Misee 1:11 - LAWA A BOO SONBORE

¹¹ Safiiri minin, ka wo ka ka tontoro ne, ka kaa sìi ni. Saanan minin dinin ba re soe doo wa. Bɛti-Esɛli minin dɔn bɛ́ ke wuu kɛ pii, n duduwii, kaa duru ǹ bǎã ba walan doo wa.

LAWA A BOO SONBORE 2011

¹¹ Safiiri minin, ka wo ka ka tontoro ne, ka kaa sìi ni. Saanan minin dinin ba re soe doo wa. Bɛti-Esɛli minin dɔn bɛ́ ke wuu kɛ pii, n duduwii, kaa duru ǹ bǎã ba walan doo wa.

Misee 1:11 ပူးပေါင်းရင်းမြစ်များ

Izayii 16:2

Moabu gána lɔn man golee-n Arnɔn tà lɛ-a. Maǹ ka bàan baa-silin bɛ́ lɔn, ǹ nə́ ǹ loo ǹ nə́ ǹ bɔ ǹ kii ni.

Izayii 20:4

Asiiriin kii á re Ezipti minin biɛ bɛ̀rɛn lɛa, a Etiopii minin goa a wo ǹ ne. A n die woe ǹ ne, nɛ tenən laanka min zizin ni, ǹ gɔ̀nɔn laanka ǹ gòã kooromaa, ǹ tontoro n diɛ nɛ. Bɛ á re sìi biɛ Ezipti minin ganaa.

Zeremii 13:22

Bɛa biikoo li, n tá re nɔ̀n diɛ n din la mà wàa na á baa kɛ á n yii. Sonbore, bɛ̀ ǹ nə́ n mɔnaa goa lon, bɛ̀ ǹ nə́ n kũ ka pàã nɛ, n din a sii baraa damata lɛ a lɛa nɛ.

Zeremii 48:6

Ka papaã ka n bɔ kànaa, ka nyin a lɛa. Ka n baa ka Aroɛɛrɛ bɛ́ lɔn diə gole ne!

Zeremii 48:9

Ka nyàa kan kɔ Moabu gána la, a giala, a n li a piɛ̃! A kiwin man die goɛ̃ ka diə gole bɛ́ lɔn, min kɔn ná a giɛ̃ ǹ nɛ wa.

Ezekieli 16:37

Á ke, a bɛ́ miɛ̃, n sii kɔɔ̃n kɔ tɔntɔraan mɛnɛn tumaa ganaa, n nə ǹ mɛnɛn tumaa narɛ, ka ǹ mɛnɛn tumaa bɛ ǹ kɔɔ̃n kɔ n ganaa wa, ma á re ǹ tumaa soekɔn. Ma á re n tontoro diɛ ǹ yɔrɔ-a. Ǹ tá re n sìi tumaa yii.

Ezekieli 23:29

Ǹ tá re n kuĩ ka zɔ́ɔbaa nɛ. Bɛ̀ ń dí nya ń màn mɛn yɛ, ǹ tá re bɛ tumaa kuĩ ǹ si n la. Ǹ tá re n mɔnaa boe ǹ bɔ n ganaa, ǹ nə n gɔ̀nɔn kooro da. N bɛ́ kɔrɔbaa lɛ zɛnɛɛ ka n tontoro mɛn lɛ nɛ, ǹ tá re bɛ boe ǹ da wɔlɔ fúlu-a. Man die bɛ zɛnɛɛ n nɛ, n gɛsɛbaa laanka n kɔrɔbaa lɛ taman yii.

Misee 1:8

Bɛ lɛ n ke, masɛ Misee á die wuu pii, man din dɛdɛ. Man die n sɔlɛɛ, ma tɔ wɔ ka ma gòã kooro ne, ka yii koe-yele n ma nɛ. Man die n lɛ dii ka toloka bɛ́ lɔn, man die lɛ biɛ, ka bɛnda bɛ́ lɔn.

Nahumu 3:5

Dɛnaa Lawa Pàãyiidɛnaa na á kɛ pɛ: Á ke, ma lɛ nə n li. Ma á re n mɔnaa lusi ma kɔ ǹ yɔrɔ lɛ, ma n tontoro nyaa tɔrɔ kɔsɔn manɛ. Gána kɔsɔn kɛn tá re n sìi yii.

Zakarii 14:5

Bɛa nyankɔrɔ lɛ kɛ lɛ kelen lɛn bii ni, ka n die baa sii ka bɔ ka bɛ lɛ nɛ, a giala, a n woe yǎa Asali. Ka n die baa sii, ka ka digolon wɔ bɛ́ lɔn, Zudaan kii Oziasi a waáraa, tán a bìn diɛ pinaa. A da yaa, Dɛnaa Lawa, maa Lawa n die die ka a lon a dia dí-a wolen kɛn tumaa nɛ.

Zozoe 15:37

Kiwi kɔsɔn mɛnɛn nə goã walan, bɛn man ka kɛn nɛ: Senan, Adaasaa, Migdaali-Gaadi,