Misee 4:7 - LAWA A BOO SONBORE

⁷ Wɔ̀lɔ̀ goã ǹ mɛnɛn lɛn ganaa, ma á re bɛn toɛ maa zaman lɛ tɔrɔ lɛa. Ǹ nə ǹ mɛnɛn lɛn loo, ǹ nə́ woo ǹ ne sɔsɔɔ, ma á re ǹ soekɔn, ma ǹ baa gána pàãdɛnaa lɛa. Dɛnaa Lawa din tá re goɛ̃ ǹ kii lɛa, Siɔn kele kɛ la, a kũ bɛa pinaa lɛ ganaa, yǎa duduu.

LAWA A BOO SONBORE 2011

⁷ Wɔ̀lɔ̀ goã ǹ mɛnɛn lɛn ganaa, ma á re bɛn toɛ maa zaman lɛ tɔrɔ lɛa. Ǹ nə ǹ mɛnɛn lɛn loo, ǹ nə́ woo ǹ ne sɔsɔɔ, ma á re ǹ soekɔn, ma ǹ baa gána pàãdɛnaa lɛa. Dɛnaa Lawa din tá re goɛ̃ ǹ kii lɛa, Siɔn kele kɛ la, a kũ bɛa pinaa lɛ ganaa, yǎa duduu.

Misee 4:7 ပူးပေါင်းရင်းမြစ်များ

Loen 2:6

A na á pɛ: Ma kii mɛn bɔ, man má bɛ koa maa *Siɔn kele sonbore kɛ la.

Izayii 16:5

Bɛ kio, kii pàã á re gole koe a bǐɛ̃baa taman yii. Bɛa kii bɔlɔgoondɛnaa kɛ lɛ Davida tɔrɔ lɛa, á re gána lɛ nyɛɛnaan boe ka peperebaa nɛ. A n die goɛ̃ kiri-wɔle lɛa, a n koe dí-pɛn lɛ, a nə́ n yiri koɛ peperebaa li.

Izayii 24:23

Sìi á re mui kuĩ, sìi á re n koe wasa lɛ. A giala, Dɛnaa Lawa Pàãyiidɛnaa n die kii biɛ Zeruzalɛmu, *Siɔn kele la. Dɛnaa Lawa a gugurubaa n die tɛ pii kiwi, min golen yɔrɔ-a.

Izayii 6:13

Ta zaman lɛ a talɛɛ fù na á goã gána lɛ nɛ, tɛ á re bɛn kuĩ, ka da mɛn nə́ ke ǹ nə́ kuru ǹ nə́ daa, a giala piri dinsɔɔ̃ goã. Sɛnɛ, bɛa giala piri lɛ n piɛ̃ dii lɛa, a da ten sonbore baa.

Izayii 60:22

Ǹ bii, ǹ kiɛɛrɛdɛnaa n die min duu goon (1 000) yii. Ǹ pàãwɛɛnaa á re tɔrɔ pàãdɛnaa biɛ. Masɛ Dɛnaa Lawa n die bɛ zɛnɛɛ fufuu, bɛ̀ a biikoo dɔ.

Izayii 66:8

Die na á tɔn kɛ miã ma, hinlaa á ǹ miã yɛ? Gána á boe la a n koa pinin goon? Zaman tá boe la a yɛ bǎã goon ne ka nɛ bɛ́ lɔn? A da yaa, Siɔn na á bɛ lɛ zɛnaa. Là paparɛɛ giala kɔ maa nɛ, a ná a nɛnyaanan tumaa yɛ, á ǹ kaa kanaa.

Ezekieli 43:7

Á tɔ́n n toa ma ganaa: «Minbuiin a nɛ ganaa, bǎã kɛ lɛ n masɛ a kii dankan laanka maa gòãn kaa ǹ bǎã lɛa. Man die giɛ̃ Izirayeli minin lɛn bii walan, yǎa duduu. «Izirayeli tɔrɔn lɛn ba re ma tɔ sonbore kɛ ziziɛ̃ doo ka ǹ dì wúlu bɔn laanka ǹ kiin kɛn gere bĩ walan nɛ wa.

Abdiasi 1:21

Min mɛnɛn nə kirisibaa bɛn tá re dii Siɔn kele kɛ la, ǹ giã Ezawu gána mìi la. Kiibaa á die goɛ̃ Dɛnaa Lawa nɛ!

Misee 2:12

Zakɔba tɔrɔn lɛn, ma á die ka tumaa soekɔn. Ma á die Izirayeli minin gialakunun lɛn soekɔn. Ma á die ǹ soekɔn ka sèren bɛ́ sèren kion lɔn, ka tɔɔn bɛ́ ǹ buu sɔ̃ ǹ bǎã-n lɔn. Ǹ lɛn tá re boe zaman lɛa.

Misee 2:13

Min mɛn lɛ bɛ́ zii buĩ ǹ ni, bɛ lɛ n woe ǹ nyɛɛnɛ. A zii mɛn bũ ǹ ni, ǹ nə́ bɔ ka bɛ nɛ, ǹ nə́ soo. Ǹ kii lɛ mɛ ǹ nyɛɛnɛ, Dɛnaa Lawa mɛ ǹ nyɛɛnɛ.

Misee 5:3

A din lɛ n die n doɛ, a na a minin lɛn nyɛɛnaan bɔ, ka Dɛnaa Lawa pàã nɛ, ka a Dɛnaa Lawa kɛa kiibaa nɛ. A minin lɛn tá re goɛ̃ là nyantoro la. A giala, a kũ sisia ganaa, a tɔ á re gole koe, yǎa kanaa paǹ tumaa nɛ.

Misee 7:18

N kɔnboe n ka wàa nɛ Lawa? N din nə minbuiinin sii baraa siɛ boe ǹ mìi ni. N din nə ǹ bɔlɔ-tii siin kɛn toɛ ǹ nɛ. N minin lɛn mɛnɛn yii goã koo, n din wɔn lɛn, n foo a die goɛ̃ yoo-n bɛn li miɛ̃ yǎa duduu wa. A giala, min makara doɛ̃ lɛ n kɔɔ̃nɛ n ganaa.

Sofonii 3:13

Izirayeli minin mɛnɛn yii bɛ́ re goɛ̃ koo, bɛn ba re sii baraa zɛnɛɛ doo wa, ǹ ba re soɛ boe doo wa, ǹ ba re ǹ miãn yiri siɛ̃ ka ǹ da ǹ boo n doo wa, ǹ tá re màn bii, ǹ nyuù wɔ, min kɔn ba re nyɛ́ɛ diɛ ǹ ganaa wa.

Sofonii 3:20

Bɛa biikoo li, ma á re die ka ka nɛ. Bɛa biikoo li, ma á re ka lɛ soekɔn. Kanna kəni, ka tɔ á re boe, ka tɔ á re gole koe a là tɔrɔ tumaa nɛ tán la, ma wusoo ma bǐɛ̃ kɔ ka ganaa ka gɔn-nyɔmiɛ̃ sonbore ne. Dɛnaa Lawa mà miɛ̃.

Luku 1:33

A n die giɛ̃ Izirayeli tɔrɔ minin mìi la yǎa duduu, a kiibaa a re nyɛɛ wa.»

Sii-nyaan 11:15

Lon a dia dí-a wole sɔbaabaa ǹ wɔ tɔ́n a bɛn pɛ, lɛn dadaran nə́ bɔ lon ǹ nə́ pii: «Kanaa a kiibaa lɛ n wɔa Dɛnaa Lawa wɔ lɛa kanna, ká Krita kɛ nɛ. A n die goɛ̃ pàã la baraabaraa yǎa duduu.»