Misee 5:1 - LAWA A BOO SONBORE

¹ Dɛnaa Lawa pɛ: Kasɛn Bɛtlehɛmu Efrataa minin lɛn, Zudaa tɔrɔn kiwi damata kɛ bii, ka dinin kiwi lɛ n kiɛɛrɛ sɛn. Sɛnɛ, min nə die boe bɛ lɛ nɛ maa wɔ lɛa, a giã Izirayeli minin kɛn mìi la. A boo tá bii-a, á belebɔ, haalɛ bibi sii ni.

LAWA A BOO SONBORE 2011

¹ Dɛnaa Lawa pɛ: Kasɛn Bɛtlehɛmu Efrataa minin lɛn, Zudaa tɔrɔn kiwi damata kɛ bii, ka dinin kiwi lɛ n kiɛɛrɛ sɛn. Sɛnɛ, min nə die boe bɛ lɛ nɛ maa wɔ lɛa, a giã Izirayeli minin kɛn mìi la. A boo tá bii-a, á belebɔ, haalɛ bibi sii ni.

Misee 5:1 ပူးပေါင်းရင်းမြစ်များ

Siin Giala 35:19

Raseli gã, ǹ ná a gere bĩ Efrataa zii la. Efrataa kiwi lɛ nɛ, ǹ tá bíi Bɛtlehɛmu.

Siin Giala 49:10

Kiibaa n die goɛ̃ Zudaa a kion biikoo tumaa li. Kiibaa ǹ bàbàla n die goɛ̃ a tɔrɔn gɔn biikoo tumaa li, yǎa kiibaa ǹ bàbàla lɛ a dɛnaa die, tɔrɔ tumaa doamaa bɛ́ ǹ min mɛn bɔlɔ si.

Kiin1 22:24

Bɛ kio, Kenaanaa a nɛgiĩ Sedekiasi nə́ n zɔ̃ á dɔ, á Misee dɛ a pàã ganaa, á pɛ nɛ: «Dɛnaa Lawa yiri na á n toa maa á soo masɛ nɛ, á daa boo da n nɛ?»

Kiin2 24:2

Dɛnaa Lawa tɔ́n Kalde minin dia Zoakiimu gialaa, basaã-kɔlen lɛa, ka Siirii minin wɔn nɛ, ka Moabu minin laanka Amɔn tɔrɔn wɔn nɛ, mà ǹ wo Zudaa gána gialaa. A na á ǹ dia woe Zudaa gána lɛ gialaa, màn mɛn bɛ́ toɛ, ǹ na a bɔ̀n baa a kɔnpɛ ka boo kɛ nɛ, Dɛnaa Lawa goã a ná a dí-nyalin, a boo gii-dalin kɛn kaa a pɛ ganaa.

Zɔbu 16:10

Minin manə n lɛ tii ma li banabana. Maǹ nə́ n gɔn toe ma para-n, bɛ̀ ǹ sɔ kɔ ma-a, manə n lɛ soekɔn, bɛ̀ ǹ yoo ma gialaa.

Suusun 8:23

A na á ma din zɛnaa lɛlɛ lɛlɛ, màn tumaa a giala kɔ waáraa, bɛ̀ tán tɔn nə n zɛnaa wa.

Izayii 10:6

Man Asiirii a sɔraasin diɛ tɔrɔ bɔlɔgoonbaãdɛnaa gialaa. Tɔrɔ mɛn bɛ́ ma foo yui, maǹ nə n yɔrɔ diɛ bɛn la, ǹ nə ǹ kokoo, ǹ nə ǹ naforon goa! Ǹ nə́ ǹ tɔtɔrɔ ka zii gialaa ǹ bɛrɛɛ bɛ́ lɔn.

Izayii 33:22

Dɛnaa Lawa n wɔ nyɛɛnaan-bɔle lɛa. A din nə wɔa kiri-kuruli lɛa. Dɛnaa Lawa n wɔa kii lɛa. A din nə wɔ kirisibiɛ.

Izayii 8:9

Tɔrɔn lɛn, ka gɔ̀nɔn bìn da, nyɛ́ɛ ka kũ! Gána sɔsɔɔ tɔrɔn lɛn, ka n too kɔ! Ta ka n yɔrɔ bɔ zia taman yii lɔn, kaa wɔ n ka foo biɛ na nɛ! Taãn nɛ, ta ka n yɔrɔ bɔ lɔn, kaa wɔ n ka foo biɛ na nɛ!

Izayii 9:5

A giala, nɛnyaan tiɛɛ̃n na á yɛ, nɛginin ni, wɔa wɔ lɛa. Kiibaa nə́ n kɔ la. A tɔ n die goɛ̃: Doroo wole sonbore, Lawa Pàãyiidɛnaa, Díi lɛa, yǎa duduu, là nyantoro kii.

Zeremii 25:9

man die gɔsɛ a lɛ̀gɔn la tɔrɔn kɛn tumaa bíi, ma maa dí-nyali Baabiloniin kii Nebukadenezɔɔrɔ bíi. Ma ǹ die yui gána kɛ gialaa, a zaman nɛ, ka ǹ miãkɛnɛn nɛ. Man die ǹ tumaa ziziɛ̃. Man die gána kɛ biɛ bǎã bɔbɔnɛɛ lɛa, kɛbɔlɔ lɛa biikoo yii li. Minin tá re foo ziziɛ̃ ǹ lɛ-dɛ we a ganaa. Masɛ Dɛnaa Lawa a da ǹ boo ne.

Zeremii 4:7

Yàra soo tewon ne, min mɛn bɛ́ tɔrɔn ziziɛ̃, á ke die. A n soe a duru ǹ bǎã nɛ, die kaa gána lɛ ziziɛ̃. Kaa kiwin man die kɛbɔlɔn dadaran biɛ, min goon din ná a ba goɛ̃ ǹ nɛ wa.

Busii pɛ 3:30

A n para dia a dɛli la, a toa ǹ sɔ kaa la!

Ezekieli 21:32

Basaã woo basaã, man die basaã din taãn kɛ koe Zeruzalɛmu ni! Bɛa basaã lɛ miã din tɔn yɛ duduu wa. A n die goɛ̃ miɛ̃ yǎa bɛa sii lɛ a zɛnaali wole die.»

Ezekieli 24:2

Minbuiin a nɛ, pelo a lɛawaa kɛ lɛ kiɛ̃ n lon, pelo a lɛawaa kɛ lɛ din. A giala, pelo lɛ din taãn nɛ, Baabiloniin kii á re die Zeruzalɛmu gialaa.

Amɔɔsi 2:3

Ma á re ǹ kii kɛ dii ma bɔ ǹ kiwi, ma á re a kiodɛnan kɛn tumaa dii kun ni. Dɛnaa Lawa na á pɛ miɛ̃.

Abakuku 1:6

Á ke, man die *Baabilonii minin kiɛ ka-a, ǹsɛn mɛnɛn bɛ́ kakaarɛ, ǹ nə́ ǹ ba makara doɛ̃ wa. Maǹ woe bǎã tumaa nɛ, ǹ wo gánan kũ, ǹ mɛnɛn bɛ́ ǹ ba ǹ wɔ lɛa wa.

Abakuku 3:16

Má bɛa bìn diɛ kɛ tumaa ma, ma foo ziziɛ̃. Ma lɛ n bìn diɛ nyɛ́ɛ gɔn, ma pàã nya. Ma a boe la ma á gole ma goãn la wa. Tɔrɔ mɛn yoo wɔ ganaa, ma nə n yii diɛ koe lɛawaa kɛ la kiĩn ni, Dɛnaa Lawa bɛ́ re die yui ǹ gialaa ǹ mɛn pinaa.

Matiə 26:67

Bɛ kio, ǹ nə́ sɛ̀ kakaa a yɔrɔ-a, ǹ nə́ dɛdɛ ka gɔn-muniin ni. Min tɛn nə́ ǹ gɔn tɔtɔ a para-n,

Matiə 27:30

Ǹ nə́ sɛ̀ kaa a ganaa, ǹ nə́ bàbàla lɛ saa bɛ̀ ǹ duwəə ne a mìi ganaa.

Matiə 5:39

Sɛnɛ, masɛ n pii ka nɛ, bɛ̀ min nə́ sii la n la, n baran a gɛ̀ dòo bɔ a ganaa wa. Bɛ̀ min nə́ n gɔn tɔ n gusin a para nɛ, a toa a tɔ n gɔsɛ wɔ lɛ dɔ-n gɔrɔ.

Zaã a sɛ́wɔ 18:22

Bɛa boon lɛn nə́ bɔ Yezu lɛ-n lɔn, garadi lɛ mɛn bɛ́ a genli, bɛ nə́ n gɔn tɔ a para-n, bɛ̀ á n pii ni mà a wúlu-bɔlen kiã lɛ si ǹ gɔn nə ke koɛ?

Zaã a sɛ́wɔ 19:3

Maǹ nə n zoɛ̃ bɛ̀ ǹ dɔ a li bɛ̀ ǹ pɛ-n kɛnɛn: «Fòo le, Zuifun kii!» Ǹ nə́ goã n gɔn tɔtoe a para-n.

Nya ǹ dín 23:2

Sɛnɛ, min mɛnɛn bɛ́ kunu Pooli ganaa, wúlu-bɔlen kiã Ananiasi pɛ bɛn manɛ, mà ǹ dɛ a lɛ ganaa. Pooli tɔ́n pɛ:

Korɛnti2 11:20

Ka ǹ lɛ koe mà ǹ ka lɛduə̃ ka bɛ̀rɛn bɛ́ lɔn, ǹ ka bebere ǹ ka gɔn mànan si ka la, ǹ ka yiri sã, ǹ ga ka ganaa màn bɔnboɛɛnɛn lɛa, ǹ ka dɛ ka yɔrɔ-a.

Timəə dí-pɛn 28:49

Dɛnaa Lawa á re tɔrɔ kɔsɔn diɛ, ǹ bɔ bǎã sɔsɔɔ nɛ kanaa lɛ dàn ganaa ǹ da ka gialaa. Ka a bɛa tɔrɔn lɛn dinin bɔlɔ miɛ̃ wa. Maǹ die die ka gialaa, ka giogialatã-a wɔ bɛ́ lɔn.

Timəə dí-pɛn 33:27

Lawa mɛn bɛ́ a tan yǎa duduu, a din lɛ n duru n bǎã lɛa, A din lɛ gɔn nə ka li yǎa duduu. Á kaa zɔ́ɔn loo á ǹ bɔ ka nyɛɛnɛ, á pɛ ka nɛ, mà ka ǹ dɛ lenlen.

Sii yɔrɔ-bɔlen 17:7

A biikoo li, bɛ̀ tɔntɔraa goon tá giã-n Bɛtlehɛmu, Zudaa gána nɛ. A n Levii tɔrɔ lɛa.