Misee 5:13 - LAWA A BOO SONBORE

¹³ Kaa bìbìn kɛn, ka á wúlu boe ǹ ganaa, ma á re bɛn wɔwoɛ̃, ma á die kaa kiwin kɛn yui.

LAWA A BOO SONBORE 2011

¹³ Kaa bìbìn kɛn, ka á wúlu boe ǹ ganaa, ma á re bɛn wɔwoɛ̃, ma á die kaa kiwin kɛn yui.

Misee 5:13 ပူးပေါင်းရင်းမြစ်များ

Izayii 2:18

Dìn kɛn tumaa á re papaɛ̃.

Izayii 2:8

Gána lɛ piɛ̃maa-n ka dìn ni, minbuiin nɛ mànan mɛnɛn zɛnaa ka a gɔn nɛ, a mànan mɛnɛn zɛnaa ka a din gòonən ne. Min tumaa nə n musin koɛ tán bɛn yɔrɔ-a, ǹ nə́ ǹ guguru koe.

Izayii 27:9

Zakɔba tɔrɔn siɛ̃ bɛ́ re n toɛ ǹ nɛ lɔn, bɛ á ke, ǹ sii baraan toa manɛ bɛ́ re die ka sii mɛn nɛ, bɛ á ke: *Wúlu bɔ ǹ bǎã a kɔlɔn kɛn, maǹ die bɛn yɔyɔrɛ mɔnɔmɔnɔ. Wúlu bɔ ǹ bìbìn kɛn laanka ǹ da yon gìĩ kɔɔ̃n tã n mànan kɛn, bɛn kɔn ba re goɛ̃ lon doo wa.

Ezekieli 16:41

Ǹ tá re n kionən tiɛ̃. N doamaa bɛ́ ka dɔlɔ mɛn nɛ, ǹ tá re bɛ boe n ganaa lɔ damata yii ni. Ma á re n kurii n kɔrɔbaa kɛ lɛ ganaa, n nə́ n ba re boe la n min din saraa doo wa.

Ezekieli 36:25

Ma á re mu sonbore kiɛ ka ganaa, bɛ ka *yoreen kɔ. Ma á re kaa gɔ̀ siin tumaa pii ma ǹ bɔ ka ganaa, ka kaa dì siin kɛn tumaa nɛ.

Ezekieli 37:23

Kaa dìn kɛn nɛ, kaa sii bɔbɔnɛɛn laanka kaa Lawa bɔlɔ tii siin kɛn nɛ, ka a re ka dinin gɔgɔrɛ koe ka bɛn nɛ doo wa. Ka goã bǎã mɛn tumaa nɛ, ka ń sii baraa lɛ zɛnɛɛ, ma á re ka wɛɛ, ma ka bɔ walan. Ma á re *gɔ̀ boe ka ganaa, ka á re maa zaman biɛ, ma dɔ á re kaa Lawa biɛ.

Ezekieli 6:9

Ma bɛ́ re woe ka kaa la wolen lɛn nɛ tɔrɔn mɛnɛn bii, ǹ tá re n taasɛ ka ma-n walan. Ka taasiɛ kɔrɔ laanka ga kɔrɔ mɛn wɔ, ka wusoo ka n bɔ masɛ kio, ka kaa naarɛɛbaa ǹ yiin kɛn doa dìn la, masɛ á re bɛa giã baraa lɛ ziziɛ̃. Ka tìĩ á re boe ka dinin nyin ni, kaa sii baraan laanka kaa sii bɔbɔnɛɛn kɛn tumaa taman yii ka zɛnaa.

Ozee 10:2

Sonbore a boe minin kɛn gɔ́ɔ̃-n wa. Sisia kəni, a dɔlɔ á re n boe ǹ ganaa. Dɛnaa Lawa dinmaa n die ǹ wúlu bɔ ǹ bǎãn kɛn wurii. A din nə die ǹ tíĩn kɛn yuyui.

Ozee 14:3

Ka boo yɔrɔ bɔ ka wusoo ka da Dɛnaa Lawa li, ka pɛ nɛ: Sii baraa tumaa papaã, n lɛ kɔ sii sonbore tumaa ganaa. Wɔ n wɔ lɛgɔ́ɔ̃ ǹ boo koe n la *wúlu màn lɛa, dii gɔ̀lɔ̀n bǎã nɛ.

Ozee 14:8

Min mɛnɛn nə goã giã nɛ a wúlu li, ǹ tá re wusii ǹ daa. Ǹ tá re wusii ǹ *belee kɔsɔ, ǹ tá re buũ koe ka *rezɛ̃ da bɛ́ lɔn, ǹ tá re a boo diɛ ka Liban a duvɛ̃ kɛ bɛ́ lɔn.

Nahumu 1:14

Dɛnaa Lawa n kɛ pii n wɔ paǹ li: «N ba re nɛnyaanan yii doo n tɔ nə n tɔ kɔ ǹ ganaa wa. N dìn kɛn gɔn lɛa hinlaa fɔlɔ lɛa, ma á re ǹ tumaa ziziɛ̃ ǹ kion. Ma nə n yala yɔrɔ boe a giala, n ba màn kɔn lɛa ma yii li wa.»

Sofonii 1:4

Dɛnaa Lawa a da ǹ boo á ke: Ma á re n gɔn siɛ Zudaa laanka Zeruzalɛmu kiwi minin kɛn li. Ma á re ǹ dì *Baali gialakun kɛ tumaa bɔ̀n biɛ, ma á re a wúlu-bɔlen dinin tɔ papaɛ̃.

Zakarii 13:2

Dɛnaa Lawa Pàãyiidɛnaa a da ǹ boo á ke: – Bɛa waáraa, lawa kooron kɛn, ma á re bɛn boe ma ǹ bɔ gána lɛ nɛ, ǹ tɔ a re n pii doo wa. Yiri din ba re gisĩ ǹ ni doo wa. Man die Lawa a boo gii-dali soɛ-bɔlen kɛn dɔn lui ma ǹ bɔ gána lɛ nɛ, kɔnlɛ ka dì guguru kɔ ǹ taasiɛ nɛ.

Sii-nyaan 9:20

Sɛnɛ, minbuiin gialakun mɛn goã, ǹ nə́ ǹ gã koen kɛn lɛn gɔ́ɔ̃-n wa, bɛa minin kɛn lɛn nə wusoo ǹ nya ǹ dín kio wa. Ǹ nɔ̀ɔnɔn guguru koe laanka dì wúlu boe lɛ da wa. Ǹ dinin man nə́ bɛa dìn lɛn zɛnaa ka sana nɛ, ka wɔrɔ nɛ, ka zan nɛ, ka kɔlɔ nɛ, ka gɔn nɛ. Ǹ yii a wɔlɔ yii wa, ǹ too a boo miɛ wa, ǹ ba tɔ we doɛ̃ wa.

Sii yɔrɔ-bɔlen 18:17

Giĩ min sooro mɛn goã ǹ nə́ woo ga gána lɛ ganaa, bɛn nə́ wɔ kion lɛ nɛ, ǹ nə́ dì lɛ laanka a dí nya ǹ mɔnaa lɛ saa, ka kion lɛduə̃ ǹ dìn lɛn nɛ. Bɛa biikoo li, bɛ̀ wúlu-bɔle lɛ á golee-n kiɛnlɛ-a, kun ka giĩ biɛ sɔrɔ lɛ nɛ, ǹ ziabaa ǹ mànan nə́ ǹ gɔn.