Misee 5:8 - LAWA A BOO SONBORE

⁸ N gɔn saa n baa zɔ́ɔbaa wolen lɛn li miɛ̃, toa n zɔ́ɔn lɛn tumaa papaã.

LAWA A BOO SONBORE 2011

⁸ N gɔn saa n baa zɔ́ɔbaa wolen lɛn li miɛ̃, toa n zɔ́ɔn lɛn tumaa papaã.

Misee 5:8 ပူးပေါင်းရင်းမြစ်များ

Siin Giala 49:9

Zudaa n kaka ka yàra ten bɛ́ lɔn. Maa nɛgiĩ n boe a siĩ kũ ǹ bǎã nɛ, die a waa ǹ bǎã ganaa. Á n musi yiɛ, á waa tán ka yàra sà bɛ́ lɔn. Kakaarɛ ka yàra nɛ ǹ dan bɛ́ lɔn, die n boe la a pɛ, mà a yoo?

Loen 104:20

Bɛ̀ n din wɔlɔ tii, tèlò na á kɔ. Don mànan tumaa nə n bibiĩ bɛa biikoo li.

Loen 44:5

Maa Lawa, n din nə maa kii lɛa, n din die n nə n minin lɛn gɔ̀lɔ̀baa sii yɔrɔ bɔ.

Loen 50:22

Kasɛn mɛnɛn yiri bɛ́ boe ka Lawa nɛ, ka toa ka bɛ giala ma. Bɛ bie wa, man die ka kuĩ, ma ka wɔwoɛ̃ kɔn, min dɔ ná a die yii a ka si wa.

Suusun 30:30

Yàra nɛ, foo tãnaa nɛ don mànan tumaa bii, a baa sii màn kɔn nyɛɛ-n wa.

Izayii 5:29

Yàran bɛ́ wɔɔsaa we lɔn ǹ sɔraasin man wɔɔsaa we miɛ̃. Maǹ lɛ biɛ ka yàra nɛn bɛ́ lɔn. Maǹ gini ka don màn nə́ ke, á màn kũ lɔn, á woe ne, min kɔn ná a doe-n dɔn a si la wa.

Ezekieli 39:10

Ǹ laadoo ba re doe a ganaa ǹ wo gɔn yɔ don wa, ǹ ba re da kuri daã-n wa. A giala, maǹ die tɛ koɛ ka ziabaa ǹ mànan kɛn lɛn nɛ. Min mɛnɛn nə ǹ mànan goa, ǹ tá re bɛn wɔn goɛ, min mɛnɛn nə ǹ mànan si ǹ la, ǹ tá re bɛn wɔn sii ǹ la. Ma din Dɛnaa Lawa a da ǹ boo ne.

Ozee 5:14

Man die n biɛ ka yàra bɛ́ lɔn Efrayimu tɔrɔn kɛn ganaa, man baa ka yàra ten bɛ lɔn Zudaa minin ganaa. Ma dinmaa n die ǹ tɔtoɛ̃ ma kiɛ̃. Man die woe ǹ ne, min kɔn dɔ ná a re yii a ǹ si ma la wa.

Misee 2:12

Zakɔba tɔrɔn lɛn, ma á die ka tumaa soekɔn. Ma á die Izirayeli minin gialakunun lɛn soekɔn. Ma á die ǹ soekɔn ka sèren bɛ́ sèren kion lɔn, ka tɔɔn bɛ́ ǹ buu sɔ̃ ǹ bǎã-n lɔn. Ǹ lɛn tá re boe zaman lɛa.

Misee 4:13

Zeruzalɛmu minin lɛn, ka yoo kəni, ka kaa belee duwəə, ma din tá re a duwəə ǹ pàã koe ka la. Dii mɛn bɛ́ a bɛnɛn nə́ fɔlɔ lɛa, a gòon tɔnɔn nə́ zan lɛa, ma á re ka biɛ bɛa dii lɛ miã lɛa, ka á re boe la ka tɔrɔ gigiã yɔyɔrɛ ka gòãn giulun. Ǹ gɔn mànan kɛn, ka bɛn kɔ Dɛnaa Lawa la, ǹ pàãmabaa ǹ mànan kɛn, ka bɛn kɔ kanaa tumaa a dɛnaa la.

Misee 4:7

Wɔ̀lɔ̀ goã ǹ mɛnɛn lɛn ganaa, ma á re bɛn toɛ maa zaman lɛ tɔrɔ lɛa. Ǹ nə ǹ mɛnɛn lɛn loo, ǹ nə́ woo ǹ ne sɔsɔɔ, ma á re ǹ soekɔn, ma ǹ baa gána pàãdɛnaa lɛa. Dɛnaa Lawa din tá re goɛ̃ ǹ kii lɛa, Siɔn kele kɛ la, a kũ bɛa pinaa lɛ ganaa, yǎa duduu.

Misee 5:3

A din lɛ n die n doɛ, a na a minin lɛn nyɛɛnaan bɔ, ka Dɛnaa Lawa pàã nɛ, ka a Dɛnaa Lawa kɛa kiibaa nɛ. A minin lɛn tá re goɛ̃ là nyantoro la. A giala, a kũ sisia ganaa, a tɔ á re gole koe, yǎa kanaa paǹ tumaa nɛ.

Misee 7:18

N kɔnboe n ka wàa nɛ Lawa? N din nə minbuiinin sii baraa siɛ boe ǹ mìi ni. N din nə ǹ bɔlɔ-tii siin kɛn toɛ ǹ nɛ. N minin lɛn mɛnɛn yii goã koo, n din wɔn lɛn, n foo a die goɛ̃ yoo-n bɛn li miɛ̃ yǎa duduu wa. A giala, min makara doɛ̃ lɛ n kɔɔ̃nɛ n ganaa.

Zakarii 10:5

Maǹ die goɛ̃ ka sɔraasi foo taãnaan bɛ́ lɔn. Min mɛnɛn bɛ́ zia biɛ ǹ ganaa, ǹ tá re bɛn tɔtɔrɛ ka zii la ǹ bɛrɛɛ bɛ́ lɔn. Maǹ die yɔ boe miɛ̃, a giala, Dɛnaa Lawa á re goɛ̃ kunun ǹ ni. Sìi á re n koe zɔ́ɔn sùi da baa-a wolen lɛ.

Zakarii 11:6

Dɛnaa Lawa a da ǹ boo á ke: – Gána lɛ a minbuiin nɛn makara a re ma kuĩ doo wa. Man die didie diɛ ǹ miãkɛn a pàã giulun, ka ǹ kii ni. KIIN tá re ǹ gána ziziɛ̃ lenlen. Min kɔn ba re kanbiɛ ǹ ganaa wa.

Zakarii 12:3

Sonbore, bɛa biikoo li, man die Zeruzalɛmu biɛ kɔlɔ guguru lɛa tɔrɔ kɔ́n ná a boe la a saa wa. Tɔrɔ mɛn bɛ́ re n zoɛ̃ a saa li, a n die busu diɛ a din-a. Bɛ lɛ nɛ, tán a tɔrɔn tumaa á re kiɛ kun, ǹ yoo a gialaa.

Zakarii 14:18

Bɛ̀ Ezipti minin nə́ n piã ǹ wo Zeruzalɛmu wa, koe á re ǹ yii, koe mɛn bɛ́ Dɛnaa Lawa n die diɛ tɔrɔn kɛn mìi ni, ǹ mɛnɛn bɛ́ ǹ ba re woe giã siã giulun zɔ́n lɛ zɛnɛɛ wa.

Zakarii 9:15

Dɛnaa Lawa Pàãyiidɛnaa á re a zaman tamɛɛ. Ǹ tá re boe ǹ zɔ́ɔn la, ǹ nə ǹ baragii kɔlɔn yɔyɔrɛ. Ǹ tá re màn mii, ǹ bìn diɛ gole wɔ ka yɔ bɛ min yii ganaa lɔn. Ǹ tá re piɛ̃ ka *wúlu màn mà bɛ́ lɔn paan nɛ, hinlaa ka mà mɛn bɛ́ ǹ kaa *wúlu bɔ ǹ bǎã karan ganaa.

Minin nimi 24:9

Maǹ nə n kumii, ǹ nə́ wɛɛ tán ka don siĩ bɛ́ lɔn, ká yàra bɛ́ lɔn. Die n boe la a ǹ da yoo ganaa ka pàã nɛ? Bɛ̀ min mɛn nə́ lɛn bǐɛ̃ bíi ǹ li, lɛn bǐɛ̃ nə n bíi bɛa dɛnaa li. Bɛ̀ min mɛn nə́ lɛn baraa bíi ǹ li, lɛn baraa nə n bíi bɛa dɛnaa li.

Matiə 10:14

Bɛ̀ kion, hinlaa kiwi mɛn a minin nə́ n piã, ǹ yu ǹ bǎã kɔ ka la wa, hinlaa mà ǹ ba n too koe ka lon wa, ka n gòã gusuũ duduu. Bɛ kio, ka soo ka n bɔ walan.

Nya ǹ dín 18:6

Zuifun lɛn bɛ́ n piɛ̃, ǹ nə́ sɔ koe, Pooli nə́ n gɔn pii á bɔ ǹ sii ni. Á pɛ ǹ nɛ: «A n kuĩ ka dinin mìi ni, màn kɔ́n ba boe masɛ li doo wa. Sisia kəni, masɛ n die n yɔrɔ diɛ tɔrɔ kɔsɔn la.»

Ebrəə 12:25

Ka n yiri kɔ ka dinin li, ka baran n piã mà ka a n too koe Lawa kɛ lon, boo diɛ ka-n wa. A giala, Izirayeli minin lɛn bɛ́ Sinayii kele li, ǹ nə n too kɔ ǹ gɔn waaman wole lɛ lon wa. Ǹ kirisibaa dɔlɔ lɛ ganaa wa. Sanparɛ ka wɔsɛn nɛ, bɛ̀ wɔ́ n piã wɔ n too kɔ lon a Lawa kɛ lon boo diɛ wɔ-n wa, wɔ dɔn ba kirisibiɛ dɔlɔ lɛ ganaa wa,

Ebrəə 2:3

wɔsɛn dɔn kəni, wɔ ǹ die liɛ lɔn, bɛ̀ wɔ́ sàn kɔ ka kirisibaa gole kɛ nɛ? Kirisibaa mɛn bɛ́ Dɛnaa din ná a boo da bɔrɔ, bɛ kio, min mɛnɛn na a boo ma ka ǹ too ne, bɛn dɔn nə́ wusoo ǹ ná a sonborebaa pɛ.