Misee 5:4 - LAWA A BOO SONBORE

⁴ A din lɛ n die die ka là nyantoro ne. Bɛ̀ Asiirii minin nə́ daa kɔ wɔa gána kɛ lɛ ǹ mɛn pinaa, bɛ̀ ǹ gòã mɛ wɔa pàãman kɛn kion ǹ mɛn pinaa, wɔ á die zia-baali damata kiɛ ǹ ganaa.

LAWA A BOO SONBORE 2011

⁴ A din lɛ n die die ka là nyantoro ne. Bɛ̀ Asiirii minin nə́ daa kɔ wɔa gána kɛ lɛ ǹ mɛn pinaa, bɛ̀ ǹ gòã mɛ wɔa pàãman kɛn kion ǹ mɛn pinaa, wɔ á die zia-baali damata kiɛ ǹ ganaa.

Misee 5:4 ပူးပေါင်းရင်းမြစ်များ

Loen 145:12

Ǹ tá re n boo sii lan kɛn nyɛɛ minin manɛ, ǹ tá re n kiibaa kɛa gugurubaa nyɛɛ, ka a siĩnbaa kɛ nɛ.

Loen 22:27

Doobaan tá re màn bii ǹ kã, min mɛnɛn bɛ́ giɛ Dɛnaa Lawa li, bɛn tá re a guguru koe. A die a ka foo nyɛɛ a yii-nyɛɛ kɔ ka la!

Loen 72:19

Barka tá Lawa Gole lɛ ganaa, yǎa duduu. Kanaa din tumaa die a pã ka a gugurubaa nɛ. A n baa miɛ̃, a n baa miɛ̃!

Loen 72:8

N din toa, a kiibaa lɛ goã gána lɛ mìi la, a bɔ kɔ̀ goon ganaa, a wo dɔ goon kɔsɔ dɔ ganaa. Toa a bɔ Efrati tà kɛ ganaa, a wo dɔ kanaa lɛ-doa ganaa.

Loen 93:1

Dɛnaa Lawa lɛ n kii lɛa. Golebaa na a ganaa ka dɔnkɛ bɛ́ lɔn. Pàãyiidɛnaabaa Dɛnaa Lawa si ka mɔnaa siĩn bɛ́ lɔn. Bɛ lɛ nɛ, kanaa lɛ á doa-n kaka, a ná a ba n boe a bǎã-n wa.

Loen 98:3

Á n yiri koa a din a kɔn-narɛɛ gole kɛ nɛ, ká a bǐɛ̃ duduu kɛ nɛ, Izirayeli tɔrɔ minin wɔ paǹ li. Á wo kanaa paǹ tumaa yaa, min tumaa yɛ, mà Lawa n wɔ kirisibaali lɛa.

Bɔ bɛ̀rɛbaa nɛ 23:21

Ka n dinin kũ, ka ma lɛ si, ka baran ma bɔlɔ tii wa. Ma á re kaa gɔ́ɔ̃-tii sii ma ganaa wa. A giala, bɛa lon a dia dí-a wole kɛ lɛ n dí-nyɛɛ masɛ din tɔ a lɛa.

Izayii 45:22

Ka n bɔyaa ka da masɛ li, kasɛn mɛnɛn bɛ́ tán lɛ dan ganaa, ka á re kirisibiɛ. A giala, ma din ni Dɛnaa Lawa lɛa, kɔsɔ banban.

Izayii 49:5

Kanna kəni, Dɛnaa Lawa pɛ, mà asɛ din na á ma zɛnaa ma dan gɔ́ɔ̃ nɛ, mà ma asɛ a dí-nyali baa, màn mɛn bɛ́ toɛ ma da ka Zakɔba tɔrɔn nɛ asɛ li, ma Izirayeli tɔrɔn sɔkɔn bǎã goon ne, asɛ wɔ lɛa. Ma á re gugurubaa yii Dɛnaa Lawa yɔrɔ-a. Maa Lawa n ma pàã lɛa.

Izayii 52:10

Dɛnaa Lawa na a pàã sonbore kɛ tumaa nyɛɛ tɔrɔn tumaa yɔrɔ-a. Dɛnaa Lawa bɛ́ wɔ kirisibiɛ lɔn, min tumaa á re bɛ yii yǎa kanaa lɛ dan ganaa.

Izayii 52:13

Dɛnaa Lawa pɛ: Á ke, maa dí-nyali n die bǐɛ̃ koe. Ǹ tá re a guguru koe, ǹ na a laakalaa gugurubaa n die n koe la.

Izayii 8:7

Bɛ lɛ nɛ, masɛ Dɛnaa n die Efrati tà mu gole kɛ diɛ ǹ la, bɛ giala mà Asiiriin kii laanka a pàã. Efrati tà lɛ n die piɛ̃, a toɛ̃, a n da bǎã yii la.

Misee 7:14

Dɛnaa Lawa, mɛ n zaman nyɛɛnɛ, n nə ǹ lɛduə̃ ka n din a bàlà kɛ nɛ. Bɛa zaman kɛ lɛ, n din wɔn manɛ. Ǹ bɛ́ ke ǹ gɔrɔn daã nɛ, ǹ nə́ giã-n da yii ni, wusoo n mɛ ǹ nyɛɛn doo ka lɛlɛ ǹ bɛ́ lɔn, n wo ǹ ne Basan a nyankɔrɔ basa kɛ nɛ, n wo ǹ ne Galaati gána nɛ.

Zakarii 13:7

Dɛnaa Lawa Pàãyiidɛnaa a da ǹ boo á ke: «Gɔya sa, n yii bũ maa tɔɔn-lɛduə̃li kɛ li, ma giaára ke. Tɔɔn-lɛduə̃li lɛ məə, màn mɛn bɛ́ toɛ, sèren lɛn nə n pɛsɛ̃ bǎã yii ni, ma tɔn da ǹ nɛ binbisinin dɛ.»

Zakarii 9:10

Ma á re ziabaa ǹ wotoron boe ma ǹ bɔ Efrayimu, ma ziabaa ǹ sùin bɔ ma ǹ bɔ Zeruzalɛmu. Ma á re ziabaa ǹ san yiyiɛ. Kii lɛ á re là nyantoro koe tɔrɔn la. A n die Dɛnaa biɛ, a kũ Yìsi mu kɔsɛ kɔsɛ ganaa a wo Yìsi mu gole kɔsɔn yaa, a kũ Efrati tà ganaa, a wo kanaa lɛ dan yaa.

Malakii 1:5

Kasɛn Izirayeli minin ka á re bɛ tumaa yii, ka á re pii: «Dɛnaa Lawa nə́ n pàã nyaa á Izirayeli gána a gèlè la bɔ nɛ.»

Matiə 16:18

Bɛ lɛ taman yii, man pii n dɔ Piɛrɛ nɛ: «Ma n Piɛrɛ lɛa (bɛ giala mà gɛ̀taã). Masɛ n die maa sɔmɔ giala koɛ bɛa gɛtaã lɛ la. Haalɛ gɛ̀ din ba re màn kɔ́n zɛnɛɛ a minin man wa.

Matiə 2:6

«Kasɛn Bɛtlehɛmu minin lɛn, ka baran taasɛ mà ka dɔn dinin kiwi kɛ lɛ n kiɛɛrɛ Zudee gána a kiwin bii wa, a giala, goledɛnaa á re boe a nɛ, a giã Izirayeli mìi la, ma din a minin lɛn, a ǹ tamaa.»

Matiə 25:31

Bɛ̀ Min a Nɛgiĩ daa ka a kiibaa nɛ, kun ka lon a dia dí-a wolen tumaa nɛ ǹ mɛn pinaa, á die giɛ̃ a kii dankan gole la.

Luku 1:32

Bɛa nɛgiĩ kɛ lɛ n die min barkadɛnaa biɛ, maǹ die bíi "Lon a Lawa gole a nɛ". Dɛnaa Lawa n die ǹ digolo Davida a kii dankan koe la, a giã a nɛ.

Zaã a sɛ́wɔ 10:38

Sɛnɛ, bɛ̀ ma tá bɛn nyɛɛ, haalɛ ta ka ba re golee masɛ li wa, ka waa bɛa zɛnaa ǹ siin lɛn sɛn la, màn mɛn bɛ́ toɛ, ka dɔ̃ taãn-taãnɛ, mà maa Díi tá kun ka ma nɛ, ka masɛ dɔ bɛ́ kun ka maa Díi-n lɔn.»

Zaã a sɛ́wɔ 20:17

Yezu tɔ́n pɛ nɛ: «N baran n gɔn paraa masɛ ganaa wa! A giala, ma bie zii la woe maa Díi li bɔrɔ wa. Sɛnɛ, wo pɛ ma dɔɔ̃nɔn manɛ mà ma á re dii ma wo maa Díi li kəni, ǹ mɛn lɛ bɛ́ ka dɔn Díi lɛa, ma á re woe Lawa li kəni, ǹ mɛn lɛ bɛ́ ka dɔn Lawa lɛa.»

Efɛɛzi minin 1:3

Barka tá Lawa ganaa, asɛ mɛn bɛ́ wɔa Dɛnaa Yezu Krita n Di Lawa lɛa. Wɔa tá kun ka Krita-n a lɛa nɛ, á barka da wɔ ganaa, ka lon a bǐɛ̃ màn tɔrɔ tumaa nɛ.

Piɛrɛ1 1:5

Maǹ koa-n ka dinin manɛ. Bɛ̀ ka á golee-n Lawa li, a din tá re ka tamaɛ ká a din pàã nɛ, màn mɛn bɛ́ toɛ, ka kirisibaa yɛ giala-nyɔmiɛ biikoo li, giala-nyɔmiɛ biikoo mɛn bɛ́ die kànaa ka boɛɛn nɛ.

Zude 1:1

Masɛ Zude mɛn bɛ́ Yezu *Krita a bɛ̀rɛ lɛa, man Zaaki ǹ diɛ̃giĩ lɛa, masɛ n sɛ́wɔ kɛ kiɛ̃. Díi Lawa min mɛnɛn bíi, a nə́ ǹ narɛ, Yezu Krita nə́ ǹ tamaɛ, man sɛ́wɔ lɛ diɛ bɛn la.

Sii-nyaan 11:15

Lon a dia dí-a wole sɔbaabaa ǹ wɔ tɔ́n a bɛn pɛ, lɛn dadaran nə́ bɔ lon ǹ nə́ pii: «Kanaa a kiibaa lɛ n wɔa Dɛnaa Lawa wɔ lɛa kanna, ká Krita kɛ nɛ. A n die goɛ̃ pàã la baraabaraa yǎa duduu.»