Misee 2:1 - LAWA A BOO SONBORE

¹ Min mɛnɛn bɛ́ n taasɛ ka sii kokooro zɛnaa nɛ, bɔ̀n na á bɛn yɛ. Min mɛnɛn bɛ́ sii baraa zɛnaa a taasiɛ we ǹ waa ǹ piì la, bɔ̀n na á bɛn yɛ. Bɛ̀ wɔlɔ fúlu lɔn, maǹ yui ǹ nə ǹ sii zɛnaa, a giala a zɛnaa ǹ pàã tá ǹ lon.

LAWA A BOO SONBORE 2011

¹ Min mɛnɛn bɛ́ n taasɛ ka sii kokooro zɛnaa nɛ, bɔ̀n na á bɛn yɛ. Min mɛnɛn bɛ́ sii baraa zɛnaa a taasiɛ we ǹ waa ǹ piì la, bɔ̀n na á bɛn yɛ. Bɛ̀ wɔlɔ fúlu lɔn, maǹ yui ǹ nə ǹ sii zɛnaa, a giala a zɛnaa ǹ pàã tá ǹ lon.

Misee 2:1 ပူးပေါင်းရင်းမြစ်များ

Siin Giala 31:29

Ma á boe la ma sii baraa zɛnaa ǹ nɛ. Sɛnɛ, n díin Lawa na á pɛ ma-n gunun tèlò-n mà man din kũ, ma baran màn kɔ́n zɛnaa n nɛ wa.

Kiin1 21:7

A lɔ Zezabɛli tɔ́n pɛ nɛ: «Izirayeli gána a kii lɛ bie n din ni wa ya? Yoo n màn bii, n toa n foo kɔɔ̃n kɔ, masɛ din tá re Zizereyɛli kiwi min Naabɔti a rezɛ̃ da wuru lɛ koe n la.»

Zɔbu 15:35

Bɛ̀ min sii baraa gũ a gɔ́ɔ̃ nɛ, a n bɔ̀n yii. A n giɛ foo-ziziɛ̃ li koɛ a din ni.»

Zɔbu 24:14

Gɛ̀-dɛle lɛ n yui baayɛlɛ yiisoone, a nɔmaa-wɔle doobaa kɛ lɛ dɛ. Tèlò-n, a nə n din biɛ wurumu lɛa.

Loen 36:4

Soɛ dinsɔɔ̃ laanka minin yiri sã ǹ boo na a lɛ-n. A din yii li, sii sonbore zɛnaa din là banban doo wa.

Loen 36:5

Bɛ̀ a tá a piì la, a nə n taasɛ ka sii kɔkɔrɔ zɛnaa dinsɔɔ̃ nɛ. Zii mɛn bɛ́ a siĩn wa, a nə n gɔn parɛɛ bɛ ganaa. A sii baraa kiɛ doɛ̃ wa.

Loen 58:3

Ka n kɔkɔrɔbaa siin zɛnɛɛ woone, ka n baraabaa siin lɛ boe kanaa kɛ gɔ́ɔ̃ nɛ.

Suusun 12:2

Sii sonbore-zɛnaali n kɔɔ̃n dɛnaa Lawa ganaa. Sɛnɛ min mɛn bɛ́ ǹ miãn siɛ̃, Lawa n zɛ̀rɛ diɛ bɛn la.

Suusun 14:22

Min mɛnɛn bɛ́ taasiɛ bɔnɛɛ nə́ ǹ yiri ni, ǹ nə́ sã ǹ zii ganaa. Min mɛnɛn bɛ́ taasiɛ sonbore we, ǹ saraa n sonborebaa laanka bɔlɔgoondɛnaabaa nɛ.

Suusun 3:27

Min mɛn laadoo bɛ́ dɔmalɛ ganaa, bɛ̀ n tá boe la, n dɔ lɛ, n nyan nə n piã wa.

Suusun 4:16

Bɛa minin kɛn lɛn ba nyuù we bɛ̀ ǹ nə́ ǹ sii baraa zɛnaa wa. Ǹ ba nyuù naɛ̃ ǹ yii-a bɛ̀ ǹ sii baraa zɛnaa min ni wa.

Izayii 29:20

Bɛ n die pàã-zɛnaalin pàã a nya giala biɛ. Din-koalin tá re papaɛ̃. Min mɛnɛn bɛ́ zoɛ̃ li mà ǹ sii baraa zɛnaa ǹ miãn nɛ,

Izayii 3:14

A n die kiri we a zaman a min golen ganaa, ka ǹ kiãn kɛn nɛ: «Ka dinin lɛn man ka maa *rezɛ̃ dan kɛn ziziɛ̃, ka doobaan gɔn mànan koã, ka kaa kionən pã nɛ.

Izayii 32:7

Min mɛnɛn bɛ́ ǹ miãn yiri siɛ̃, ǹ sii baraa zɛnaa la yii ni. Maǹ tán dù bose ǹ nə́ doobaan laadoo ziziɛ̃ ka soɛn nɛ, ta sonbore nə ǹ lon.

Izayii 5:8

Kaa wɔ n ka bɔ̀n nɛ kasɛn mɛnɛn bɛ́ kion sii ka da ǹ miã li. Ka wuru si ka da ǹ miã li. Ka bǎã tumaa si ka n kɔ lɛ, yǎa ka dininsɔɔ̃nɔn nə goɛ̃ gána lɛ nɛ!

Izayii 59:3

Ka gɔnɔn man mà lɛa, kaa siɛ̃n nə́ ka gòonən tii. Soɛ boon man ka lɛ-n, ka lɛwɔn nə́ boo baraa diɛ.

Zeremii 18:18

Minin man pii: «Ka daa wɔ boo wɔ kɔn Zeremii ganaa! Wɔa foɛ̃ Lawa a wúlu-bɔle li a wɔ daraa dí-pɛn ganaa wa, hinlaa sii-dɔ̃li li a yiri kɔ wɔ la wa. Wɔa foɛ̃ Lawa a boo gii-dali li a Lawa a boo da wɔ-n wa. Ka wɔ n tan, wɔ yoo a gialaa, wɔ boo baraa da a ganaa. Wɔ nyan nə n too kɔ a da ǹ boon li wa!»

Ezekieli 11:2

Lawa yiri tɔ́n pɛ ma nɛ: – Nsɛ minbuiin a nɛ min mɛnɛn bɛ́ n taasɛ ka sii kɔkɔrɔ zɛnaa-n kiwi lɛ nɛ, ǹ nə́ yiri kɔkɔrɔ koe minin la, ǹ dinin man ka kɛn nɛ.

Ezekieli 33:26

Ka foo n doa-n kaa ziabaa ǹ mànan ganaa, ká n sii bɔbɔnɛɛ laanka naarɛbaa zɛnɛɛ. Gána lɛ á boe la a kaa wɔ baa ka bɛa yɔrɔ kɛ lɛ nɛ?»

Ezekieli 38:10

Masɛ Dɛnaa Lawa n kɛ pii: – Bɛa pinaa kɛ lɛ nɛ, taasiɛ gigiã á re die n yiri ni, n tá re sii baraa zɛnaa taasɛ.

Ezekieli 46:18

Goledɛnaa lɛ doamaa bie a zaman lɛ a min kɔn a bǎã kũ a si la ka pàã-n wa. A bɛ́ re bǎã mɛn koe a nɛnyaanan lɛn la, a doamaa nɛ a bɛ kuru a din wɔ nɛ, màn mɛn bɛ́ toɛ, a zaman lɛ a min kɔn wɔlɔ baran lui a din a bǎã ganaa wa.»

Misee 6:12

A giala, kiwi lɛ a pàãman kakaarɛbaa la yii ni, a minin kɛn man soɛn boboe, màn kɔn ba ǹ lɛ-n wa, yǎa kɔn bebelee.

Nahumu 1:11

Nsɛ Ninivu, giĩ goon soo n ne a n sii wɔ kɔn yɔrɔ boe Dɛnaa Lawa ganaa.

Zakarii 7:10

Ka nyan mɛnaa nɛ toen laanka lɔ giɔɔrɔ la wa, tii laanka doobaa nɛ. Ka nyan taasiɛ baraan wɔ kɔn a paǹ li wa.»

Marki 15:1

Baayɛlɛ yiisoon ne, kiri-kurulin tumaa, Lawa a wúlu-bɔlen goledɛnan laanka landa sii-daraalin nə́ kɔn yɛ fufuu, ǹ nə́ n lɛ kaa kun boo goon ganaa. Ǹ nə́ Yezu yii ǹ nə́ woo kɔ gánadɛnaa Pilati la mà a kiri wɔ a ganaa.

Luku 20:19

Landa sii-daraalin laanka wúlu-bɔlen goledɛnan nə́ dɔ̃, mà Yezu na á boo giməə kɛ lɛ da ǹsɛn ganaa. Bɛ lɛ tamaa yii, maǹ nə́ goã giɛ li ǹ kũ bɛa bǎã kɛ lɛ nɛ, sɛnɛ, maǹ nə́ nyɛ́ɛ baa zaman nɛ.

Zaã a sɛ́wɔ 19:11

Yezu tɔ́n pɛ nɛ: «N ba boe la n sii kɔ́n zɛnaa masɛ nɛ, bɛ̀ Lawa ná a lɛ kɔ n la wa. Bɛ lɛ din taãn na á toa, min mɛn ma wɔ n gɔn, bɛa sii baraa á gole a mìi ni á la nsɛ wɔ nɛ.»

Nya ǹ dín 23:12

Lɛ̀ bɛ́ á waa, Zuifun nə́ n lɛ kaa kun basaã a lɛa. Ǹ nə́ n liɛ, mà ǹsɛn ba màn kɔ́n we ǹ lɛ-n wa, ǹsɛn ba mu mii wa, yǎa ǹsɛn nə doe Pooli ganaa ǹ dii a giɛ̃.

Nya ǹ dín 23:15

Haya, ka n lɛ kaa kun ka kiri-wɔlen lɛn nɛ, ka pɛ sɔraasin goledɛnaa lɛ nɛ, mà a Pooli lɛ bɔ a dia, ǹ na a sii yɔrɔ bɔ taãn-taãnɛ kəni. Wɔsɛn yɔrɔ boemaa nɛ wɔ dɛ, bɛ̀ a baa doe ka li.»

Rɔmu minin 1:30

ǹ nə́ kɔn tɔ ziziɛ̃. Ǹ ba Lawa narɛ wa, ǹ ba min guguru koe wa. Din gole-kɔlen manɛ, ka din-laakalaalin ni. Maǹ nə n taasɛ biikoo tumaa li, ka sii baraa zɛnaa ǹ gɔn nɛ. Ǹ ba n too koe ǹ yɛ wolen lon wa,

Timəə dí-pɛn 28:32

Tɔrɔ kɔsɔn tá re kaa nɛgiĩn laanka kaa nɛlɔn kuĩ ǹ wo ǹ ne bɛ̀rɛn lɛa, ka dinin yii ni. Bɛ̀ lɛ̀ waa lɔn ka á re n yii diɛ ǹ bɔyaa a da piɛ la ka nɔmaa, ka a re boe la ka sii kɔn zɛnaa wa.