Misee 3:8 - LAWA A BOO SONBORE

⁸ Sɛnɛ, masɛ Misee, Dɛnaa Lawa yiri na á pàã gole kɔ ma la, ka peperebaa laanka foo tãbaa nɛ, màn mɛn bɛ́ toɛ, ma Zakɔba tɔrɔn kɛn Lawa bɔlɔ tii boo kɛ da ǹ nɛ, ma Izirayeli minin kɛn sii baraa kɛ pɛ ǹ nɛ.

LAWA A BOO SONBORE 2011

⁸ Sɛnɛ, masɛ Misee, Dɛnaa Lawa yiri na á pàã gole kɔ ma la, ka peperebaa laanka foo tãbaa nɛ, màn mɛn bɛ́ toɛ, ma Zakɔba tɔrɔn kɛn Lawa bɔlɔ tii boo kɛ da ǹ nɛ, ma Izirayeli minin kɛn sii baraa kɛ pɛ ǹ nɛ.

Misee 3:8 ပူးပေါင်းရင်းမြစ်များ

Zɔbu 32:18

A giala, boo gigiã tá masɛ lɛ-n ma da. Á ke, ma gɔ́ɔ̃ din nə pipi.

Izayii 58:1

Dɛnaa Lawa pɛ: Paraa ka lɛn gole ne, n nyan nə n lɛ tã wa. Toa n lɛn nə bɔ ka bɛn wɔ bɛ́ lɔn! Maa zaman lɛ a sii baraan pɛ ǹ nɛ, n Zakɔba tɔrɔn siɛ̃n pɛ ǹ nɛ.

Izayii 61:1

Dɛnaa Lawa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ. Min mɛnɛn bɛ́ nɔmaa nɛ, mà ma wo bɛn foo basã. Ǹ min mɛnɛn goa ǹ nə́ woo ǹ ne, mà ma wo pɛ bɛn manɛ, mà ǹ tá re ǹ kiɛ. Min mɛnɛn bɛ́ kòso ne, ǹ tá re bɛn sii ǹ nə ǹ kaa.

Izayii 61:2

A na á ma dia mà ma da pɛ mà Dɛnaa Lawa a bǐɛ̃baa ǹ lɛ̀ nɛ, mà Dɛnaa Lawa a gɛ̀ dòo bɔ a zɔ́ɔn ganaa ǹ lɛawaa nɛ. A na á ma dia màn mɛn bɛ́ toɛ ma gɛ̀ koa wolen yiri giã.

Zeremii 1:18

Á ke, a saa pelo ganaa, man pàã koe n la ka kiwi tamaa wole sonbore bɛ́ lɔn. N tá re goɛ̃ ka fɔlɔ bìbì bɛ́ lɔn, ka zan kungɔn bɛ́ lɔn, gána lɛ tumaa yɔrɔ-a, Zudaa kiin yɔrɔ-a gána nyɛɛnaandɛnan nɛ, ka Lawa a wúlu-bɔlen ne, kɔnlɛ ka gána lɛ a minin ni.

Zeremii 20:9

Má taasɛ ma gɔ́ɔ̃ nɛ, máa ma a re n taasɛ Dɛnaa Lawa n doo wa, máa ma a re a boo diɛ ka a tɔ-n doo wa. Sɛnɛ, ma gɔ́ɔ̃ nɛ, a boo lɛ n ka tɛ bɛ lɔn ma kuĩ. Ma nə n din nɔmɛɛ máa ma pàã yɛ ma la bɛa tɛ lɛ nɛ, sɛnɛ ma a boe la wa.

Zeremii 6:11

Ma piɛ̃maa-n ka Dɛnaa Lawa a foo-busii ni. Ma a boe la ma kũ ma foo n doo wa. Bɛa foo-yoo lɛ sawaa nɛnyaanan la zii la, kɔnlɛ ka nɛ tenən tumaa nɛ. Ǹ tumaa tá re kòso nɛn biɛ, giĩn ni lɔn nɛ, min golen ne ka min zizin ni.

Busii pɛ 2:14

Lawa a boo gii-dalin nə sii-nyaa mɛn tumaa yɛ n wɔ lɛa, sii-nyaa kooron manɛ. Maǹ nə n sã pɛ n nɛ wa, màn mɛn bɛ́ toɛ n kanbaa bɛ̀rɛbaa ganaa. Ǹ sii-nyaan mɛnɛn yɛ n wɔ lɛa, soɛ laanka yiri sã ǹ boon manɛ!

Ezekieli 16:2

– Minbuiin a nɛ, Zeruzalɛmu minin giã ǹ gɔn bɔbɔnɛɛ kɛ lɛ boo da ǹ dinin manɛ.

Ezekieli 20:4

Minbuiin a nɛ, n doamaa bie n kɛn toa walan wa. Ǹ zɛ̀rɛ baa. Ǹ digolon nə sii bɔbɔnɛɛn mɛnɛn zɛnaa, bɛn pɛ ǹ nɛ.

Ezekieli 22:2

– Minbuiin a nɛ, n too kɔ. Kiwi gɛ̀-dɛle kɛ lɛ, kiri wɔ a ganaa, a sii bɔbɔnɛɛn kɛn lɛn tumaa nyaa nɛ a dɔ̃.

Ezekieli 23:36

Dɛnaa Lawa tɔ́n pɛ ma nɛ: – Minbuiin a nɛ, kiri wɔ Oholaa laanka Oholibaa ganaa. Ǹ bɛ́ sii bɔbɔnɛɛn mɛnɛn zɛnɛɛ, bɛn lɛn pɛ ǹ nɛ.

Ezekieli 3:14

Lawa yiri lɛ na á ma saa, á woo ma nɛ. Man má woo, ma yɔrɔ ń kɔsiɛ nɛ, ma foo ń ziziɛ̃ nɛ. Dɛnaa Lawa pàã na á goã ma la taãn-taãnɛ.

Ezekieli 43:10

«Minbuiin a nɛ, kion lɛ bɛ́ re n doe lɔn, bɛ yɔrɔ pɛ Izirayeli tɔrɔn lɛn manɛ, màn mɛn bɛ́ toɛ ǹ sii baraa zɛnaa kɛ lɛ sìi da ǹ ganaa, ǹ ga kion lɛ nyín ganaa.

Matiə 7:29

A giala a minin daraa ǹ gɔn laanka ǹ landa sii-daraalin wɔ a goon wa. Pàã tá asɛ a da ǹ boo lɛ nɛ.

Marki 3:17

ka Zebedee a nɛgiĩ Zaaki laanka ZAÃ nɛ (Yezu nə́ ǹ tɔ kɔ mà Foo Fuunaan, ǹ dinin bɔlɔ nɛ mà Boanɛrzɛsi);

Korɛnti1 2:4

Maa boo ne, ka maa laakalaa ǹ gɔn nɛ, ǹ kɔ́n goã sii-dɔ̃ ǹ lɛ gɔ́ɔ̃ boo lɛa wa. Sɛnɛ, Yiri Fu pàã màn mɛn kɔ ma la, man má bɛ dinsɔɔ̃ a sii nyaa ka nɛ.