛn pii ka nɛ pelo, ka kɔ bɛn lɛ.»

Timəə dí-pɛn 30:15

Ka ga Izirayeli minin lɛn, pelo, masɛ n yiikoonaabaa laanka yii-nyɛɛ koɛ ka yɔrɔ-a, ka gɛ̀ laanka bɔ̀n nɛ.

Kolɔɔsi minin 3:12

Lawa din na á ka bɔ, ka na a din a tɔrɔ lɛa, a tá ka narɛ. Bɛ lɛ tɔ ganaa, ka toa makara-doɛ̃ laanka bǐɛ̃baa goã ka foo ne, ka din-gisiĩ ni, ka sabarɛbaa nɛ, ka sii simaa nɛ.

Tesaloniki2 2:16

Wɔ Di Lawa wɔ narɛ, á bǐɛ̃ kɔ wɔ ganaa á foo-doa kaka kɔ wɔ la, ka bɛ nɛ, á wɔ foo taã biɛ̃ ǹ taman yii.

Zaaki 2:20

Baãnaa nɛɛ! N tá li n dɔ̃ mà bɛ̀ zɛnaa ǹ sii ba goleemali-n wa, mà a là banban?

Zozoe 24:14

Zozoe tɔ́n pɛ Izirayeli minin lɛn manɛ kɛnɛn: «A bɛ́ miɛ̃, ka nyɛ́ɛ baa Dɛnaa Lawa nɛ, ka dí nya nɛ ka ka foo tumaa nɛ, ka bɔlɔgoondɛnaabaa nɛ. Ka digolon bɛ́ ǹ nə́ goã dìn mɛnɛn guguru koe Efrati tà kio, hinlaa Ezipti gána nɛ, ka bɛn goa ka ǹ bɔ ka li, ka dí nya Dɛnaa Lawa nɛ.

Piɛrɛ1 3:8

Bɛ din tumaa kio, ka toa kaa taasiɛn nə goã goon, ka toa ka sii dɔ̃ kɔn la. Ka kɔn narɛ ka Lawa a minin bɛ́ zɛnɛɛ lɔn dɔɔ̃nbaa gɔ́ɔ̃ nɛ. Ka makara bɔ kɔn ganaa, ka ka dinin boɛɛn kɔ kɔn nɛ.

Samayeli1 12:23

Masɛ din wɔ paǹ li, bɛ̀ má Lawa nyankɔ lɛ da kaa lɛa, man má sii baraa zɛnaa Lawa nɛ. Màn mɛn nə́ ke siĩni, pepere, masɛ n die ka darɛɛ bɛa zɛnaa ganaa.

Samayeli1 15:22

Samayeli pɛ: «Dɛnaa Lawa bɔlɔ si bɛ́ kɔɔ̃nɛ Dɛnaa Lawa ganaa lɔn, *wúlu màn tiɛ̃n laanka wúlu mànan tá kɔɔ̃nɛ a ganaa miɛ̃ ya? Haayii dɛ! Á ke, bɔlɔ si á soɛ wúlu màn nɛ, doree si á soɛ sère pian nyɔɔ nɛ.