Misee 4:4 - LAWA A BOO SONBORE

⁴ Didie á re giɛ̃ tán a din a *rezɛ̃ da laanka a din a gɔ́rɔ da giulun. Min kɔn ba re nyɛ́ɛ diɛ ǹ ganaa wa. A giala, Dɛnaa Lawa Pàãyiidɛnaa din lɛ na á pɛ.

LAWA A BOO SONBORE 2011

⁴ Didie á re giɛ̃ tán a din a *rezɛ̃ da laanka a din a gɔ́rɔ da giulun. Min kɔn ba re nyɛ́ɛ diɛ ǹ ganaa wa. A giala, Dɛnaa Lawa Pàãyiidɛnaa din lɛ na á pɛ.

Misee 4:4 ပူးပေါင်းရင်းမြစ်များ

Kiin1 5:5

Salomɔn a yiikoonaabaa tumaa gɔ́ɔ̃ nɛ, a n kuĩ Dan ganaa, a wo Bɛɛr-Sebaa yia, Zudaa minin lɛn laanka Izirayeli minin lɛn didie na á goã yii nyɛɛ la, ǹ *rezɛ̃ da laanka ǹ gɔ́rɔ da giulun.

Zɔbu 11:19

N tá re wɛɛ tán, min kɔn ba re die n susui sàabiɛ wa. Min gigiã á re die n mɛ boe n nɛ.

Loen 72:3

Toa gána lɛ paǹ tumaa nɛ, minin nə là nyantoro laanka peperebaa dɔ̃.

Suusun 3:25

Nyɛ́ɛ a re kirii n la tán bǎã goon ne wa. Min baraan ba re yui n gialaa wa.

Izayii 1:20

Sɛnɛ, bɛ̀ ka n piã, ka woo nyɛɛnɛ ka n gòãn dii ma ganaa, gɔya sa n die ka bɔ̀n biɛ.» Dɛnaa Lawa na á pɛ.

Izayii 17:2

Aroɛɛrɛ kiwin kɛn, á re n la boe bɛn ganaa duduu. Ǹ tá re tɔɔn buu sɔ̃ ǹ bǎã biɛ, ǹ tá re wɛɛ tán walan, min kɔn ná a ba ǹ nɔmɛɛ wa.

Izayii 22:25

Bɛa pinaa kɛ nɛ yirəə lɛ á re yiɛ, Dɛnaa Lawa Pàãyiidɛnaa a da ǹ boo ne. A da yaa, a na á n wɔ tán bǎã kaka nɛ. Á re yiɛ a mɛnaa. Guĩ mɛn tumaa bɛ́ a ganaa, á re bɛ tumaa sàabiɛ kəni a giala Dɛnaa Lawa na á boo da.

Izayii 26:16

Dɛnaa Lawa, koe biikoo li, manə n bɔyɛɛ die n din li. Bɛ̀ ń dɔlɔ bɔ ǹ ganaa, manə n nyankoe ka lɛn basiɛ̃ nɛ.

Izayii 32:17

Peperebaa a dí n die goɛ̃ ka là nyantoro ne. A din nə die ka yiri-giã nɛ ka yii nyɛɛ nɛ.

Izayii 36:16

Ka nyan nə n too kɔ Ezekiasi lon wa. Sɛnɛ, masɛ Asiiriin kii bɛ́ ǹ mɛn pii ka nɛ, ka n too kɔ bɛ li. Ka toa yii-nyɛɛ goã wɔ bii, ka n dinin kɔ ma la. Ka bɛ nɛ, didie tumaa á re a rezɛ̃ nɛ bii ka a gɔ́rɔ da nɛ nɛ, a na a mu dɔǹ mu mi.

Izayii 40:5

Ka bɛ-n kəni, Dɛnaa Lawa a siĩnbaa á re n doɛ̃. Minbuiin nɛ tumaa á re yii, ǹ dɔ̃ mà Dɛnaa Lawa boo da.

Izayii 54:14

Peperebaa n die pàã koe n la. Giã tìãlɛa mɛnaa ma la ganaa, nyɛ́ɛ ba re n kuĩ doo wa. N wɔlɔ sɔsɔɔ kɔ nyɛ́ɛ ganaa, a ba re n mɔrɛ n ganaa doo wa.

Izayii 58:14

ka bɛ-n kəni, n tá re yii-nyɛɛ yii Dɛnaa Lawa barka nɛ. Ma á re toɛ n dii gána lɛ a kelen mìi ni. Ma á re toɛ n là yɛ n digolo Zakɔba a tán kɛ ganaa má kɔ la. Hiĩ, Dɛnaa Lawa na á pɛ miɛ̃.

Zeremii 23:4

Ma á re lɛduə̃li sonboren koɛ ǹ mìi la. Nyɛ́ɛ a re maa sèren lɛn kuĩ doo wa, ǹ nyin ba re soe doo wa, ǹ kɔn dɔ ba re nyaabiɛ duduu wa. Dɛnaa Lawa a da ǹ boo ne.

Zeremii 30:10

Dɛnaa Lawa a da ǹ boo á ke: Nsɛ Zakɔba, maa dí-nyali, nyɛ́ɛ nyan nə n kũ wa, N gɔ̀nɔn nyan bìn da wa nsɛ Izirayeli. Taãn nɛ, ma á re n kirisibiɛ, ma n bɔ ma n bɔ gána sɔsɔɔn kɛn nɛ, ma n nɛnyaanan kɛn waa bɛ̀rɛbaa ǹ bǎã nɛ, ma da ǹ nɛ. Zakɔba, n tá re n bɔyɛɛ n daa, n giã kiĩ ni, yii-nyɛɛ gɔ́ɔ̃ nɛ. Min kɔn ba re nyɛ́ɛ diɛ n ganaa doo wa.

Ezekieli 34:25

«Ma á re lɛ kɔ kɔn la we ka maa tɔɔ kuru lɛ nɛ, là nyantoro wɔ paǹ li. Ma á re don màn babaraan tumaa papaɛ̃ ma ǹ bɔ gána lɛ nɛ. Ǹ tá re giɛ̃ diə gole gɔ́ɔ̃ nɛ, ǹ yiri n bǎã goon ne, ǹ tá re nyuù din we daã nɛ.

Ezekieli 34:28

Tɔrɔ kɔsɔ minin ba re die ǹ kokoe doo wa, don màn babaraan ba re ǹ kuĩ doo wa. Ǹ tá re giɛ̃ gána lɛ nɛ ǹ yiri n bǎã goon ne, min kɔn ná a banban, á n nyɛ́ɛ diɛ ǹ ganaa wa.

Ezekieli 38:11

N tá re pii mà gána kɛa kiwin man bii-a kooro, kungɔnɔn nə́ ǹ ba ǹ lɛnpɛnɛ wa, goo ba ǹ kiɛnlɛn lɛ, ǹ nə́ n tiɛ̃ fɔlɔ nə n da ǹ kii la wa. N tá re n siɛ bɛ lɛ li, n pɛ mà nsɛ n die woe gána lɛ gialaa, n wo ǹ minin tɔwaa tán, a da yaa maǹ tán kiĩni, là nyantoro la.

Ezekieli 39:26

Ǹ sii baraa mɛn tumaa zɛnaa ma nɛ, ma sìi mɛn da ǹ ganaa bɛ taman yii, ǹ yiri á die boe ka bɛa sìi lɛ nɛ. Ǹ tá re wusii ǹ giã ǹ gána lɛ nɛ ka là nyantoro ne, min kɔn ná a re yii a nyɛ́ɛ da ǹ ganaa wa.

Lawa a wúlu-bɔlen 26:6

Ma á re là nyantoro koe gána lɛ la. Ka á re wɛɛ tán ka nyuù wɔ, sii kɔn ná a re nyɛ́ɛ diɛ ka ganaa wa. Don mànan mɛnɛn bɛ́ basaã koe, masɛ á re bɛn papaɛ̃ ma ǹ bɔ gána lɛ nɛ. Masɛ a re toɛ min da zia baa ka ganaa kaa gána kɛ-n doo wa.

Misee 5:3

A din lɛ n die n doɛ, a na a minin lɛn nyɛɛnaan bɔ, ka Dɛnaa Lawa pàã nɛ, ka a Dɛnaa Lawa kɛa kiibaa nɛ. A minin lɛn tá re goɛ̃ là nyantoro la. A giala, a kũ sisia ganaa, a tɔ á re gole koe, yǎa kanaa paǹ tumaa nɛ.

Sofonii 3:13

Izirayeli minin mɛnɛn yii bɛ́ re goɛ̃ koo, bɛn ba re sii baraa zɛnɛɛ doo wa, ǹ ba re soɛ boe doo wa, ǹ ba re ǹ miãn yiri siɛ̃ ka ǹ da ǹ boo n doo wa, ǹ tá re màn bii, ǹ nyuù wɔ, min kɔn ba re nyɛ́ɛ diɛ ǹ ganaa wa.

Zakarii 3:10

Bɛa pinaa lɛ nɛ, ka á re kɔn bíi kaa rezɛ̃ wurun ni ka kaa gɔ́rɔ dan giulun ni. Dɛnaa Lawa a da ǹ boo ne.»