Misee 6:15 - LAWA A BOO SONBORE

¹⁵ Kasɛn kɛn, ka á re màn diɛ kaa wuru-n, sɛnɛ, ka n ka a re kuri wa. Kasɛn kɛn, ka á re *olivie nyɔɔ boe, sɛnɛ, ka n ka a re loe ka ganaa wa. Ka á re rezɛ̃ mu boe, sɛnɛ, ka n ka a re a duvɛ̃ mii wa.

LAWA A BOO SONBORE 2011

¹⁵ Kasɛn kɛn, ka á re màn diɛ kaa wuru-n, sɛnɛ, ka n ka a re kuri wa. Kasɛn kɛn, ka á re *olivie nyɔɔ boe, sɛnɛ, ka n ka a re loe ka ganaa wa. Ka á re rezɛ̃ mu boe, sɛnɛ, ka n ka a re a duvɛ̃ mii wa.

Misee 6:15 ပူးပေါင်းရင်းမြစ်များ

Zɔbu 31:8

ma màn mɛn da maa wuru-n, min kɔsɔn die ǹ bɛ bii. Ma màn mɛn dɔ zumu, min kɔsɔn die ǹ bɛ wɛ̃ ǹ kaa.

Zeremii 12:13

Ká *belee da, sɛnɛ, ka n nyan kuri. Ká nɔmaa wɔ, sɛnɛ a là goon din ba ka ganaa wa. Kaa kaa-piɛ mànan kɛn man sìi lɛa, Dɛnaa Lawa a foo yoo baraa kɛ taman yii.

Lawa a wúlu-bɔlen 26:16

Bɛa biikoo li, masɛ dɔ n die kɛ zɛnɛɛ ka nɛ: Man die toɛ gɔ̀nɔn-woɛ̃ ka kũ, ka pɛrɛ, bɛ lɛ nyɛ́ɛ dɛ a wurəə ka ganaa. Bɛa busun lɛn tá re kaa ga ǹ gɔn ziziɛ̃, ǹ ka pàã nya. Ka màn mɛn da kaa wuru-n, kooro ne. Kaa zɔ́ɔn man die bii.

Lawa a wúlu-bɔlen 26:20

Ka pàã n die nyɛɛ kooro. Ka a re tán dí nyɛɛ ka màn kɔn yɛ a-n doo wa, gána lɛ a dan dɔn ba re nɛ koe doo wa.

Amɔɔsi 5:11

Á ke, ka n mɛnɛɛ doobaan la, bɛ̀ ǹ nə́ dí nya don ǹ nə́ màn mɛn yɛ, ka n bɛ kuĩ sii ǹ la ka pàã nɛ. Bɛ lɛ na á toa, ka kionən mɛnɛn dɔ ka kɔlɔ sonboren ne, ka á re giɛ̃ ǹ nɛ wa. Ka *rezɛ̃ da tɔrɔ sonboren mɛnɛn zumu, ka a re ǹ duvɛ̃ mii wa.

Abakuku 3:17

Á ke, gɔ́rɔ dan ba buũ koe doo wa. *Rezɛ̃ da ba nɛ koe doo wa. Nɛ ba *olivie da la doo wa. Màn-bii kɔn ba boe wurun ni wa. Sère goon din ba sèren kion wa. Dii ba zìã-n wa.

Sofonii 1:13

Sɛnɛ, ǹ gɔn mànan tá re màn kokoo biɛ ǹ kionən tá re yui. Maǹ kionən doe, sɛnɛ ǹ ba re giɛ̃ ǹ nɛ wa. Maǹ *rezɛ̃ dan zumi, sɛnɛ ǹ ba re a duvɛ̃ mii wa.

Azee 1:6

Kaa màn diɛ mɔnaa, sɛnɛ kaa kaa-piɛ siĩn kɔ wa. Ka n màn bii, sɛnɛ kaa kiɛ̃ wa, ka n màn mii, kaa mu boro dɔ a nyɛɛ wa, ka n mɔnaa we sɛnɛ a kaa nyan nyɛɛ wa, ka n saraa yii, sɛnɛ a n woe zéwo giala koo-a nɛ.

Zaã a sɛ́wɔ 4:37

Bɛ lɛ gɔ́ɔ̃ nɛ, ka bɛ́ suusu mɛn diɛ taãn nɛ: «Min goon nə diɛ, ǹ miã kɔsɔ n yawɛɛ.»

Sii yɔrɔ-bɔlen 6:4

Maǹ nə́ goã giɛ̃ Izirayeli minin lɛn li, bɛ̀ ǹ gána lɛ a mànan ziziɛ̃, yǎa ǹ woe doe Gaazaa kiwi. Ǹ goã màn kɔn toɛ Izirayeli gána nɛ bii ǹ màn lɛa wa: Sère bie wa, dii bie wa, dundun bie wa.