Misee 3:9 - LAWA A BOO SONBORE

⁹ Zakɔba tɔrɔn goledɛnan lɛn, ka bǐɛ̃ kɔ, ka n too kɔ kɛ li! Izirayeli mìilandɛnan lɛn, sii pepere a kɔɔ̃n ka ganaa wa. Ka n sii pepere din tumaa kɔrɛ.

LAWA A BOO SONBORE 2011

⁹ Zakɔba tɔrɔn goledɛnan lɛn, ka bǐɛ̃ kɔ, ka n too kɔ kɛ li! Izirayeli mìilandɛnan lɛn, sii pepere a kɔɔ̃n ka ganaa wa. Ka n sii pepere din tumaa kɔrɛ.

Misee 3:9 ပူးပေါင်းရင်းမြစ်များ

Nehemii 13:17

Má tɔ́n Zudaa gána a min yii guguru-an zɛ̀rɛ baa má pɛ ǹ nɛ: «Wàa dí baraa n ke ka á nyɛɛ, ka n susu ǹ pii lɛ ziziɛ̃?

Bɔ bɛ̀rɛbaa nɛ 3:16

Woo, n Izirayeli a min golen lɛ sɔkɔn, n pɛ ǹ nɛ kɛnɛn: «Dɛnaa Lawa lɛ, ka digolon Lawa lɛa, Abrahamu ni, Izaaki ni ka Zakɔba nɛ, bɛn Lawa kɛ na á n din nyaa ma nɛ. Á pɛ mà ǹ bɛ́ màn mɛn tumaa zɛnɛɛ ka nɛ Ezipti gána nɛ, mà asɛ n die n doe ka lɛ, bɛa lɛa.

Suusun 17:15

Min mɛn bɛ́ sonbore koe min baraa la, ka min mɛn bɛ́ min pepere yii tì-a kuĩ koe, ǹ dinin paanan tìĩ n boe ne Dɛnaa Lawa nɛ.

Suusun 17:23

Min baraan lɛ pii ǹ màn sii ka durii ni màn mɛn bɛ́ toɛ a kiri kɔkɔrɔ wɔ.

Suusun 18:5

Sonbore kɔ min baraa la a siĩn wa. Mɛnaa min pepere la kiri wɔ ǹ bǎã nɛ, bɛ dɔ n sii bɔnɛɛ lɛa.

Suusun 21:7

Min baraan kakaarɛbaa nə ǹ papaɛ̃, a giala maǹ nə n piɛ̃ ka peperebaa nɛ.

Izayii 1:23

N kiãn man gòãn dii wolen lɛa. Maǹ nə n lɛ kiɛ kun ka wurumun ni. Lɛ pii ǹ mànan si n kɔɔ̃nɛ ǹ ganaa. Maǹ baa sii bɛn kio. Ǹ ba bǐɛ̃ zɛnɛɛ nɛ toen ne wa, ǹ ba lɔ giɔɔrɔ a guĩ siɛ wa.

Zeremii 5:28

Ǹ nə́ kã, ǹ wìi wɔ. Maǹ sii baraa zɛnɛɛ yǎa ǹ kiɛ̃ a dan la. Sɛnɛ ǹ sii tumaa n bǐɛ̃ koe. A da yaa ǹ ba nɛ toen a zia gii diɛ wa, ǹ ba kiri pepere we doobaan lɛa wa.

Ezekieli 44:23

Màn mɛn bɛ́ Lawa wɔ lɛa, màn mɛn bɛ́ a ba a wɔ lɛa wa, màn *yoreen laanka màn gɔgɔrɛ nɛ, ǹ tá re maa zaman lɛ darɛɛ bɛn bɔkɔnlɛ ganaa.

Ozee 5:1

Lawa a wúlu-bɔlen lɛn, ka n too kɔ! Izirayeli minin lɛn, ka n too kɔ doɛ̃: Kii a sumu minin lɛn, ka n too da! Sii kɛ lɛ a kiri n die kuĩ ka dinin mìi ni. A giala, kaa zɛnaa ǹ sii kɛ na á kan baa Misipaa kiwi, a na á biɛ baa ká koa Tabɔɔrɔ kele kɛ la,

Lawa a wúlu-bɔlen 26:15

bɛ̀ ka n piã ka masɛ a landa boon kɛn nɛ, bɛ̀ masɛ a sii yɔrɔ bɔ ǹ boon kɛn tìĩ bɔ ka nyin ni, yǎa ka ǹ tii, bɛ̀ ka a masɛ a gɔn waa ǹ boon kɛn tumaa a sii zɛnɛɛ doo wa, ka maa lɛ kɔ kɔn la lɛ ziziɛ̃.

Amɔɔsi 5:7

Á ke, ká taãn-pɛ bɔyaa ká baa kɔɔsɛ, peperebaa ke, ká bɛ naa tán.

Misee 1:1

Dɛnaa Lawa a boo n ka kɛ nɛ, á pɛ Moresɛtin Misee ne. Zudaa tɔrɔn kiin kɛn, Zoatamu ni, Ahaazi ni ka Ezekiasi ni, bɛn gogoonmaa a wasa nɛ, Misee sii-nyaa yɛ Samarii laanka Zeruzalɛmu wɔ paǹ li.

Misee 3:1

Zakɔba tɔrɔn goledɛnan lɛn, Izirayeli minin sii yɔrɔ-bɔlen lɛn, masɛ Misee n ka nyankoe: ka bǐɛ̃ kɔ ka n too kɔ. Min doamaa nɛ a sii yɔrɔ bɔ ǹ gɔn nyaa kasɛn kɛn ma-n doo?

Timəə dí-pɛn 27:19

Bɛ̀ min mɛn sii kɔkɔrɔ zɛnaa á mɛnaa gùli la, nɛ-toen hinlaa lɔ giɔɔrɔ la, bɔ̀n na á bɛa dɛnaa yɛ! Bɛ kio, zaman lɛ tumaa pɛ: «A n miɛ̃!»