Misee 2:3 - LAWA A BOO SONBORE

³ Bɛ lɛ na á toa, masɛ Dɛnaa Lawa á kɛ pii: Á ke, ma bɛ́ re sii mɛn diɛ kasɛn kɛn miãn tɔrɔ mìi ni, ka a re boe la ka n sɔlɔ a-n wa. Ka a re boe la ka tɔ wɔ ka mìi n lon wa, a giala, a n die goɛ̃ biikoo babaraa lɛa.

LAWA A BOO SONBORE 2011

³ Bɛ lɛ na á toa, masɛ Dɛnaa Lawa á kɛ pii: Á ke, ma bɛ́ re sii mɛn diɛ kasɛn kɛn miãn tɔrɔ mìi ni, ka a re boe la ka n sɔlɔ a-n wa. Ka a re boe la ka tɔ wɔ ka mìi n lon wa, a giala, a n die goɛ̃ biikoo babaraa lɛa.

Misee 2:3 ပူးပေါင်းရင်းမြစ်များ

Izayii 29:20

Bɛ n die pàã-zɛnaalin pàã a nya giala biɛ. Din-koalin tá re papaɛ̃. Min mɛnɛn bɛ́ zoɛ̃ li mà ǹ sii baraa zɛnaa ǹ miãn nɛ,

Izayii 3:16

Dɛnaa Lawa n pii: «*Siɔn kiwi lɔn kɛn tá kɔɔ̃nɛ ǹ dinin ganaa. Maǹ nə n wìi dii ǹ nə́ tɔ we, ǹ nə́ n yii boe minin li. Maǹ nə n gòã siɛ gogoon, ǹ gòã wìi ganaa ǹ zanan kɛn wuu li.»

Izayii 5:19

Ka n pii: «Dɛnaa Lawa, n baa fufuu n sii zɛnaa wɔ yii ni wɔ yɛ. Izirayeli a Lawa sonbore sii mɛn yɔrɔ bɔ, wɔ ǹ li bɛ nə n zɛnaa, wɔ dɔ̃!»

Zeremii 18:11

Kanna kəni Zeremii, boo da Zudaa minin laanka Zeruzalɛmu minin ni n pɛ ǹ nɛ: – Dɛnaa Lawa n kɛ pii: «Á ke, man dɔlɔ yɔrɔ boe kaa wɔ lɛa. Man koe lɛ boe die-n ka ganaa. Didie doamaa nɛ a na a taasiɛ baraan kaa. Hiĩ, ka kaa giã ǹ gɔn laanka kaa zɛnaa ǹ siin bɔyaa.»

Zeremii 27:12

Masɛ Zeremii n má kɛa boo kɛ lɛ miã pɛ Zudaan kii Sedekiasi ni. Má pɛ nɛ: – Nsɛ, n laanka n zaman doamaa nɛ ka lɛ kɔ Baabiloniin kii a pàã kɛ ganaa ka zǔu bɛ́ lɔn. Ka dí nya nɛ, ka dí nya a zaman dɔ nɛ, ka yii á re goɛ̃ koo.

Zeremii 34:17

Bɛ lɛ nɛ Dɛnaa Lawa á kɛ pii: – Ka ma lɛ si wa, min kɔn nə ǹ dɔɔ̃n da á bɔ bɛ̀rɛbaa-n wa. Masɛ Dɛnaa Lawa n kɛ pii: «Man die yui zia-n ka ganaa, piɛ̃ busu ni ka bòo ne. Bɛa waáraa kəni, tán a tɔrɔn tumaa gɔ̀nɔn tá re bìn diɛ ka nyɛɛnɛ.

Zeremii 36:23

Bɛ̀ Yewudi sɛ́wɔ lɛ a paǹ mɛn pɛ á nya, kii lɛ n bɛ kukuri ka gɔya boɛɛn nɛ a zũ tɛ-n. A zɛnaa miɛ̃ yǎa sɛ́wɔ munii lɛ nya lenlen.

Zeremii 43:2

Osayia a nɛgiĩ Azaria nɛ, Kareya a nɛgiĩ Zoanan nɛ ka din koa wolen tɛnɛn nɛ, ǹ nə́ pɛ Zeremii-n kɛnɛn: «Soɛ nɛ n tá boe. Dɛnaa Lawa, wɔa Lawa nə n dia mà n da pɛ wɔ nɛ mà wɔ nyan wo gùli kɔ Ezipti gána-n wa.

Zeremii 8:3

Ma bɛ́ tɔrɔ baraa kɛa yiikoonaan mɛnɛn pɛsɛ̃ bǎã woo bǎã nɛ, gɛ̀ á re soɛ koe ǹ ganaa yiikoonaabaa nɛ. Dɛnaa Lawa Pàãyiidɛnaa a da ǹ boo ne.

Busii pɛ 1:14

A yii tá maa sii baraan tumaa ganaa a yɔrɔ-a. Á ǹ kaa kun á ǹ yii, á ǹ kaa ma mìi ni. Ǹ gugurubaa kaa ma la. Dɛnaa Lawa ma pàã kiɛɛrɛ kɔ, á ma wɔ minin gɔn, ma bɛ́ ma a boe la ma yɔ bɔ kɔn ka ǹ mɛnɛn nɛ wa.

Busii pɛ 2:17

Dɛnaa Lawa golee sii mɛn li, a na á bɛ zɛnaa. A boo mɛn da a biikoo ná a kànaa wa, a na á toa bɛ yɔrɔ yɛ. Á basaã kɔ, a makara bɔ wa. Á n zɔ́ɔn foo kɔɔ̃n kɔ, ka n bɔ̀n da ma-a kɛ nɛ. Á màn da ǹ pàã li.

Busii pɛ 5:5

Min mɛnɛn bɛ́ fuu nyɛɛ wɔ nɛ, maǹ tɔn wɔ kio lui. Wɔ́ nɔmaa, susui ba wɔ la wa.

Amɔɔsi 2:14

Ma á boe baa la, bɛa re n boe a-n wa, pàã tá ma lon, bɛa là á re yii n na-a wa, maa boe zia la, bɛa re n nyin sii wa.

Amɔɔsi 3:1

Izirayeli minin lɛn, ka n too kɔ Dɛnaa Lawa kasɛn sɔmɔ lɛ a minin mɛnɛn waa, á ǹ bɔ Ezipti gána nɛ, a na á boo kɛ da ka dinin wɔ paǹ li, á pɛ kɛnɛn:

Amɔɔsi 3:2

Kanaa a tɔrɔn tumaa bii, man má ka dininsɔɔ̃nɔn lɛn bɔ. Bɛ lɛ nɛ, ka sii baraa mɛn tumaa zɛnaa, ma á re a dɔlɔ boe ka ganaa.

Amɔɔsi 5:13

Bɛ lɛ n ke, min mɛn bɛ́ sii doɛ̃, á soɛ, ǹ dɛnaa nə n lɛ tã. A giala, biikoo lɛ baraa kɔ!

Misee 2:1

Min mɛnɛn bɛ́ n taasɛ ka sii kokooro zɛnaa nɛ, bɔ̀n na á bɛn yɛ. Min mɛnɛn bɛ́ sii baraa zɛnaa a taasiɛ we ǹ waa ǹ piì la, bɔ̀n na á bɛn yɛ. Bɛ̀ wɔlɔ fúlu lɔn, maǹ yui ǹ nə ǹ sii zɛnaa, a giala a zɛnaa ǹ pàã tá ǹ lon.

Rɔmu minin 16:4

Maa kirisibaa a lɛa, ǹ nə́ lɛ kɔ ǹ nə́ sii zɛnaa, ǹ dinin nyin nə́ boe la, a goã sii mɛn nɛ. Masɛ dinsɔɔ̃ bie bɛa bǐɛ̃ kɛ doɛ̃ ǹ nɛ wa, Lawa a sɔmɔ minin mɛnɛn bɛ́ tɔrɔ kɔsɔn lɛa, bɛn dɔn man bɛa bǐɛ̃ lɛ doɛ̃ ǹ nɛ.

Efɛɛzi minin 5:16

Bɛ̀ sii sonbore zɛnaa ǹ pàã tá ka lon biikoo mɛn li, ka zɛnaa. A giala, lɛawaan mɛnɛn bɛ́ wɔ tá ǹ nɛ, ǹ tá baraa.

Timəə dí-pɛn 28:48

Dɛnaa Lawa bɛ́ re zɔ́ɔn mɛnɛn diɛ ka la, ka á re dí nyɛɛ bɛn nɛ ka bòo ne, ka mu boro ne, ka ka tontoro ne, mán kɔn ná a ka gɔn wa. A n die nɔmaa gole diɛ ka mìi ni yǎa a ka dii.

Zaaki 2:13

Min mɛnɛn bɛ́ ǹ nə ǹ miãn makara dɔ̃ wa, bɛ̀ Lawa á die kiri kuri bɛn la ǹ mɛn pinaa, a die ǹ dɔn makara doɛ̃ wa. Makara-doɛ̃ á kiri siɛ a bɔ min la.