Misee 2:10 - LAWA A BOO SONBORE

¹⁰ Ka yoo ka n tan kəni! A giala, kànaa kɛ bie kaa susu ǹ bǎã lɛa bɔrɔ wa. Ka sii gɔgɔrɛ mɛn zɛnaa, a basaã á die ka yii, á die baraa koe ka ganaa.

LAWA A BOO SONBORE 2011

¹⁰ Ka yoo ka n tan kəni! A giala, kànaa kɛ bie kaa susu ǹ bǎã lɛa bɔrɔ wa. Ka sii gɔgɔrɛ mɛn zɛnaa, a basaã á die ka yii, á die baraa koe ka ganaa.

Misee 2:10 ပူးပေါင်းရင်းမြစ်များ

Kiin1 9:7

bɛa biikoo li kəni, man die, Izirayeli minin lɛn papaɛ̃ ma ǹ bɔ tán kɛ la, má kɔ ǹ la. Kion mɛn dɔ bɛ́ má ma din tɔ da la, ma nə n la boe bɛ dɔ ganaa. Izirayeli tá re suusu da ǹ màn biɛ, a yaa da ǹ màn baa tɔrɔn tumaa gɔn.

Kiin2 15:29

Izirayeli gána a kii Pekaa a biikoo li, Asiirii gána a kii Teglati-Falasaara daa Iyɔn kiwi kũ á si, ka Abeli-Bɛti-Maakaa kiwi ni ka Yanoa kiwi ni, ka Kedɛsi kiwi ni, ka Asɔɔrɔ kiwi ni, ka Galaati gána nɛ, ka Galilee gána nɛ, ka Nɛfutalii gána tumaa nɛ. Teglati-Falasaara bɛa bǎãn kɛn lɛn minin goa á kiɛ̃ ǹ nɛ Asiirii gána nɛ.

Kiin2 17:6

Ozee a kiibaa lɛ̀ manangɔrɔbaa ǹ wɔ, Asiirii gána a kii lɛ Samarii kiwi si á nɔmɔ a ganaa. Á Izirayeli minin goa á kiɛ̃ ǹ nɛ Asiirii gána nɛ. Á ǹ kaa giã ganaa Halaa kiwi, Habɔɔrɔ tà lɛ-a nɛ, Goozan gána nɛ, ka Mɛdi gána a kiwin ni.

KZS2 7:20

bɛa biikoo li kəni, man die ka papaɛ̃ ma ka bɔ tán kɛ la, má kɔ ka la. Kion mɛn dɔ bɛ́ má ma din tɔ da la, ma á re n la boe bɛ dɔ ganaa a susuu da ǹ màn baa, a yaa da ǹ màn baa tɔrɔn tumaa gɔn.

Loen 106:38

Ǹ nə́ zɛ̀rɛbaa᷉naan mà kaa, ǹ nɛgiĩn laanka ǹ nɛlɔn kɛn lɛn mà kɛ lɛ. Ǹ dinin man nə́ bɛa nɛnyaanan lɛn dɛ wúlu mànan lɛa, Kanaan gána a dìn ganaa. Ǹ nə́ gána lɛ tii ka bɛa mà damata kɛ nɛ.

Loen 95:11

Bɛ lɛ na á toa, maa foo-yoo gɔ́ɔ̃ nɛ, má n liɛ máa ǹ ba re we maa susu ǹ gána kɛ-n wa.

Zeremii 10:18

Taãn nɛ, Dɛnaa Lawa a da ǹ boo á ke: «Kanna kəni, man die gána lɛ a minin zuĩ sɔsɔɔ ma ganaa. Man die dɔlɔ boe ǹ ganaa, ǹ ba re n boe a-n wa.

Zeremii 3:2

N yii saa lon, n nə n yɔrɔ dia tentenen kɛn la n ga. Tenten goon din tá yii ǹ bii mà n nə n naarɛbaa zɛnaa la wa? Ka diə gole a mu gòo-kɔlin bɛ́ lɔn, N nə́ n goã giã-n tán zii lɛkoro-a, n yii diɛ n sanan la. Ń gána lɛ gɔgɔrɛ kɔ ka n kɔrɔbaa kɛ nɛ, ka n giã ǹ gɔn baraa nɛ.

Zeremii 9:19

Lɔn lɛn, ka n too kɔ Dɛnaa Lawa a boon kɛn li. A bɛ́ boo mɛn diɛ, ka n too da li. Ka kaa nɛlɔn daraa gɛ̀ loe kɛ ganaa. Didie na a miãkɛn daraa a ganaa.

Ezekieli 36:17

Minbuiin a nɛ, n too kɔ. Izirayeli tɔrɔn bɛ́ ǹ nə́ goã ǹ gána lɛ nɛ, ǹ dinin man nə́ ǹ gána lɛ gɔgɔrɛ kɔ, ka ǹ giã ǹ gɔn laanka ǹ zɛnaa ǹ siin ni. Masɛ yii li, ǹ giã ǹ gɔn lɛ n ka lɔ a *gɔ̀ bɛ́ lɔn, bɛ̀ a lɛawaa tá a ganaa.

Ezekieli 36:19

Bɛ lɛ n ke, má ǹ sasawaa má ǹ kaa gána kɔsɔn nɛ, má ǹ pɛsɛ̃. Bɛ lɛ n dɔlɔ lɛa ma bɔ ǹ ganaa, á kɔnpɛ ka ǹ dinin giã ǹ gɔn laanka ǹ zɛnaa ǹ siin ni.

Timəə dí-pɛn 12:9

A giala, ka tɔn dɔ kaa susu ǹ bǎã-n bɔrɔ wa: bɛ n ka gána kɛ nɛ, kaa Lawa, Dɛnaa Lawa n koe ka la, mà a kaa wɔ baa.

Timəə dí-pɛn 30:18

ka á re papaɛ̃ ka n bɔ kànaa, sàabaa ba la wa. Man bɛ pii ka-n pelo. Ka bɛ́ re Zurdɛ̃ tà kuri ká n woe kiɛ bǎã mɛn lɛ nɛ, ká n die sii ka baa kaa wɔ lɛa, ka n ka a re beleboe walan wa.

Timəə dí-pɛn 4:26

Bɛ̀ ká bɛ zɛnaa, man pii ka-n foaã pelo, lon laanka tán dɔ din nə maa siére lɛa: ka bɛ́ re Zurdɛ̃ tà kuri, ka wo gána mɛn lɛ si, ka baa kaa wɔ lɛa, ka á re papaɛ̃ ka n bɔ a-n bǎã goon. Ka a re giɛ̃ a-n ka belebɔ wa. A giala, Lawa á die ka lui lenlen, a ka bɔ a nɛ.