Misee 4:13 - LAWA A BOO SONBORE

¹³ Zeruzalɛmu minin lɛn, ka yoo kəni, ka kaa belee duwəə, ma din tá re a duwəə ǹ pàã koe ka la. Dii mɛn bɛ́ a bɛnɛn nə́ fɔlɔ lɛa, a gòon tɔnɔn nə́ zan lɛa, ma á re ka biɛ bɛa dii lɛ miã lɛa, ka á re boe la ka tɔrɔ gigiã yɔyɔrɛ ka gòãn giulun. Ǹ gɔn mànan kɛn, ka bɛn kɔ Dɛnaa Lawa la, ǹ pàãmabaa ǹ mànan kɛn, ka bɛn kɔ kanaa tumaa a dɛnaa la.

LAWA A BOO SONBORE 2011

¹³ Zeruzalɛmu minin lɛn, ka yoo kəni, ka kaa belee duwəə, ma din tá re a duwəə ǹ pàã koe ka la. Dii mɛn bɛ́ a bɛnɛn nə́ fɔlɔ lɛa, a gòon tɔnɔn nə́ zan lɛa, ma á re ka biɛ bɛa dii lɛ miã lɛa, ka á re boe la ka tɔrɔ gigiã yɔyɔrɛ ka gòãn giulun. Ǹ gɔn mànan kɛn, ka bɛn kɔ Dɛnaa Lawa la, ǹ pàãmabaa ǹ mànan kɛn, ka bɛn kɔ kanaa tumaa a dɛnaa la.

Misee 4:13 ပူးပေါင်းရင်းမြစ်များ

Loen 24:1

Davida a loe n ke. Kanaa laanka a gɔ́ɔ̃gɔ́ɔ̃ ǹ màn tumaa n Dɛnaa Lawa wɔ lɛa. Tán nɛ, ka mànan mɛnɛn bɛ́ la, ǹ tumaa n Dɛnaa Lawa wɔ lɛa.

Loen 68:29

Izirayeli, n pàã bɔ. Lawa din na á pɛ miɛ̃. Haya Lawa, n pàã bɔ wɔsɛn lɛa, ka n bɛ́ ń zɛnaa lɛlɛ lɔn.

Loen 72:10

Tarsisi kiwi laanka gánan mɛnɛn bɛ́ mu bii, bɛn kiin tá re min gɔ ǹ mànan diɛ la. Saabaa laanka Seebaa gánan kiin tá re màn boboe, ǹ kɔ la.

Izayii 18:7

Bɛa biikoo li kəni, tɔrɔ sɔsɔrɔ gɔ̀nɔn tɛ-pɛle kɛ á re gɔn mànan koe Dɛnaa Lawa Pàãyiidɛnaa la, ǹsɛn kɛn lɛn nyɛ́ɛ diɛ bǎã tumaa nɛ, pàã nə ǹ lon, ǹ nə́ ǹ zɔ́ɔn yɔyɔrɛ, tàn nə́ kiɛ̃ ǹ gána nɛ. Maǹ woe bɛa gɔn mànan lɛn nɛ *Siɔn kele la, ka bǎã kɛ nɛ Dɛnaa Lawa Pàãyiidɛnaa tɔ n la.

Izayii 21:10

Maa zaman, ǹ nə nsɛ mɛn duwəə ka n bɛ́ *belee duwii lɔn, ma doroo mɛn yɛ boe Dɛnaa Lawa Pàãyidɛnaa, Izirayeli a Lawa li, bɛ n ka kɛ nɛ. Bɛ n kibərə lɛa, man pii n ni.

Izayii 23:18

Sɛnɛ, a bɛ́ re là mɛn yii, bɛ n die Dɛnaa Lawa wɔ biɛ. Bɛa là lɛ a re n tamɛɛ wa, a re n koɛ wa. A bɛ́ re màn mɛn yii, bɛ n die Dɛnaa Lawa guguru-kɔlen toe, ǹ kã, ǹ mɔnaa sonboren pii ni.

Izayii 5:28

Ǹ kiɛn lɛn man pɛpɛnɛ, ǹ san maǹ dii ni. Ǹ sùin gòon tɔnɔn maǹ kaka ka kɔlɔ bɛ́ lɔn. Ǹ ziabaa ǹ wotoron yii n fuu ka la piɛ̃ bɛ́ lɔn.

Zeremii 51:20

Dɛnaa Lawa pɛ: Baabilonii, ma nə́ n goã yele lɛa ma gɔn, maa zia da ǹ màn lɛa. N din barka nɛ, má tɔrɔn yɔyɔrɛ, má gánan ziziɛ̃.

Zeremii 51:33

Dɛnaa Lawa Pàãyiidɛnaa, Izirayeli a Lawa n kɛ pii: Baabilonii doobaan lɛ yɔyɔrɛ ka *belee duwəə ǹ bǎã bɛ́ lɔn. Kànaa ka boɛɛnɛ, asɛ a kaa-piɛ dɔ.

Ozee 10:11

Efrayimu na á goã dii luu lɛa daraa na a gɔ̀nɔn bɔ, tɔ *belee nàn la n kɔɔ̃nɛ a ganaa, ma bɛ́ má daa kiɛ̃ a yɔrɔ-a, má a wìi a siĩnbaa kɛ yɛ, má kána da a ganaa. Man die zǔu diɛ Efrayimu ganaa Zudaa n buu kɔsɛ, Zakɔba sɛ n tii kɔlɔ nyuə ǹ fɔlɔ baɛ̃.

Misee 5:7

Zakɔba tɔrɔn mɛnɛn yii goã koo, ǹ tá re giɛ̃ gána kɔsɔn minin bii, ǹ tá re giɛ̃ tɔrɔ gigiã kɔsɔn bii, kaka ka yàra bɛ́ lɔn don mànan bii, ka yàra ten bɛ́ lɔn sèren bii. Bɛ̀ á bɔ bǎã mɛn nɛ, a n màn kuĩ a wɔwoɛ̃ kɔn, min dɔ a boe la á sii la wa.

Abakuku 3:12

Man tɔ we tán la ka foo-yoo ne. Man tɔrɔn yɔyɔrɛ ka foo-yoo baraa nɛ.

Zakarii 12:3

Sonbore, bɛa biikoo li, man die Zeruzalɛmu biɛ kɔlɔ guguru lɛa tɔrɔ kɔ́n ná a boe la a saa wa. Tɔrɔ mɛn bɛ́ re n zoɛ̃ a saa li, a n die busu diɛ a din-a. Bɛ lɛ nɛ, tán a tɔrɔn tumaa á re kiɛ kun, ǹ yoo a gialaa.

Zakarii 12:6

Bɛa waáraa kəni, ma á re Zudaa a kiã biɛ ka tɛ bɛ́ lɔn gɔn dakɔnla giulun, hinlaa ka tɛ bɛ́ lɔn làpaa ganaa toa giulun. Tɔrɔn mɛnɛn bɛ́ ǹ lɛnpɛnɛ, ǹ tá re bɛn tumaa yɔyɔrɛ lenlen. Sɛnɛ, Zeruzalɛmu minin tá re giɛ̃ ǹ kiwin ni.

Zakarii 4:14

Á tɔn a giala pɛ ma-n kɛnɛn: «Giĩ màn paa mɛnɛn nə n bɔ, ǹ nə́ n koa tán tumaa a Dɛnaa a dí taman yii, bɛn manɛ.»

Zakarii 6:5

Á ma lɛ si kɛnɛn: «Lon a piɛ̃ sii kɛ nɛ. Maǹ nə́ goã kunu tán tumaa a Dɛnaa li, kanna, maǹ woe.»

Korɛnti1 16:2

Didie tumaa bɛ́ wɔrɔ mɛn yii, a kɔnpɛ ka a din pàã yii ni, dimaasi gogoon tumaa li, á boe la a bɛ koa a din li, bɛ̀ ma baa die. Ka zɛnaa miɛ̃, màn mɛn bɛ́ toɛ, ka nyan nə n yii da maa daa la ka tɔn bobo wa.

Timəə dí-pɛn 33:25

Kaa kiɛnlɛ-a ǹ goon lɛn die ǹ goã fɔlɔ laanka zan lɛa, ka goã kaka miɛ̃ yǎa a woe kiɛ kaa gɛ̀ lɛ.»

Zozoe 6:19

Wɔrɔ din tumaa ka sana nɛ, zan mànan kɛn tumaa ka fɔlɔ wɔn nɛ, ka die ka bɛn tumaa kaa ǹ gɔrɔn, Dɛnaa Lawa wɔn lɛa, ka ǹ kaa Dɛnaa Lawa gɔn màn tamaa ǹ bǎã kɛ nɛ.