Misee 2:11 - LAWA A BOO SONBORE

¹¹ Min mɛn bɛ́ re die boo kooro diɛ ka nɛ, a soɛ bɔ ka nɛ, mà ka á die duvɛ̃ laanka yɔ kakaarɛ yii, táa ka n giɛ bɛ miã min lɛ li. Sɛnɛ min tɛnɛn maǹ baãnaabaa ǹ boo kɛ diɛ zaman lɛ nɛ:

LAWA A BOO SONBORE 2011

¹¹ Min mɛn bɛ́ re die boo kooro diɛ ka nɛ, a soɛ bɔ ka nɛ, mà ka á die duvɛ̃ laanka yɔ kakaarɛ yii, táa ka n giɛ bɛ miã min lɛ li. Sɛnɛ min tɛnɛn maǹ baãnaabaa ǹ boo kɛ diɛ zaman lɛ nɛ:

Misee 2:11 ပူးပေါင်းရင်းမြစ်များ

Kiin1 13:18

Giĩ zizi lɛ tɔ́n pɛ nɛ: «Masɛ dɔ n Lawa a boo gii-dali lɛa, ka n dɔ bɛ́ lɔn. Dɛnaa Lawa lon a dia dí-a wole goon dia die pii ma nɛ mà man lɛ goa, n nə n ta kun ka masɛ-n piɛ, n die n màn bii, n mu mi.» Sɛnɛ giĩ zizi Lawa a boo gii-dali lɛ na á goã á soɛ bɔ nɛ.

Kiin1 22:6

Izirayeli gána a kii lɛ tɔ́n Lawa a boo gii-dali, biɛsii (400) kɛ miã lɛ sɔkɔn, á pɛ ǹ nɛ: «Ma á boe la ma wo zia baa Ramɔti kiwi Galaati gána nɛ, hinlaa ma a lɛ da?» Lawa a boo gii-dalin lɛn ná a lɛ si ǹ nə́ pɛ: Woo! Dɛnaa Lawa tá re we n gɔn.

Zɔbu 31:5

Bɛ̀ má kɔ soɛ lɛ, bɛ̀ má baa si minin bebelee kio,

Suusun 25:14

Labara hinlaa piɛ̃ mɛn bɛ́ a na a die ka la mu goon din ni wa, min mɛn bɛ́ n lɛ koe ka bǐɛ̃ nɛ a na a ba koe a bɔlɔ lɛ wa, bɛa dɛnaa n miɛ̃.

Izayii 28:7

Duvɛ̃ taman yii Lawa a wúlu-bɔlen laanka Lawa a boo gii-dalin man boo kooron diɛ, yɔ kakaarɛ nə ǹ diɛ tatalaa ganaa. Yɔ kakaarɛ taman yii maǹ boo kooron diɛ, duvɛ̃ nə́ ǹ yiri lɔlɔkɔn, yɔ kakaarɛ nə ǹ diɛ tatalaa ganaa. Bɛ̀ ǹ nə́ sii-nyaan yɛ, maǹ boo kooron diɛ. Bɛ̀ ǹ tá kiri we, ǹ yii á wɔlɔ yii wa.

Izayii 9:15

Gána lɛ a nyɛɛnaandɛnan nə́ ǹ zaman sã, ǹ bɛ́ min mɛnɛn nyɛɛnɛ, ǹ nə́ bɛn bɔ̀n baa.

Zeremii 14:14

Dɛnaa Lawa ma lɛ si á pɛ: – Lawa a boo gii-dalin kɛn bɛ́ boo mɛn diɛ ka ma tɔ nɛ, soɛ nɛ. Ma ǹ dia wa. Ma boo goon din da ǹ nɛ wa. Ǹ sii yɛn lɛn man soɛ lɛa. Ǹ bɛ́ boo mɛn diɛ, boo kooron manɛ. Ǹ dinin taasiɛ boon manɛ.

Zeremii 23:14

Zeruzalɛmu a Lawa a boo gii-dalin dɔn li, ma yii n sii bɔbɔnɛɛn ganaa: Maǹ naarɛbiɛ, maǹ soɛ boe. Ǹ giala n kun ka min baraan nɛ, Bɛa yɔrɔ lɛ la, min kɔn ba n nyɛnɛɛ sii baraa-n wa. Masɛ yii li, maǹ nə́ kɔnbɔ ka Sodɔmu minin ni. Zeruzalɛmu minin man nə́ kɔnbɔ ka Gomɔɔrɔ minin ni.

Zeremii 23:17

Min mɛnɛn bɛ́ masɛ diɛ yaa lɛa, maǹ pii kɛnɛn: Dɛnaa Lawa pɛ: «Kaa wɔ á re bǐɛ̃ koe!» Min mɛnɛn bɛ́ koe ǹ dinin taasiɛ baraan lɛ, maǹ pii bɛn manɛ: «Baraa a re ka yii wa!»

Zeremii 23:25

Lawa a boo gii-dalin bɛ́ soɛ boon mɛnɛn diɛ ka ma tɔ nɛ, ma á miɛ. Maǹ pii: «Má n narɛ, má n narɛ!»

Zeremii 23:32

Ma á re yui ǹ gialaa. Ǹ narɛɛn man soɛn lɛa. Bɛ̀ ǹ tá ǹ kalɛɛ maa zaman yɔrɔ-a, boo kooron dininsɔɔ̃nɔn manɛ. Ma ǹ dia wa, ma zii kɔ ǹ la wa. Ǹ là goon din ba maa zaman ganaa wa. Dɛnaa Lawa a da ǹ boo ne.

Zeremii 28:15

Lawa a boo gii-dali Zeremii wusoo doo á pɛ Lawa a boo gii-dali Anania-n kɛnɛn: – Anania, n too kɔ taãn nɛ! Soɛ boon manɛ n tá zaman lɛ foo taɛ̃ nɛ. Dɛnaa Lawa bie á n dia wa.

Zeremii 5:31

Lawa a boo gii-dalin man soɛ boon didiɛ, Lawa a wúlu-bɔlen manə n gɔn kuĩ ǹ pàã ganaa. Maa zaman dɔ ǹ lɛ koe bɛ lɛ ganaa! Sɛnɛ bɛ kio, ka ǹ die wàa zɛnɛɛ?

Busii pɛ 2:14

Lawa a boo gii-dalin nə sii-nyaa mɛn tumaa yɛ n wɔ lɛa, sii-nyaa kooron manɛ. Maǹ nə n sã pɛ n nɛ wa, màn mɛn bɛ́ toɛ n kanbaa bɛ̀rɛbaa ganaa. Ǹ sii-nyaan mɛnɛn yɛ n wɔ lɛa, soɛ laanka yiri sã ǹ boon manɛ!

Ezekieli 13:22

A giala ka n min sonbore foo ziziɛ̃ ka kaa soɛ boon kɛn lɛn nɛ. A da yaa, masɛ ba li, ma sii baraa zɛnaa min sonbore-n wa. Ka n min baraa foo taɛ̃, bɛ lɛ nɛ, a ba wusii a sii baraa zɛnaa kio, ń giɛ a yii á goɛ̃ koo wa.

Ozee 7:14

Ǹ bɛ́ n lɛ mɛn dii ma li ke, bɛ̀ ǹ nə n duduwəə ǹ piìn la, taãn bie wa. Maǹ nə́ n kiɛ kun, màn mɛn bɛ́ toɛ ǹ *belee laanka duvɛ̃ yɛ. Sɛnɛ ǹ nə́ wusoo ǹ nə́ n bɔ ma kio.

Misee 3:11

A kiri-wɔlen man minin sii yɔrɔ boe màn ganaa, A Lawa a wúlu-bɔlen man minin darɛɛ giɛ saraa li, A Lawa a boo gii-dalin manə ǹ dí nyɛɛ wɔrɔ-a. Maǹ wusii n gòãn koɛ Dɛnaa Lawa la, ǹ nə́ pii: Dɛnaa Lawa bɛ́ kun ka wɔsɛn nɛ, wàa mɛn sii baraa n die wɔ yii?

Misee 3:5

Lawa a boo gii-dalin mɛnɛn bɛ́ Dɛnaa Lawa a zaman kɛ yiri siɛ̃, Dɛnaa Lawa na á kɛ pɛ bɛn wɔ paǹ li: «Bɛ̀ min mɛn gɔn màn tá ǹ lɛ-n, maǹ là nyantoro boo diɛ bɛa dɛnaa nɛ. Bɛ̀ min mɛn gɔn màn ba ǹ lɛ-n wa, maǹ zia yɔrɔ diɛ bɛa dɛnaa la.

Rɔmu minin 16:18

A giala, bɛa minin kɛn lɛn bie dí nyɛɛ wɔa Dɛnaa Krita-n wa, maǹ dí nyɛɛ ǹ dinin nɔ̀ nɛ. Maǹ yiri baãnaanan siɛ̃, ka ǹ minin bebele ǹ boo paparɛn kɛn nɛ.

Filipi minin 3:19

Ǹ giala-nyɔmɔɔ á re ziziɛ̃, a giala, mà ǹ gɔ̀nɔn foo sii mànan manə ǹ Lawa lɛa. Sii mɛn doamaa bɛ́ a sìi da ǹ ganaa, manə n dinin koɛ ka bɛ nɛ, ǹ nə́ taasiɛ we kanaa kɛ a mànan dininsɔɔ̃nɔn ganaa.

Zaã1 4:1

Maa giaáran lɛn, minin mɛnɛn bɛ́ n dinin biɛ Lawa Yiri kɛ a dɛnan lɛa, ka nyan golee bɛn tumaa li wa. Ka n da ǹ gɔ́ɔ̃ li bɔrɔ ka ga ǹ ganaa, bɛ̀ ǹ yiri lɛ n boe Lawa li. A giala, Lawa a boo gii-dali soɛ-bɔlen nə́ mɔnaa kanaa lɛ gɔ́ɔ̃ nɛ.